|
|
 وا حسرة فؤادك ياسودان
|
دعوه لمحبي و عاشقي , موردي ومنتمي السياسيه
اجلسو مع انفسكم ولا يفوتكم انكم محاسبين في
يوما ما
هناك عراء حفاء ضعفاء جوعا مرضي في اطراف الوطن واوسطه
ينتظرون ما تجود به عقولكم تجاه المحنه التي يعيشونها فانتم مسؤالين عنهم اما الله
بغض النظر عن معتقداتكم الدينه فالكل يؤمن بان هناك حساب ومحاسب
******************
في الحزن الكبير محبوس مكتف ديمه
تايه في الهجير ما لاقي ضل في خيمه
مالي من نصيب لو كان شجيرة نيمه
مسكينا... فقير شايل الكرب تقسيمه
***
لكن يا سودان حبك سكن في جوفي
سكنة مستديم يافاطمه قومي وشوفي
من عشق الوطن تلقني زايد خوفي
مكتول بالكمد كتلة فقيرا صوفي
***
في الخرطوم بشوف موتي وحياتي وامري
منذور للوطن... دمي ودموعي وعمري
مالي من هدف في نضمي او في شعري
غير وطني الحبيب الديمه شاغل فكري
***
في ارض الجنوب شايف جمال سوداني
وناس كردفان ودارفور شايف تمام اخواني
في نيل الشمال عاشق كتيل وجداني
في ارض الشرق شوقا سكن ... مصراني
***
لكن ... ياوطن كيف العمل و الحيله
عقدك منفرط.. والناقصه كيف تكميله
متحير بشوف اعوج... كتير في ليله
سهران فيك بفكر ما ... لقيت تاويله
***
وا حسرة فؤادي المحن جات تبلاني
وين وحدتنا... ليه متفرقين ياخواني
خلينا الامور صعبت... كتير ما بينا
والحل يا شباب سودانا ... بين ايدينا
***
مزقنا.... الوطن كيمان وصارت سيره
ما بين الطمع ....والاحتراب والغيره
حقك يا وطن نرفع ....جميع تكبيره
ياخوانا البلد لازم نكوس .... تعميره
******************
الزارعه الله في الحجر بتقوم
|
|
 
|
|
|
|
الرشيد ابراهيم احمد
فيس بوك
تويتر
انستقرام
يوتيوب
بنتيريست