|
|
|
 Re: الليلة الجليد حدو الركب (Re: Tragie Mustafa)
|
الليلة يا تراجى الاخبار
كلها عن الجو .
من شويتين كدى كان فى واحد
من المعهد الأمريكى للأرصاد يتكلم عن
وصول ارتفاع الجليد الى 15 سنتيمتر . وقال
فى احتمال كبير درجة الحرارة تقيف فى الصفر .
وبرضو حاكم فرجينيا أعلن حالة الطوارى . وباكر
الدنيا كلها VOLUNTEER عشان الجليد .
| |
 
|
|
|
|
|
|
|
|
Re: الليلة الجليد حدو الركب (Re: سيف الدولة كامل)
|
عارف يا سيف الدولة
عندنا زول عندو جرافة وعندو كراكة .
بنوم طول السنة . بس ينتظر الجليد .
زولك الليلة ساعتو الواحدة 100 دولار
يعنى يجيب فرق السنة كلو فى أسبوع .
اسمع لو عندك كراكة سكند هاند قول عوووك .
| |
|
|
|
|
|
|
|
|
|
Re: الليلة الجليد حدو الركب (Re: hanouf56)
|
عثمان ..حبابك يا صديق
| Quote: فى احتمال كبير درجة الحرارة تقيف فى الصفر . |
صح على قول الصديقة تراجي انتو ، ناس امريكا ، جرسه..!!
درجة الحرارة الآن ، في مدينة كالقري ، سبعة تحت الصفر..
و العالم ( المجتمع السوداني في المدينة) فرحان غاية الفرح لأنو الجو دافي شوية و ممكن الناس تحضر حفلة الأستاذ عمر احساس بمزاااااااج..!!
هنا يا عثمان ، في اللحظة دي بالذات ، ماشي بكرعينك ح تدق الدلجة (تنزلق).. سايق عربية برضها ح تنزلق..!!
و لمن تبقى درجة الحرارة صفر.. فهو العيد بعينه..!!
نسأل الله أن يصبكم دفئ..!
كبر
| |
|
|
|
|
|
|
|
|
|
Re: الليلة الجليد حدو الركب (Re: Osman Musa)
|
..
مقتل 5 في "أسوأ" عاصفة تضرب شرقي الولايات المتحدة خلال 10 أعوام
اعلنت سلطات الملاحة الجوية في واشنطن التي غطتها طبقة كثيفة من الثلوج البيضاء ان "معظم الرحلات الغيت"
قتل خمسة اشخاص وتعطلت وسائل المواصلات في الساحل الشرقي للولايات المتحدة السبت وذلك بعد أن ضربت المنطقة عاصفة ثلجية قد تكون الأسوأ منذ عشر سنوات.
وارتفع مستوى سقوط الثلج إلى أكثر من 30 سنتمترا فيما تحذر الأرصاد الجوية من هبوب رياح عاصفة تبلغ سرعتها 64 كيلومترا في الساعة.
ويتوقع أن يبلغ منسوب الثلج في منطقة واشنطن دي سي ـ بالتيمور إلى 55 سنتمترا ليكون الأعلى منذ عام 2003.
وتتحرك العاصفة شمالا باتجاه مدينتي نيويورك وبوسطن، اللتين يتوقع أن يبلغ علو الثلوج فيهما 35 سنتمترا.
وكانت حالة الطوارئ قد أعلنت في العاصمة واشنطن وأغلق مطار ريجان الوطني خلال الليل.
كما ألغيت معظم الرحلات من وإلى مطار بالتيمور في حين يواجه المسافرون عبر مطاري فيلادلفيا ونيويورك ساعات انتظار طويلة.
وأعلن مطار جون اف كينيدي الدولي، أكبر مطارات نيويورك، تأخر العديد من الرحلات وناشد المسافرين التحقق مقدما من حالة الملاحة مع الشركات.
غطاء من الثلوج
واستيقط سكان واشنطن صباحا ليجدوا غطاء من الثلوج بارتفاع 20 سم. وتتوقع أجهزة الأرصاد الجوية أن تصل كثافة طبقة الجليد إلى 60 سم ليلة السبت الاحد.
وقال رئيس بلدية واشنطن، ادريان فينتي، التي بدأت الثلوج تتساقط عليها مساء الجمعة "كل المؤشرات تدل على أننا نواجه عاصفة غير عادية بل وربما تكون الأسوأ منذ سنوات".
واضاف متوجها الى السكان "اذا لم تكن هناك ضرورة ملحة فمن الافضل لكم البقاء في المنازل "مشيرا إلى أن تساقط الثلوج سيتوقف صباح الاحد.
من جانبه أوصى بريان جاكسون الخبير الجوي في الجهاز القومي للأرصاد الجوية السكان بـ "الاحتفاظ بحقيبة اسعافات أولية شتائية. واذا حصرتم في الطريق لا تخرجوا من السيارة".
وصباح السبت كان عدد السيارات والمارة الذين جازفوا بالخروج نادرا في شوارع العاصمة الواسعة.
صعوبة كبيرة
واعترفت الأجهزة البلدية بانها تواجه صعوبة كبيرة جدا في العثور على كاسحات ثلوج وعلى مواد تذويب اضافية.
ووجهت التحذيرات من العاصفة الثلجية منذ مساء الجمعة على طول ساحل الاطلسي من كاليفورنيا الشمالية الى فيرجينيا.
وفي هذه الولاية الواقعة جنوب ولاية واشنطن اعلن الحاكم تيم كاين حالة الطوارىء. واستنادا الى جهاز الارصاد الجوية يمكن ان تبلغ كثافة الثلوج 65 سم.
وقد تحولت العواصف القادمة من جنوب البلاد الى عواصف ثلجية مع اقترابها من مناطق الشمال الشرقي حيث كانت درجات الحرارة منخفضة منذ أيام. واستنادا إلى الارصاد الوطنية فان تساقط الثلوج سيستمر حتى صباح الأحد على الاقل.
| |
|
|
|
|
|
|
|
|
|
Re: الليلة الجليد حدو الركب (Re: Osman Musa)
|
غايتو الضهر وصل لنصي كده. من سنه سته و تسعين ما شفت زي ده فيك يا فرجينيا. المشكله وقعت و ما قدرت اقوم عشان مافي حاجه امسك فيها و اتكل على التلج اغطس لجوه, بيني و بينكم كده فكرت احبى لمن اصل عربيتي امسك فيها لكن الله سهل القومه :)
| |
|
|
|
|
|
|
|
|
|
Re: الليلة الجليد حدو الركب (Re: Dania Elmaki)
|
في لحظة من اللحظات كنا أبرد بقعة في العلم الاسبوع الفات
حيث وصلت 50 تحت الصفر
و اخوك كان حايم و شعال ذاك اليوم
الليلة اخر ارتفاع وصلت صفر
قربت امشي بالمايوه
طبعا خبر سيئ ارتفاع درجات الحرارة
فهي ترتفع ليهطل الجليد
فتبرد مرة ثانية
لتعمق من صعوبة الحياة
الموجود في الشوارع الان من هطلتين ماكنات
نحو 40 سم
و لا زال الشتاء يحبو.
تحاياي يا تراجي
| |
|
|
|
|
|
|
|
|
|
Re: الليلة الجليد حدو الركب (Re: سلمى الشيخ سلامة)
|
يا سلمى ربنا يتمم للجماعة بخير .
قصة العاصفة تحير الليلة .
الجليد رقد جبال .. يا حليل زمن الحمير .
الحمار الحر ماعندو مانع يمشى فى حر فى برد فى طين ولا محتاج تامين ولا وجع رأس .
تنهر حمارك كلها ساعة وأنت فى قلب السوق .
ربك يهون .
| |
|
|
|
|
|
|
|
|
|
Re: الليلة الجليد حدو الركب (Re: Ahmed al Qurashi)
|
حصلني يا عثمان مغرز في smith and 4 pls في زول بصدق الكلام ده والله يا عثمان جرتني كراكة
الستي لي بره الشارع , بعد حفر ساعة لامن وصلوا الجماعة عشان ينظفوا الشارع لقوا اخوك مستكي,
ادبه والله.
| |
|
|
|
|
|
|
|
|
|
Re: الليلة الجليد حدو الركب (Re: Osman Musa)
|
والله يا عثمان كلامك صاح الله يكون في عونهم ما دام نحن ناس غرب بوكلين واحياء اليهود
دي حالها ما بالك ناس قريعتي راحت ما في زول بجيب خبرهم الي بكرة ربنا يكون في العون.
بس طمنا عليك انت وين في الميمعة ده يا عثمان؟
| |
|
|
|
|
|
|
|
|
|
Re: الليلة الجليد حدو الركب (Re: سيف الدولة كامل)
|
انا من زمن
دقيت اوتاد خيمتى هنا .
فى أحد مضارب فرجينيا . نتجول حسب المراعى . والحلال وبعد أن هرب المال .
المراعى يا سيف فى نيويورك ولا بلاش . دهسير جد . والعلف جد . والدجاج دجاج
.. لابد من الستى وأن طال السفر .
يازول هنا جليد وفلس .
| |
|
|
|
|
|
|
|
|
|
Re: الليلة الجليد حدو الركب (Re: Osman Musa)
|
Quote: وبرضو حاكم فرجينيا أعلن حالة الطوارى . وباكر
الدنيا كلها VOLUNTEER عشان الجليد . |
عثمان سلامات
غايتو من أمبارح أميركا ورتنا وشها التاني..ده الشتاء الأول اللي أحضرو هنا..(سبرينغفيلد - فيرجينيا)، أمبارح ما هوبت برة البيت، لكن اليوم كان لازم أمشي الشغل..وعلى الرجلين..مشوار 5 دقايق أخد معاي 40 دقيقة بالضبط خوف الزحلقة - على كبر - وده كوم وهمّ الرجعة كوم تاني..وده كلووو كوم وهم المشي للشغل بكرة الساعة 5 صباحا كوم براهو..
| |
|
|
|
|
|
|
|
|
|
Re: الليلة الجليد حدو الركب (Re: Osman Musa)
|
الاخ عتمان موسي
السلام عليكم تشكر علي البوست البارد دا
انتا قلتا الجليد و صل حد الركب .. انتا قاعد وين في ام ضريوة ؟
نحنا هنا شمالكم شوية و دقا في عرش الراكوبة عديل كدا .. و ما قايم من النت دا الليلة
اليقولوا عليهو ضرتهم ..
و بعدين مش نضافة التلج دي ليها كورليشن ب السكتة القلبية .. يا جماعة ما تمرقوا و لو في مسيرة .
و سلام للمتداخلين عليكم بشوربت السمك و زيتو
| |
|
|
|
|
|
|
|
|
|
Re: الليلة الجليد حدو الركب (Re: Osman Musa)
|
Quote: عندنا زول عندو جرافة وعندو كراكة .
بنوم طول السنة . بس ينتظر الجليد .
زولك الليلة ساعتو الواحدة 100 دولار
يعنى يجيب فرق السنة كلو فى أسبوع .
اسمع لو عندك كراكة سكند هاند قول عوووك . |
عثمان الله يجازي محنك ذكرتنى والدى بجي بسكن معاى في اخر عشرة ايام من اجازتي السنوية وصادف اخر عام ود اختو اسمو حسان كان بيشتغل ببيع موية باردة بالصفيحة في السوق الشعبي بتاع امدرمان - اها في يوم السخانة ولعت ووالدى في الديوان يقول طلعونى ومرة دخلوني وهكذا من شدة الحر اها في اثناء ما نحن شايلين عنقريبو برة اتلفت يمين وشمال وقال لينا الليلة حسان ود اختى بجيب المال بالشوالات
| |
|
|
|
|
|
|
|
|
|
Re: الليلة الجليد حدو الركب (Re: الطيب شيقوق)
|
محمد عثمان
بوسطن طالباك جية انشاء الله
سيف اليزل برعي و باقي الجماعة زعلانين لانو العاصفة جات يوم الاحد
| Quote: .. بوسطن كيف ؟ وانشاءالله الناس كلها بخير ؟ |
وأنا علي قولك فكيت الجبس و لابس اللوكينق بوت .. اهو .. داهمني الجليد
و الضاق الجبس براو .. برجع للحبس
كلهم تمام و متخندقين في امان الله
انشاء انتوا بخير و عافية ..
| |
|
|
|
|
|
|
|
|
|
Re: الليلة الجليد حدو الركب (Re: الطيب شيقوق)
|
ودشيقوق
سلامات
والله حسان ود عمتك الليلة لو عندو كراكة
كان جاب الدولارات بالشوالات .
ما عارف فاتت علينا دى كيف .
مرقنا لا ذهب السودان ولا كراكات أمريكا .
يا الطيب خبر ود حامد شنو ؟
| |
|
|
|
|
|
|
|
|
|
Re: الليلة الجليد حدو الركب (Re: سيف اليزل برعي البدوي)
|
يا سيف
أعمل حسابك ... يشوفوك الجماعة بتاعين ال وول مارت
أنا هسي متعكز و ماشي علي بست باي متوقع الكبسيبة مع التنزيلات
اعمل حسابك من الديجيتال و الجليد .. الضايق الوقعة ما بتطلع في السقعة
عليك بي الهييت و الترمس و الفضائيات يا معلم
محمد الفاتح الكوتش
| |
|
|
|
|
|
|
|
|
|
Re: الليلة الجليد حدو الركب (Re: Osman Musa)
|
عثمان أخوى
أنحنا هنا فى كونيكتيكيت الحكاية وصلت قدمين والدنيا باردة نخرة كلب بس
وانحنا فى جنس الحالة العلينا دى طبعا البنيه عاوزه تلعب بره فى التلج
وبديت ألبسها فى ملابس البرد أكتشفنا أنو البوت بتاعها بتاع الجليد بقى أصغر
منها (قول ماشاء الله باقى عيال البلد دى رجليهم بتكبر كل يوم رجلين حراميه بس)
أها عشان اطلع العربية وامشى اشترى بوت انا بحفر لاكثر من ساعة اتذكرت ايام الثانوى وكنا
شغالين طلبة مع عمك الاسطى الطعيمة فى الابيض. بعد خراج روح طلعنا العربية ومشيت
رجالة ساكت وعينى فى راسى اشتريت البوت بالشئ الفلانى وجيت راجع عشان ألبسها واوديها برة تلعب
يعنى ميته وخراب ديار تعب جلد وخسارة جيب وبرد يذكرنى شاهى الحاجة فى السودان باللقيمات
غايتو ربنا يصبركم يا ناس فرجينيا انحنا لو قدرنا نحفر لينا قد يطلعنا من الحفرة دى بنحاول نفزعكم
| |
|
|
|
|
|
|
|
|
|
Re: الليلة الجليد حدو الركب (Re: سامى عتبانى)
|
يا سامى عتبانى
عاين عربيتك دى جكنت كلوكلو .
ولا بتطلع ولا حاجتيين .
شوف بس تمشى تجيب المضرب بتاع تايغر وودز وتقع فيها خبت . أخبت يازول .
دشدش ابوها زاتو يمكن يطلع ليك تعويض .
يازول ما كنت مرتاح هناك ولا جليد ولا حسكنيت مالك ومال التلاتل دى .
| |
|
|
|
|
|
|
|
|
|
Re: الليلة الجليد حدو الركب (Re: سيف عبد العزيز)
|
سيف عبدالعزيز
حولا Connecticut يازول .
يا سيف جهات كونيكتيكيت ونيوهافين ديل ابرد حتات
فى البلد دى . غايتو بس تعبى جيوب الجاكت لقيمات .
وفى البيت يكون عندك 3 كفتيرات النوع الكبير .
| |
|
|
|
|
|
|
|
|
|
Re: الليلة الجليد حدو الركب (Re: Osman Musa)
|
الولايات المتحدة يومي السبت والاحد تحت الثلوج مما أدى الى إحداث اضطرابات في وسائل النقل العام والملاحة الجوية وعطل المتسوقين في الفترة التي تسبق عيد الميلاد.
وكان من المتوقع أن يصل سمك الجليد نحو 56 سنتيمترا حتى يوم السبت في منطقة بالتيمور وواشنطن وهي كميات تزيد عن الثلوج التي تسببت فيها أي عاصفة ثلجية في المنطقة منذ فبراير شباط 2003 مع انتقال الرياح شمالا الى نيويورك ونيو انجلاند.
وكانت الثلوج تسقط بمعدل خمسة سنتيمترات في الساعة مما أدى الى إلغاء أغلب الرحلات الجوية في ثلاثة مطارات رئيسية بمنطقة واشنطن قبل اغلاق اثنين منها وهما ريجان وبي.دبليو اي حتى صباح يوم الأحد. كما أضر تعطل الرحلات الجوية وإلغاؤها بمطار فيلادلفيا الدولي.
وربما تؤثر هذه العاصفة بشدة على مبيعات التجزئة في واحدة من أكثر الفترات رواجا.
وأعلن ادريان فنتي رئيس بلدية واشنطن حالة الطواريء بسبب الثلوج وطلب من سكان العاصمة الامريكية الابتعاد عن الشوارع في الوقت الذي تواجه فيه واشنطن ما أسمته احدى المحطات التلفزيونية "العاصفة المانعة للتسوق".
وألغت واشنطن خدمة مترو الانفاق في المناطق التي تسير فيها القطارات فوق الارض وأوقفت كل خدمات الحافلات بحلول بعد ظهيرة يوم السبت لان الشوارع غير صالحة للسير.
وظل هناك تحذير قائم من هبوب عاصفة شديدة حتى وقت متأخر من صباح يوم الأحد.
واستمرت الملاحة الجوية في المطارات الرئيسية الثلاثة ولم تبلغ سوى عن عمليات تأخير محدودة لكن شركات الطيران ألغت مئات الرحلات الجوية وكانت الرحلات التي انطلقت بالفعل محدودة.
كما أن خدمات مترو الانفاق ظلت قائمة لكن المسؤولين حذروا الركاب من احتمال تعرضهم للتعطيل.
ومن المقرر أن يبلغ المسؤولون المواطنين بالأثر الذي أحدثته العاصفة وخططهم لمواجهة تلك الآثار خلال مؤتمر صحفي صباح يوم الأحد.
وتضررت القطارات أيضا بسبب الثلوج. وقالت فارناي جراهام المتحدثة باسم شركة امتراك للقطارات ان رحلات القطارات بامتداد الممر بين بوسطن وواشنطن تأخرت بما بين 30 و60 دقيقة. كما أنه كان هناك تأخير ما بين ساعتين وثلاثة في المسافات الطويلة.
وأعلنت حالة الطواريء في كل من ولاية فرجينيا وولاية ماريلاند وتم استدعاء قوة الحرس الوطني لمواجهة العاصفة.
وأسفرت هذه العاصفة عن مقتل امرأة واحدة. وقالت ادارة مواجهة الطواريء في فرجينيا ان امرأة عمرها 68 عاما لقيت حتفها في حادث سيارة بجنوب الولاية ليل الجمعة.
وأسفرت الأمطار التي تسببت فيها عواصف الاطلسي القوية عن فيضانات في فلوريدا وجورجيا وساوث كارولاينا في وقت سابق هذا الاسبوع.
| |
|
|
|
|
|
|
|
|
|
Re: الليلة الجليد حدو الركب (Re: Osman Musa)
|
شباب امريكا
الله يعينكم ياخ
واحدة من امنياتي منذ الصغر انو امشي حتة فيها جليد عشان اتزحلق وكدة ولكن
بعد صوركم وكلامكم دا غيرتا رايي عديل كدة ياخ لمن بردتا معاكم رغم انو درجة الحرارة عندنا 30 مئوية
الله يعينكم
| |
|
|
|
|
|
|
|
|
|
Re: الليلة الجليد حدو الركب (Re: Osman Musa)
|
شـكرا الاخ عـثمان واهـتمامك بنا.
الجـليد عـندنا فـى شـادى قـروف ارتفاعـه قـدمين ,ودرجـه
الحـراره انخفضت الـى حـوالى 10 درجات تحت الصفر
ومـن اليوم داك مكرفسـين فـى اخـر كورنه.
| |
|
|
|
|
|
|
|
|
|
Re: الليلة الجليد حدو الركب (Re: ABDALLAH ABDALLAH)
|
حد الركب بس؟
انت كان كدى ماشفت الجليد
تعال بوسطن وقت الجليد الجد
ما ح تعرف عربيتك الا بالأريَل بتاع الراديو
تعمل فى قطعة دلقانة ملونة اعلى الاريل عشان تفرز سيارتك من باقى العربات المدفونة
تحياتى ياود موسى
قول جليد حدو النخرة عشان تلفت انتباه بورداب بوسطن
انا دخلت بوستك دا بعد وساطة قام ليك بيها
اخونا سيف اليزل
ماتنسى تشكرو
كِوَيِّسْ؟
| |
|
|
|
|
|
|
|
|
|
Re: الليلة الجليد حدو الركب (Re: محمد النيل)
|
عزيزنا
محمد النيل
ها زول ها ياتو قطعة دلقانة ملونة على الاريل ؟
انا هسع شغال تفتيش عن عربات الجيران بالجهاز بتاع كاشف الذهب .
التلفزيون يا محمد يوم الجمعة قال كلام والحصل ده كلام تانى . جد . القصة
كبيرة .
ربك يستر على الناس .
| |
|
|
|
|
|
|
|
|
|
Re: الليلة الجليد حدو الركب (Re: ABDALLAH ABDALLAH)
|
كيف حال العم عبدالله
والأسرة الكريمة .
والله يا عم عبدالله بس البركة فى ال Metro ده .
لو لا المترو كان يكون احسن ليك تشتغل فى واشنطن وتسكن فى الجريف شرق .
وايهاب يكون شغال فى TAKOMA وساكن فى العيلفون مربع 8 .
سلامات
| |
|
|
|
|
|
|
|
|
|
Re: الليلة الجليد حدو الركب (Re: Osman Musa)
|
غايتو كتلتونا بالضحك يا ناس امريكا الجرسه
يا اخي ما تجوا تشوفا الردوم النحنا فيه ده؟؟
بالله امشوا طلوا لابوست بتاع عمر احساس
وشوف (كبر) صمرو الثلج كيف وقال عادي في كلجري!!
يا اخي ناس ثروت وكبر ومنثور المفتاح ديل من قبل شهر هم وصلوا -50
وناس وينبك ديل ناس ابنوس ديل خلوهم ساي حاجه غريبه وعجيبه خلاص قالوا!
اها نحن ناس اونتاريو ديل قال الكندين بيضحطوا علينا ومسمينا (شريط الموز)
يعني بلادنا حاره شديد ونحن ابد منكم مليون مره!!اها لكم ان تتخيلوا باقي كندا!!
| |
|
|
|
|
|
|
|
|
|
Re: الليلة الجليد حدو الركب (Re: Tragie Mustafa)
|
العربية اللى ماناسين فيها خاتم دهب ول اى ذهب ما ح تلقاها لانو الجهاز ما ح يصفر
والامريكان ما شغالين بالدهب
حفِّر حفيرك ساكت
فى الاسنو الجاى اتسلف غويشة من زوجتك خليها فى الطبلون
ولو ما متزوج
انتظر الصيف ح تلقى عربيتك
ول اقول لو متزوج واحدة فى السودان
دبِّل واحدة تانية هنا
عشان تراجى تتغاظ
ههههههههههه
نحنا قعد نفتش عرباتنا هنا بالكلب البوليسى
| |
|
|
|
|
|
|
|
|
|
Re: الليلة الجليد حدو الركب (Re: محمد النيل)
|
تحاياي يا عثمان
التلج وصل وين
يا تراجي ياخي ما تفولي علينا
انا ايدي اتملخت من قش التلج.
اليوم صحينا ليقناهو مدور
و لي اسه مدور
روحنا مرقت
لكن غايتو الوضع احسن شوية
اسه 10 تحت الصفر
عثمان ما تجو تشيلو حته ياخ من الخير دا
| |
|
|
|
|
|
|
|
|
|
Re: الليلة الجليد حدو الركب (Re: ثروت سوار الدهب)
|
كدى يا عثمان اخوى اسعالك .
دحين جليدكم دا وقت الشمس تفقع ويسوح بقوّم ليهو نبات ؟
ووقت يسوح مويتو بتسيل في الوديان ؟
ووقت يسوح بسوى وحل؟
ووقت يسوح مويتو بتتجمع في المرانع والوزين بجي يعوم فيها ؟
| |
|
|
|
|
|
|
|
|
|
Re: الليلة الجليد حدو الركب (Re: محمد النيل)
|
ياجماعة بالجد كدة كلمونا عن الجليد زي ماقال شيقوق
سمعنا انو الزول مابكون بردان شدييييد , البرد الناشف , البعمل القشف داك والا البرد الطري الناعم
زي الجليد في حكايات اليس في بلاد العجايب البخلينا نشتهي التلج ,
الجليد المربوط عندنا باحتفالات الميلاد والشمبانيا , كلمونا عن احاسيسكم هل هي
نفس الاحاسيس لمن تكون في مطرة شكشاكة كدة والجو لذيذ يخلي الزول مبتهج وضاحك والا زي هبوب السودان المزعج داك وبخلي الزول صاري وشو وزهجان من الدنيا , كلمونا عن بتستحملوا البرد الزي دة كيف وانتو
الجايين من بلاد عقاربها بتطلع برة من الحر وابلها بتنهك من السموم , خلونا نعيش احاسيسكم فقبل
هذا البوست كنت احسدكم على التلوج
| |
|
|
|
|
|
|
|
|
|
Re: الليلة الجليد حدو الركب (Re: awadharoun)
|
يا عوض هارون
يا أخوى سموم السودان دى أحلى شىء .
والحر ؟
الحر يا حليلو .
مشتهين يا عوض الهبوب ديك والعقارب والحمير .
يا عوض ده جو يخليك مدبرس اسبوع وصارى وشك شهرين .
والله حظك يا عوض ضارب الفيافى وحليب المراعى حظك .
| |
|
|
|
|
|
|
|
|
|
Re: الليلة الجليد حدو الركب (Re: الطيب شيقوق)
|
ود شيقوق
هى شمس الجن دى تفقع متين ؟
وكت يسوح يا الطيب بروح المجارى طوالى .
المجارى هنا دنيا . عالم تانى .
يعنى مافى مرانع .
والوزين يا الطيب هنا شحمان شحم السنين وجميل جمال عجيب .
يا حليل النعام ادم .
البلد دى يا الطيب بلد عظيمة شديد .
بس الاسنو يدبرس . ويخليك تسرح وترجع للبلد حقتنا .
| |
|
|
|
|
|
|
|
|
|
Re: الليلة الجليد حدو الركب (Re: ثروت سوار الدهب)
|
ياثروت ناس عمك
حامد سليمان محتاجين لى كم كونتينر ثلج
كونتينر النوع الكبير تسليم جمارك الجيلى .
ربحك مضمون يا ثروت . والبضاعة عندك مجان . بس
تكاليف الشحن والكونتينر .
100 ألف لوح فى 4 دولار مش بطالين .
وتكون أول سودانى عمل IMPORT _ EXPORT فى الثلج من كندا .
اسمع لو عم كمال موافق على الموضوع انا ما عندى ما نع أمسك
التوزيع وكمان عندى بوكس 81 ههههههههه هو عليك الله الواحد يقدر يضحك فى البرد ده ؟
| |
|
|
|
|
|
|
|
|
|
Re: الليلة الجليد حدو الركب (Re: Osman Musa)
|
لكن لمن يصل ناس عمك حامد بكون بقى كفتيرة
على كل حال عمك كمال عنده راي في البزنيس بشكل أيدولوجي
فحقو ما تستشيروه في امور زي دي
مجرد نصيحة
لازال التلج عندنا مدور
الشوارع حالتها صعبة
تحاياي يا كبانية
| |
|
|
|
|
|
|
|
|
|
Re: الليلة الجليد حدو الركب (Re: محمد النيل)
|
يا محمد النيل
يا أخوى
كلب بوليسى فى الاسنو ده ؟
والبحلنى من ناس حقوق الحيوان تانى شنو ؟
يازول الحل بس 6 شهور فى السودان 6 شهور هنا .
وكمان لو عندك كراكة يكون شهرين هنا و10 هناك فى جبل الذهب .
| |
|
|
|
|
|
|
|
|
|
Re: الليلة الجليد حدو الركب (Re: Osman Musa)
|
| Quote: بس الاسنو يدبرس . ويخليك تسرح وترجع للبلد حقتنا |
عثمان اخوى احسن ليكم ترجعوا بلد العزاز والبادوب والباشندى
هسع دحين بتقدر تفرز الواطة الماشي فيها اكان عزازة او باشندية ؟
اها يا اخوى المقابر عندكم كيف ؟ اوع الناس بتقلم الالواح ويدفسوا المرحوم جواها وتقوم تفقع الشمس تسوح التلوج ويبقى المرحوم برة في الصقيعة.
| |
|
|
|
|
|
|
|
|
|
Re: الليلة الجليد حدو الركب (Re: الطيب شيقوق)
|
يا الطيب شيقوق
انا ما فى وأحد فى أهلى الهناك
شاف الثلج الا فى كوارى الكركدى .
الواطة كلها عندنا عزازة وباشندى وقريره . كرد مافى يا الطيب .
السودان ده أجمل واطة وأسمح جو .
بس السياسيين حقننا رهو ساكت وما عارفين . كلام فى كلام والعمر كاسح والجليد
عامل فى المهاجرين عمايل .
المقابر ؟؟
هههههههههه . المقابر يا الطيب هنا مقابر خمسة نجوم وفى مقابر نجمتين ونجمة
وبعدين شواهد المقابر يا الطيب اسكت ساكت .
| |
|
|
|
|
|
|
|
|
|
Re: الليلة الجليد حدو الركب (Re: الطيب شيقوق)
|
ألاسكا
ألاباماأركنساسأريزوناكاليفورنياكولورادوكونيكتيكتواشنطن العاصمةالديلويرفلوريداجورجياهاوايايواايداهوإلينوياندياناكانساسكنتاكيلويزياناماساتشوستسميريلاندمينميشيغانمينيسوتاميسوريالمسيسيبيمونتاناكارولاينا الشماليةداكوتا الشماليةنبراسكانيو هامبشايرنيو جيرسينيو مكسيكونيفادانيويوركأوهايوأوكلاهوماأوريجونبنسلفانيارود ايلاندكارولاينا الجنوبيةداكوتا الجنوبيةتينيسيتكساسيوتافرجينيافيرمونتواشنطنويسكونسنفرجينيا الغربيةوايومنغ
عارف يا ود شيقوق الولايات الفوق دى كلها صبحت جليد .
طبعن القصة دى بتصلح الأقتصاد الذى قد تهكع .
يعنى بعد 6 شهور الوظايف هبطرش . يا سبحان الله
| |
|
|
|
|
|
|
|
|
|
Re: الليلة الجليد حدو الركب (Re: محمد النيل)
|
إجتاحت عاصفة ثلجية كبرى شرق الولايات المتحدة أمس مما تسبب في الدعوة لإعلان حالة الطوارئ في بعض الولايات وحالة من الفوضى في المطارات وانقطاع الكهرباء عن آلاف المنازل وتقطع السبل بمئات من قائدي السيارات.
وأصدرت الإدارة الوطنية لشؤون المحيطات والغلاف الجوي تحذيرات من وقوع عواصف شتوية شديدة وفيضانات ساحلية عبر ولايات وسط الأطلسي حيث تراكمت الثلوج بارتفاع ما بين 33 و66 سنتيمترا.
( من اخبار الصحف )
| |
|
|
|
|
|
|
|
|
|
Re: الليلة الجليد حدو الركب (Re: Osman Musa)
|
واشنطن: قتل خمسة أشخاص في الساحل الشرقي للولايات المتحدة السبت جراء العاصفة الثلجية التي تعد الأسوأ منذ ست سنوات التي ضربت السواحل الشرقية الأمريكية وتسببت في إلغاء مئات الرحلات الجوية وحصول حالة فوضى على الطرقات مع تراكم الثلوج.
وذكرت هيئة الاذاعة البريطانية " بي بي سي" ان مستوى سقوط الثلج ارتفع إلى أكثر من 30 سنتمترًا فيما تحذر الأرصاد الجوية من هبوب رياح عاصفة تبلغ سرعتها 64 كيلومترا في الساعة.
ويتوقع أن يبلغ منسوب الثلج في منطقة واشنطن دي سي ـ بالتيمور إلى 55 سنتمترا ليكون الأعلى منذ عام 2003.
وتتحرك العاصفة شمالا باتجاه مدينتي نيويورك وبوسطن، اللتين يتوقع أن يبلغ علو الثلوج فيهما 35 سنتمترا. وكانت حالة الطوارئ قد أعلنت في العاصمة واشنطن وأغلق مطار ريجان الوطني خلال الليل.
وذكر راديو " سوا" الأمريكي ان سلطات الملاحة الجوية في العاصمة الفدرالية التي غطتها طبقة كثيفة من الثلوج اعلنت أن معظم الرحلات ألغيت في مطار واشنطن الدولي، نقطة انطلاق ووصول الرحلات الجوية الدولية وفي مطار ريغان ناشيونال الذي يستخدم للرحلات الداخلية.
من جانبه، أعلن مطار جون إف كينيدي الدولي، أكبر مطارات نيويورك، تأخر العديد من الرحلات وناشد المسافرين التحقق مقدما من حالة الملاحة مع الشركات.
وتوقعت أجهزة الأرصاد الجوية أن تصل كثافة طبقة الجليد إلى 60 سنتمر ليلة السبت الأحد. وفي فرجينيا، أعلن حاكم الولاية تيم كاين حالة الطوارئ.
وحثت إدارة النقل بالولاية سائقي السيارات على الابتعاد عن الطرق الطويلة، قائلة إن طرقا كثيرة في المناطق الغربية تعتبر خطيرة.
وقال ادريان فينتي رئيس بلدية واشنطن التي بدأت الثلوج تتساقط عليها منذ مساء الجمعة "كل المؤشرات تدل على إننا نواجه عاصفة غير عادية بل وربما تكون الأسوأ منذ سنوات."
وأضاف متوجها إلى السكان "إذا لم تكن هناك ضرورة ملحة فمن الأفضل لكم البقاء في المنازل"، مشيرا إلى أن تساقط الثلوج سيتوقف صباح الأحد.
واعترفت الأجهزة البلدية بأنها تواجه صعوبة كبيرة جدا في العثور على كاسحات ثلوج وعلى مواد تذويب إضافية.ويتوقع أن تصل العاصفة إلى مدينة نيويورك التي أعلنت بدورها حالة التأهب مع انتظار تساقط من 20 إلى 30 سنتمر من الثلوج.
| |
|
|
|
|
|
|
| |
Osman Musa
Tragie Mustafa
سيف الدولة كامل
hanouf56
Kabar
Dania Elmaki
Yasier Elsayed
ثروت سوار الدهب
سلمى الشيخ سلامة
Ahmed al Qurashi
محمد الفاتح خالد حسون
الطيب شيقوق
سامى عتبانى
سيف اليزل برعي البدوي
Kostawi
سيف عبد العزيز
فضل الصادق
بكري عباس علي
ABDALLAH ABDALLAH
محمد النيل
awadharoun
فيس بوك
تويتر
انستقرام
يوتيوب
بنتيريست