الحكايه شنو ؟ وين المورده وين أهلى مدنى وين النيل الحصاحيصا وين أهلى الخرطوم وين برى وين التحرير ..... ملينا هلال مريخ ... خلاص مافى مليونيرات فى السودان غير إثنين ، مافى واحد يدق صدرو ويستلم واحد من الانديه الأخرى .. وينافس هذين الفريقين الامدرمانين . ؟
تصدقوا أنا ومنذ سنوات لم أشاهد هلال مريخ ..؟ ولا أعطي فرصه لاى واحد ( يقظينى ) او يكاوينى ...
أذا فاز الهلال او المريخ ... كله عندى سيان .. لكن تعال إذا لعب المنتخب القومى طوالى السكرى زياده .. أولعب الفريقان الزعيمان ضد الفرق الاجنبيه .. طوالى السكرى زياده .. !!
انا فى يوم من الايام حلمت والحلم حق مشروع .. مش كده !! حلمت بأننى مليونير بالدولار مش بالجنيه !! طيب أعمل شنو ؟ فكرت فى حاجات كثيره ... أول المشاريع كان مشروع ملجأ للعجزه والمساكين والمشردين فى وسط الخرطوم ... تصدقوا حلمى ده جد جد ..
وفايروس الرياضه .. منعنى أن أواصل فى هذا الحلم السابق ..!! إيه رأئك فى تشيد ملاعب رياضيه وأستادات واستجلاب خبير أجنبى يطوف البلاد ، ويفرز الاطفال الموهوبين ... طبعاً ده خواجه عينو صايبه ومابتخيب .. بعد أن عملت الأساس بتاع الاختيار .. أعمل نادى أبتدى من الصفر حتى يبلغ شأنه من الدرجه الرابعه إن كانت هناك درجة رابعه أو ابداء من الدرجة الثالثة
وطبعاً الانتاج زى مزرعة الدواجن العجلة مدوره فى إنتاج اللاعبين عشرين اترفعوا وعشرين إحتياطى جاهز وهكذا ... ! الى أن أفرض نفسى على التسويق الرياضى .. أستفيد من تاسيس أول نادى مؤسس بطريقه علميه ... وبعد داك جاك يالهلال والمريخ البعبع .. الخطير .. وطبعاً أعضاء مجلس إدارة النادى بتاعى .. للذى يدفع أكثر والعضويه أدنى اشتراك مئتين الف جنيه سودانى شهرياً .. وطبعاً الاعضاء من المليونيريه وأشباه المليونيريه ..
نجى للاسم .. طيب ليش مايكون اسم جهوى .. التكينه مثلاً مسقط راسي .. لا .. لا.. لا .. بالطريقه دى حافقد جمهور كبير جداً .. جداً .. جداً .. وناس الحركه حايزعلوا .. وناس كتير حاتزعل .. وناس الحكومه حايزعلوا .. ده جاء من وين ده ..؟؟
جاى من التكينه ويعمل فريق كره زى ده .. !!
طيب مسقط رأسنا وين .. وين شندى .. وين مدنى .. وين الدويم ... والمعاكسات تبداء من هنا .. أقطعوا الكهرباء .. حققوا عن كيفية حصوله على أراضى الملاعب .. أخيراً ودراء لهذه المشاكل سميت فريقى الذى سينافس العملاقان (( السودان )) وصحوت من النوم ووجدت بأن عمرى لايسمح بتحقيق هذا الحلم .. بس الفكره أو الحلم مهداء لكل الحالمين الشباب إيه رأيكم ..؟؟ ودام فضلكم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة