|
|
 شعر الثوره ---------- هاتوا السلام هاتوا --------القصيده الملهمه
|
هاتوا السلام هاتوا
من دون و لا غايات
لا عيش و لا شربات
حزن الوطن مسموع
جرح الجنوب اكبر
طول ما السلاح مرفوع
تبقى البلد صحرا
ما فيها غير الجوع
عين الغزال اسود لون الغزال سودا
*****************
أدى النضال أسبوع
يدلى في الأحراش
زي طلعة القمرة
اوراقو ما بتنداس
ضمخنا بيهو أنفاس
من وردة مسقية
في لحظة منسية
ضيعنا حرية
ضيعنا حق الناس
شتتنا شمل الناس
حرية كانت صاح
حرية كانت صاح
حرية كانت صاح
***************
حسي البلد مقلوبة
سبب الحياة معدوم
حتى الكلام مكتوم
بالبكس و البمبان
و الموتر السجمان
لكن منو البقدر
لكن منو البقدر
لكن منو البقدر
يمنع إرادة ديل
يمنع عزيمة شعب
يمنع نضالنا الجاي
يمنع سلاحنا يقول
بالطلقة و الرصاص
و الحكمة و القرطاس
ثورتنا حتى النصر
ثورتنا حتى النصر
ثورتنا حتى النصر
ضد العساكر ديل
ضد المساخر الليل
ضد الأساؤوا الدين
ضد الأباحوا الناس
ثورتنا حسي تقوم
لا بكرة لا بعدو
ثورة شباب و بنات
ثورة زنوج و عرب
مسلم على وثني
دينكاوي حلفاوي
بجاوي غرباوي
من نمولي لي حلفا
من كسلا لي قيلي
****************
ثورة وطن زعلان
ثورة بلد غضبان
داير شبابو يهب
ينقذ أهالي الريف
من سلطة التزييف
من كوز يبيع في رغيف
وسط البلد بالليل
و الجبهة عاملة نزيف
و جهاد بدون تصنيف
في خط تقول بارليف
بكرة البلد حتقيف
و حنبدا في التصنيف
و ندي المحنة نشيد
نكتب عن السودان
عن طفلة قالت لا للطاغية و السلطان
عن طفلة قالت لا
للطاغية و الكيزان
عن طفلة قالت لأ
للطاغية و السجان
و العسكري المجنون
البفهم المقلوب
و نبني البلد بأمان
بلدا بلا كيزان
بلدا بلا سجان
بلدا بلا سجمان
حرا هو السودان
حرا هو السودان
حرا هو السودان
------------------------
تأليف الحبيب مناوا
http://hi-in.facebook.com/topic.php?uid=5805909193&topic=3712
|
|
 
|
|
|
|
أحمد أمين
عاطف مكاوى
فيس بوك
تويتر
انستقرام
يوتيوب
بنتيريست