|
أفرضوا عشنا بدون ديمقراطية .. حنموت يعني ؟؟؟
|
الديمقراطية البينادوا بيها ناس (يهتدون ) ، ( يلبدون ) ، ( ينفصلون ) دي ما أخير نعيش بدونها ؟ خلاص بقت على الديمقراطية ؟ ماناس بدون ديمقراطية عايشين وفي آمااااااااااااان الله .. السعوديين .. القطريين .. البحرينيين .. العمانيين .. مالهم ؟ مااحسن ناس .. شالوا منهم الديمقراطية وريحوهم للآخر .. لاعندهم مظاهرات .. لاغلبة لاوجع راس كتير ..
وبعدين وينا الديمقراطية البينادوا بيها دي ؟ ماكانوا حاكمين وفيهم ناس حاكمين ( نص بلد) سووا فيها شنو عشان الناس تقول في ديمقراطية ؟ أبسط حاجة ينتزعوا حياة بني آدم زيهم برصاصة ولاعكاز عسكري في مظاهرة من البينادوا بيها عشان يكون أول عتبة في سلمهم الجايين بيه على السلطة ؟ ياهو دي الديمقراطية ؟
خليك من المواطن ، العسكري وبتاع الأمن ده اأخوك .. ود خالتك .. عمك ذنبو شنو ؟ عايز تحكم قدامك صناديق الإقتراع فوز وورينا ديمقراطيتك دي .. خلونا من مظاهرات الشعب هو الخاسر الأكبر فيها ..
وبالجد بلا معارضة بلا قرف !!!
|
|
|
|
|
|