|
فلنجعل منــبـر بكـــرى مثــال ــلوطن ٌمصغــر ...
|
دعــــــوة ...
لكل البــورداب لنجعل المنبر وطن مصغر نمارس به حقوقنا من غير تعصب من غير أساءة ...
وننبذ الفتنة التى ما اطلت برأسها الا وأتت على كل شئ ...
اذا لم يسعنا هذا المنبر فكيف بأرض المليون ميل ...
لكم كل التقدير ...
|
|
|
|
|
|
|
|
Re: فلنجعل منــبـر بكـــرى مثــال ــلوطن ٌمصغــر ... (Re: مزمل خيرى)
|
Quote: فلنجعل منــبـر بكـــرى مثــال ــلوطن ٌمصغــر ... |
بل هو وطن كبير بإجتماعياته وثقافاته ومختلف مشاربه التي سقتنا رحيق 10 سنوات من أرض الوطن وهو الآن عيون من خلالها نري المليون ميل مربع متربعين علي عرش سودانيزأونلاين وماشاهد هذا إلا الترابط القوي لدرجة الأنصهار وعلائق وصلت حد النسب وبل التزاوج . فبكري ندين له بأثقال لا تقدر ولا أرض المليون ميل أن تحملها عنه.
شكرا سارة
،،،،أبوقصي،،،،
| |
|
|
|
|
|
|
Re: فلنجعل منــبـر بكـــرى مثــال ــلوطن ٌمصغــر ... (Re: سارة كرودى)
|
يخوانا نقعد نحسبه بالعقل منو بقول لى منو ومنو بسئ فى منو ...
المنبر كلو هتافات وشعارات وتنديد ..
نخت الكورة واطة ونبداء ...
انا ضد الحكومة طيب انا بأيد الحكومة طيب انا ده راى المشكلة وين ما ده راى وده راى ..
ليه تسئ لى لمن اكون مخالف هى الديمقراطية كيف بنادى بيها لو ما بدينا بى نفسنا اول
وبالبلدى كده العديل راى والاعوج راى ..
| |
|
|
|
|
|
|
Re: فلنجعل منــبـر بكـــرى مثــال ــلوطن ٌمصغــر ... (Re: سارة كرودى)
|
طيب يا سارة كلامك جميل ودعوتك تدل علي صفاء النفس
لكن
هسه لو ناس البورد السته الف ديل اقتنعوا بالكلام ده بشاشا ومصطفي محمود وانور يوتيوب ديل حتنتظريهم كم سنه لغايه يوعو ويبطلو الهباب البهببوهو ده عشان بعد داك يقروا كلامك ده ومن ثم يحاولو يبطلو
غايتو للضمان والاكيده نؤيد مقترحك
| |
|
|
|
|
|
|
Re: فلنجعل منــبـر بكـــرى مثــال ــلوطن ٌمصغــر ... (Re: HAIDER ALZAIN)
|
ياحيدر نحن ما سلمنا انو كل الناس عندها راى ..
كدى نمشى قدام ونباركه ودى اول اختبار ...
ياخى مايكون ظلامى وله بحب الحكومة وصل احتجاجك من غير ماتحرد ومن غير زعل يعنى لو مختلفة مع زول اخلى ليه الحته ابدا بحاول ارجعوا من المسار الانا شايفاهو ماصاح .. ياحيدر انا مابنادى بى مدينة فاضلة لكن اضعف الايمان انو نعيش فى وطن رغم البلاوى الفيه من غير تقسيم من غير ما يضيع لو ضاع يبقه اتشردنا وتانى اللمه صعبه والنحنا ماشين عليه هو ذاك الشئ يدك معانا لوطن شامخ معافه بسع الجميع ..
| |
|
|
|
|
|
|
Re: فلنجعل منــبـر بكـــرى مثــال ــلوطن ٌمصغــر ... (Re: Faisal Elrasheed)
|
الاخ العزيز فيصل ..
شكرأ للمرور .. دعوتى ما معناته الناس تبطل اختلاف ابدا لكن بنفس طويل وروح متسامحة ..
ماهو انا لو اسأتك وانت مارديت وبكره تانى كررتها ومارديت الواحد فينا بستحى يكرره المره التالته ومافى زول سيئ كلو وله كويس كلو ...
والعندو قضية بالجد مابكرورك ويجوض العندو قضية بطرحه بكل شجاعة ويسمع الراى المخالف ..
نبداء بى نفسنا اول يافيصل ونكبر الدايره وصدقنى بتجيب نتيجة ..
ونمشى يله لى قدااااام ...
| |
|
|
|
|
|
|
Re: فلنجعل منــبـر بكـــرى مثــال ــلوطن ٌمصغــر ... (Re: سارة كرودى)
|
إسعد مساءك يا سارة
Quote: والعندو قضية بالجد مابكرورك ويجوض العندو قضية |
100% الصوت العالي لايعني انك على حق ..
Quote: فلنجعل منــبـر بكـــرى مثــال ــلوطن ٌمصغــ |
منبر بكري بي إحتجاجاتنا دي إلا إنو وطن بديل لغالبيتنا ..
عقبال الوطن الفي بالي وبالك وبال الكتيرين نشوفو ماثل امامنا
| |
|
|
|
|
|
|
Re: فلنجعل منــبـر بكـــرى مثــال ــلوطن ٌمصغــر ... (Re: Hala Hassan)
|
الاخت العزيزة سارة كل التحايا,و الف شكر سارة لهذة الدعوة الكريمة بوست موفق حقيقي, ولو الناس كلها التزمت بالمنطق والموضوعية دون الجؤ لتوجيه الاهانات الشخصية مؤكد النقاش بيكون افيد ,لاني متاكدة انو حوش بكري جامع لخيرة ابناء الوطن المثقفين/ات بس للاسف انجرار بعضهم للتعصب الشديد يفسد الفكرة المفيدة للموضوع المطروح, بقول الكلام دا وانا كنت قارئة منتظمة شديد جدا لسنوات طويلة جدا, لكن المستوي الذي يصل ليه الخلاف مع بعض غير مفيد لاي قضية بل بيصبح منفر جدا لائ قارئ متفق او مختلف مع الموضوع موضع النقاش, وكما قيل ان اختلاف الرأي لايفسد للود قضية. فليكن صدرنا رحب للرأي الاخر مهما اختلف, والإ علي الوطن السلام فلن نكون غير نسخة واحدة للدكتاتورية التي تجسم علي صدور احبائنا في الوطن الحبيب . up up
| |
|
|
|
|
|
|
Re: فلنجعل منــبـر بكـــرى مثــال ــلوطن ٌمصغــر ... (Re: سارة كرودى)
|
Quote: عارفه ياهالة عندى قصة مع الشربوت عجيبة
من يومه حلفته ما اجى ناحيتو اعملى حسابك وبالذات للناس الحساسين دى ختى تحته سطرييين |
سارة، عشان ما نطلع ليكى برة الموضوع، حقو نعمل لينا بوست تانى (للناس الحساسين)،،
ما عندى تجارب كتيرة، غير من حبة بنادول واحدة، الصداع بيفك،،،،،،
| |
|
|
|
|
|
|
Re: فلنجعل منــبـر بكـــرى مثــال ــلوطن ٌمصغــر ... (Re: سارة كرودى)
|
Quote: دعــــــوة ...
لكل البــورداب لنجعل المنبر وطن مصغر نمارس به حقوقنا من غير تعصب من غير أساءة ... وننبذ الفتنة التى ما اطلت برأسها الا وأتت على كل شئ ... اذا لم يسعنا هذا المنبر فكيف بأرض المليون ميل ... لكم كل التقدير ... |
لأخت / سـارة كرودي تحية وسلام شكرا للدعوة والبوست الموفق، وأمل أن نعمل سويا فيما إتفقنا عليه ونتحاور مع بعضنا فيما إختلفنا فيه بالكلمة الطيبة والخلق الحسن ، ولعل هذا هو شأن الكثيرين في هذا المنبر العملاق والذي سيظل سوداننا المصغر في حجمه والكبير جدا في معناه وسوف يسعنا دوما ما دامت الإبتسامة والكلمة الطيبة وحسن الظن باقية فينا . - لا بأس أن يكون بيننا مؤيد للنظام أي نظام .، - ولا بأس أن يكون منا معارض للنظام أي نظام.، فإن خلصت النوايا وتبعتها الكلمة الطيبة والإبتسامة وحسن الظن بالآخرين فإن التأييد والمعارضة كلها سوف تصبح نتيجتها تقدم وإزدهار لسوداننا الحبيب. صحيح إن لكل واحد منا رأيه وفكره وحزبه الذي ينبغي أن يجد الإحترام والتقدير من الغير ولنا جميعا الســــــــــودان الذي هو الأن في أشد الحاجة لنا قبل أن يقسمه الأعداء الى دويلات صغيرة وضعيفة و ينتزعها منا الطامعين في خيراتنا الظاهرة والباطنة والمتربصين بنا - لا سمح الله . كما تعلمون بأن كل الأديان السماوية حثت على الكلمة الطيبة وحسن الخلق ، وأذكركم ونفسي بقول الله سبحانه وتعالى : ( فبما رحمة من الله لنت لهم ولو كنت فظا غليظ القلب لانفضوا من حولك فأعف عنهم واستغفر لهم وشاورهم في الأمر فإذا عزمت فتوكل على الله إن الله يحب المتوكلين ) ( أل عمران - 159) - صدق الله العظيم. - لا أريد أن أجعل نفسي ناصحا وواعظا لكم وبيننا علماء وأدباء وخبراء ولكنها مشاركة مني لأن البوست موفق ويستحق الدعم والرفع عاليا ، فإن أصبت فذلك من الله سبحانه وتعالى وإن أخطأت فذلك مني ومن الشيطان . مع إحترامي لكم جميعا ، ودمتم موفقين ، صلاح حمد
| |
|
|
|
|
|
|
Re: فلنجعل منــبـر بكـــرى مثــال ــلوطن ٌمصغــر ... (Re: سارة كرودى)
|
Quote: الأخت العزيزة ساره لك التحية والتجلة لا فض فوك، وبلداً إنتن بناته ما بتجيها عوجة مع خالص تحياتي د. صلاح البشير
|
د.صلاح البشير
شدولك ركب فوق مهرك الجماح
درغام الرجال الفارس الجحجاح
السم النقوع الفي البدن نتاح
تمساح التقيل الما بتكلو سلاح
ومن خلالك نهديها لكل الاخوان ...
| |
|
|
|
|
|
|
|