|
|
 مولد شاعر جديد محمد عبدالله عبدالرحمن
|
الاماني شعر محمد عبداللع عبدالرحمن
يا غالية يا كل المنى
يا أمنية
يا القمر عالي فـ سما
أنا من لمحتك
أيقنت منك..إنك إنتي
كل المعاني
الكانت غريبة ومبهمة
وكل التصاوير
موجودة في كلمة هوى
يا منتهى الريد والأمل
وكل الأماني المستحيلة وممكنة
********
أنا في هواك
عاشق متيم ومبتلى
وريني كيف
أقدر أشوفك يا أنا
حتى الخيال..قال مستحيل
أملك خيالا ورونقا
أو مرة أقدر أوصفا
ست البنات وستنا
مخلوقة إنت تكوني
ما زي بناتنا وزيـنا
*********
والليلة يا أصعب منال
يا جذوة الروح والمحال
بالوعي أو بالإحتمال؟؟
بالشعر أم بالإنتظار؟؟
بالريدة أم بالإرتجال؟؟
بالإرتجال..!!؟
في وصف من فاق الخيال
وريني كيفن أوصلك
وريني كيف؟؟
أدخل دروبك ودنيتك
وتتحقق أماني اللقيا
لي زول فقد...معنى الحياة
ما بين غيابك وطلتك
يا إما أرتاح من هواك
من العذاب العشتو
ما بين صدودك وفرقتك
وأرحل مفارق سكتك
وأرحل مفارق سكتك
الدوحة 26.9.09
|
|
 
|
|
|
|
|
|
|
|
Re: مولد شاعر جديد محمد عبدالله عبدالرحمن (Re: محمد طه الحبر)
|
زي امس: شعر محمد عبدالله
رغم البعاد..
في الغربة والليل الطويل..
بتذكرك
صبح ومسا..
وفي كل يوم..
ألقاك معاي..
وساكنة جواي..
ومهما كان بعد المسافة
والزمن..
حتى لو طيفك رحل..
ياكا المحكر في القلب..
ساكن الروح والجسد..
وكل التفاصيل..
ساكنة جواي.. زي أمس..
ساكنة جواي.. زي أمس..
الدوحة 2.2006
| |
|
|
|
|
|
|
|
|
|
Re: مولد شاعر جديد محمد عبدالله عبدالرحمن (Re: محمد طه الحبر)
|
المســــــافات/شعر-محمد عبدالله
بشتهيك..أنا يا غرام
رغم المسافات البيني بينك
والشجن
والغربة من طين الوطن
يوماتي بحلم بيك زمن
وما بين أسى ممدود من لقياك
وشوق حراق
دوام يا قلبي لي ذكراك
أقول البين صبح مكتوب
علي صدر الزمن عنوان
واقول يمكن..في يوم القاك
وكيف ما يكون
وزي ما كان
هواك ساكن الوجدان
محال أنساهو بالأيام
وكل ما ليك أتذكر
عز الليل
اقول بــ سوادو اتدثر
وأناجيكي
أباري خيالك الأسمر
سهول ممتدة من ريدنا
جمال من حسنو اتعطر
الدوحة 16.7.09
| |
|
|
|
|
|
|
| |
عبد القادر بابكر
فيس بوك
تويتر
انستقرام
يوتيوب
بنتيريست