كتب الكاتب الفاتح جبرا المتوفرة بمعرض الدوحة
|
Re: ديل(25) يا عمر صديق يا كذاب؟؟!! (Re: د.نجاة محمود)
|
يا دكتورة بيان متي ظهرت هذه التسجيلات ؟؟ بعد ذهاب نميري أم كان لا يزال يسيطر على جميع أجهزة الدولة ؟؟ خليكـ أمينة مع نفسكـ شوية .. أنت ترددين نفس ما كان يردده زبانية مايو حينما كان هؤلاء في الشارع يتظاهرون !!!!
سيذهب البشير و ستظهر ملايين التسجيلات كهذه .. ما تستعجلي على رزقكـ
| |
|
|
|
|
|
|
Re: ديل(25) يا عمر صديق يا كذاب؟؟!! (Re: محاسن زين العابدين)
|
يعني حسع كل الكوامر والشرطة دي عشان كم وعشرين نفر بس ؟؟
الناس دي بقت لا بتخجل ولا بتختشي
الغريب امر د نجاة !!!
ان شاء الله يا دكتورة زول واحد بس موش من حقو يعبر ؟ انتي ما عاوزة تعبري انتي حرة لكن لا تشوشي وتغبشي الحقائق ...
بعدين حصل قبل كدا تم اعتقال قيادات كبيرة من المعارضة في مظاهرة السكر الفائتة وتم استخدام القوة وكان من بينهم د مريم الصادق وكانت مرضعة حينها .. واليوم تم اعتقال باقان وياسر وفاروق ابو عيسى وغيرهم من القيادات من بينهم نساء ايضا ...
المعتقل دا كل القيادات خشتو من قبل ولا تزال مهددة بدخوله يعني مافي زول بخاف منو
انصحك بمراجعة نفسك يا دكتورة
| |
|
|
|
|
|
|
Re: ديل(25) يا عمر صديق يا كذاب؟؟!! (Re: محاسن زين العابدين)
|
سلام أخت تراجي الاخ عمر صديق أستند علي خبر كاذب (وقع ليهو في جرح) وكان عليه وبعد أن إتضحت الرؤية وأنبلج فجر الحقيقة للقاصئ والداني -كان عليه أن ينحاز للحقيقة ويعترف بحجم التجاوب الجماهيري وحجم العراقيل التي وضعت لتعرقل وصول المزيد لموقع التجمع!!
| |
|
|
|
|
|
|
Re: ديل(25) يا عمر صديق يا كذاب؟؟!! (Re: كمال عباس)
|
النصيحه لي الله يااستاذه تراجي همه كانوا 30 بس في 5 انفار الراجل ماشافهم كانوا لابدين اقولليك حاجه قوللي المرقوا الليله الف نفر يجوا شنو من الملايين التي خرجت لتأييد البشير بعد قرار اوكامبو
| |
|
|
|
|
|
|
Re: ديل(25) يا عمر صديق يا كذاب؟؟!! (Re: HAIDER ALZAIN)
|
فضحتونا
عمر صديق أكبر كذاب الله خلقو
كدي انتو الما كذابين قولو لي المرقو في المسيرة الهزيلة كم بالله خليكم عقلانيين وقارنوا بين فيديو د.نجاة والصور حقتكم دي
ما ياهو السلفقة و الكذب ده الخلانا ننسلخ والله الواحد أحسن يبقى كوز عديييل كده ويشيل السيخ من يباريكم
ياخي اعترفوا انو المسيرة فشلت فشل زرييييييييييييييييييييييييييييع لو ما اعترفتو بي اخطاءكم عمركم ما ح تتعدلوا
ح تقولو ارهاب وامن وخلافه متين الشعب السوداني كان بتردعوا أي سلطة أو قهر في التعبير عن رأيه
وتجي بدون حياء وتقول ما 25 يعني كم 1000 2000 10000 أنا براي ووحدي أقدر أطلع أكبر من المسيرة دي اللهم لا شماتة اللهم لا شماتة اللهم لا شماتة اللهم لا شماتة اللهم لا شماتة
| |
|
|
|
|
|
|
Re: ديل(25) يا عمر صديق يا كذاب؟؟!! (Re: Tragie Mustafa)
|
العزيزة تراجي سلامات لقد شاهدت المسيرة البطولية الرائعة من شاشة الجزيرة كانت مسيرة يتقدمها القيادات وجموع هادر من طلاب دولة القانون لقد لخبط المسيرة أوراق النظام المزيفة لقد عرى خديعة التحول الديمقراطي وكشف عن وجه نظام مرتجف عجيب على النظام ان يختار الطريق الذي يريد ان يسلكه للذهاب الى مزبلة التاريخ الاقتراع الديمقراطي الحقيقي التي تصونه المسيرات الهادرة والرقابة الشفافة أو طريق الاقتلاع لان الشعب يريد الحرية بكل الطرق
| |
|
|
|
|
|
|
Re: ديل(25) يا عمر صديق يا كذاب؟؟!! (Re: Omayma Alfargony)
|
غايتو كاميرة وليداتنا في حق براها جابت اكتر من 25 كل الود للشباب العثل
شعار حركة حق في المسيرة
عريضة منظمات المجتمع المدني العاملة في الانتخابات
ايضا كان مركز الخاتم عدلان للاستنارة و التنمية البشرية حاضرا في مسيرة الحريات
و انطلقت المسيرة من شارع الموردة دار حركة تحرير السودان
و مضت قدما في شارع الموردة تجاه البرلمان بجانب حدائق الموردة
و بالطبع لم تكن حق الجديدة وحدها في هذه المحلمة تبدو عرائض حركة تحرير السودان
ووجود نسائي واضح في المطالبة بالحريات
شباب حق اثلجوا صدورنا بحضورهم و مبادرتهم
و صدحت الحناجر بالهتاف
و جيل جديد تواق للانعتاق
لا تعليق
بالطبع الحركة الشعبية كانت هناك
و لم يتحمل زبانية السلطة الصوت الديمقراطي فجاء رد فعلهم و هلعهم عنيفا الرفيق محمد محجوب من حق باصابة في انفه
الرفيق محمود الخضر من حركة حق رئيس المجلس الاربعيني السابق بجامعة الخرطوم و اصابات متفرقة
و كان الراحل الخاتم عدلان حاضرا على صدور ابنائه من حركتنا الرفيق مدحت حمدان نال نصيبه ايضا من شرطة النظام التي تعتقط انها تدافع عن الوطن بينما تقاتل مواطنيها لحماية جلاد مشترك يعذبهم بفساده كل يوم
الرفيق طارق حربي من حركة حق نال ايضا نصيبه من الضرب، بالطبع كان الضرب عشوائيا و نال الكثيرين لكننا وثقنا فقط لابناء حركتنا و يقيننا ان الاخرون سيفعلون نفس الشيء
الزملاء تاج السر و احمد جاد الله
المحصلة كانت مؤلمة لكن المسيرة ثبتت موقفا و اوضحت بجلاء كذب النظام فيما يتعلق بالحريات، و اية انتخابات يريدها النظام
| |
|
|
|
|
|
|
Re: ديل(25) يا عمر صديق يا كذاب؟؟!! (Re: Amjad ibrahim)
|
Quote: أنت ترددين نفس ما كان يردده زبانية مايو حينما كان هؤلاء في الشارع يتظاهرون !!!! |
هؤلاء شنو يا خالد
انا واحدةمن الناسالمرقت دي اسع لو في زوم كان لقيتني وسط اللمة المناضلة دي
دا زمن كان في معارضة محترمة
اسعالانتخابات جاية الناس تتفرغ للانتخابات
دا شغل زمزغة ساي واسع الظهر انهالمعارضة ما عندها اي سلطة على الجماهير وفاشلة في تحريكها..
الانتخاباااااااااااااااااات يا شباب
| |
|
|
|
|
|
|
Re: ديل(25) يا عمر صديق يا كذاب؟؟!! (Re: د.نجاة محمود)
|
Quote: اسعالانتخابات جاية الناس تتفرغ للانتخابات
دا شغل زمزغة ساي واسع الظهر انهالمعارضة ما عندها اي سلطة على الجماهير وفاشلة في تحريكها..
الانتخاباااااااااااااااااات يا شباب |
يا دكتورة
ركزّي معانا شوية، مرة تقولي للناس ما تسمعوا كلام المعارضة ومرة تقولى انو المعارضة ما عندها سلطة على الجماهير.
لكن يبدو إنو الشخص الوحيد العندو سلطة على الجماهير هو الدكتورة بيان والدليل ياهو
http://لا تخرج ايها المواطن الطيب الى اي مظاهرة لانها شرك
قلتي عاملة فيها وصية على الجماهير وعلى المواطن الطيب.
كدى يا دكتورة النقول ليك نصيحة لوجه الله
لا إنتى ولا الحكومة ولا الأحزاب ممكن تحددوا للناس متين يطلعوا ومتين يقعدوا، فما تتغشي في نفسك وتفتكري إنو الشعب دا منتظرك إنت ولا الحكومة ولا الأحزاب، الشعب دا سيد نفسو.
وفتناك بي عافية يا (قائدة الجماهير)
| |
|
|
|
|
|
|
|