|
|
|
 Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: وليد محمد المبارك)
|
وليد
لا يفوت عليك ان سلفاكير ان هو قبل الترشح لرئاسة الجمهورية فعليه حين ذلك التنازل عن رئاسة الحركة الشعبية ورئاسة حكومة الجنوب
اذ لا يجوز له التمسك بالموقعين في ان واحد حسب دستور الحركة
وان رئاسة الجمهورية غير مضمونة بالنسبة للحركة عبر الصناديق كما هو الحال ,عليه فان الرجل لن يجازف بان يترك كرسي الجنوب والجري خلف سراب
مقترحك هذا ما يتمناه مشار والاخرون
سلفاكير به بعض ذكاء
كل سنة وانت طيب ياخ
| |
 
|
|
|
|
|
|
|
 Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: omer osman)
|
لسبب بسيط ياوليد القوي الحزبية الفي الساحة إتجمد تفكيره في ما قبل الإنقاذ وظلت في كهفها الـ20 سنة الفاتو
منتظرة زوال الإنقاذ بمعجزة دون ان تعي أى تحولات جرت تتصل بتفكير الناس وخياراتهم ووعيهم بل وأرائهم الصريحة والنقادة للصادق المهدي ومن هم في حكمه من يتحملون مسؤولية ضياع الديمقراطيات المتعاقبة حين يحكمون لما كتبت في بوست أبو ساندرة ( ويجي عسكري يعمل انقلاب تاني ) بالجد كلامك ده مضبوط لانو ميزة الصادق المهدي بكره الناس في الديمقراطية وبخليهم يتمنوا الانقلاب عشان يخلصوا منو
تحياتي
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: وليد محمد المبارك)
|
| Quote: اي زول تاني غير الصادق |
استمعت اليوم في البي بي سي لحوار اجرته القناة مع مين كده امجد فريد او العكس بتاع حركة (قرفنا)
بدا متلعثما وغير مرتب وليس له اجنده غير الاسعار وغلائها والسكر والبصل ..والله انا كنت قايل عنده مطعم في ميدان جاكسون
وحين سأله المذيع عن مرشحهم صمت في حيرة وكأنه قد صب عليه جردل من الماء البارد واجاب (والله نحن لسه ما لقينا مرشح لغاية هسهع) علي وزن ما لقينا خروف سمح للضحية
كان تمشو المويلح
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: omer osman)
|
يا وليد
سلفاكير انفصالي ، و هو لا يرحب بترشيح قوى المعارضة له
لرئاسة عموم السودان فالإستفتاء على الأبواب و خير له دولة منفصلة
بدلاً من تحمل تركة بلد ملئ بالهموم و المشاكل أو هكذا يخيل له
لو نظرنا الى هذه الممارسة الديموقراطية القادمة هي عبارة عن هبة جانبية من اتفاقية نيفاشا
القوى المعارضة فشلت في استغلالها و هاهي تعيد انتاج فشلها من جديد
كان الدكتور جون قرنق رحمه الله لديه مشروع السودان الجديد
وكان يطمح الى رئاسة السودان و تقديم نموزج اوباما في افريقيا
ولكن عاجلته يد المنون او بفعل فاعل ربما
المهم مضى جون قرنق
وبقي على القوى المعارضة الشمالية
تكرار سناريو الصادق و العسكر
نفس المسرحية البايخة القديمة ديك
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: ALazhary2)
|
عزيزي الازهري 2
كل عام انت بخير
| Quote: لماذا الإساءة لهذا الرمز محط إحترام ومحبة الملايين من أبناء السودان؟ |
عندما نقول ان فلان رمز فما هو المعني المرجو من هذه الكلمة؟
الصادق رمز
المرغني رمز
الترابي رمز
هل الرمزية واحترامها هنا يكون بكثرة التكرار ام بالقدم ام بالانجازات ؟
لوكانت لقدمهم او لكثرة تكرار وجوههم علينا فهم احق بهذه الرمزية وليت كان لنا متحف شمع لنصبنا لهم تماثيل شمعية هناك اسوة بقادة وابطال خدمو بلادهم
حدثني بالله عليك ماذا جنينا منهم طيلة هذه العقود ؟
ماذا قدموا لنا ولهذه الارض؟
نعم هم رموز للكسل وضيق الافق والاستهتار واللعب بالوطن وحب السلطه والتسلط
لن تجد في سجلهم وتاريخهم غير الحديث والتنظير ولن تجد في عصورهم التي مضت ولن تعود باذن الله غير الذل والهوان لهذا الوطن
لست راض عما يحدث الان ولكنه اخف الاضرار وافضل الخيارات
كن بخير وكل عام وانت بخير
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: محمد فرح)
|
يا محمد فرح
هي فكرة انهم يتقدموا بمرشح واحد في حد ذاتها نقلة نوعية
لكن كمان مفروض يدوها حقها وكت اتفقوا عليها
ما يخربوها
حاجتين لو عملوهن اوكد ان البشير راح شمار في مرقة
1) برنامج واضحة متفقة عليه الحذاب لما بعد الانتخابات في حالة الفوز او الخسارة سيطبق
2) تغير المرشح لانه اخد فرصته واصبح بعض الناس يكرهونه او لا يثقون فيه هو تحديدا
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: HAYDER GASIM)
|
سلفاكير يا وليد ما بنفع مرشح لرئاسة السودان ضد عمر البشير ومعليش دي احلام المؤتمر الوطني انو سلفاكير يكون مرشح المعارضة في وجه عمر البشير لكن اثبتت احزاب ملتقي جوبا انها ذكية وواعية واحرزت الحركة الشعبية هدفا صحيحا في مرمى المؤتمر الوطني بدعمها مرشح شمالي مسلم لان المطلوب لمواجهة عمر البشير واسقاطه مرشح شمالي مسلم لتحييد الخطاب الديني الذي كانو سيستخدمونه في مواجهة رئيس مسيحي الدين عامل مفصلي سواء رضينا ام ابينا ويحدد خيارات عدد كبير جدا من الناخبين الان بهذا الخيار تم تحييد هذا الخطاب
الصادق خيار مر نعم ولكنه صحيح وذكي
خليل ابراهيم دعم اختيار الصادق
الحركة الشعبية دعمت اختيار الصادق
مبارك الفاضل دعم اختيار الصادق
جبهة الشرق دعمت اختيار الصادق
على السيد ممثل الاتحادي دعم اختيار الصادق (ننتظر راي مولانا)
اذا الصادق خيار مقبول وخيار الحد الادنى
الصورة واضحة الان (الصادق VS عمر البشير) ليس هناك خيار اخر ويجب الا يكون هناك حياد وتشتيت للكورة (زمان كنا بنقول قون المغربية بمية) اها دا قون المغربية
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: محمد إبراهيم علي)
|
حبيبنا محمد ابراهيم
الفكرة 100%
ما ضروري يكون سلفاكير
لكن كمان ما يكون الصادق او نقد او الميرغني
اي زول تاني خلاف الديناصورات دي
اعجز رحم هذه البلاد ان ينجب القادة ؟
هناك اناس لا يثقون في الصادق نفسه
والصادق متنازع عليه داخل حزبة حتى تشى الحزب
اذهب الى دار الانصار في شارع الاربعين لتقراء ما هو مكتوب على جدرانها
الصادق داخل حزبه غير متفق عليه فكيف به خارجه
مافي حياد
ولا في تشتيت للكورة
الصادق في نظري غير مناسب
ده موضوع للنقاش والطرح
فكرة الاتحاد خلف مرشح واحد مؤمنين عليها
مختلف معاك في المرشح نفسه
وقبل ده ده كله
عاوزين برنامج واضح لما سيفعله هذا المرشح ان فاز
ولا كلامي غلط ؟
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: Faisal Elrasheed)
|
يا فيصل و هذا لتوضيح ما سمعت
كان ردة الما عارف مين أمجد فريد او العكس ( وهذه سخرية و لغة غير محمودة منك على الاطلاق في وصف ذوات الناس)
على سوال دعم المرشح ان حركة قرفنا تؤيد طرح مرشح موحد ضد مرشح المؤتمر الوطني و انها ستقف الي جانب أي مرشح متفق عليه لاسقاط البشير و مجموعته
اما اجندة الاسعار و غلائها و باقي المطعم الذي تحدثت عنه فلك ببساطة أن تدرك ان هذه هي حياة الناس
و ان السياسة التي تخاطب الهموم الفوقية و تنفصل عن هذه الاجندة
محض رغائب ذاتية ليس الا
عموماص حركة قرفنا ستدعم كل المرشحين ضد نظام الانقاذ في كل الدوائر الانتخابية و تدعم فكرة توحد المنظومات السياسية بمرشحين متفق عليهم في كل الدوائر لانتخابات البرلمان و في انتخابات الرئاسة ضد مرشحي المؤتمر الوطني
وليد شكراً للطرح و تجدني اتفق معك مجملا و تفصيلا
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: Amjed)
|
امجد
تحية طيبة
قلت | Quote: ان حركة قرفنا تؤيد طرح مرشح موحد ضد مرشح المؤتمر الوطني |
هذا كلام منطقي بل ونبارك هذا الطرح
لكن مالم افهمه معني | Quote: انها ستقف الي جانب أي مرشح متفق عليه لاسقاط البشير و مجموعته |
اولا ماهو دستور هذه الحركه والارضية التي تنطلق منها ؟
ماهو الهدف الاساسي من انشاء الحركه ؟ هل هو اسقاط المؤتمر الوطني فقط حتي لحساب الشيطان نفسه ؟ وهذا ما استدللته من تعليق البي بي سي وكلامك اعلاه
الا يوجد لديكم مرشح يتمتع بالثقه المطلقه وبرنامج انتخابي واضح يجعل المواطن المغلوب علي امره ان يلتف حولكم؟
الا تري ان حركه قرفنا ليست الا زوبعة او فقاعه ليس لديها مضمون او اهداف
كيف لحركه تدعي انها تريد اسقاط حكومة وليس لديها برنامج ومتحدثها يعجز عن ان يتحدث لنصف دقيقة بما بفيد المستمع
كيف لحركة تريد اسقاط حزب قوي وحكومة متمكنة ان تكون دون برنامج واضح اللهم الا بعض من احلام زلوط
لقد سألوهم في البي بي سي عن السبب في انهم بدأوا نشاطهم بصورة متاخره والانتخابات علي الابواب وقد جاء ردهم انهم لم يكونو متأخرين بل هم موجودن منذ زمن بعيد...اظن انهم كانو يقصدون في مخيلاتهم
| Quote: عموماص حركة قرفنا ستدعم كل المرشحين ضد نظام الانقاذ في كل الدوائر الانتخابية |
هذايؤكد ما قلته و يدل علي فراغها من المضمون وان الرغبة الانتقامية من الانقاذ هي الهاجس والبرنامج الاساسي لحركتكم الموقرة
كم هائل من السزاجه السياسية وفقدان بوصلة الرشد والتوجيه
بئس الصنيع يا اخي
حتي لو كان علي حساب هذا الوطن ؟
لو كان لكم هدف واضح او لنقل برنامج واضح لما اختلف معكم احد ..
كونوا جسما منفصلا واطرحوا رؤاكم ومرشيحكم وبرامجكم ..استقطبوا من فيهم صلاح وفائدة للبلد افضل من التطبيل للغير
وليصدقني الاخوة الذين قالوا انهم (قرفو) لن تنالو ما تريدون بطريقتكم هذه ..ربما حفنة مال او اكثر لكن لن تغيرو شيئا
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: Faisal Elrasheed)
|
| Quote: بالمناسبة ... أنا قاعد أريدك لوجه الله |
أمسك عندك يا شفت .... عددهم زايد ..... كمية من الريدات.
ما حاسد والله ..... لأني واحد منهم وبريدك .................... (كده كيف)؟
هسة أنا في الخرطوم .. ما حنشوفك والا شنو؟ أظهر مع العالم ياخ.
نجي لي موضوع البوست ....
إنتو مش في زميل في البورد هنا مرشح؟ ما ناويين تدعموهو والاّ شنو؟
ده والله مجرد سؤال ... عشان ما يجي واحد يقول لي (خنزير يعمل شنو ما عارف ... لو ما بيعافني).
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: محمد أبوالعزائم أبوالريش)
|
| Quote: فكرة الاتحاد خلف مرشح واحد مؤمنين عليها |
لغاية هنا متفقين وخليك مقرط علي كدة
برنامج مرشح ملتقى جوبا مسؤوليتنا نحن ومسؤولية من يوافق على ترشيحه
موجهات البرنامج
نيفاشا وانفاذها بحذافيرها بدون مناورات وقراءات خائبة = وحدة السودان
المحاسبة في دارفور بلا استثناء والتعويضات والتمييز الايجابي = برضو وحدة السودان والخروج من العزلة
اعادة فتح التحقيق لما تم في بورتسودان وكجبار = لا حصانة لمن ينتهك القانون ويسفك دما بريئا تقود الى دولة القانون وده بقود للنقطة البعدها
استقلال القضاء = محاكمة امام قاضيك الطبيعي يعني ما في حاجة اسمها محاكم نظام عام ولا محاكم سلاطين ولا محمكة سوداتل القديمة ديك وايضا ما في حصانة لاي زول مهما كانت مكانته يعني انا محمد ابراهيم او انت وليد ممكن تمشي المحكمة تشتكي رئيس الجمهورية نفسه ويجي هو او المحامي بتاعو ويقيف قدامك ند لند وخصم لخصم بدون هيلمان ومواتر
حرية الصحافة والوصول للمعلومات = الشفافية والثقة يعني ممكن انت وليد المبارك او انا محمد ابراهيم امشي اقدم طلب لوزارة المالية اقول فيه عايز اعرف مرتب وزير المالية كم ونثرياته كم وما زول يقول بغم واخد المعلومة انشاء ابروزها في الصالون المهم انا عرفت حاجة من حقي
ده برنامجي والذي اعتقد انك ليس لديك عليه اعتراض والباقي بجي تلقائيا تنمية وتعليم وعلاج (دي كلها بتجي تحت باب العدالة والمساواة والشفافية) الصادق حيكون فقط منفذ وليس قائد وان تؤخذ عليه كل الضمانات المطلوبة اختيار الصادق تكتيك مرحلى اقتضته ضرورات الوضع الراهن والمأزق الذي تمر به البلاد ولكن في هذا المنعطف الحرج يبقى هو الخيار الذكي وضربة المعلم
ــــــــــــــــ
وفرصة برضو ابذل ليك الريدة لوجه الله
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: محمد إبراهيم علي)
|
يديك العافية يا محمد ابراهيم
ويديم المشاعر الطيبة
تسلم يا حلو
| Quote: ده برنامجي والذي اعتقد انك ليس لديك عليه اعتراض والباقي بجي تلقائيا تنمية وتعليم وعلاج (دي كلها بتجي تحت باب العدالة والمساواة والشفافية) الصادق حيكون فقط منفذ وليس قائد وان تؤخذ عليه كل الضمانات المطلوبة اختيار الصادق تكتيك مرحلى اقتضته ضرورات الوضع الراهن والمأزق الذي تمر به البلاد ولكن في هذا المنعطف الحرج يبقى هو الخيار الذكي وضربة المعلم |
لالالالالالالالا
التجارب القديمة تقول خلاف ذلك
بعد انتخابات 86 اصبحت الاحزاب تتصارع وتتقاتل على الوزارات والمكاسب الحزبية
لحدي ما مرقت مظاهرات تصيح
"لا نور لا موية الصادق الككوية "
الان الوضع اصبح خطر جدا بعد الاحتقان الحاصل ده اي انفلات وتقسيم حا نبقى رواندا
والحاصل في العراق قدامك
دمقراطية محمية بقوات دولية
ما قدرت تعمل شي غير قسمت البلد اكتر واكتر
البرنامج الواضح
ومرشح غير الصادق او اي ديناصور تاني من ابناء دفعته
هو الشي المفروض
يعني الاتفاق على مرشح موحد
ما مفروض يضيع بسبب احلام شخصية من شيخ في السبعين
ولا انا ما معاكمو اخير لي بشيري 
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: وليد محمد المبارك)
|
كتب الاخ وليد مبارك
| Quote: 2) تغير المرشح لانه اخد فرصته واصبح بعض الناس يكرهونه او لا يثقون فيه هو تحديدا |
الم يأخذ البشير فرصته رغما عن إرادة الشعب وتحت فوهة البندقية- في
حكم البلاد أكثر من الصادق المهدي?
وهل يحب هذا البعض البشير ويثق في أكبر كاذب ومنافق ومقوض للدساتير
وحانث للقسم في تاريخ البلاد?
ألا يكفيه 20 عاما ? لماذايسعي -بهذا الترشيح - أن يتربع علي عرش
السلطة لأكثر من ربع قرن?
نفهم أن يختلف الناس مع الصادق ولـكن من غير المفهوم أن يساند إنسان
هذا الضابط والذي يصر علي الأنتماء لحزب سياسي ضاربا بالدستور الذي
يحظر ذلك عرض الحائط?
...
1| Quote: ) برنامج واضحة متفقة عليه الحذاب لما بعد الانتخابات في حالة الفوز او الخسارة سيطبق |
صياغة برنامج من أسهل ويمكن للجنة مكونةمن 5 أشخاص أن تصيغ برنامج!!
في إسبوع !! وبهذه المناسبة ماهو برنامج عمر البشير القادم?
أهو المزيد من الفساد والأستبداد والتفريط في السيادة والتراب?
التكريس للمزيد من الإنفصالات وتمزيق أواصر الوطن?
المزيد من الكنكشة والإقصاء?
أم هو المزيد من التغول علي الدستور ومصادرة الحريات والأصرار علي
تطبيق القوانين المقيدة للحريات?
أم بيع أراضي البلاد وتشريد أهلها والغاء مكتسبات شعبنا في مجانية العلاج
والتعليم?
Quote: لحدي ما مرقت مظاهرات تصيح
"لا نور لا موية الصادق الككوية " |
وكان هناك حق للتظاهر والتعبير وكان هناك حكومة ترضخ وتستجيب لمـطالب
المتظاهرين وتتنازل عن رفع الأسعار!!
كمال
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: كمال عباس)
|
Quote: الم يأخذ البشير فرصته رغما عن إرادة الشعب وتحت فوهة البندقية- في
حكم البلاد أكثر من الصادق المهدي? |
هو ده شنو ده ؟
البشير جا الحكم غصبا عني وعنك وعن الصادق
وجه المقارنة شنو بين ده وداك ؟؟؟؟؟
يا كمال عباس
يعني نقبل بالصادق كمرشح مضاد للبشير عشان فرضتموه انتم
اها الاتنين ما نافعين معاي
اسوي شنو ؟
ده نمره واحد
نمرة اتين
موش البشير نازل في انتخابات ضد اي مرشح
موش حقي اني اختار من اريد
انت عاوز تحجر علي حقي وتغصبني على ترشيح مرشحك غصب
انت بانين دمقراطيتكم على ترهيب الناس بانها يا تختار مرشحكم
ولا هم ( خت وصف تختاره انت )
اهو بدينا الانتخابات وبدأ تظر تغلوكم وفرض رايكم ووصايتكم
البشير يا سيد كمال قلع من الصادق حكم سلمه ليه الشعب غصب والصادق ما كان قدرها ولا قدر يحافظ عليه
ثم من عليه مستقبلا بانتخبات انت عاوز تحجر فيها على رائي انا
شايفك عاوز تسقوني غصب لخانة الانقاذ يا كمال
يا اما ارشح مرشحك اني منتمي للانقاذ
اعمل حساب فرض الرائي يلقي بالناس الى الرائ الاخر
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: وليد محمد المبارك)
|
كتب الأخ وليد
اQuote: ها الاتنين ما نافعين معاي
اسوي شنو ؟
ده نمره واحد
نمرة اتين
موش البشير نازل في انتخابات ضد اي مرشح
موش حقي اني اختار من اريد
انت عاوز تحجر علي حقي وتغصبني على ترشيح مرشحك غصب
انت بانين دمقراطيتكم على ترهيب الناس بانها يا تختار مرشحكم
ولا هم ( خت وصف تختاره انت ) اهو بدينا الانتخابات وبدأ تظر تغلوكم وفرض رايكم ووصايتكم |
.... الاتنين ما نافعين قاطع والله شوف تالت!!
وبعدين منو الحجر عليك رأئك وإختيارك? بمثل ما إنت شائف أنوالصادق
ما نافع في ناس كتيرة شائفة انو البشير ما نافع!!
مافي زول بحجر علي زول حرية رأي أوإختيار ولكن وطالما الاختيار ما دين
ولا عقيدة أو إيمان يبقي من حق الناس أن تناقشك في خيارك دا ليه إنت
بتقفل حق النقاش...الزول لمن يختار بختار بناء علي قناعات ومعطيات
محددة بتكون مفتوحة للنقاش...
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: كمال عباس)
|
وليد صاحبى !
Quote: يعني نقبل بالصادق كمرشح مضاد للبشير عشان فرضتموه انتم
اها الاتنين ما نافعين معاي |
ايووووووووى ياخ حمدلله على السلامة !!
اول حاجة يا وليد انا مش كلمتك قلت ليك انت ما بتعرف تتكلم ؟
هسه العنوان فى جهه والدراب الجوه فى جهه
لكن اقول ليك ؟؟ كلامك صاح كلو
ذبحونا العجايز ديل .
وسلفا دا ارخى مننا بالله اى مرشح جنوبى تانى يا قولك شاب بكون مناسب
يعنى نحن معاهم لحدددددد باقان كدا اكبر منو لا ..
ـــــــــــــــــــــ
هسه البهبشك يلقاك ما سجلتا ذيى كدا .. لووووووول .
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: عمر صديق)
|
الأخ وليد
الانقلابات تأتى برؤساء شباب
لزوم " أنت أذهب الى القصر رئيسا "
لدواعى الشدة والتلتلة فى الأيام الأولى
ولكن لا تمضى فترة حتى يتم تجسيد الحزب
والدولة فى شخص الرئيس ليشيخ على الكرسى
أو يقتلع أما فى حالة الانتخاب فهناك زمن للمطبخ
السياسى للخروج بمرشح وعادة ما يكون رئيس الحزب .
عليه لترشيح رؤساء شباب عليك الدعوة الى ترشيح شباب
لقيادة هذه الأحزاب ومن ثم ترشيحهم تماما كما فعل منظرى
New Labour تونى بلير ، بيتر ماندلسون وغرودن بروان ..
ولا تنسى اقتراح مجلس الشيوخ السودانى وفاءا للقيادات التاريخة .
| |
|
|
|
|
|
|
|
|
|
Re: لماذا لا يكون سلفاكير هو مرشح الحركة الشعبية (والمعارضة ) ضد البشير (Re: Nazar Yousif)
|
مرحب نزار
انا كلامك ده كله عارفة وفاهمة
وده السبب البخليني احتار
انه حزب زي الامه او الشيوعي قريب الـ40 سنة او يزيد عنها ما قادر يصعد شب
اوباما حكم عمره كم
توني بليز حكم عمره كم
اقل من 45 سنة
اها الفترة بين حمن الصادق الاول
وترشيح الصادق التاني
تساوي 45 سنة بالتمام والكمال
يعني في زول وكت الصادق حكم اول مرة ما كان اتولد
مفروض هسع يكون في قيادة الحزب والدولة
وتقول لي دمقراطية
| |
|
|
|
|
|
|
| |
وليد محمد المبارك
Faisal Elrasheed
omer osman
HAYDER GASIM
محمد فرح
حاتم علي
ALazhary2
محمد إبراهيم علي
Amjed
khaleel
محمد أبوالعزائم أبوالريش
كمال عباس
دينا خالد
البشير دفع الله
عمر صديق
Nazar Yousif
فيس بوك
تويتر
انستقرام
يوتيوب
بنتيريست