|
شيل الترانزيت
|
اخوكم في هذه اللحظة من الزمان محتجز في مطار اسطنبول بالترانزيت منذ السابعة مساء وسيكون السجن مفتوحا حتى السابعة صباحا كي اغادر بعدها نحو لندن قالعتهم فاوتشر بعد الغلطة الفادحة للطيران التركي والمصري في حقي جئت من مصر بعد بقائي فيها لما يقارب الشهر سجلت فيها بعض مشاهداتي والذكريات مع التقاط الكثير من الصور التي تعينني على التذكر لاجل الكتابة فقط ولا احسب نفسي مصورا ولا يحزنون والادهى وامر اني شهدت معركة ام الكفر مع الجزائريين دي بوسط المصريين ولي كلام
المهم هسع بكتب بالكيبورد بتاع بكري المعلق فوق دا فارجو المسامحة على التطبيز الاملائي وعدم وجود همزات
المهم تاني اني قريت بوست الدكتور حسن موسى عن العاب الاطفال وكنت اتابعه من قبل فوجدته يرسم شيل المرفعين غلط هو اصلا حكاية نقلو الحرفي للالعاب دي ما واقع لي فالكتابان اللذان يدعم بهما عمله رائعان وان يحتاجان للكثير من التصويبات ودا برضو ما هدفي كل ما في القصة انو اللعبة وعنونة الحسن للرسوم بيها الهموني عنوان هذه المادة لكن ضحكتني الرسومات الايضاحية البي المقلوب دي كما اضحك الدكتور من قبل تشكيل صاحبي الكاتب مصـطفى مدثر او كما قال ود امنة ونجي نتم النضم كان مرقنا من شيل الترانزيت دا
http://sudaneseonline.com/forum/viewtopic.php?t=3939&sid=...5c30bb1067e10817d216
شخصي امام قلعة قايتباي تصوير السماني يحيى
|
|
|
|
|
|
|
|
Re: شيل الترانزيت (Re: طارق جبريل)
|
وين يا عمكـ كل سنة وإنت طيب ياخ! وربنا يحقق الأماني!
بمناسبة الأماني دي الفـور أول دا حق مثقفاتية ساي ولا نبلاقي لينا فيهو فرقة؟
قلت لي قاعد لحدي الصباح! أها .. قزازة الموية جمبي! وطارق جبريل دا عندو ناس بتاعين ركشات .. والله يونسوكـ لحدي ما قطركـ يصفّر!
| |
|
|
|
|
|
|
Re: شيل الترانزيت (Re: طارق جبريل)
|
ياخي كل سنة وانت طيب وحقق الله الأماني ...
Quote: الله يعلم سائلين منك |
أو كما قال اخونا وصديقنا في الاسافير طارق جبريل .
مودتي التي تعلمها .
| |
|
|
|
|
|
|
Re: شيل الترانزيت (Re: محسن خالد)
|
الماعندو حق الخروف بخلوا ينوم ,,,,,,,,,,
ياني بنعوعي في سوداميزاون لاين لما العين تغمت براه , ولا واحد يفديني بذبح عظيم ,,
| |
|
|
|
|
|
|
Re: شيل الترانزيت (Re: حاتم علي)
|
يا ود الصائم كل عام وانت بخير غايتو ما بكضب عليك الفاوتشر دا قزازو كتير ما داب الموية والزول القومجي وفي ذات الوقت علماني -كمال اتاتورك محاسنو ما بطالة ومصايبو اكتر منها الكلام الجاي وجاي =دا= داير ليهو كيبورد بالجد جد بنتلاقى يضحك نهارك وكن بخير
| |
|
|
|
|
|
|
Re: شيل الترانزيت (Re: نادية عثمان)
|
عارفة يا نادية القسمة ما دايره لي فيك شوفة انت تجي القاهرة في ذات اليوم البكون فيهو مسافر دا السمعتو وانا مسافر وحزني جدا كل عام وانت بخير ويوم تبقي جاية لندن كلميني وانا برجاك في المطار عامك سعيد ولك اجمل الامنيات
| |
|
|
|
|
|
|
Re: شيل الترانزيت (Re: محسن خالد)
|
محسن العزيز
Quote: عارفة يا نادية القسمة ما دايره لي فيك شوفة انت تجي القاهرة في ذات اليوم البكون فيهو مسافر دا السمعتو وانا مسافر وحزني جدا |
ده لأنو أنا مامحظوظة ياخ !
لكن مافاقدة الأمل في شوفتك قبل أموت أخوي كان هنا كان في لندن باذن الله
قول آآآمين (وش متمني يلاقيك)
| |
|
|
|
|
|
|
Re: شيل الترانزيت (Re: حمد فتح الرحمن)
|
يا حمد عامك سعيد ياخ وكل عام وانت بخير اظنو دكين بكون فارق عليك وامنياتي الصادقة لكما -معا- بعام سعيد متوحشنك بزاف يا رجل
يا خي لا تصمت ابدا وقل فنا كلما وجدت وقتا
| |
|
|
|
|
|
|
Re: شيل الترانزيت (Re: محسن خالد)
|
شيخنا العزيز محسن كل عام و أنت بخير و ربنا إن شاء الله يكتب سلامتك و يوصلك لأهلك طيب (نسوي شنو يا محسن ما هم الخواجات بقوا أهلك لا إيدك لا كراعك). و القابلة كدا على أمانيك إن شاء الله.
| |
|
|
|
|
|
|
Re: شيل الترانزيت (Re: محسن خالد)
|
يا العوض عيدك مبارك ياخي وكل عام وانت بخير عارفÇ لو اخوك مسيكين كان حكاية الانترنت دي وما معاها من مزايا فاوتشر راحت علي الا قالعتهم وما زلت بنتظر طائرة كن بخير يا رجل واريتك طيب
| |
|
|
|
|
|
|
Re: شيل الترانزيت (Re: محسن خالد)
|
Quote: يا داب وصلتني منك اللنكات الخاصة بحاج حمد |
بالله ! دي رسلتها ليك قبل شهر على ما أظن . شكلها كانت فى الترانزيت ولا شنو ؟ *** الحمدلله على السلامة يا عزيزي مرة ثانية وإنشاءالله نتواصل
| |
|
|
|
|
|
|
Re: شيل الترانزيت (Re: mansur ali)
|
يا محسن بقيت تتضهب ببلاد الشراكسه كمان .؟؟
مشيت تفتش فى جدن ليك ملص فيك الشعر الناعم دا وزاغ ... لووووول. من ايام حكمهم لينا .. ترانزيت الساهله دى ما بركة النفدت بى جلدك والله عربى بى همزات ولا بلا همزات .. ما يفداك ،، الا ترطن بلسان تركى فصييح ..
شفت البلد دى عاملة كيف ...؟؟ بردها دا بس كافى لضمها للاتحاد الاوروبى . لكن حقارة الخواجات انكا وافدح .
ـــــــــــــــــ ياخ اشرقت الانوار ونوووور بيتنا اعمل سيرش شوف كم مرة عزمتك تتدخل !! ذبحوونا ناس الاونلاين ديل .. مره مره كدا قول حاجة ياخ عشان نتابع ونحن فاهمين .. الشيل زااتو شنو ..؟؟؟
| |
|
|
|
|
|
|
Re: شيل الترانزيت (Re: دينا خالد)
|
Quote: وكنتُ عابراً من خلال مطار "ميلانو"، فاضطررت للانتظار يومين بصالة المطار، المقلب الذي وقعت فيه هو نفس المقلب الذي أنا واقع فيه منذ ميلادي، كنت بلا مال. تحمّلت جوع الليلة الأولى واليوم الثاني بجَلد باسل، ولكن مع الليلة الثانية والبرد، قلت أنا "سانتينو" الجنوبي الذي تحدّثت عنه في روايتي "إحداثيات الإنسان"، ولن أُبالي بمصير "روبرت" الشخصية التي تحدّثت عنها في روايتي "الحياة السرية للأشياء" وكلاهما واجَه الجوع ببسالة، لن أموت لهم في قلب أوروبا جوعاً، البرد بلغ حَدّاً رهيباً يتجمّد معه البول في مثانته. |
تيموليلت :سيرة وحَجَر
| |
|
|
|
|
|
|
Re: شيل الترانزيت (Re: mansur ali)
|
سـلامات يا محسـن، والعيد مبارك عليك..وإنشاالله السنة الجاية معيدين في منى.. ونفتقدك كمان.. يا زول نصيحة للدنيا والزمان: تاني ما تسافر بالخطوط التركية دي، وأنا ضايق منهم مقالب كتيرة أسوأها زي ما قلت المقالعة وحرق الأعصاب، حتى بعداك حلفت منهم.. عموما كان لسه ما وصلت يبقى توصل بالسلامة، وننتظرك بحكايات المرافعيب والتماسيح..
| |
|
|
|
|
|
|
Re: شيل الترانزيت (Re: Ashraf el-Halabi)
|
حبيبنا محصن خالد :
Quote: فارجو المسامحة على التطبيز الاملائي |
مسامحك يا حبيبي
طبز تطبييز من لايخشى النقد
تطبييز دي ذكرتني حكاية بنت جارتنا وكانت صاحبة لجنة محببة في اللسان بتجعلها تنطق الراء ياء ، يعني كانت بتنادي أخوها حيدر ب حيديي أمها رسلتها إلى جارة أخرى كانت بتعلم البنات القص والتفصيل وفنون الخياطة
مشت قالت ليها : امي قالت ليك علميني التطييز
جارتنا الخياطة كانت صاحبة نكتة قالت ليها : ده ما بعلموا ليك انا انا بعلمك التطريز صاحبنا عبدالرحمن كان بيعاني من نفس القصة لكنه برع في تفادي الراء اينما كانت بإستعمال عبارات مافيها الحرف المشكلة
لكن مشكلته كانت لمن يسأل عن إسمه مؤخرآ صار يستخدم الكنية ، أبو وسيلة
و وسيلة هذه بنت على غير عادة السودانيين اللذين يسمون الرجل ب الوسيلة
دي ونسة عيد ساكت يا صاحب
| |
|
|
|
|
|
|
Re: شيل الترانزيت (Re: عمر عبد الله فضل المولى)
|
اخي محسن كل سنة وانت طيب
حسب علمي انك مدخن عاتي فكيف الحالة و منع التدخين داخل المطارات بتركيا لقد مررت بمطار اسطنبول في طريقي الى انطاليا ومعي زميلي الهندي وهو ايضا مدخن عاتي مثلك يخرج كل عشرة دقائق ويعود مبلولا مرتعشا فاضحك واقول له ( جرب التمباك ) والوح له بكيسي مغيظا له وادنكل سفتي مستمتعا بها وبدفء الصالة
امنياتي لك بسلامة الوصول
| |
|
|
|
|
|
|
Re: شيل الترانزيت (Re: محسن خالد)
|
Quote:
مخ عنخ آمون ----------- حسبو.. إنت مح عنخ آمون
لووول
وللصورة قصة طريفة سأرويها تحياتي للجميع وبجيكم فردا فردا
|
الصورة في حد ذاتها طريفة- جداً - ناهيك عن قصتها!
| |
|
|
|
|
|
|
Re: شيل الترانزيت (Re: Hussein Mallasi)
|
Quote: جننت الاستجداء جن يا حمور! |
الاستجداء شكى ليك يا حسين وله حشرية منك ساي ؟
زول بيسلم على زول فارقو قبل يومين و يقول ليو وحشتنا .. يجي حسين عميان و غبيان يقول ليك استجداء.
| |
|
|
|
|
|
|
Re: شيل الترانزيت (Re: حمور زيادة)
|
يا محسن وحشتنا شديييييييييييييييييييييييييييييد (زيادة في الاستجداء )
و الشباب الهنا الليلة كانوا في سيرتك كنوع من الاستجداء برضو. عليك الله يا محسن استجدى لينا زي ما مستجدين ليك.
| |
|
|
|
|
|
|
Re: شيل الترانزيت (Re: حمور زيادة)
|
Quote: زول بيسلم على زول فارقو قبل يومين و يقول ليو وحشتنا .. يجي حسين عميان و غبيان يقول ليك استجداء. |
لالا حسين داير يقول انك بتستجدى في محسن يتدخل في موضوعه الفاتحو داك وينصرك حاجة كده زي كانه في اتفاق بيناتكم
لانو استجدا دي ما بحشرها هنا الا فهم زي ده
| |
|
|
|
|
|
|
Re: شيل الترانزيت (Re: وليد محمد المبارك)
|
لكن يا وليد كان نحن متفقين استجديو هنا على العلن ؟ كان استجديتو اول امبارح لمن مساهرين سوا للصباح. حسين شكلو قايلني عاوز اصاحب محسن بالبوست ده و مشتاق ليو اسفيريا. احرج روحو انو ما عارف اننا اتلاقينا و محسن سافر مننا من كم يوم. عالم بتخت روحا في حتات بايخااااااا.
و تاني يا محسن مستجدنك. كيتن في ظنون حسين ده.
| |
|
|
|
|
|
|
Re: شيل الترانزيت (Re: حمور زيادة)
|
Quote: لكن يا وليد كان نحن متفقين استجديو هنا على العلن ؟ كان استجديتو اول امبارح لمن مساهرين سوا للصباح. |
ما باعتبار انه تاخر في نصرتك
ياخ حسين ده ما عارفو مالو بقى بسوي في روحو كده ؟!
| |
|
|
|
|
|
|
Re: شيل الترانزيت (Re: وليد محمد المبارك)
|
طيب ما ارجاهو يصل اهلو بعد داك اذكرو انو اتأخر استجديو في صالة الترانزيت ليه اصلها نصرة غزة ؟
حسين ده فُونيتو وسعت يا شفت.
يلا انا مارق .. الاقيك بعدين.
| |
|
|
|
|
|
|
Re: شيل الترانزيت (Re: صلاح ليون)
|
اسسسللامو عليكم
أنا غايتوا جايي أستجدي عديل كدة وبعدين يا محسن أستجدي بالله متين مشيت مننا ووحشتنا قدر دة
عارف كل بورداب القاهرة مستجدين منك شوق كتير عليك الله أستجدينا في بالك
التوقيع
المستجد بالله حبيب نورة الفاطمي
| |
|
|
|
|
|
|
Re: شيل الترانزيت (Re: حبيب نورة)
|
هاها اااااااا يا حسين ّّّّّّّّّّ !! اثناء ما انا بفكر وبفكر وبفكر فى انو كيف اصغر الصورة دى للبروفايلات .. لقيتك مارست خبثك المعتاد وعملت الشغل .. ذبحونا النوبيين بى صور الحجر ديك اهو جاهم واحد ما نوبى ( برضو) ولابس القيامة العاجباكم دى .. محسن !! كلللو كوم وصرة اليد الفى القلب دى كوم .. لووووول اها انشالله تكون وقعت فى البقط .. ولاقيت الريس بن ابى السرح ..؟؟ وراع وامنحتب جيت بلا ما تشوفهم ؟؟ امووون دا عشان خايف من بشاشا؟ غايتو كان جيت طولت لسانك راع دا بسسسسختك اكتر من دا ..
ـــــــــــــــ غايتو يا محسن من (الواضح) السويتو فى القاهرة كتيييييييير اعتقنا من الصور بالله لانو لو واصلت التنزيل بورد بكرى دا بقفل .. يضحك ليلك ياخ !
| |
|
|
|
|
|
|
Re: شيل الترانزيت (Re: دينا خالد)
|
صديقي محسن..حبابك عيد الحول ما يغضب زول.. زايدين ماني ناقصين..
في انتظار شوفك في شوف حسن موسى.. شوف عيني صورتك وراها كتاحة.. لكن معاك تب ، سجن سجن ..غرامة غرامة..و محل الرهيفة التنقد ..!
و دمت
كبر
| |
|
|
|
|
|
|
Re: شيل الترانزيت (Re: خالد العبيد)
|
يتدخل أحد العُمال (في المطار، في مطعم، في سينما، لا يوجد فرق، فالباترن هو هو غض النظر عن المكان) ويقترب من مخ عنخ آمون قائلاً:
البيه بيوؤل لك كلو سنه وانتا طيب! (تتبعها حركة دائرية للكفين بما معناه "مشِّي حالك")
| |
|
|
|
|
|
|
Re: شيل الترانزيت (Re: saif basheer)
|
Quote: لكن ما قسيت عليهو يا حمور غايتو ما عارفك لو كنت محق ولّا لا.. |
حبابك يا صلاح .. مستجدين و الله بالله قسيت عليو ؟ استغفر الله .. أُمِرنا أن نترفق بمساكيننا ..ما مفروض اقسو عليو.
| |
|
|
|
|
|
|
Re: شيل الترانزيت (Re: حبيب نورة)
|
الْحبيب / عبد الْمُحْسن ود خالد . كُلُّ عامٍ وأنت بخير . والْعيد أُمبارك عليك ، ويا أخي مشتاقين . وكيف صحّتك وأحوالك ، عساك مبسوط ، اتّصلت عليك في العيد ، بس ما جاني رد من تَالاك . لك تحيّتي ، وكنْ بخير كما أرجو .
_______________ * " في واحد بلديّاتنا كان معايْ في الْعيد ومن أولاد ( وَدْ زَلَم ) بِسلّم عليك بِلْحيل ، إسمو ( عادل ) ، قال كان معاك في أبو ظبي زمان " .
| |
|
|
|
|
|
|
Re: شيل الترانزيت (Re: محمَّد زين الشفيع أحمد)
|
هووي يا كوستاوي البوست جايي ما تضيق أخوك يخربو من إنترنت، لووول الخواجات ديل إنت عارفهم ما أشفق منهم على الفلوس غير المصريين (كل عام وإنت بخير يا باشا) أها يا سيف بشير أنا كنت أشيل وأطايب قايل الحكاية مطايبة، فوروني بذات الطريقة الكتبتها دي، ( ما تفهم بقأ) إنو الحكاية معناها دخل إيدك في جيبك، أتحرك، الشرتيييت. وبرضو أمي العزيزة زينب تقول ليك كاتب كبير البركبو في التركية شنو! نشفونا نشاف يا مامتو، إلا التركية دي حكايتها إنو ما لقيت حجز من لندن هنا لما كنت مسافر، ولا طيارة فاضية مافي. عاد يا أمي -برااك عارفة- إنو لولا صديقتي العزيزة سناء الصباغ، كان الترانزيت دا ذاتو ما لمّيت فيهو.... بووووو والله دي صاروخ بس
يضحك نهاركم يجيني الانترنت وبجيكم بالصور -الأطرف- من العجبت ملاسي دي، ويا دينا صور بالكوم كتابة بالكوم وحبر الكوشيين والفراعنة، وورق -البردي- بتاع بكري دا راقد، تاني شنو؟ أبقوا طيبين لامن أجيكم
| |
|
|
|
|
|
|
Re: شيل الترانزيت (Re: محسن خالد)
|
الزول "الشين" الفات الكبار والقدرو..محسن خالد صديقنا من زمان..من أول راوية قراتها له "وقذفت" بها على الجدار..دا جا من وين دا؟..ولا أزال صديق فقط اليوم اتقابل مع حروفه وجها لوجه دون ان اراه..لا تموت لهم في الترانزيت عيال "الينبح"..
| |
|
|
|
|
|
|
Re: شيل الترانزيت (Re: انور الطيب)
|
تولوس أشرف الحلبي وعيسى
يا شباب عامكم سعيد، ووحاة أمي متوحشكم بزاف تولوس لي منو أزمان معدة وعيسى قاطع الحركة لا إيميل ولا تلفون وأشرف دا تغيان من زماان، يضحك نهارك كونوا بخير وتبقى المودة التي أحملها لكم والمعزات الوافرة
| |
|
|
|
|
|
|
Re: شيل الترانزيت (Re: محسن خالد)
|
يا أبوها لَـ ساندرا، أو كما تتغاتت صديقتي ماهيتاب، على الطريقة اللبنانية ياخي متوحشنك بزاف، والتحيات معاك للست العظيمة رشيدة وللأميرات النابغات كن بألف خير يا صديقي العزيز
عمر فضل المولى يا عزيزي العيد مبارك عليك وكل عام وأنت بألف خير
محمد إبراهيم وإنت كمان طيب يا عزيزي كذا شخص قال لي ذلك، لكن أخوك ما بعدم فيها بصارة. في الطابق الثاني بتاع الترانزيت دا ذاتو، هناك كافتريا، بجوار استراحة (الملينيم) مباشرة، آخر ركن من الكافتريا، دا ياهو المحل ذاتو الكان صاحبك الهندي بمشي يتبلبل فيهو ويجي، وكذلك أخوك. بس البوست دا ذاتو شغلني شوية، وكمان الخوف من كلام الحكيم، الرئة اللفت دي غايتو الله يكضب شينتها، يضحك نهارك
| |
|
|
|
|
|
|
Re: شيل الترانزيت (Re: محسن خالد)
|
مدثر محمد آدم وعيدك سعيد يا عزيزي وكن بألف خير
ملاسي الصورة دي علم وأكواد وأبجدية ما تستعجل، طول بالك يعني صورة جادة جداً جداً، وقصتها الطريفة ذاتها جادة إنت في قصة الصورة؟ لما شفت تمثال رمسيس، وتمثال آخر بدون تسمية كحال كل التماثيل الزنجية، بشاشا ظاااااتو ـ يا عملات هباني ـ طلع جادي جدا
يا حمور سلام ومشتاقين عمك ملاسي دا، أستاجر فيهو، أصلو حديثو ياهو كدي بدون براهين ففيم تستجديني؟ وبم أُجديك؟ ما كتبه صديقي مأمون رأيي فيه واضح وقصير، الحديث عن القيمة الفنية لما تكتب شيء، وحقك في الكتابة وفي أن تكون آمناً في دارك دون أن يحرق أحدٌ متاعك شيء آخر تماماً. وتعجبت من تجاوزات التلب الكثيرة بوسط مقاله، وخلطه للأمرين مع بعضهما بعضاً، لدرجة أن يصف نفسه في صف واحد مع مجلس السخافة والمرذولات. إن كان مأمون يشكك في قصة الحريق فنصيحتي له بأن يلتزم كتابته، وله حق أن يُبدي رأيه المعرفي فيما تكتب، ويدع ما للشرطة للشرطة. وإن كان يرى أنك تستغل القصة فحسب وتتاجر بها في سوق الأدب، فهذا رأي شخصي له هو، ليس بوسعي التعليق عليه، وهو المسؤول عنه. وإن كنتُ أرى أن مقاله لم يكن بالإتقان والحيطة الكافيين ليجعل المتلقي يقبض بالضبط على ما يود التلب قوله. ورأيي الخاتم أن المقال مشاكله الأخلاقية والسياسية عديدة، ومشكلته الأسلوبية الأساس هي صياغته على نحو مشعرن ـ حسب تقديري ـ لا يصلح لمناقشة قضية، مباشرة، عن الحريات وأمن الإنسان، وخلط كل ذلك بمداخل من حارة النقد، على أساس أن القصة ضعيفة ـ على حسب رأي مأمون. أنا حتى الآن لم أقرأ هذه القصة كما أخبرتُك. بأي حال، ذلك المقال كانت تنقصه الكثير من الاحترازات والحيطة والحذر، لأن الموضوع في تمامه تجاوز القطعة الأدبية وتعلقت في ذيوله مواضيع أخرى كثيرة ومتشابكة ومتلونة.
أريتك بألف خير، وبلغ تحياتي لأعزاء تلك الأمسية فرداً فردا
وليد كل عام وإنت بخير ياخي
| |
|
|
|
|
|
|
Re: شيل الترانزيت (Re: محسن خالد)
|
يا كيكي وين الحي بيك ياخي عامك سعيد وأنا لسه في رجاك، أبقى مارق
ياسين والله مشتاقين ياخ ليكم وحشة
المعلوم وصل خلينا نتصفح أولاً وتاني نجي نتطايب كلكم في البال، ح نسهر قريب، أيوة لا بُد كن بألف خير
يا ولَ أبا كبر والعيد أمبارك عليك، وأريتك دائماً في هناء وفي لقى عند الدنيا وعند المقسم عاجها شوفي في كلام حسن موسى بجيهو وما هو كتير بس داير لي زولا تشكيلي يرسم لي الكلام الفي رأسي، بشحد أحمد المرضي غايتو لووول عمك حسن موسى منصر نضم ورسم (إن شاء الله دائما ضراعو أخضر، الراجل ما قصر مع ثقافتنا أم رويحة مارقة دي) يا كبر ياخي أحاويلك؟ وكلام الصورة دا، برضو داير ليهو مشهاد إسكنر، بجيهو كن بألف خير
| |
|
|
|
|
|
|
Re: شيل الترانزيت (Re: محسن خالد)
|
Quote: مع التقاط الكثير من الصور |
يا زول هوي أنا ح أديك 24 hours ترانزيتك الشايلو دا و معاه الصور لو ما طرشتو ليناة هنا ح أدفق كل الصور الفي كمبيوتري دا, في بوست هذا المدعو الترانزيت.
و اللهم أشهد
| |
|
|
|
|
|
|
Re: شيل الترانزيت (Re: محسن خالد)
|
خالد العبيد وين الحي بيك؟ من أيام تلفونا داك، أريتك اتعافيت تمام التمام أديتك كمين تلفون بعديها، لأجل الاطمئنان عليك، وتركت كم رسالة، لكن التوقيت العجيب دا، قطع قسمتي منك. ياخي غاية الأشواق لك، والمحبة والوداد متوحشك بزاف
جيلي القوم ألف تحايا وكل عام وأنت بخير الشوق بحور
عثمان موسى أخوك شدييد، أريتك إنت بألف خير يا صديقي العزيز، وكل عام وإنت طيب
| |
|
|
|
|
|
|
Re: شيل الترانزيت (Re: محسن خالد)
|
صلاح ليون علينا وعليك يتبارك العيد وكل سنة وإنت طيب دام فضلك وكن بألف خير
أمحمدزين كل عام وأنت بألف خير يا صديقي في الغار أريتك ومن معك طيبين، انقطعت منك ياخي، أرجو المغفرة. والعيد أهو عديتو مزمبع وداجي. بلغ تحياتي الحارة لعادل عبد الملك، ويا ريت تباسي لي تلفونو على المسنجر. الحكاية ماداب شغل، عادل دا أنا خالو تاااح. يضحك نهارك
عبد الرحيم سعيد كل سنة وإنت طيب وبخير يا صديقي الدنيا عاملانه كوتشينتها، تشكنا وين ما النصيب يجدع كيفك يا رجل وكيف أحاويلك أرجو أن تكون بخير أنت ومن معك ولك أشرق ما في المودة من نهار
| |
|
|
|
|
|
|
Re: شيل الترانزيت (Re: محسن خالد)
|
أنور الطيب يا صديقي في الغار، شوق دهور عيدك مبارك، وكل سنة وإنت طيب عارف؟ زمان في واحدة من صور ساوس أفريكا، بتاعة شنطة اللاب توب، اللبستني منها الحنكشة ديك، هسع عندي ليك واحدات من مصر غبشة جنسها براها، لووول ياخي مشتاقين ويضحك نهارك
| |
|
|
|
|
|
|
Re: شيل الترانزيت (Re: محسن خالد)
|
The Qaitbay Citadel In Alexandria
___________ الصورة هذه والتي سبقتها في قلعة قايتباي بالإسكندرية التقطهما السماني يحيى
____________
أنور الطيب دي برضها شنطة نت بوك ما تشيل حالنا
| |
|
|
|
|
|
|
Re: شيل الترانزيت (Re: محسن خالد)
|
محسن .... خالد ... جداً
يعني ما اتلاقينا إلا هاتفيا في القاهرة
برغم ان كلانا كان موجود بها في نفس الزمان
ولكن للقاهرة سحر الامكنة
وعبق التاريخ
وروح التمازج
لذا كان قدرا أن نتهاتف فقط
والحي مصيرو يلاقي
وبينا وبينك الايام
ونتلاقى في ساعات خير
والخير جاي كتير
دوم في عافية يا محسن يا أنيق
| |
|
|
|
|
|
|
Re: شيل الترانزيت (Re: محسن خالد)
|
"مائي مُصَفَّدٌ وغربتي طليقة". ما تزالُ هذه العبارة التي قلتُها لنفسي، ترنُّ بداخلي، منذ زمنٍ بعيد، كنتُ أتجوَّلُ حينه في غرناطة. تساءلتُ ضاحكاً، يا تُرى متى سأترك خريطة السائح التي أعيش بها هذه الحياة، وأعتمدُ على قلبي!؟ هاااه.. يا غُربة اذبحيني الآن، ولا تجعليني أُعاني من كوابيس السكين طوال عمري، الذي ما هو إلا أحلام. أُتمتمُ مع نفسي وحدها، بينما التاكسي يعبر شارع 26 يوليو قاصداً الأزهر الشريف بوسط القاهرة، وباعة الرحيل يصيحون على سياراتهم.. هرم.. هرم... هرم لمن أراد أن يذهب لمنطقة الهرم، أو شارع الهرم المشهور، والممتد خارج التعاليم كلَّها. أُتمتم لاعناً، وصابَّاً بعض مائي المُصفَّد في أصيص مزهريات، وبعضه في أصيص لحد، فما الفرق؟ كُلّه أصيص، وكلّه يفي بشرط القيامة. صُبَّ لي كأساً في النجمة وأطفئ شمعتي ما حيلتي! وأنا منشورات التل سماءُ الغابة ما سكتي! والدربُ أمامي معطوبُ البصيرة والليل يُنْكِر ليلتي
| |
|
|
|
|
|
|
|