|
|
 أطلب مرافق مقيم في برلين ،،، هل من صديق ؟
|
حكاية عيني اليسرى بسيطة
ومزعجة
لسبب ما تنشأ فيها اوردة ضعيفة غير مزودة بالأوكسجين
فتنفجر ، وتسيل دماء تغبش الرؤيا
وتعدمها أحيانآ لو كان النزف كثيف عند بؤرة النظر
التمست العلاج في الدوحة ، ويتلخص في حقنتين في العين ( حارات جدآ )
فصلت بين الأولى والثانية مدة شهرين ، ومازلت أحس بالوخز
ثم خضعت لعدة جلسات ليزر ( مؤلمة ) عبارة عن مكواة حارة تسلط على العين
أعود بعدها أفضل من ناحية الشوف
|
|
 
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
نصحني أصدقاء وزملاء عمل قطريين
بالتوجه إلى برلين
واحد منهم كانت عنده نفس حالتي وشفي منها
العنوان كالتالي :
prof.Dr.med.Manfred R.Tetz
Dr.med.Dirk Baumhauer
(Facharzt fur Auge nheilkunde
---------------------------------------------
10559 Berlin
Alt - Moabit 101 B
Tel; 030- 398 O98-0
Fax; 030-398 098-44
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
ابو ساندرا الف سلامه
وكل عام وانت بخير
والله دخلت اشاكلك لاني لاحظت غيابك من بوستاتي واندهشته
حزنت لما عرفت انك بتعاني اتاريك.
ربنا يسخر لك كل ادوات الشفاء ويفرحنا باستمرا مقدرتك على الشوف
ويا ابو ساندرا افتقدت تعليقك على فيدوهاتي
وتجدها في موقع اليوتيوب لو كتبت
Tragi Mustafa وضغطه على ابحث ستجدها....
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: الجندرية)
|
كتبت الزعيمة تراجي :
| Quote: استمع بس لو ما قادر تشوفها |
سمعت وسعدت
وقادر اشوف فالعين اليمين تمام التمام ، اول مرة اليمين يكون احسن من اليسار
شايفك
يا حلاتك
والخصل التائهة فوق الجبين
زادت وسامتك
تقاطيعك مريحة
و مضوية
بريق ابتسامتك
شكرآ يا زعيمة
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: Osman Musa)
|
طمأنتني يا الغالي
Quote: سمعت وسعدت
وقادر اشوف فالعين اليمين تمام التمام ،
اول مرة اليمين يكون احسن من اليسار |
ولا تغيب عنك روح النكته في احلك الظروف تسلم يابا.
المهم يا غالي بفتش لك اخونا سيف مساعد راجل ضكران خلاص واخو اخوان.
هن موضوع برلين.
ةشتكر اخي عى باقي التعليقات الايجابيه.
نواصل يعني؟؟منها فائده؟؟؟
| |
|
|
|
|
|
|
|
|
 Re: أطلب مرافق مقيم في برلين ،،، هل من صديق ؟ (Re: أبو ساندرا)
|
| Quote: أنتهز هذه السانحة وأدعوك لقضاء يوم العيد معنا |
شكرا ليك كتير يا عبدالرحمن لكن في السبقك وعزمني لتقضية يوم العيد معاهو
ودي فرصة لي أعرف أهل البلد القطريين بيعيدوا كيف عشان كدا مابقدر أفوتها دا غير مكانتهم ومعزتي ليهم
____________
لكن أمسكوا لي (أتي) بجي أشيلو
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
إبراهيم عبدالحليم :
Quote: عزيزى ابوساندرا
قرات نداؤك
انا مقيم بالمايا بس بعيد من برلين لكن
ساتصللك بالاطباء تلفونيا وأوافيك
إبراهيم |
شكرآ جزيلآ يا عزيزنا
ومقدر عاليآ إهتمامك
المانيا كبيرة ولي فيها بالإضافة لك وسيف مساعد ونصار وعالية
لي أصدقاء ورفاق ايام مجيدة هم
المهندس / طه سعيد نقد
وزوجته المهندسة / سهير ابراهيم حسن
ومحمد علي بشير وهو متزوج من المانية
عجبتني ( سأتصللك ) جدآ وذكرتني أصحابي الرباطاب
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
شيخ العرب / عادل سهل
شكرآ يا عادل على الإهتمام
وعلى الدعاء الصالح الذي أرجو أن يصادف القبول
ببركة هذه الأيام الطيبة والناس وقوف في عرفات
والرحمات
Quote: عندنا اصحاب فى برلين بس ما بورداب ، لكنهم ما بقصروا
وإنت قامة معروفة عندهم ، سأرسل لهم العنوان |
ما بتقصر تب
مع الشكر الجزيل
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: Elawad)
|
يا سلالالام :
Quote:
سلام
From: bakr galil ([email protected])
Medium riskYou may not know this sender.Mark as safe|Mark as junk
Sent: Wednesday, November 25, 2009 3:52:32 PM
To: [email protected]
الاخ ابوساندرا/تحياتى وكل عام وانتم بخير بمناسبة عيد الاضحى المبارك.
ياحبيب انا احد القراء بسودانيز اون لاين ،قرأت بوستيك الاخير واقول ليك كفارة
.اذا احتجت اى مساعدة نحن تحت الخدمة.انا مقيم بالمانيا بمدينة بريمن فى شمال المانيا
حوالى ساعة من هامبورغ.عندنا اطباء جيدين فى مدينتنا،
على العموم اذا حبيت اى مساعدة عندك الايميل وممكن ترسل الملف الطبى وانا بعرضه على الطبيب
وممكن اوافيك بكل التفاصيل،انا ذاتى بعانى من الجلاكوما وبعرف عدة اطباء هنا
.بكتب ليك سريع لانى على سفر وبرجع بعد العيد ومرحب بيك انت ورشيدة ذاتها،ههههههه شفتنا متابعين كيف؟
تحياتى
اخوك ابوبكر عبدالجليل
- |
أخي ابوبكر عبدالجليل
عاجز عن شكرك
وما عندي حاجة اقولها غير ماقاله الشاعر متفاخرآ ( ديل أهلي )
كتر خيرك يا الحبيب
وح ادس رسالتك دي عن رشيدة
لأنها ح تبكي
وكمان ح تتشبك وتقول لي ح ارافقك
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
اخ ابو ساندرا
أجريت اتصال بالرقم المكتوب واوافيك بالاتى
هذا مستشفى عيون تخصصى ويقبل يعالجك على النفقة الخاصة.
ممكن تتصل بيهم بيجيدوا للغة الأنجليزية.
هل عندك فيزا لالمانيا؟
لو ما عندك بترسل ليهم معلومات جوازك بالفاكس وهم بيرسلوا ليك دعوة بيها بتمشى السفارة الالمانية.
السودانيين فى برلين كتيرين ما تشيل هم.
الاخ الصديق ابوبكر عبد الجليل الرسل ليك الايميل من بريمن انا بعرفوا وهو عندوا نسيبوا ساكن برلين اسمه على المتعارض.
إبراهيم
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: إبراهيم عبد الحليم)
|
محمد طه الحبر:
| Quote: انت عارف لو قلت مقيم في الشكله عوج الدرب او ابقوته كان قبيل لقيت مليون صديق |
أهلآ يا ود الحبر
هسع بك وبالأخوة ح نلقى بليون صديق
و ودعوج الدرب و ابوقوتة بالطبع ما أن يصلهم النداء حتى يسعيا
الإستجابة التي طوق عنقي بها المتداخلين أعلاه
ستكون بارقة الخير في رحلة العلاج
وباقة زيت في الفانوس البيبقبق ده
مع شكري الجزيل
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: WAD ELGAALI#4)
|
ناجية مصطفى :
Quote: عــــارف علاجـك شـنو؟
(غض البصر) |
هو وينو البصر لامن يغضو يا خالتو ؟
بعدين نفرض في وعايز أغضو
انتو بتدونا فرصة ؟
الواحد يفتح باب اوضتو يلقى بلوى في وشو من صباح الرحمن
اها يودي بصرو وين
أو ماتبقى من بصرو
بالطريقة دي يوم ( بصرو ) ليك في طرف توبك
أو توب صاحبتك
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: Raja)
|
سلامتك ابوساندرا
ببرلين يوجد جمال مرغنى ود عطبرة صديق و زميل عزيز يعرف برلين و شوارعها و حاراتها ...........مثل عطبرة...........و بالمناسبة هو يشبهك فى كثير من الخصال
انقطع اتصاله بى منذ عدة سنوات ..........
ارجو الزملاء الذين عاصروا جمال مرغنى فى الزمن الجميل بجامعة الخرطوم توصيله ابوساندرا
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: Al-Mansour Jaafar)
|
سلام ابو ساندرا
عالية اعتقد بالسودان ونصار الان في بلجيكا وهو اصلا ما كان في برلين وجمال ميرغني في جنوب المانيا ؛ لكن هناك الكثير من الشباب الرايعين والمخضرمين في برلين يمكن ان يساعدوا
عندي شخصيا مجموعة من الاصدقاء ببرلين منهم شريف جار النبي ومعتصم بيضاب والاخ الاصغر محمد ابشر ادروب ساحاول الاتصال لمعرفة ظروفهم وبديك خبر
عموما انا ايضا على مسافة ليست بعيدة من برلين - وارسو على بعد 10 ساعات بالقطار من برلين - فاذا لم تجد احدا قوول عووك بنجيك طايرين
ولو جيت وارسو كمان بنشيلك في عيوننا
ملاحظة:
انت ىما ما دام عيان وعيونك بايظة داخل وفاتح ليك مليون بوست وبتشاكل مالك ؟؟
ناس مجانين خلاص
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: فيصل عثمان الحسن)
|
عزيزي ابو ساندرا
لا املك الا الدعاء ,,
يا نور المستوحشين في الظلم , يا رحمن يارحيم
يا من اسمه دواء وذكره شفاء ,,, من على ابن بركات ببصر يفوق الغراب حدة , وببصيرة تكشف له بها الحجب ,,,
اعيادك سعيدة ,,,
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
هسع بالله الزول يتمنى لو كان طبيب عيون وساكن في برلين ؟؟
أو يتمنى لو كان قطار الغربة دي زماان طفش بيهو ووصلوا برلين ديك ؟؟
أو يتمنى ما يجي زول من برلين يقول لى بركة عندك .. أنا هنا ويتكفل بالمرافقة
وعندها ينتهي هذا البوست وهذا الجمال وهذا الحديث الحميم البسيط الأنيق العميق
أقر أنها أنانية مفرطة .. لكن منذ متى لم يكن الحب أنانية مفرطة وأنت تحتضن حبيبك وتخبيه عن عيون البشر أو كما قال الحسين الحسن ؟؟
كل مداخلة كانت أجمل من مداخلة
وكل رد كان أجمل من رد
لكن قد أسرتني مداخلة الأستاذ عادل عبدالعاطي الحميمة رغم التلاحي الذي وصل حد ( القبقبة )
يآآآآآآآآآه
كيف كان يمكن لي الإدعاء أنني عشت عمراً إن لم أعرفكم
_______________________
سر بحول الله
محفوظاً بجلال الله
دعوات هذه القلوب التي أحبتك سوف تفتح لك الطرق المغلقة
سر وعد إلينا سليماً معافى
لا تفوتك ( خصلة ) ولا تفوتك ( كحلة )
__________________
بركوته
كل عام وأنت حبيبنا
| |
|
|
|
|
|
|
|
|
 Re: أطلب مرافق مقيم في برلين ،،، هل من صديق ؟ (Re: عاطف عمر)
|
Quote: سلامتك ابوساندرا
ببرلين يوجد جمال مرغنى ود عطبرة صديق و زميل عزيز يعرف برلين و شوارعها و حاراتها ...........مثل عطبرة...........و بالمناسبة هو يشبهك فى كثير من الخصال
انقطع اتصاله بى منذ عدة سنوات ..........
ارجو الزملاء الذين عاصروا جمال مرغنى فى الزمن الجميل بجامعة الخرطوم توصيله ابوساندرا |
الدفعة بكرى
بالله انت لسه متذكر جمال ميرغنى حليلك
جمال سواق التكسى ودعطبرة
ده زمان رحل الجنوب بنورنبرغ
ياما غنينا سويا للعطبراوى ولازالت التسجيلات عندى
ايام
إبراهيم عبد الحليم
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: Huda AbdelMoniem)
|
ابو ساندرا
ازيك يا كبير و كل سنة و انت و الاسرة بالف خير..
المانيا مليانة سودانيين و يسدو عين الشمس
و بعدين الاخوان رأفت ميلاد و عصام جبر الله
في سويسرا..و كلها كم ساعة...تلاقيهم قدامك....في المانيا...
لو ربنا ما سهل مشية المانيا..
الاختيار التاني...خليه روسيا و او اوكرانيا...
ناس ممتازين و بالذات في جراحة و طب العيـــــــــــــون
الف سلامة
وربنا يديك الصحة...
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: هواري نمر)
|
Dear Abu Sandra
Eid Mubark
Wish you a quick recovery. I am glad that we have met last week in Doha after 2o years. Although I won't be in Doha during the Eid, but definitly will be there when you are back safely from Germany to share with you, and your queen, and princesses the celebration , and yes, the delicious feast of your safe return,
I will call you tomorrow
Regards
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: Elmoiz Abunura)
|
الف سلامة ابو ساندرا ولو برلين ما نجحت لو عزمت السفر لي لندن تحت الخدمة ونتشرف بيها كمان ..
كلما اقرأ ما خطه صديقي العزيز عاصم { الحنين } كما كان يناديه والدي رحمه الله اتمنى لك الشفاء من كل قلبي ...فعاصماً اعرفه جيدا خليلي كان ..في زمن صعب ...لا ينطق الا احساساً وشعورا ... لوحته تلك اعيدها اليوم مع امنياتي وامنيات اسرتي بالشفاء ...
اسامة احمداني { ابوسولارا }
Quote: كيف الأشواق يا زميل
كيفك
عل العينين صِبحن بي خير؟
ما الطير قال لَي
شافك بتحرّض في رمشيك
شان يحلبو ضي الشوف
لينقّط يصبح سيل
ضد الهدّام
الرمي قدّام،
عارفك فتران
مشوارنا طويل
لكن نسّام الصبر هديلو نبيل،
و أنا كل ما أشوف يدّك
كتبتلِي النَمْ
بسمع تُم تُم
و عويل الروح بتحوّل دفّه
تسوق وطني و نتلَمْ
و نلِم ما اتشتت في الكوراك،
اللون الأحمر فيك بيحب الشارع
و ذات الشارع
لمّا نصارع
و نفتح طاقة حسّو
بيبقي الطول الفارع فكره
و يبقي الحلم الناس الفاتو
و ختو الساس،
و أكيد
ماشيين في السكه نمد
من سيرة النسمه
العارفه معاني النيل و الحب
بتكُب في القلب اللون الواضح،
و حنمشي بصوتاً صادح
و نكتب في الكراس
عن قاسم و عبد الخالق
و عن رصّاصه
بترصد دم الناس الصاح،
بالصح كلّمني
كيفك...
عل العينين صبحن بي خير؟
و انا مفتكر يوم شاورت إيدك
علي هذا الخطر
و انّو بيوحّد شوقنا
ضد هذا النزيف المستمر،
بل كل ما يلمع علي الرمله النشيد
يقوي الحلم بالوقفه صفاً
جم بعض
يا كم جميلاً
حين تكورك في الجسد
كل الخلايا
بكم تحايا
الصبح أوسم من يضيع كدا في الزوايا
وطن يطنطن
زحمه لخمه
وطن يحنّن
لمّه سمحه
وطن يجنّن
و حين تزغرت بت هناك
و الناس تخش بيت الغنا
و المطره
تفتح بابا للشوق ضلفتين،
حتي الرمال الفي الخيال
تكتب علي القمصان تمام،
يا كل من خان البلد
بالدين فتح جبخانه
و فجأه جانا قعد معانا
سرق عشانا،
الجرح أعمق من نودّر شهقتو
و الفرحه عاتيه كما الجبال
رغم الحصل
نمشي في طريقا حجر حجر
و الصدق صافي كما النبال
نشّنا في كل اللي قال
إنّو البلد اتلبدت
سكتت
و مات حيل النضال
و أكيد تماماً
طالما روحنا بتبوح
بالممكنات المستحيله الوارفه
بحّة أناشيدنا بتروح
و الواطه ياها الفارعه
زي ما انيقاً في الشعر (حمّيد) بقول
دوماً لنا
نحنا البإيدنا القدره عدّالة العوج،
أفتح كتابك يا وريف
أقراك بلد
أقراك فتحت الطاقه
للمشتاقه للوكت الجميل
و أرفض معاي
أن لا نتساوي
و لا نتداوي
و لا نتخاوي
الأرض فسيحه
و برضو مريحه اذا اتسالمنا
و كدا نتوحّد و نبدا طريق،
يا رفيق
كيفك جداً
طمني عليك
علّ العينين صبحن بي خير؟
و سلام حتي مطلع الأمر
(الوردة لم ينطفئ عطرها إنما خيّل اليهم |
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
سلامة عيونك يت يا أبو ساندرا .... والشافتو في الدنيا دي ما ما هين وكتير .... ربنا يكتب ليك الشفا ...
الزميل معتصم بيضاب كما قال لك الأخ عادل عبد العاطي مقيم ببرلين ... ممكن أرسل لك تلفونه علي الخاص ...
تسلم العيون الكحيلة ... ويا رب الشفا عشان تشوف كمان وكمان ...
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: زهير الزناتي)
|
أحمد معتصم الطيب :
Quote: دق باب أى سـوداني فى برلين وقول كلمة السر ( أ.ح.م. د.... م.ع .ت.ص.م)
وسوف تجد الجميع تحت خدمتك .....مرحب بيك فى برلين.. |
هييييع ، عب كبير هناك يعني
ما اصلو أولاد الديم في أي حتة بينزلو بينقلو معاهم الديم وعلاقاته
اها أنت هسع هناك معروف وحاييم زي الكأنك في حيي الزهور فتحت
واللا في الساحة الشعبية وسوق الديم
وأحمد وزوجته بنتنا إيمي صديقة بنتي ماهيتاب بادرا بإتصال تلفوني طويل
حتى أشفقت على ميزانية البيت وحق رضاعة الطفل الوجيه
يارب يوم شكركم ما يجيي
| |
|
|
|
|
|
|
|
|
 Re: أطلب مرافق مقيم في برلين ،،، هل من صديق ؟ (Re: أبو ساندرا)
|
Headquarters Karl-Liebknecht-Haus
Kl. Alexanderstraße 28
D-10178 Berlin
وبا ريت ناس الحزب لو كتبوا ليك
للناس ديل
Ausgewählte Informationen zu internationalen Themen
DIE LINKE
National Executive
Department of International Policy
Kleine Alexanderstrasse 28
D-10178 Berlin
Phone: +49-30/24009-352
Fax: +49-30/24009-425
[email protected]
التأمين ألماني
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: Al-Mansour Jaafar)
|
إبراهيم عبدالحليم :
Quote: أجريت اتصال بالرقم المكتوب واوافيك بالاتى
هذا مستشفى عيون تخصصى ويقبل يعالجك على النفقة الخاصة.
ممكن تتصل بيهم بيجيدوا للغة الأنجليزية.
هل عندك فيزا لالمانيا؟ |
كتر خيرك يا إبراهيم يا سريع الفزعة
اليوم أتصل بي مشكورآ الأخ سيف مساعد ( ود عوج الدرب ) وسألني نفس السؤال
وأبلغته حاجتي إلى عنوان في برلين حتى تمنحني السفارة التأشيرة المطلوبة
عطلة العيد سوف تؤثر على العمل في السفارات وفي المستشفى حيث التقرير الطبي
من الثلاثاء القادم سوف أشرع في الترتيبات
أكرر شكري وتقديري
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
ود الجعلي :
Quote: الله يكتب الشفاء يا ابوساندرا لو ناس برلين ما ردو ونفخوا بطنم والله نجيك من هنا ونرافقك
دى فرصه الواحد يرافق ليه زول سعيد ماتقول كمان الشتاء كلو عطاله عندنا بجاىاانت بس تأمر يا ملك |
أهاااا ، جبت سيرة البحر ، أخوك بيحب الشتاء جدآ
لكن مش زي زمهرير تلك الأصقاع الباردة
غايتو لو مالجماعة هناك إنستروا معانا ووفروا وسائل الدفء والتدفئة
الواحد مابعيد يلحق أبوذر الغفاري الذي قتله البرد
شكرآ على الكلمات الطيبات وياريت تلم عطالتك مع صقرطة البرد هناك ، ونحوم
حتى ولو في عشش فلاتة
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
يوسف محمد يوسف :
| Quote: اتمنى ان تتصل على ابنى " محمد يوسف " على هاتفه: |
تكلمت مع الأخ العزيز يوسف أبوصلعة وهو لاعب الكرة المجيد وعلم من أعلام الخرطوم القديمة
وإبن أعز احيائها الخرطوم تلاتة وجار عمتي
تحدثت معه هذا المساء في تلفون حميم إستعدنا فيه ذكرى ايام عطرة وناس عزاز وأمكنة عزيزة
شكرآ يا يوسف ، وحالما أصل هناك سوف أتصل بإبننا محمد يوسف
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
عادل عثمان :
Quote: طبعآ ابوساندرا شغال بنظرية المعكوس
ربنا يشفيك يا ابوها
وكل عام وانتم بخير وزوجتك وبناتك الجميلات |
ايوة والله يا عادل ، وقصة المعكوس دي ماشية معاي من زمان
اكيد بتكون متذكر ( ذهب مع الريح ) انا كنت مصر أن الصاح ( ذهب عكس الريح )
أقينست زا وييند
وكانت الريح المعاكسة تلبي رغبات مكتومة ونحن نسير في شارع المدرسة
وشارع المدرسة هذا هو الشارع الذي يمر جنوب حديقة القرشي
والذي يمتد شرقآ إلى الحديقة التي يوجد فيها مقهى زوون
ويتجه غربآ إلى قسم البوليس ويمر في إتجاهه هذا بالمدارس
ومعظمها مدارس بنات ( الأم الثانوية و الخرطوم جنوب والخرطوم تلاتة والزهور المتوسطة )
كنا بنقعد بحيث تكون الريح معانا وعكس البنات
كان بيعجبنا ذلك الإرتباك البريء وهن يلاون الريح ولا ينكفين
تمامآ مثل النخلات
كل الجميلات بخير وأمهن
أحلى منهن
مشكور ياصديق إذ هيجت فينا الذكرى
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
رجاء :
Quote: سلامة عيونك يا غالي..
ربي يطمًنك ويطمًن أحبابك معاك.. |
تسلمي يا أصيلة
و شحدت ربي يا رجاء ببركة هذا اليوم العظيم وإبتهالات الحجيج
أن ييسرها الله عليك وعلى أخواتك وأراكن في بيوت عدلكن
وأرى علوية الشيخ مشغولة مع العيال وكل لحظة ترفع توبها تغطي راسها
عشان ابوالنسب ماري
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
سلامة العيون يا ابو ساندرا
ما عندك عوجة تب يا حبيب الاخوان راقدين و ما بهملوك
زي ما قال عادل عبد العاطي بيتي في برلين لكن انا
لي سنة متواجد في بروكسل، الاسبوع التاني من ديسمبر
ح اقضيه في برلين اذا مستعجل نخلي الشباب يظبطوا
امورك مع المستشفي او اذا بتنتظر فسوف يسعدني ان
انجزل الامور بنفسي.. اخونا دكتور عبدالمنعم مختار
زول هميم و شغال في مجال التأمينات الصحية ما بقصر
و بفيدك يمكن في مسألة التكاليف. عبد المنعم رئيس
النادي السوداني. ان شاء الله تجي و تتعافي تماما
و تستمتع ببرلين بعبقها التاريخي و متاحفها و
وجهها الحداثي... اخونا ابوبكر الرسل ليك الايميل
زول هميم و اخو اخوان ما بنتظر يطلبوا منه مساعدة
و فعلا نسيبه علي المتعارض خليفة خلفا كبير
يا زول ابشر بالخير
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: خالد العبيد)
|
سيد الحوش :
Quote: سلامتك ابوساندرا
ببرلين يوجد جمال مرغنى ود عطبرة صديق و زميل عزيز يعرف برلين و شوارعها و حاراتها
...........مثل عطبرة...........و بالمناسبة هو يشبهك فى كثير من الخصال
انقطع اتصاله بى منذ عدة سنوات ..........
ارجو الزملاء الذين عاصروا جمال مرغنى فى الزمن الجميل بجامعة الخرطوم توصيله ابوساندرا |
شكرآ يا ريس على عالي الإهتمام
اهو إنت إستفدت من البوست بتاعي ، قدرت تعرف صاحبك جمال ميرغني وين
ودي فرصة لإستعادة التواصل ، معقول بس، إنقطاع وانت مالي الدنيا وشاغل الناس
كان بس تكتب بوست ( أبحثوا معي عن صديق ) وكانت الأنباء أتتك قبل ان يرتد لك طرفك
أما إهمال وتقصير لايليق بزعيم
ثم
| Quote: و بالمناسبة هو يشبهك فى كثير من الخصال |
المابيلقى شبهو الله قبحو ، كويس عندنا شبيه
حتى ولو في الخصال
مع إنو انا شاكي في الخصال البتعنيها
غايتو شوقتنا ليهو
زملاء و توصيله ؟
مصطلحاتك مشبوهة وبتؤكد ميولك
وإنك زول فيك بعض جاهلية
وبقايا تنظيم
غايتو لو جيت الدوحة بنرجعك البتاع تاني
عامر التقدير يافردة
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
الزميل الصديق/ المنصور جعفر
| Quote: يا بركة شوف العيادة دي من أثار الإشتراكية الخالدة |
خالدة الجنيد ؟
أي أثر تركته الإشتراكي غير قابل للإندراس
سيبقى شاهد على أيام مجيدة سمتها التضامن مع الشعوب في سعيها للتحرر
وأقلها بذل التعليم الجامعي وما فوقه وبخاصة في التخصصات التي تحتاجها
بلدان العالم الثالث للتنمية وللعلاج
وتبقى ، لتحمل الأمل للشعوب بالعدالة الإجتماعية والإكتفاء الذاتي
والتحرر من ربقة الجوع الذي يفضي للتبعية
أها قنطرت لي وشوتنا في التمنيات
مع أحلى الأمنيات
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
الحبرتجي ، الزميل السابق / عادل عبدالعاطي
Quote: سلام ابو ساندرا
عالية اعتقد بالسودان ونصار الان في بلجيكا وهو اصلا ما كان في برلين وجمال ميرغني في جنوب المانيا
لكن هناك الكثير من الشباب الرايعين والمخضرمين في برلين يمكن ان يساعدوا
عندي شخصيا مجموعة من الاصدقاء ببرلين منهم شريف جار النبي ومعتصم بيضاب والاخ الاصغر محمد ابشر ادروب
ساحاول الاتصال لمعرفة ظروفهم وبديك خبر
عموما انا ايضا على مسافة ليست بعيدة من برلين - وارسو على بعد 10 ساعات بالقطار من برلين
فاذا لم تجد احدا قوول عووك بنجيك طايرين
ولو جيت وارسو كمان بنشيلك في عيوننا
ملاحظة:
انت ىما ما دام عيان وعيونك بايظة داخل وفاتح ليك مليون بوست وبتشاكل مالك ؟؟
ناس مجانين خل |
مداخلة بت كلب عشان كده جبتها كلها
وقبل التعليق عليها بالتفصيل وبطريقتك المعهودة التي سوف نتعبك بها كما تفعل معنا
قبل التعليق عايز أثبت ليك التالي
برغم خرمجتك وإستهبالك لكن حسك السياسي عالي ( أحيانآ ) حيث تقدم مداخلتك مثلآ
لما ينبغي أن يكون الحال عليه هنا ، أعني التفريق بين الرأي والموقف وبين العلاقات الشخصية
لتؤكد ان الإختلاف لايفسد للود قضية ، وأنت هنا سجلت نقطة مهمة تحسب لك ولشطارتك السياسية
Quote: ساحاول الاتصال لمعرفة ظروفهم وبديك خبر/QUOTE]
ما بتقصر ومتأكد أنك سوف تفعل
ولكي لانكلفك إتصالات مع أننا طولنا ماسمعنا صوتك فان سيف مساعد إتصل وقال
بيقوم باللازم وكذلك هناك ابوبكر صاحب المبادرة بالإيميل
بعد وصولي هناك سوف أبحث عن أصحابك وأتصل بك
بس رش لينا تلفونك هنا
Quote: فاذا لم تجد احدا قوول عووك بنجيك طايرين
ولو جيت وارسو كمان بنشيلك في عيوننا |
{ بنجيك طايرين ) جوز ؟
بالتأكيد سوف أجد سيف وأبوبكر واحمد معتصم وشقيقه وإبن صديقنا يوسف أبوصلعة
فعلآ عندي رغبة في جولة اوروبية سنضمن وارسو ونمر عليك ونغشى فيصل خليل في المجر
بس ياريت العلاج مايكلف كثير حتى يتبقى مبلغ لجولة النقاهة
أهو نديك فرصة لمعرفة حاجات تستخدمها ضدي يومآ ما ، إذا إحتجت ليها
شكرآ جزيلآ ، وكل عام وانت والأسرة بخير
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
الفارس / فيصل عثمان الحسن :
Quote: ألف سلامة ليك يا عزيز , صادق الأمنيات بشفاء عاجل
شايف فيصلنا عايز يعالج ليك العيون والبتاع , دى يا زول
عمرة كاملة أبسط يا عم مين زيك , يا شباب شدو حيلكم مع
أبوساندرا الزول ده معرفتو كنز , يا صديق ما تنسى بعد العلاج
تمر على أخوك , تحياتى للبنيات وأمهم . |
فيصل خليل يا فيصل زول كلس ومثله قليل في هذه الدنيا للأسف
ترافقنا ونحن بعد زغب الحواصل ، شفع يفع
وتزاملنا ونحن طريري الشباب
وكانت البلاد ، حالها حال السواد
وليلها أحلك من السواد
فيصل ده مشى الإمتداد كبير
أصلآ هو ود الديم
عشان كده بيعرف الحاجات
وإشارته لل ( بتاع ) إشارة دقيقة و موحية
حشد فيها أقصى إغراء ممكن يخطر على قلب بشر
وبالطبع لن يفوتك يا فيصل أن فيصل فتح الإحتمالات كلها
ومنحني الإحتمالات كلها
بس انا ح اكون اسبسيفك جدآ
وأحصره في ( أضيق ) نطاق
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
في الرد على صديقنا عادل عبدالعاطي
دخل الرد في المقتطف
لذلك أعيد ما لي من كتابة/ رد
بنجيك طايرين ) جوز ؟
بالتأكيد سوف أجد سيف وأبوبكر واحمد معتصم وشقيقه وإبن صديقنا يوسف أبوصلعة
فعلآ عندي رغبة في جولة اوروبية سنضمن وارسو ونمر عليك ونغشى فيصل خليل في المجر
بس ياريت العلاج مايكلف كثير حتى يتبقى مبلغ لجولة النقاهة
أهو نديك فرصة لمعرفة حاجات تستخدمها ضدي يومآ ما ، إذا إحتجت ليها
شكرآ جزيلآ ، وكل عام وانت والأسرة بخير
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
كمبورة :
Quote: ابوساندرا ببركة الايام المباركة يتم ليك الشفاء قادر ياكريم
انا انفع ؟ |
آآمييين
شكرآ على صالح وصادق الدعاء
بتنفع ، بتنفع ناظر
وأهو المنصب مازال شاغر
ويمكنك ملئه بجدارة
بعدين ( انا أنفع ) بطريقتك دي ، ذكرتني حكاية الشايقية التي تقدم للزواج منها جعلي وشايقي
فطالبتهما بالسيرة الذاتية
طفق قريبك الجعلي يعدد في مناقبه في ميادين القتال بإعتباره فارس لايشق له غبار
أما الشايقي النصيح الفصيح فقد أعلن عن قدراته في السرير وطاقته غير المحدودة
فقالت الشايقية للجعلي : أنت امشي ويوم تقع حرب بنناديك
هسع انت خليك جاهز للحرب
وانا ح اشوف قصة المعرس دي
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: محمد فضل الله المكى)
|
العزيز ابوساندرا ...
كل عام انت واسرتك بالف خير وعافية ..
وسلامة العيون ..
كما ذكر لك الاخوان احمد معتصم و سيف جبريل برلين فيها كمية من الاخوان و اخوان الاخوان ..وما بقصروا
حاليا انا في الخرطوم وبرجع منتصف ديسمبر ومع اني مقيم بالجنوب حيث يقيم الاخ جمال ميرغني .. الا اني على اتم
الاستعداد لمرافقتك ببرلين ان احتاج الامر ..
لك خالص الود و تسلم العيون
..عوض..
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: mulhim)
|
العزيز / عمار عبدالله عبدالرحمن :
Quote: لا املك الا الدعاء ,,
يا نور المستوحشين في الظلم , يا رحمن يارحيم
يا من اسمه دواء وذكره شفاء ,,, من على ابن بركات ببصر يفوق الغراب حدة , وببصيرة تكشف له بها الحجب ,,,
اعيادك سعيدة ,,, |
آآمييين
دعاء صادر من القلب
وعن حب
وكيف لا وانت أخانا وأخ حبيبنا في الله و الوطن وشرف العمل
وكل ايامك سعيدة وأعياد يا عمار
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
حبيبنا عاطف عمر :
Quote: هسع بالله الزول يتمنى لو كان طبيب عيون وساكن في برلين ؟؟
أو يتمنى لو كان قطار الغربة دي زماان طفش بيهو ووصلوا برلين ديك ؟؟
أو يتمنى ما يجي زول من برلين يقول لى بركة عندك .. أنا هنا ويتكفل بالمرافقة
وعندها ينتهي هذا البوست وهذا الجمال وهذا الحديث الحميم البسيط الأنيق العميق
أقر أنها أنانية مفرطة .. لكن منذ متى لم يكن الحب أنانية مفرطة وأنت تحتضن حبيبك وتخبيه عن عيون البشر أو كما قال الحسين الحسن ؟؟
كل مداخلة كانت أجمل من مداخلة
وكل رد كان أجمل من رد
لكن قد أسرتني مداخلة الأستاذ عادل عبدالعاطي الحميمة رغم التلاحي الذي وصل حد ( القبقبة )
يآآآآآآآآآه
كيف كان يمكن لي الإدعاء أنني عشت عمراً إن لم أعرفكم
_______________________
سر بحول الله
محفوظاً بجلال الله
دعوات هذه القلوب التي أحبتك سوف تفتح لك الطرق المغلقة
سر وعد إلينا سليماً معافى
لا تفوتك ( خصلة ) ولا تفوتك ( كحلة )
__________________
بركوته
كل عام وأنت حبيبنا |
من الصعب إجتزاء مداخلة الحبيب عاطف عمر الغنية
كل سطر فيها يستحق التعليق والإبراز
فعاطف رقيق المشاعر جزيل العبارة
Quote: أقر أنها أنانية مفرطة ..
لكن منذ متى لم يكن الحب أنانية مفرطة وأنت تحتضن حبيبك
وتخبيه عن عيون البشر أو كما قال الحسين الحسن ؟؟ |
بل أنه فرط الحب يا حبيب
الحب هو الذي صاغ كل كلمة كتبتها هنا بقلبك الشاعر المرهف المحب
سترافقني كلماتك هذه وين ماقبلت تمنحني الصلابة لأنك معي
لا مكان مهما كان قصي وبعيد ولاحدود تحد سيل المشاعر الفاضت منك
و وصلتني و روتني و أغرقتني
فشكرآ جزيلآ ، وأدامك الله لي شقيق وعضد
| Quote: كن قد أسرتني مداخلة الأستاذ عادل عبدالعاطي الحميمة |
وفعلت بي ما فعلت ، اسالت مني دميعات عزيزة حاولت كفكفتها من عيون ماهيتاب المراقبة
عادل عبدالعاطي صاحب مشاعر جياشة ، وحتى غضبه وعنفه صادران من تلك المشاعر الجياشة
وعادل صادق في مشاعره تلك ، لذلك أسرتك ، وجهجهتني
Quote: سر بحول الله
محفوظاً بجلال الله
دعوات هذه القلوب التي أحبتك سوف تفتح لك الطرق المغلقة
سر وعد إلينا سليماً معافى |
آآمييين
دعاء أعرف انه صادر من قلبك الكبير
سيكون تميمتي
فلك ولكل الأخوة الذين كتبوا بمداد الحب ودعوا من سويداء القلب
وعلى ثقة بأن دعواتهم تلك ومشاعرهم لن تذهب ادراج الرياح وتضيع سدى
بالتأكيد لها أثرها الإيجابي ومفعولها
| Quote: لا تفوتك ( خصلة ) ولا تفوتك ( كحلة ) |
تراجي مكسب كبير عشان قلبها كبير وحنينة
بعدين ما ممكن تراجي تتعب وتمشي الكوفير وتستلف الأزياء
وما نعلق ونشد على يديها
ثم لاتنسى أنني وتراجي زوجين اسفيرين
وعلى الزوج ان يتدث دائمآ عن جمال زوجته
وحتى لوكانت قرد ، لابد ان تكون في عينيه غزال جميل ورشيق
ناهيك عن تراجي الجميلة خصبة المشاعر ندية الشعور
حربية المواقف
رشيدة لمن ترى حاجة سمحة في الأسواق بتقول لي اديها ( كحلة )
ظننتها متصالحة ومتساهلة حتى عرفت مؤخرآ انها وحدها المستفيدة
من ( الكحلات )
فليدم الحب يا عاطف والإخاء النبيل
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: كمبورة)
|
ورسالة عزيزة من مازن صالح
-------------------------------------------
Quote: لعزيز ابو ساندرا
From: Maz Nur ([email protected])
Medium riskYou may not know this sender.Mark as safe|Mark as junk
Sent: Saturday, November 28, 2009 1:53:04 AM
To: [email protected]
الاخ الغالى ابو ساندرا
السلام عليكم ورحمة الله تعالى
كل سنة و انت بالف خير و جميع الاسرة الكريمة ان شاء الله و السودان فى احسن حال
فى الحقيقة انا من متابعى موقع سودانيز بدرجة الشراهة
و قد قرأت بوستكم و اسأل الله اولا ان يشفيك و يعافيك
فى الحقيقة انا طالب ماجستير مقيم فى برلين و العنوان المذكور ليس بالامر الصعب
و نحن فى الخدمة ان اشاء الله وربنا يقدرنا و نقدم لك كل يسهل لك عاجل الشفاء ان شاء الله
كما بعفوية وددت ان اقدم خدماتى لكم و يعلم الله -حبا فى الله و لما قرأناه من يراعكم
ذلك حتى وقعت عينى على سهير ابراهيم حسن و زوجها طه و سبحان الله
هى قريبتى من ابى -عمتى فى الحسبة -و هى مقيمة فى كولن الان ...
رقم هاتفى 0049176770650
Mazin Salih
Germany
[/QUOT]
---------------------------------------------------------------------------
عاجز عن الشكر يا مازن
رسالتك تعبير قوي عن أجمل ما فينا
إستعدادنا الدائم لتقديم المساعدة والعون
كتر خيرك وسوف أتصل بك
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: كمبورة)
|
تمشي وتجي بالسلامة
بركوتة مع السلامة ...!
تمنياتنا الصادقة يا بركة ليك بعاجل الشفاء ...
والعودة مفتح ( وتفتيحة )
وما دام الجكاية جابت ليها ألمانيا ..
ما تشوف طريقة للحصول على علاج طارق الأرباب الإسمو ( AMZILYTE ) لو صح الإسبلنق
وفجأة كده معاك أكورديون ألماني إسمو ..WELTIMEISTER 120 BASS لأخوك ..
كل المنى بالشفاء العاجل
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: خضر حسين خليل)
|
هدى عبدالمنعم :
Quote: ربنا يشفيك ببركه هذه الايام المباركه
please send to me the last report as soon as you can
I will try to do my best here in US or in Germany[/green |
هدى عبدالمنعم ، شقيقتي التي لم تلدها أمي
أردفت مداخلتها الوسيمة أعلاه بتلفون طويل وحميم
الحت فيه لأن أجعل امريكا خيار إذا تعذر الخيار الألماني
الله يخليك يا هدى و يقوي من ساعدك ويعينك ويبقيك لنا ولأحبابك ذخرآ
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
ودقاسم :
Quote: أبوساندرا
سلامات ياأخي .. ربنا يشفيك
أنا مقيم في أم درمان ، وممكن أوديك لي واحدة بتشلّق ..
اتصل على 0914575360 وأكّد حجزك .. |
وشقيق أخر
اتاحته لي المنابر
الأصيل النبيل محمد قاسم
إتصلت به بصحبة رشيدة ومن طرفه فوزية
تلفون طويل من ميزانية العلاج
إمكن تشليقه ينفع
لك يا شقيقنا الود كله وماعدمناك
فقد ظللت على الدوام داعم ومتعاون
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
هواري نمر :
Quote: ابو ساندرا
ازيك يا كبير و كل سنة و انت و الاسرة بالف خير..
المانيا مليانة سودانيين و يسدو عين الشمس
و بعدين الاخوان رأفت ميلاد و عصام جبر الله
في سويسرا..و كلها كم ساعة...تلاقيهم قدامك....في المانيا... |
أهلآ يا هواري وجعل الله كل ايامك اعياد وحقق لك كل الأمنيات
بالفعل الناس الفي برلين والمانيا عمومآ بيسدوا عين الشمس وبيملئو العين
الا تراهم ، بعضهم لم يسمع عني إلا هنا ولم يتوانى في الإعلان عن سعادته
بتقديم يد العون والمساعدة فلله درهم
رأفت وعصام لن يتوانيا لحظة لو كانت الظروف مساعدة
وسوف أسعى لجولة اوروبية أزور فيها كل الأحباب
وعلى رأسهم الكفار ميلاد و جبر الله
Quote:
لو ربنا ما سهل مشية المانيا..
الاختيار التاني...خليه روسيا و او اوكرانيا...
ناس ممتازين و بالذات في جراحة و طب العيـــــــــــــون |
ممكن ، لكن عندي معلومات بأن روسيا لم تعد تحفل بمعايير الجودة
كما لا اعرف ناس هناك وهذا شرط ضروري للمساعدة على الأقل في الحركة وفي الترجمة
كما أن روسيا قد فارقت الخط ، وقد دنا عذابها
تشكر يا حبيب
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
المعز ابونورة :
[QUOTE
Wish you a quick recovery. I am glad that we have met last week in Doha after 2o years. Although I won't be in Doha during the Eid, but definitly will be there when you are back safely from Germany to share with you, and your queen, and princesses the celebration , and yes, the delicious feast of your safe return,
I will call you tomorrow
Regards
|
-----------------------------------------
العزيز معز الجمري
و إلتقينا بعد 21 سنة تغربنا خلالها وتوزعنا أيدي سبأ
وإعتور الوطن ما إعتوره من ظلم وظلام
وصحي الحي بيلاقي
أتوقع أن تعود للدوحة وتجدني ما زلت أسير فيها بعين واحدة
و حب كبير ، ترتيبات برلين قد تتأخر حتى نهاية ديسمبر او في مستهل 2010
منتظرنك
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
المعز ابونورة :
يا صديقي ، هي نيف وعشرين سنة ترنحنا فيها في المدائن وبينات الشعوب
وظل الوطن المحتل في البال وفي الخاطر
والتقينا ، وسررت عشان وجدتك ذلك الرجل الذي عرفته
خططي لزيارة برلين ح تكون في نهاية ديسمبر / بداية يناير 2010
لذلك ح تعود للدوحة وتجدني فيها اتوكأ بعين كافية
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
أسامة أحمداني ( أبو سولارا )
شكرآ جزيلآ ، شكر مضاعف
لإهتمامك
ولتمكيني من نص عاصم الحزين الذي أعياني البحث عنه
فشكرآ لكما
ولدواعي الحفظ اسجله هنا مرة أخرى
كيف الأشواق يا زميل
كيفك
عل العينين صِبحن بي خير؟
ما الطير قال لَي
شافك بتحرّض في رمشيك
شان يحلبو ضي الشوف
لينقّط يصبح سيل
ضد الهدّام
الرمي قدّام،
عارفك فتران
مشوارنا طويل
لكن نسّام الصبر هديلو نبيل،
و أنا كل ما أشوف يدّك
كتبتلِي النَمْ
بسمع تُم تُم
و عويل الروح بتحوّل دفّه
تسوق وطني و نتلَمْ
و نلِم ما اتشتت في الكوراك،
اللون الأحمر فيك بيحب الشارع
و ذات الشارع
لمّا نصارع
و نفتح طاقة حسّو
بيبقي الطول الفارع فكره
و يبقي الحلم الناس الفاتو
و ختو الساس،
و أكيد
ماشيين في السكه نمد
من سيرة النسمه
العارفه معاني النيل و الحب
بتكُب في القلب اللون الواضح،
و حنمشي بصوتاً صادح
و نكتب في الكراس
عن قاسم و عبد الخالق
و عن رصّاصه
بترصد دم الناس الصاح،
بالصح كلّمني
كيفك...
عل العينين صبحن بي خير؟
و انا مفتكر يوم شاورت إيدك
علي هذا الخطر
و انّو بيوحّد شوقنا
ضد هذا النزيف المستمر،
بل كل ما يلمع علي الرمله النشيد
يقوي الحلم بالوقفه صفاً
جم بعض
يا كم جميلاً
حين تكورك في الجسد
كل الخلايا
بكم تحايا
الصبح أوسم من يضيع كدا في الزوايا
وطن يطنطن
زحمه لخمه
وطن يحنّن
لمّه سمحه
وطن يجنّن
و حين تزغرت بت هناك
و الناس تخش بيت الغنا
و المطره
تفتح بابا للشوق ضلفتين،
حتي الرمال الفي الخيال
تكتب علي القمصان تمام،
يا كل من خان البلد
بالدين فتح جبخانه
و فجأه جانا قعد معانا
سرق عشانا،
الجرح أعمق من نودّر شهقتو
و الفرحه عاتيه كما الجبال
رغم الحصل
نمشي في طريقا حجر حجر
و الصدق صافي كما النبال
نشّنا في كل اللي قال
إنّو البلد اتلبدت
سكتت
و مات حيل النضال
و أكيد تماماً
طالما روحنا بتبوح
بالممكنات المستحيله الوارفه
بحّة أناشيدنا بتروح
و الواطه ياها الفارعه
زي ما انيقاً في الشعر (حمّيد) بقول
دوماً لنا
نحنا البإيدنا القدره عدّالة العوج،
أفتح كتابك يا وريف
أقراك بلد
أقراك فتحت الطاقه
للمشتاقه للوكت الجميل
و أرفض معاي
أن لا نتساوي
و لا نتداوي
و لا نتخاوي
الأرض فسيحه
و برضو مريحه اذا اتسالمنا
و كدا نتوحّد و نبدا طريق،
يا رفيق
كيفك جداً
طمني عليك
علّ العينين صبحن بي خير؟
و سلام حتي مطلع الأمر
(الوردة لم ينطفئ عطرها إنما خيّل اليهم
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: khaleel)
|
العزيز / سيف الدين جبريل :
Quote: وعلى فكرة انت فى المانيا ما بتحتاج لدكتور
مجرد تمشى الكودام وتشوف الجكس النضيف عينك بتبرا فقط امشى فى الصيف. |
و الصيف هناك بيبدأ من شهر كم إلى شهر كم
انا عارف مشكلة عيني دي صقرطة ساااكت للجمال
ومن ما تمر في مجالها جميلة تصفى الرؤيا وتضح الصورة
أشكرك جدآ على النصيحة الغالية وياريتك تجيي هناك تنورنا
عشان نضمن الشوف
الأمانة في الذمة ، وصل للغالي بدرالدين عبدالتام والعزيزة تن تن حبي وشوقي
بعدين انت وأسامة عبدالجليل شوفو للزول ده باسويرد تاني مع بكري ابوبكر
شاكر لك إهتمامك ومداخلتك الغنية
وأرجو ان اوفق وأحظى بالإلتقاء بكل من ذكرتهم من الإخوة الأفاضل
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
زهير الزناتي :
Quote: سلامة عيونك يت يا أبو ساندرا .... والشافتو في الدنيا دي ما ما هين وكتير .... ربنا يكتب ليك الشفا ...
الزميل معتصم بيضاب كما قال لك الأخ عادل عبد العاطي مقيم ببرلين ... ممكن أرسل لك تلفونه علي الخاص |
تسلم يا زهير
لكن عيوني ماشافت التكتح ولو مغالط اسأل استاذ مكي
القال ان كل دفعة جديدة في الأحفاد أحلى من سابقتها
لذلك هو مؤجل الزواج
هسع انا في حاجات كتيرة ماشفتها
اولها عايز الف السودان ده شارع شارع قبل ما يتفرتق
وعايز أشوف العالم الأول ده بلد بلد
والف المغرب غانية غانية
وأغرق في فانيسيا/ البندقية
وأشوف الدمعة السالت في خدود الشمعة
و تسكب من حياة النور
رسل تلفون بيضاب
والصور
وكل ذكرة ريد جميلة
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
المنصور جعفر :
| Quote: وبا ريت ناس الحزب لو كتبوا ليك للناس ديل |
حبيبنا المنصور أبدآ
انا ناسنا ديل ما بكلمهم بحاجات زي دي أبدآ
ولا عايز منهم أي حاجة تتعلق بشخصي أو ببناتي
العايزو منهم أن يوسعوا شرايين الحزب
وان يتخذوا جانب الشعب
وأن يبادروا بتقديم التحليل السليم لجماهير شعبنا
كما كانوا يفعلون في الماضي
وان يقدموا المثل في التضحية
وان يكونوا في مقدمة الصفوف
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
ابوساندرا
سلامة عيونك والف لاباس عليك
كل سنة وانت طيب
انت والاسرة الكريمة
حاولت الاتصال بك هاتفيا
حتى كل متنى ، ولما كل متنى ايضا لم اسنع من هاتفك اجابة
خير ان شاء الله
قلوبنا معك اينما تولى وجهك مستشفيا
ودعءنا لله ان يحفظك ابو البنات الراقيات
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: عبد الحافظ خضر)
|
ابو ساندرا : سلامتك الف سلامه وربنا يديم عليك نعمة البصر وترجع احسن مما كان.
ربنا يديك العافيه اينما حللت ...لكن لو فكرت في روسيا ...فكره برضو مفيده ولدينا محاوله سابقه لعلاج اخي محمد ( ربنا يشفيه) ممكن افيدك بيها اذا احتجت ليها.
شايفه صديقي وصديقك فيصل خليل عنده عرض من المجر كمان. تمنياتي لك بالشفاء.
فيصل خليل:
ممكن تخش علي في الماسنجر؟؟؟
| |
|
|
|
|
|
|
|
| |
أبو ساندرا
Tragie Mustafa
Rawia
شول اشوانق دينق
مزمل خيرى
الجندرية
Osman Musa
عادل سهل
إبراهيم عبد الحليم
فيصل محمد خليل
Elawad
عماد الدين عبدالله
احمد معتصم الطيب
WAD ELGAALI#4
يوسف محمد يوسف
Adil Osman
Raja
بكرى ابوبكر
Abdel Aati
كمبورة
عمار عبدالله عبدالرحمن
عاطف عمر
انتصار محمد صالخ بشير
ودقاسم
هواري نمر
Elmoiz Abunura
Osama Mohammed
Saifeldin Gibreel
زهير الزناتي
mahitab barakat
نصار
محمد عبد الماجد الصايم
مريم عبد الله
خالد العبيد
محمد فضل الله المكى
mulhim
عفاف الصادق بابكر
خضر حسين خليل
khaleel
فيس بوك
تويتر
انستقرام
يوتيوب
بنتيريست