|
|
 كانت مباراة الجزائر فرصة لتصحيح العلاقات بيننا وبين مصر
|
دوماً كان المصريون ينظرون للسودان بأنه تابع لهم
وأنو السودانيين طيبين
جات المباراة الشوم دي
بالمناسبة
رب ضارة نافعة (وعسى أن تكرهوا شيئاً وهو خير لكم)
احتمال تكون المباراة دي سبب في تصحيح العلاقة بيننا وبين مصر
وفرصة لمراجعة علاقاتنا مع مصر
بعد تحديد المباراة في امدرمان
قابلت اتنين مصريين من زملائي في العمل وقلت لهم ما معناه (نحن معاكم)
وبصراحة كان لدي ميول مصرية (كنت زول طيب)
وعندما قلت لهم نحن مع مصر وحنشجع مصر
واحد منهم قال لي تجو تشجعوا وانتو صاحيين
والتاني قال تبطلوا النوم
طوالي تذكرت حكاية انو السودانيين كسالى و باقي الاسطوانة المشهورة في الخليج
وبصراحة انا كنت متخيل أنو سبب هذه الاسطوانة الاخوة من الشام (سوريا لبنان والأردن وفلسطين) وكنت استبعد المصريين خالص باعتبارهم أقرب الناس لينا (حسب ظني وكنت زول طيب) جد جد
لكن الموقف دا كان رقم واحد
رقم اتنين لما فتحت واحد من أشهر المواقع الرياضية المصرية وبعد ثبوت المباراة القادمة في امدرمان كان العنوان الرئيسي هو:
بلاش نوم ... المباراة في الخرطوم
او حاجة بالشكل دا
المصدر : تقريبا اسمو يلا كورة
وطبعاً الجماعة الممثلين والفنانين وباقي المشجعين الذين جاءوا من مصر كانوا عارفين أنهم ماشين السودان يعني منطقة متخلفة وغلبانة وما عندها وجيع ويمكن مراجعة النصائح الطبية والتعليمات التي وردت إليهم عن الخرطوم وجوها والباعوض وقرصته عدم النوم خارج الغرف و..و.. و...وكثير من التعليمات كأنهم ماشين منطقة عمليات
عشان كدا لما رجعوا نسوا الاستقبال والضيافة (الناس الطيبين)
وكانت تصريحاتهم كلها إهانات وكلام سخيف واحتقار للسودان وشعبو
بصراحة يااخوانا انا عن نفسي تداعيات المباراة دي زي ما بيقولو غيرت لي موقفي من المحروسة
نعم مصر بلد كبير ويجمعنا معاها النيل والقربى و.. و.....
ومصر فيها مشاهير وعظماء وزويل ومحفوظ وما ادراك لكن عظمتها لنفسها بحيث لا تسئ للآخرين
وصحيح نحن دولة افريقية سوداء البشرة
ولكن عندنا علم وسيادة
والعلاقات بين الدول يحكمها الاحترام المتبادل
صحيح نحن مجموعتنا هي الصومال وجيبوتي وارتريا وهلمجرا
ولكن لدينا سيادة وكرامة وبلاش الكلام المعسول عن الشعب الطيب وما ادراك (دايما كلمة طيب دي بتخليني اتذكر كلمة أهبل)
هذا الحديث لا ينفي العلاقات القديمة والمستمرة مع مصر ولكن يجب مراجعة النفس وتحديد المواقف
فلنحترم من يحترمنا ولا نسمح بإهانة كرامتنا.
أرجو من الذين يمروا من هنا توضيح موقفهم قبل المباراة وبعدها وموقفهم من حبهم لمصر المحروسة والكلام دا
|
|
 
|
|
|
|
فيس بوك
تويتر
انستقرام
يوتيوب
بنتيريست