|
|
 يا جنابو عمر عثمان: كدي تعال لي بي جاي هنا .... هام !!!! وناس الشرطه برضو معاهو ...
|
حبينا عمر عثمان
إزيك كتير وشكراً حتى لو ما جيت
يا أخوي :-
عليك الله بي خبرتك في العمل الشرطي وإحتكاكك بي المجال دا
الخطة الوضعت لتأمين المبارة نجحت قبل وأثناء المبارة
الدليل ما عاوز درس عصر وست الشاي القاعده في شجرة مبنى بلدية أمدرمان
عشان تربي صغارها بي الحلال بتعرفها
لكن الخطه فشلت في: ما بعد المبارة
والدليل كل اللغط والعفن الجانا من المصريين كان ما بعد المبارة
وفي وقت السفر وقت السحر
اولاً :
حكاية البصات إنحرفت عن المسار دي ليه ما كان عندها خطه موضوعه لتفادي زي دا
وثانياً : المطار دا حصل فيهو هرج ومرج كتير بدليل انو المشجعين
المصريين كانوا قريبين من الرن ويي حسب كلام مسؤول في المطار !! عشان يكابسو طيرانهم !!
وثالثاً : التسفير كان مفروض حسب الخطه الموضوعه يكون في تباعد
بين المشجعين الإتنين !! ليه إتلخبتوا مع بعض ووين كانت الشرطه وتأمين المطار وقت الحدث !
ورابعاً : كيف مشجعين الجزائر يكسروا الممتلكات الوطنية
( صالة الحجاج ) ولا بلاغ واحد ينفتح ! ووين كانت كتائب تأمين المطار !
ملحوظة : ليه السلطات ما وضعت في إعتبارها انو المصريين خوافين
ومرعوبين مما جوا السودان وخصوصاً كل ظباط الشرطه بكونوا زارو
مصر دي كمية من المرات ما مره واحده وعارفين المصريين زي
موقع رئاسة الشرطه من وزارة الداخليه
وبي كدا حقو ما نقول إنو الخطه الموضوعه نُفذت بي مهنية عالية ووووو
المفروض يكون في لجنة عليا للتحقيق في الهرج والمرج الحصل دا
ودا كان سبب رئيسي في إنو المصريين يفتحوا خشمهم علينا وفينا - ومعظمهم
قال حسب إمكانيات السودان !! إمكانياتنا كيف ونحنا
وضعنا كل ما نملك قصاد الحدث دا !
عشان اقتنع أنو الخُطه دي نُفذت بي مهنية عالية ودقة
متناهية ومتابعه ووو ما مفروض كان تحصل الحاجات دي مش كدا ؟
دا كلام بالله عليك أأتنا منه بما يفيد !
منتظرك مع إحترامي الاكيد لرجال الشرطه ...
هشام
|
|
 
|
|
|
|
|
|
|
|
Re: يا جنابو عمر عثمان: كدي تعال لي بي جاي هنا .... هام !!!! وناس الشرطه برضو معاهو ... (Re: Hisham Ibrahim)
|
الاخ هشام .......... تحياتي
اولاً : انا شاكر وممتن ليك جداً انك ناديت على بالاسم ........ بالطبع بالمنبر ضباط شرطة أكثر خبرة مني بعدة سنوات لكن ربما
شلاقة مني ساكت بقيت اتصدر لي المواضيع البتخص الشرطة .......
ثانياً : احمد ليك رأيك بنجاح الخطة قبل واثناء المباراة بقولك :
| Quote: الخطة الوضعت لتأمين المبارة نجحت قبل وأثناء المبارة |
ثالثاً : نقطة النقاش المطروحة هنا وبحسب وجهة نظرك ان الخطة فشلت بعد المباراة بقولك
Quote: لكن الخطه فشلت في: ما بعد المبارة
|
رابعاً : الدليل على فشل الخطة وبحسب وجهة نظرك هو :
Quote: والدليل كل اللغط والعفن الجانا من المصريين كان ما بعد المبارة
وفي وقت السفر وقت السحر
|
خامساً : عضدت دليلك الذي استندت عليه بالنقاط التالية :
1- انحراف بعض البصات عن المسار.
2- الهرج والمرج الذي حدث في المطار.
3- التسفير والفصل بين السفريات.
4- تحطيم الممتلكات بواسطة الجمهور الجزائري.
| |
|
|
|
|
|
|
|
|
|
Re: يا جنابو عمر عثمان: كدي تعال لي بي جاي هنا .... هام !!!! وناس الشرطه برضو معاهو ... (Re: omer osman)
|
اولاً : بالنسبة للدليل الذي استندت عليه اخي هاشم بشأن الزيطة والزمبريطة العملوها اخوانا المصريين فهذا أمر لا يقدم ولا يؤخر ولايمكن الركون اليه كدليل على فشل الخطة ولايفسر الا في سياق محاولة ايجاد مبرر للهزيمة او حالة ذعر انتابت الجماهير المصرية فطفقت تردد في اكاذيب وتختلق في قصص لاتعوزهم القدرة على تأليفها ....... اذكر في محاكمة مدبري انقلاب بعد الانتفاضة اسهب وافاض احد الشهود في الكلام والقصص التى اراد منها توريط مدبري الانقلاب ... مولانا عبدالعزيز شدو كان محامي المتهمين ...... بعد فراغ الشاهد من شهادته ..... لم يتقدم له باي سؤال بل وجه حديثه للقاضي قائلاً : (نود ان نلفت عناية المحكمة الموقرة بأن الشاهد كاتب مسرحي وروائي مشهود له بالابداع) وسكت !!
| |
|
|
|
|
|
|
|
|
|
Re: يا جنابو عمر عثمان: كدي تعال لي بي جاي هنا .... هام !!!! وناس الشرطه برضو معاهو ... (Re: omer osman)
|
ثانياً :
| Quote: 1- انحراف بعض البصات عن المسار. |
بالطبع البصات لايقودها رجال شرطة وانما يقودها اشخاص مدنيين تلقوا التوجيهات والتعليمات بشكل واضح لكيفة السير في كنفوي
او افواج في مسار محدد تحت حماية وحراسة الشرطة ......... في تقديري ان الذي حدث ان سائقي البصات التى انحرفت عن المسار
هناك واحد من احتمالين الاول : وقوعهم تحت ضغط عنيف من المشجعين المصريين المرعوبين من اخطار محتملة في اذهانهم ودفعوا
السائقين لسلوك طريق اخر طلباً لنجاة يظنونها. الاحتمال الثاني : محاولة بعض السائقين البحث عن بطولة والتسرع في تقرير تغيير
خط السير ظننا منهم بانهم بذلك يقدمون خدمة للركاب الذين معهم.
في الحالتين من الصعوبة بمكان التدخل لاعادة هذه البصات الى خط السير وتركها افضل من الانشغال بها والتسبب في انفراط عقد الكنفوي
كله مع ارسال عربات صغيرة بقوات اصغر للحاق بها وتوفير الحماية لها وهذا عين ماحدث لانه لو لم تكن هناك قوات لحقت بهم لحدثت
بتلك البصات اضرار اكبر واصابات اكثر.
| |
|
|
|
|
|
|
|
|
|
Re: يا جنابو عمر عثمان: كدي تعال لي بي جاي هنا .... هام !!!! وناس الشرطه برضو معاهو ... (Re: omer osman)
|
| Quote: شلاقة مني ساكت بقيت اتصدر لي المواضيع البتخص الشرطة ....... |
عزيزى / صاحب البوست
اخونا عمر عثمان من تاشطى الشرطة والذين ظللوا على الدوام فى حالة دفاع عنها وتسنده خبرته الشرطية السابقة .
لكن والحق يقال كما اشرنا فى تعليقنا على بوسته الراقى عن تنظيم المبارة ونجاح قوات الشرطة والاجهزة الامنية الاخرى . ان هذا التنظيم الراقى والاحتياطات الامنية المكثفة والتى قادت لنجاح التنظيم - سوف يظل وساما فى جبين الشرطة السودانية - ومفخرة لنا فى السودان جمعيا .
مع تحياتى للكل
ودبرى
| |
|
|
|
|
|
|
|
|
|
Re: يا جنابو عمر عثمان: كدي تعال لي بي جاي هنا .... هام !!!! وناس الشرطه برضو معاهو ... (Re: Hisham Ibrahim)
|
Quote: 2- الهرج والمرج الذي حدث في المطار.
|
نعم حدث هرج ومرج في المطار سببه المشجعين المصريين المذعورين ..... استمعت اليهم لحظتها في احدي القنوات يقولون بانهم
محاصرون داخل المطار !!!!!! ومافي زول عاقل فيهم يطمئن باقي الناس بالطبع الشرطة كانت تحاول احتواء حالة الذعر والخوف
لكن ماذا تفعل ؟ دائماً وفي الحالات الامنية هناك لحظات يصعب فيها السيطرة على الجماهير الغاضبة او المرعوبة ......... هل
شاهدت اللحظات والدقائق الاولي بعد تفجير برجي التجارة في امريكا عندما يجري الانسان مذعوراً مرعوباً من خطر حقيقي او خطر متوهم
يصبح من الصعب ضبطه منذ الوهلة الاولي.
| |
|
|
|
|
|
|
|
|
|
Re: يا جنابو عمر عثمان: كدي تعال لي بي جاي هنا .... هام !!!! وناس الشرطه برضو معاهو ... (Re: omer osman)
|
| Quote: 3- التسفير والفصل بين السفريات. |
بالطبع الشرطة هنا هي جزء من كل وهناك جهة اخري هي المسؤولة عن هذا الامر بالاضافة الى مسئولية الدولتين مصر والجزائر
وهناك عاملين مهمين في هذا الامر هما سعة مطار الخرطوم وقدرته على توفير الاقلاع والهبوط لهذا العدد من الطائرات والامر
الثاني هو ضرورة الاسراع في تفريغ السودان من هولاء المشجعين باسرع فرصة ممكنة لانك كل ما قللت فترة بقائهم في السودان
تساعد بذلك في اعادة الامور الى طبيعتها ........ بالمقابل اذا اخذت تجربة اخري مثلاً تسفير الحجاج وبرغم انه يتم في فترة
محددة الا انه يتم بترتيب جيد لانه لايوجد هاجس امني تريد ان تتخلص منه ....... ذعر المشجعين المصريين لايزال هو سيد الموقف
ويبدو ان الصورة التى نقلوها الى بلدهم دفعت بالمسئولين هناك لارسال مزيد من الطائرات لنقلهم مما زاد الطين بلة.
| |
|
|
|
|
|
|
|
|
|
Re: يا جنابو عمر عثمان: كدي تعال لي بي جاي هنا .... هام !!!! وناس الشرطه برضو معاهو ... (Re: omer osman)
|
Quote: - تحطيم الممتلكات بواسطة الجمهور الجزائري.
|
عملت من قبل بقسم مباحث المطار ..... والذي حدث لم يكن المرة الاولي وانا هناك حدثت سابقتين هما :
1- الاولي ابطالها لاعبي فريق الاسماعيلي عندما اخرجها الهلال من البطولة الافريقية عاثوا فساداً في صالة المغادرة.
2- الثانية لاعبي فريق الواد المغربي عندما انتصروا على الهلال وفازوا بكاس افريقيا ..... احدثوا بعض الخسائر
وتناولوا كميات كبيرة من الطعام والشراب في كافتريا المطار ورفضوا دفع الحساب.
في كل الاحوال تجدنا دائماً كسودانيين مدفوعين بكرم وطيبة مبالغ فيها اتجاه ضيوف السودان حتى لو على حساب انفسنا ... الشرطة
كان بمقدورها ان تضع حداً لهذه الفوضي في كل الحالات التى ذكرتها لكن تكون دائماً الموازنة القائمة على نفسياتنا كسودانيين بين
التغاضي عن هذه الاضرار او ردع هولاء المخربين. ........ وقد علمت اليوم ان الحكومة الجزائرية اعتذرت عن تصرفات جماهيرها وابدت
استعدادها لدفع كل الخسائر ........ وبالتأكيد سيرفض السودان تلقي اى تعويض.
| |
|
|
|
|
|
|
|
|
|
Re: يا جنابو عمر عثمان: كدي تعال لي بي جاي هنا .... هام !!!! وناس الشرطه برضو معاهو ... (Re: Hisham Ibrahim)
|
| Quote: اولاً : بالنسبة للدليل الذي استندت عليه اخي هاشم بشأن الزيطة والزمبريطة العملوها اخوانا المصريين فهذا أمر لا يقدم ولا يؤخر ولايمكن الركون اليه كدليل على فشل الخطة ولايفسر الا في سياق محاولة ايجاد مبرر للهزيمة او حالة ذعر انتابت الجماهير المصرية فطفقت تردد في اكاذيب وتختلق في قصص لاتعوزهم القدرة على تأليفها |
حبيبنا عمر عثمان
برضو تاني مودتي وشكري العميق لرحابة صدرك التي أعرفها ويعرفها الجميع
الدليل دا ما هو شيء ملموس لكن معناها ان هناك خلل ما، كان من المفترض ان لا يحصل !
يعني الخلل البسـيط ادى لأنو الناس تتناقل أمر الحجاره دي بي جوالاتها في سرعة البرق !
وأصلاً المصريين وأهلهم كانوا خايفين عليهم من قبل ما يسافروا السودان !
والخلفية دي ما اظنها تكون خافية عن الشرطه !
يعني زي دا ما كان مفترض يحصل أبداً !! ودي نقطه تُحسب على الخطة والتنظيم !!
خليك معاي في إنو في خلل ! يعني كان مفترض في الخطة التركيز على المسار
وخطة بديله في حالة الخروج من المسار وتلافيها في أسرع وقت ممكن !
خصوصاً وحالة الخروج هي بعد المبارة أكيد ،، يعني في فوز وخساره !
قبل حدوث ما حدث ، واليـ انا بعزيه لأنو الناس كانت عاوزه بس
تفض السامر وتودي الناس المطار بآي شكل وهنا كانت الكارثة !!
يعني دا تقصير برضو ، ماهي خُطه: لو إتنفذت ميه المية كان ما مفروض
بص ينحرف عن المسار مهما حصل عشان كدا أنا بقول ليك في خلل !! وحتى
لو إنحرف عن المسار الخطه البديلة مفروض ترجعوا لي مسارو في أسرع
وقت ممكن وقبل ما يتجدع بي الحجارة ويحصل ما يحصل من لفط وولوله ..
معليش أخونا عمر بس طول لي بالك شوية ..
برجع ليك أكيد
هشام
| |
|
|
|
|
|
|
|
|
|
Re: يا جنابو عمر عثمان: كدي تعال لي بي جاي هنا .... هام !!!! وناس الشرطه برضو معاهو ... (Re: Hisham Ibrahim)
|
| Quote: أنا وبكل ثقة امنح السودان والشرطة السودانية 9 من 10 |
اخونا عمر عثمان
كتير إمتناني ليك وانت قد فندت كل الحجج بسرعة من يقطع من هناك ويلصق هنا
وانا بها راضي ومقتنع تماماً ،،،
وما أردت من هذا الا ان لا ننسى ان هناك شيء يستوجب علينا الوقوف عنده
ودراسته وحتى لا يتكرر في المرات القادمه انشاء الله ،،
وطالما هـبت علينا رياح كهذه فأكيد ستتواصل بين الفترة والأخرى !
وحتى حينها عندما ترد مثل هذه يكون فيها مرجع ودراسة لمكان التقصير !
ومنه يبدأ من يتولى الرايه في وقتها بعد زمان يجري بنا كلمح بالبصر ،
وما أسرع الأيام ولياليها
التقدير لكل من ساهم في إنجاح هذا العمل الكبير
هشام
| |
|
|
|
|
|
|
| |
Hisham Ibrahim
omer osman
عبد الرحيم محمد عبد الرحيم
فيس بوك
تويتر
انستقرام
يوتيوب
بنتيريست