كتب الكاتب الفاتح جبرا المتوفرة بمعرض الدوحة
|
انتو المسؤولين السودانيين ديل لما يتكلموا فى قناة مصرية يكونوا منكسرين وخايفين مالم
|
حاجة تحير الواحد فى السودان عامل ليك سيد البلد ولكن لما يتكلم فى قناة مصرية تحن عليه بعد تعب تسمع منو كلمة واحدة وكلامو رجفيبة ومقطع حاجة تحير ياخى شنو كدا بتاع اتحاد محلى يطرشنى كان سمعت اسمو منو كل القالو " حقو بعض القنوات المصرية ما تعتدى على الشعب السودانى" والمذيعة ماقدرت تفهم منو قاصد شنو ولا يقول شنو وحتى اللواء منو كدا تلقى ماشاء الله كرشو فين الا صوتوا وكلامو تعبان وما قادر يدافع عن نفسو خليك يدافع عن اهلى الغبش عالم عجيبة ديل لما يسمع انو القناة الفلانية معاك ويجيه صوت بنت كيانو يتلخبط خليكم قدر المسؤولية وادبو المصريين ديل طلعوا فى راسنا ويا شرطة الى الان القنوات المصرية تتهمكم بانكم استلمت رشاوى مقابل تمرير المطاوى لا اشك شخصيا بان الامر مجرد حبكة مصرية ولكن دفاعكم عن انفسكم ضعيف فكيف ستدافعون عن السودان فى مقابل هذه الهجمة المصرية المسعورة
|
|
|
|
|
|
|
|
Re: انتو المسؤولين السودانيين ديل لما يتكلموا فى قناة مصرية يكونوا منكسرين وخايفين مالم (Re: هاشم نوريت)
|
اخ هاشم .. تحية طيبة
كلامك صحيح .. ليس في القنوات المصرية فقط بل في بقية القنوات العربية
مثلا قرار استدعاء السفير المصري بواسطة الخارجية السودانية.. احتجاجا
على الحمله المسعورة والظالمه التي شنتها الفضائيات المصرية
على بلدنابعد مبارة مصر والجزائر في الخرطوم ..هذا القرار
نزل على قلوبنا برد وسلاما .. لانه جعل المصريون يحسون بخطأهم
و يعتذرون للسودان ..
..ولكن عند ظهور وزير الدوله بالخارجية الوسيلة السماني على قناه
mbc في برنامج صدى الملاعب ..بدأ في اجاباته على اسئلة مقدم البرنامج
حول الاحداث التي صحبت المباراة.. ضعيفاو خائفا ومترددا .
..فعند سؤاله عن هل اسدعيتم السفير المصري؟ قال في تردد لم نستدعيه
ولكن ...تشاورنا معه...واكمل بقية الحوار بكلام مبهم و غير مفيد
...واضاع فرصة ذهبية للدفاع عن السودان في برنامج واسع
الانتشار..بأعطاء اجابات واضحة وقوية .. بدلا من الكلام الذي قاله..
| |
|
|
|
|
|
|
Re: انتو المسؤولين السودانيين ديل لما يتكلموا فى قناة مصرية يكونوا منكسرين وخايفين مالم (Re: Adam Omer)
|
يا هاشم في اسباب كتيرة تخليهم يخنعوا و ما يتكلموا بثقة المتحدث باسم الشرطة شفت ليهو تسجيل كلامة مع القناة بتاعة المصري الفاتي داك و تسجيل آخر من قناة النيل الازرق الفرق كبير جدا، كل الحقايق الكان مفروض يواجه بيها المصري قالها في النيل الازرق، يتخيل لي الاسباب اولا راجعة لطبيعة الانقاذ الحاسة بحوجتها لمصر في مواجهة بلاويها الجرت عليها ما لا طاقة لها به، البيتكلم بكون خاتي في حسابه انه اذا اخد حريته في رد افتراءات الاعلام المصري ممكن يدخل نفسه في ورطة مع النظام تفقده موقعه، و معروف انه قيادات الانقاذ و اثرياء عهدها سنتهم كلها يساسقوا للقاهرة و اكيد بخافوا انهم يحرموا من المتعة دي، مصطفي عثمان اسماعيل مثلا يتخيل لي انه تلاتة ارباع السنة بقضيها في مصر، يسوي في شنو الله اعلم، يا صديقي دا عهد عجيب و يحير الجن الاحمر
| |
|
|
|
|
|
|
Re: انتو المسؤولين السودانيين ديل لما يتكلموا فى قناة مصرية يكونوا منكسرين وخايفين مالم (Re: هاشم نوريت)
|
حاجة تكسف والله اليوم وفي نفس القناة ونفس البرنامح ومع ابراهيم حجازي (سيء السمعة) كان هنالك لقاء مع رئيس مكتب جزب المؤتمر في القاهرة دز كمال مين مش متاكد .. المهم في اللقاء اخونا كل كلامه والعبارات التي خرجت منه لم تتعدى كلمة (صحيح) لم يقل غيرها اب جملة مفيدة .. ابراهيم حجازي اتفسح تمام وفي الاخر طلع ضامن وظيفة في تلفزيون السودان .. وكان العرض الذي قدمه المذيع سيء السمعة ان يقوم هو بتقديم برنامج رياضي عن السودان والرياضة في السودان . ولسان حاله يقول ان امكانياتكم في السودان ضعيفة وهنا في مدينة الاعلام التقنية والخبرة.. الخ..
لكم ان تتصوروا هذه المهزلة التي نعيشها او يجلبها لنا هؤلاء الذين تقلدوا المناصب والمراكز الرفيعة ولا يقدرون حجم ما يمكن ان يلحق بنا من اساءات لقلة خبراتهم في التعامل مع الاخرين .. من المفترض ان تتخذ قيادات حزب المؤتمر الوطني وكذاك الجهات التي فشلت ممثليها من تقديم صورة مشرفة ولائقة بالمجتمع السودان تدابير حيال تغيير كوادرها باشخاص لهم من الخبرة والكفاءة مايؤهلهم لتمثيل ( السودان اولا) وبصورة مقبولة ..
| |
|
|
|
|
|
|
|