|
Re: المجموعة السودانية للقاء العيد : المعايدة بنادي الغزال بالدوحة ثاني ايام العيد في السادسة (Re: كمبورة)
|
يا كمبوره كل سنه وانت طيب
اهم حاجه زيدو الكراسى زيدو الكراسى زيدو الكراسى زيدو الكراسى وادعمو بوجبات من جبرى
والمويه المويه المويه المويه المويه المويه المويه المويه كلمو الادريسى
يعنى عايزين نحس انو المشكلات الفاتت تلقى ليها حل كل مره وصولا للاحسن
واعتقد انو المكان بقى ضيق على الناس المتزايده من زمان ففكرو فى محل اكبر المره الجايه
اها عيد الاستقلال كيف وترتيباتو شنو عشان يعلن عنو فى العيد والناس يكون عندها علم مسبق
ولا الراى شنو ؟
| |
|
|
|
|
|
|
Re: المجموعة السودانية للقاء العيد : المعايدة بنادي الغزال بالدوحة ثاني ايام العيد في السادسة (Re: محمد عبدالرحمن)
|
نشكر للمجموعة السودانية الجهود الجميلة في لملمت الشمل وإطفاء البهجة والفرحــة على الحضور والتواصل الإجتماعي , الثقافي الثر
البرنـــــامج حــافل , ونأمل أن يكون مُمتع , خفيف الظل وكامل الدسم - سيُلقي كلمة المجموعة السودانية د| أســامة حمور - الأستاذ جعفر عباس سيُجري لقاءات أُسرية شيّقة - (سوا) مُتمثلة في مسؤولة مكتب الطفل الأستاذة زينب آدم ستعد برنامج جميل لأطفالنا ضي العيون بمشاركة الأستاذ عادل أبو جقادو - فقرة الغنــاء الفنــــان محمد سليمان والفنان فـــرح
- سيُقدم الأُمسية العــــيد الأستاذ طـــــارق المكــي والأســــتاذة سارة بركــــات
عيــــــدكم سعيــــد وجميـــل
| |
|
|
|
|
|
|
Re: المجموعة السودانية للقاء العيد : المعايدة بنادي الغزال بالدوحة ثاني ايام العيد في السادسة (Re: mahitab barakat)
|
Quote: نشكر للمجموعة السودانية الجهود الجميلة في لملمت الشمل وإطفاء البهجة والفرحــة على الحضور والتواصل الإجتماعي , الثقافي الثر
البرنـــــامج حــافل , ونأمل أن يكون مُمتع , خفيف الظل وكامل الدسم - سيُلقي كلمة المجموعة السودانية د| أســامة حمور - الأستاذ جعفر عباس سيُجري لقاءات أُسرية شيّقة - (سوا) مُتمثلة في مسؤولة مكتب الطفل الأستاذة زينب آدم ستعد برنامج جميل لأطفالنا ضي العيون بمشاركة الأستاذ عادل أبو جقادو - فقرة الغنــاء الفنــــان محمد سليمان والفنان فـــرح
- سيُقدم الأُمسية العــــيد الأستاذ طـــــارق المكــي والأســــتاذة سارة بركــــات
عيــــــدكم سعيــــد وجميـــل |
اشكرك بنتنا ماهيتاب بركات
وكل عام وانتي بالف خير
وسوف تكون هناك مفاجأة في هذا الاحتفال
نتمنى ان يخرج لقاء هذا العيد بالافضل والمميز
| |
|
|
|
|
|
|
Re: المجموعة السودانية للقاء العيد : المعايدة بنادي الغزال بالدوحة ثاني ايام العيد في السادسة (Re: عزام حسن فرح)
|
Quote: شكيتكُم على الله يا هًملْتوني ... بجي ومعاي بِت إبراهيم والأولاد + العود وبِنغني برااانا ما هماااانا ...
كدي زول يِقرِب لينا ...
عُمر سعد أعمِل حِسابك ... أنا حدثت بِت إبراهيم قُلتلا : عُمر سعد ما أداني " العداد " علشان كِده ما جِبت ليكي دهب العيد |
عزام حسن فرح العيد مبارك عليك انت وبت ابراهيم والعيال
ويعود عليكم بالصحة والعافية وراحة البال قادر يا كريم
وحبابك الف وعشرة انت وبت ابراهيم والعيال والعود وخلافه
والعداد مسعولتي انا
دا ما كلام ولاد ام درمان
| |
|
|
|
|
|
|
Re: المجموعة السودانية للقاء العيد : المعايدة بنادي الغزال بالدوحة ثاني ايام العيد في السادسة (Re: كمبورة)
|
يا كمبورة الحضور كان ضعيف بالمقارنة مع حضور عيد الفطر إمكن السبب ان معظم الناس سافروا لقضاء العيد في السودان
لكن لازم من دراسة الموضوع ، عشان لو في سبب أخر غير السفر لابد من معرفته ومعالجته
ثم ، لابد من تغيير التقليد بتاع الفصل ، ده تقليد كيزاني السمة والملامح شجعوا الأسر لتجلس مع بعضها في الموائد بدون حركة جانب للنساء وجانب للرجال وأحيي الأسرة التي كسرت ذلك التقليد الكيزاني وأصرت على الجلوس في طاولة في جانب الرجال
ولابد من إعادة النظر في البرنامج المصاحب وإبتداع شكل جديد
| |
|
|
|
|
|
|
Re: المجموعة السودانية للقاء العيد : المعايدة بنادي الغزال بالدوحة ثاني ايام العيد في السادسة (Re: أبو ساندرا)
|
كتب ابوساندرا
Quote: يا كمبورة الحضور كان ضعيف بالمقارنة مع حضور عيد الفطر إمكن السبب ان معظم الناس سافروا لقضاء العيد في السودان
لكن لازم من دراسة الموضوع ، عشان لو في سبب أخر غير السفر لابد من معرفته ومعالجته
ثم ، لابد من تغيير التقليد بتاع الفصل ، ده تقليد كيزاني السمة والملامح شجعوا الأسر لتجلس مع بعضها في الموائد بدون حركة جانب للنساء وجانب للرجال وأحيي الأسرة التي كسرت ذلك التقليد الكيزاني وأصرت على الجلوس في طاولة في جانب الرجال
ولابد من إعادة النظر في البرنامج المصاحب وإبتداع شكل جديد |
نشكر كل الذين حضروا العايدة وكل عام وهم وانتم بالف خير
هذا الحضور اخي ابو ساندرا هم نفس الحضور في كل عيد
واتفق معك بان الكثيرين سافروا لقضاء العيد بالسودان
مسالة الجلوس دي مسالة شخصية اي زول يجلس مكان هو مرتاح
فقط ترتيب الطاولات من قبل ناس النادي في مجموعتين لخلق ممر للمسرح
وانت عارف ما شخص بقول لي زول اجلس هنا او هناك
فقط نطلب زيادة كراسي ونطلب من العاملين وضعها في الامام او الخلف او الوسط
وكل زول له كامل الحرية ان يجلس في اية مكان
نحن نهيء المكان والكراسي فقط
انت جبتها من وين جانب للنساء وجانب للرجال ؟
مسالة تشجيع الاسر بتجي من الاسر نفسها
اكرر لم نطلب من احد ان يغير من مكان جلوسه ولا وضعنا لافتة هذا للنساء وهذا للرجال
| |
|
|
|
|
|
|
Re: المجموعة السودانية للقاء العيد : المعايدة بنادي الغزال بالدوحة ثاني ايام العيد في السادسة (Re: كمبورة)
|
بعد النحاح تلو النجاح الذي تحقق بلقاء العيد والمعايدة بنادي الغزال
واستمرار هذه الفعالية وثباتها لسنين عددا
يروج اعداء النجاح لاشاعة مقرضة هدفها التحريض على عدم حضور الناس والمشاركة فيها
نعم نجحت الفعالية بكل المقاييس ونجاحا منقطع النظير
وكان فرحا سودانيا خالصا وعيد سعيد لكل الحضور رغم كيد اعداء النجاح
نعم ستظل هذه الفعالية والمعايدة بنادي الغزال لكل السودانيين عرسا سودانيا خالصا
ونحرص على اقامتها واستمراريتها ونجاحها باذن الله
لاتثنينا اشاعة المقرضين اعداء النجاح
كنا آخر من خرج من نادي الغزال وكانت الفرحة والثناء من الجميع بنجاح الفعالية
ورجع كل الحضور وقد استمتعوا بليلة سودانية خالصة
| |
|
|
|
|
|
|
Re: المجموعة السودانية للقاء العيد : المعايدة بنادي الغزال بالدوحة ثاني ايام العيد في السادسة (Re: عمر سعد)
|
Quote: الما حضر فقره الشباب كورال الشباب العيد كلو فاتو
فرقه منظمه ....اصوات جميله ....اختيار موفق جدا جدا
للاغانى ....
اعيب عدم التوثيق للاجيال القادمه وهى مشكله سودانيه بحته التوثيق التوثيق
كل الفعاليه يجب ان توثق ولا تكلف شيئا ويمكن ان تباع الاشرطه بعد ذلك للاسر فى العيد المقبل وتكون سنه حميده
حتى يرى كل انسان نفسه بعد عام
والا ساعملها بشخصى ولا عذر لمن انذر |
العريس المرتقب عمر سعد التحايا كلها
وعبركم الشكر لكل مكن شارك في انجاح هذه الفعالية والحريص على استمراريتها
الشكر لكل الحضور
الشكر لجماعة خلاص
الشباب امل كل السودان
التحايا لكل الفنانين
فرقة الخماسي
الفنان محمد سليمان
الفنان فرح
والشاب الدينمو طارق المكي
وفرقة الشباب والتي نتمنى لها كل النجاحات
واخونا الذي يعمل في صمت عماد الجاك
والفنان الاستاذ ابوجقادو الذ امتعنا وادخل الفرح بمعية اختنا زينب مسؤولة الطفل بسوا
والموهوبة المريخابية اميرة الشيخ
وتحايا وشكر خاص لكل الشباب الذين نراهن عليهم
عمر سعد اقتراحاتكم موضوعية وسوف نقوم بنقلها للجنة المنظمة للاحتفالات
| |
|
|
|
|
|
|
Re: المجموعة السودانية للقاء العيد : المعايدة بنادي الغزال بالدوحة ثاني ايام العيد في السادسة (Re: ناجية مصطفى)
|
Quote: الأخ العزيز كمبورة تحية طيبة وكل عام وانتم بخير وصحة وعافية
تحية لك المشاركين والقائمين على هذا الأخراج الجميل
تحية خاصة لأخواتى برابطة المراة سوا
وكل عام والجميع يصحة تامةوعافية |
اختي الكريمة الاستاذة ناجية مصطفى لك التحية وكل عام وانتي والاسرة بالف خير
نجاح الفعالية والحمد لله كان بفضل مشاركتكن ولمزيد من النجاحات
رابطة المراة سوا جزء اساسي واصيل لنجاح اية فعالية بالدوحة
لهن منا الشكر والتقدير
نعم رابطة المراة كان لها القدح المعلى لانجاح المعايدة
برنامج الطفل وفرحة الطفل من اعداد واخراج رابطة المراة الشكر للاخت زينب
الدعاية والاعلام لهذه الفعالية بواسطة الرسائل من رابطة المراة
احدى عضوات المجموعة السودانية وانشط الاعضاء على الاطلاق بالمجموعة اختنا عواطف نجدي
من عضوات رابطة المراة ودينمو المجموعة
والاستاذة سهام حمور وبنتنا ماهيتاب كان لمشاركتهن دور كبير لانجاح الفعالية
لهن جميعا الشكر والتقدير ولكل عضوات رابطة المراة
| |
|
|
|
|
|
|
|