|
Re: يد الله تساعد المنتخب الفرنسي للعبور الى كاس العالم ( فيديو ) (Re: Ahmed Khalil)
|
سلامات أمين..
إيرلندا أدت مباراة تاريخية في باريس وكانت الأفضل طوال المباراة بل ضاعت ليهم أكتر من فرصة للحسم قبل الأشواط الإضافية. غير يد تيري هنري كان في لاعبين فرنسيين في موقف تسلل برضو الحكم ما جاب خبر. يعنى إيرلندا إتظلمت بي أربعة أخطاء تحكيمية في نفس اللحظة بتاعت الهدف (إتنين متسللين وهنري بي المناسة لمس الكورة مرتين بي يده مش مرة واحدة.
لكن يا أخوانا كدي نعاين لي الفرق بين الشعوب .. أول حاجة تيري هنري إعتزر وقال بي الحرف إنو العدالة تستلزم إعادة المباراة.. روبي كين كابتن إيرلندا برغم الظلم الحصل علي فريقه شكر هنري وأثني علي شجاعته في الإعتزار. في قناة سكاي بعد المباراة الناس كلهم (مقدم البرنامج والضيوف والناس البتصللو من برة) مافي زول شتم زول وللا هدد وللا كورك الناس كلها اقرت بي الظلم وطوالي بدوا يفكروا في المستقبل وطالبوا الفيفا بي إعتماد الإعادة التلفزيونية في الحالات المشابهة عشان ما تتكرر.
يللا كدي اتخيلوا معاي لو حصل الكلام دا في كورة مصر والجزائر......
| |
|
|
|
|
|
|
|