|
Re: بصات (تاتا) محملة بافراد أمن لمنع استغلال المؤتمر الشعبي لعلاقاته بالجزائر في تداعيات المبا (Re: جمال علي حسن)
|
الاخ جمال .. اولاً المعذرة منك للدخول دون سلام ...
انت عارف انا لي كذا مداخلة تمنيت فيها الناس تشيل لافتات وتكتب عليها حلايب سودانية ...ووجودها افرحني كما افرح اخي ابو الريش ...انا سوداني وابن الشرق تحديداً ولاتهمني الكورة المصرية ولا الجزائرية والمنتخب السوداني نفسه ..وإن كانت حلايب لاتعني للحكومة او لك شي فهي لنا كل شي ...ولأننا اهل سلم ولا نملك مانعبر به عن سخطنا ورفضنا للاحتلال المصري والخذلان الحكومي فكانت هذه الوسيلة التي اراها حضاريه وسلمية .. فليت اهلنا بالداخل يوزعون مثل هذه اللافتات في كل مداخل ومخارج الملعب ..
والتحية لمن كتب ذلك ..
ودالقاضي ..
| |
|
|
|
|
|
|
Re: بصات (تاتا) محملة بافراد أمن لمنع استغلال المؤتمر الشعبي لعلاقاته بالجزائر في تداعيات المبا (Re: جمال علي حسن)
|
Quote: وبعدين حلايب دي ماقااااااعدة في الخريطة |
الخريطة ياتها ؟ إنت ما شفت خريطة مصر العلقها حسني مبارك خلف البشير وقت زار مصر وكانت حلايب تزينها!
ثم الناس الجو قاطعين الفيافي ديل لو من مصر والا الجزائر وبيشجعو فريقهم غيــر الحسّ الوطني الدافعهم شنو؟
ليه انت تكون اقل وطنيــة منهم ..
ومقام حلايب اليُقال فيها متين يعني وهي محتلة من سنة1992م
ما الناس الهسع بتتكلم دي منزلة مواضيع حلايب وبتتكلم عنها قبل سنوات
وجات هسع مناسبة يتلموا الاف مواطنيين الدولة العدو مصــر على ارضكـ وتواجههم بحقيقة احتلالهم لاراضي السودان حتي ولو حاول المؤتمر الوطني ومنتسبيه التلويح بابتسامة صفراوية واخدهم بالاحضان عشان يسوقوا ليهم مواقف انتهازية تطيل عمرهم فقط وتخرج رئيسهم من ورطاته الكتيرة ..
قال كورة وانسوا حلايب والله ياريت مش سيارات بس ياريت لو تكون جميع اللافتات التباع هي بالمعني دا مش مع مصر حتي النصر ..
| |
|
|
|
|
|
|
Re: بصات (تاتا) محملة بافراد أمن لمنع استغلال المؤتمر الشعبي لعلاقاته بالجزائر في تداعيات المبا (Re: جمال علي حسن)
|
Quote: وكسبانين دي معناها كبير ..كسبانين مكانتنا ووقارنا واحترامنا وارضنا وعرضنا وكل شئ
|
بالله بتعتقد إنك هسع كسبان الحاجات دي وانت بتستضيف جماهيــر دولة محتلة لأرضك وترفع علمها كمان؟
هي الكرامــة دي بالله كيفنها!!
Quote: نفترض هسه الجماهير المصرية دي هتفت معاك (حلايب سودانية ..حلايب سودانية) انت بتكون كدا حررت حلايب ؟؟ |
وإفترض إنك هسع هتفت مع مصـر حتي النصــر ما بيعني ضمنياً نسيانك لقصة انها دولة محتلاك زي ما بتطالب انت هسع انه انسوا القصة وهي موجودة بالخرطة وناسي انه المصريين ديل العاوز تكسب ودهم ما معترفين بخارطتك دي وراسمنها ضمن حدود دولتهم ..
Quote: يااخوي الوطنية دي مامعناها الكوراك والهتاف في ميدان كورة .. |
لا يا ملك معناها كدة والا لما كان اول مرسوم في المباريات هي النشيد الوطني لأي دولة ومعناها كدة والا لما تدخل بوتفليقة ووفر وسيلة نقل لمشجعينه ومعناها كدة والا لما وصل الامر لأزمة دبلوماسية بين البلدين .. ولو ما الهتاف دا البيعبر عن وطنية الجماهيــر البيجيبهم المسافة دي كلها شنو .. من مناظرنا السياحية وخدماتنا المتوفــرة والا جو الحريات البيعيشو السودان؟
Quote: يعني يالزين انت دايرنا نمسك الجماعة ديل رهائن ولا شنو .. |
لا ما قلت ليك امسكهم رهائن لكن تذكر انه دولتهم الآن بتغتال مواطنيين في حلايب وتطرد البعض من مساكنهم وما تنسي نهائي انه عساكرهم وشرطتهم قتلت سودانيين في مصر بدعوي اثارة الفوضي البيعملوا فيها هسع في عاصمتك..
| |
|
|
|
|
|
|
Re: بصات (تاتا) محملة بافراد أمن لمنع استغلال المؤتمر الشعبي لعلاقاته بالجزائر في تداعيات المبا (Re: HAIDER ALZAIN)
|
ياحيدر اخوي
الوطنية انك تكون كبير قدام ضيوف بلدك لانو بي بساطة انت تنتمي لبلد مظلومة مع العالم وماعارفين ليها حاجة غير (الحرابة)
والابادة والعنف والحروب الاهلية ..
في ظل وضع زي دا افضل انك تثبت ليهم عكس انطباعاتم عنك في حسم قضاياك .. ودي ذاتة نوع من الوطنية لمن احسن صورة بلدي قدام
العالم
وانا ما بدعو لتخزيل عن الانفعال الشعبي بقضايا البلد لكين الفرق بيني وبينك اني بستصحب معاي كل الحاجات دي قبل ما اعمل موقف
وبعدين مواضيع النزاعات الحدودية دي بقت مابتتحسم في العالم دا بدون الاحتكام للمؤسسات الدولية وحلايب دي بتلف السنين وتجي
وما بتحسمها اي حرب .. وفي نهاية الامر حاتخضع قضيتها لتحكيم دولي لايعترف بهتافك ولاقبر ضحية هذا الهتاف اليوم او غدا
والمصرييين مابتنازلوا بي اخوي واخوك وكذلك السودانيين ودا البحصل في كل مكان في العالم ..
يعني انا مابعتبرها قضية محلولة بل هي من التعقيد لدرجة اكبر من العشم في هتافك هذا ..
| |
|
|
|
|
|
|
Re: بصات (تاتا) محملة بافراد أمن لمنع استغلال المؤتمر الشعبي لعلاقاته بالجزائر في تداعيات المبا (Re: جمال علي حسن)
|
Quote: وفي نهاية الامر حاتخضع قضيتها لتحكيم دولي لايعترف بهتافك ولاقبر ضحية هذا الهتاف اليوم او غدا
والمصرييين مابتنازلوا بي اخوي واخوك وكذلك السودانيين ودا البحصل في كل مكان في العالم ..
|
إنت ما سمعت تصريحات مصطفي عثمان اسماعيل والا شنو!!
يا جمال موضوع التحكيم الدولي دا اظنه عصاية رفعها المؤتمر الوطني سنة 2004م ورجع الآن في ظل الحصار البيعانيه لتقديم اقتراحات تكاملية مع القاهــرة وانه الموضوع ودي .. فأنا معاك حلايب في الاخيــر من الممكن ترجع للوطن لكن ليس في عهد هؤلاء القوم ولا عبــر مثاليتك المتواترة مع منظور الحكومة الحالية لتهدئة اللعب مع مصر لأجل كسب خاص بحزب معين .. وليس من اجل السودان على الاطلاق ولا يهمها ..
Quote: انت تنتمي لبلد مظلومة مع العالم وماعارفين ليها حاجة غير (الحرابة)
والابادة والعنف والحروب الاهلية ..
|
ما دي الحقيقة لكن .. وأضيف ليهو الجريمة البقت تظلل سماء الخرطوم إنت عاوز تعمل ميك لواقعك ..
Quote: يعني انا مابعتبرها قضية محلولة بل هي من التعقيد لدرجة اكبر من العشم في هتافك هذا .. |
في الآخــر هي توصيل صوت للاعلام العالمي بخزالان المؤتمر الوطني واعلامه للشعب السوداني وبيعه لقضية حلايب وصمته عنها .. وتواطؤ بعض الصحفيين بإدعاء العقلانية للصمت عن ارض احتلت بالقوة واستشهد بها من استشهد من الغيورين على تراب الوطن ..
| |
|
|
|
|
|
|
Re: بصات (تاتا) محملة بافراد أمن لمنع استغلال المؤتمر الشعبي لعلاقاته بالجزائر في تداعيات المبا (Re: فتحي البحيري)
|
حتى لاانسى موضوع البوست وهو امن الخرطوم مع تداعيات مباراة مصر والجزائر فهذاعمود نشرته اليوم بصحيفة الحرة
الخرطوم لاتحتمل... انهم يصبون الزيت على النار ..وبعد اطلاعي على الانباء المنقولة والاخبار المتداولة حول لقاء مصر بالجزائر في استاد المريخ اليوم لم اعد اهتم بما ستسفر به نتيجة المباراة على الملعب اكثر من انتقال اهتمامي كغيري من المواطنين بالتحدي الامني الكبير الذي تواجهه العاصمة الخرطوم مساء اليوم .. لانريدها معتركا لحرب بين ضيوف البلاد من مصر الشقيقة والجزائر الجارة القريبة ..اقول هذا بعد وصول انباء بان بعض المتهورين من الجزائريين الذين حضروا الى الخرطوم لمناصرة فريقهم لم يكن امر فوز منتخبهم الوطني هو السبب الوحيد لحضورهم للخرطوم بل هناك نية مبيتة لما يسمونه الانتقام لجرحى ومصابين جزائرين في احداث بين مصرييين وجزائريين في الجزائر ليلة هزيمتهم بالقاهرة .. والانباء تتحدث عن مشاهدة عدد من هؤلاء وهم يشترون اسلحة بيضاء من السوق المركزي بالخرطوم ..وعلى هؤلاء ان يستفيقوا ويعرفوا انهم ضيوفا على بلد محترم وبه قانون يدين من يحمل السلاح وانهم ضيوفا على العين والراس ولكن فقط حين يلتزمون بضوابط وقوانين البلد الذي يقيمون فيه الان .. الخرطوم ياسادتي لاتحتمل ولن تسمح او تجامل احدا يخالف القوانين وهي مدينة هادئة ووديعة لمن يدخلها هادئا ومحترما لنفسه كما انها مدينة مرة وقاسية لمن يحاول التلاعب بامن اهلها الذين يعرفون ان حدود كرة القدم هي صافرة حكم ونتيجة ملزمة للفريقين بالقبول بها ثم فرصة للتعبير عن الفرح بما يتماشى مع الضوابط العامة للشارع في هذه البلاد .. ولن نوصي 15 الف شرطي مفرغين لتامين العاصمة هذه الليلة لن نوصيهم بان يدققوا في تفتيش الجمهور المصري والجزائري وحتى السوداني تفتيشا شخصيا لمنع دخول اي شخص يحمل سلاحا ابيضا الى الاستاد ثم القبض على اي شخص يتجرأ ويحمل سلاحا ناريا داخل او خارج الميدان .. ولن تتحرج الشرطة في القيام بعملها كاملا لحماية البلاد وضيوفها واهلها من اي شخص تسول له نفسه القيام باي مظهر للتفلت .. وكان صعبا علينا استيعاب الانباء التي تحدثت امس عن اعتداء بعض هؤلاء الضيوف على سيارات تحمل اعلاما غير اعلام بلدهم ..ولكن حسب علمي فان الاجهزة الامنية ترصد وتتابع وتتسيطر على الموقف بشكل تام .. هي كرة قدم ليست اكثر ولااقل ونحن نقدر كل الظروف الخاصة باهمية هذا اللقاء ونقول للمصريين والجزائريين انتم في بلدكم الثاني ضيوفا و(اسياد بلد) فهذا هو السودان ارض الكرم والخير والحب والتاريخ والبطولات ايضا ..
| |
|
|
|
|
|
|
Re: بصات (تاتا) محملة بافراد أمن لمنع استغلال المؤتمر الشعبي لعلاقاته بالجزائر في تداعيات المبا (Re: جمال علي حسن)
|
الاخ جمال تحياتي
عادة ما يقوم أصحاب القضايا والقابضون على جمرها، أن ينتهزوا أي فرصة للتعبير عن قضيتهم ووضعها على حواف بؤر الضوء الاعلامي المسلط على فعالية ما، ولو قمت ببحث في ذاكرتك، أو ارشيف صحيفتك أو حتى النت، لرأيت أن رفع اللافتات الرافضة أو الداعمة لأي قضية عادة ما يتزامن أو ينتهز فرصة انعقاد أو قيام فعاليات لرفع صوتها واعلان موقفهم، ولك في مؤتمر التجارة الدولية الذي اصبح الناشطين من المعارضين للعولمة أو الخضر يعتبرونه مناسبة ويلاحقونه في اي عاصمة كان، ويمارسوا مسيراتهم الاحتجاجية ضده.... كنت سأتفق معك، لو طالبت المحتجين بعدم تجاوز شروط الاحتجاجات السلمية، وحتى عدم الرد على أي استفزازات من الطرف الآخر.... أنا أختلف معك تماماً فإن الزخم الاعلامي وتواجد عدد كبير من قيادات ورموز المجتمع المصري، يجعلها افضل فرصة للتعبير عن مثل قضية حلايب وتذكيرهم بالمظالم، بشكل حضاري.....
| |
|
|
|
|
|
|
|