|
|
 مــشــوكـــش ...وكــمان حــاقـد ؟؟؟
|
والله ياجماعه لقيت الزول ده كاتب كلامو ده فى الفيس بوك ... ياخى ده الشاكوش خلاهو يهضرب جنس هضربه
لا خلى تراجى ولا خلى مناضلى الضلله ... غايتو حوالينا ولا علينا ..
اها شوفوا جنس النضمى ده ... ده شاكوش ولا مرزبه .
واحد مشوكش ، كاتب جواب للكان دايرها لو قلت عنك بأنت قبيحة فقد كذبت أيتها الجميلة، لكنك وللأسف الشديد إنسانة انتهازية باعتني لأول مشتري وبأبخس الأثمان.. هذا قدري وأنا أؤمن بالأقدار، ولولاها لما أحببتك، فكما يقولون (الحب أعمى) وهذا ما حدث لي بالفعل، ولو كنت أملك أمر نفسي لما أحببتك ولأحببت صديقتك ( .... ) فهي تفوقك في كل... شيء، في الخلقة والأخلاق، لكنني ماذا أفعل مع حظي العاثر الذي رماني في امرأةٍ لا يوجد في قاموسها شيءٌ اسمه المشاعر والأحاسيس النبيلة..... لكنكم لو تعرفون باعتني لمن ليزداد كرهكم لها؟ باعتني لمغترب يكبرها بعشرين سنة يقال بأنه طيار.. ويعني شنو طيار؟ ما سواق طيارة زيو وزي بقية السواقين الماليين البلد، لو كان بسوق طيارتو لمطار هيثرو أو غيرو يعني يفرق شنو من السواقين البسافروا بورتسودان والأبيض ودنقلا؟ علي الأقل ديل بسافروا لمدن سودانية نحبها ونحب ناسها.. وتانياً هو مغترب وين يعني؟ مغترب في فنزويلا ولا تركيا ولا كوبا ؟ ما مغترب ليهو في دولة أقامت علاقات تجارية مع إسرائيل .. يعني ممكن يكون شغال سواق طيارة إسرائيلية وما بعيد يكون انضم لجمعية الصداقة السودانية الإسرائيلية بتاعة ناس تراجي مصطفى البتكتب في منبر سودانيز أونلاين المنبر بتاع المعارضين بتاعين الضللة، البقى مسيطرين عليهو الكيزان.. يعني شنو عريسك أب كرشة ده لو ساقك الخليج وعشت في الخير والنعيم؟ هل ممكن يحبك أكتر منّي؟ ما أظن.. عريسك أب صلعة الأشتر ده ما قادر يرقص معاك كويس، الموسيقى كانت في جيهة ورقيصو كان في جيهة، عليك الله ده حاتتفاهمي وتتناغمي معاهو كيف؟ زول ما قادر يتناغم مع الأغنية معقول يتناغم مع إنسانة شافها في بيت الجيران؟ عريسك ده قايلاهو لو طوّل خلاص، بعيش ليهو أكتر من خمسة أو ستة سنوات؟ والله أنا خجلت من الفنان الجابو ليك في حفلتك.. فنان أشتر وما بعرف يغني، الحفلة كلها كانت عبارة عن أغاني هابطة.. أغاني كلها أغاني جبجبة.. وأنا ما أظلم الفنان ربما يكون متضامن معاي وكان عاوز يقول الليلة دي ما ليلة السقوط الأخلاقي وسقوط العهود والمواثيق بس، بل هي ليلة سقوط الفن السوداني الأصيل.. وأنا في الأول نويت أخرب الحفلة لكين من لقيت فيها الفنان الأشتر ده قلت مافي داعي، الحفلة براها خربانة وأحسن الناس تتفرج على ذوق العريس التعبان. عليك الله لو كان عندو ذرة من الذوق، كان ممكن يرقص ويبشر ويسكسك سكسكتو الشتراء دي؟ وأمك البلباصة البتحب القروش كانت تزغرد كل دقيقتين ومستلمة الحفلة التقول حفلة عرسها، نست كل القروش الأكلتني مني، القروش الكسبتهن بتعبي وعرق جبيني.. نست كان كل يومين تلاتة ترسل لي أخوك الصغيّر القاعد يجي الطيش في المدرسة.. يجيني في كل مرة: قالت ليك أمي عاوزة ليها خمسين ألف.. قالت ليك أمي عاوزة لي مية ألف.. نست كل شيء.. نست الفواكه والسمك واللحمة والكوارع والباسطة وعصير التانك الكنت بجيبها ليهم كل يومين تلاتة.. أما أبوك الجبهجي الضلالي ده فعندي معاهو حساب طويل عريض.. المنافق كان طوالي ينادي لي تعال يا أيمن يا ولدي.. بالله في زول بشكوش ولدو؟ أنا كان ما سجمان أناسب لي زول كوز.. ديل انقلبوا علي شيخهم ما بنقلبوا علي أنا المسكين! بس أنا بتمنى الحكومة دي تتقلب وأبوك ده يروح في ستين داهية .. وإن شاء الله بركة الشيخ العليش كلكم يسوقوكم لاهاي، وأنا من هسه مع محكمة الجنايات الدولية قلباً وقالباً.. إن شاء الله تطلّع روحكم يا مجرمين يا البتشوكشوا أبناء شعبكم.. وبعد كده نحن ما حا نسكت على الظلم والتهميش.. وأقولها ليكم بالفم المليان.. حلايب مصرية.. ونحن مع حق تحرير مصير جنوب السودان.. وبنتضامن مع كل حركات التحرر في العالم.. الناس قالوا (....) حايبكي ويتأثر، لكن لما شافوني في الحفلة عرفوا إنو (....) ولد ليهو سبع.. لا بهموا شاكوش ولا بهموا ضياع القروش.. هيييع أنا أخوك يا (... ).. ونحن ناس أهلنا ربونا علي القناعة والصبر عند المصائب.. بس عندي كلمة للعريس إن شاء الله لما ترجع الخليج تلقى روحك فنشوك بسبب الأزمة المالية العالمية.. يا سواق الطيارة يا متفلفس يا أبو نظارات.. وإنت يا العروس.. أنا ما بحقد عليك، لكين بتمنى من الله، أصلو ما تضوقي سعادة مع عريسك أب كرشة ده.. وفي النهاية بقول ليك إن شاء الله لما تكونوا مسافرين الخليج ما تلقوا حجز إلا في سودانير.. عشان تلحقوا أمات طه.. الله أكبر عليكم.. يا أعداء الحب .. ياسدنه .
|
|
 
|
|
|
|
|
|
|
|
Re: مــشــوكـــش ...وكــمان حــاقـد ؟؟؟ (Re: SHIBKA)
|
يابرير احكى ليك النكتة دى بمناسبة زولك الحاقد دا ..
قالوا اتنين عندهم مواعيد مع الجكس وكل واحد مشى لبس كيف واتريح كيف وهاك يالتسريحات وواقفين كل واحد مولع سيجارته ومواعيد الجكس قربت ..
أها واحد منهم الجكسوية بتاعته وصلت والتانى واقف مشرور وزولته ماجات .. صاحبنا لما شاف الموضوع بتاعه بايظ قام ماشى ورا صاحبه وجكسويته ويكورك .. يابت الود دا بسف صاعوط .. يا ( ... ) ياخى ماتجدع لينا كيس الصاعوط بتاعك ولما مايردوا عليهو يقوم يكورك تانى .. يابت الود دا عنده بهق أمشى خليهو ..
أها زولك المشوكش دا لما لقى موضوعه مطرشق بقى زى زولى دا .. معقول يكون طيار ونظره ضعيف وعنده كرش وصلعة؟ دا طيار وين؟ غايتو الا يكون فى سودانطير ..
| |
|
|
|
|
|
|
|
|
 Re: مــشــوكـــش ...وكــمان حــاقـد ؟؟؟ (Re: haroon diyab)
|
الاخ برير
لك التيحه
والله كنت بفكر فى موضوع زراعة الشعر عشان الصلعه
و لكن زولك دا طرف الصوط هبشنا بيه..
انشوف كان ناخذ سلفيه نصلح السنون ونركب السماعه ونصلح النضارة بتاعت القرايه
واخطه القادمه شعر .. يس عزالدين الدحيش ان شاء الله
وضعت بعض الابتسامه فينا.
فى ايام كلها هم ومنبر كلو غم ومشاكل
لك الود
| |
|
|
|
|
|
|
| |
برير احمد إبراهيم
النذير حجازي
HAIDER ALZAIN
نجلاء سيد أحمد
SHIBKA
عابدون محمد عابدون
haroon diyab
عبدالحافظ عثمان
فيس بوك
تويتر
انستقرام
يوتيوب
بنتيريست