|
|
|
 Re: الحقيني.. ياااا... عواااااطف (Re: كمال سالم)
|
كمال سالم قال:-
| Quote: بـس همى كلو كان مع والد عصام ! |
يا كمال....
نعل انت ماك قوّال؟
عصام قال لي ما تحدس زول... وانت اوعك تجيب طاري النضم الداير اقولو ليك دا فوق خشمك لي زول...احفر لو وادفنو في البوسطي دا.... سمح؟
عصام قال لي: ابوهو .... كل يوم في الليل قاعد يكورك لي امو " ام الابو".... ويقول لها الحقيني يا التومة... وبعد شوية ييسمعو يقول آححح الحمد لله غُمة واتزالت .هم ونزل !!!
باقي ليك يا كمال الراجل دا مالو؟.... غايتو انا قدر ما صوطا في النضم دا ما عرفت شي!
| |
 
|
|
|
|
|
|
|
|
Re: الحقيني.. ياااا... عواااااطف (Re: سجيمان)
|
هلا وغلا
يا سي جي
شكرا ليك للكلام السمح دا
تعرف ابونا زعلان من ولدنا البمشي المدرسة آخر فرح
وعلق قال بالله زمان المدرسة دي ذي الجارينك من نخرتك محلة فيها كبد وتعب
اسع يمشو فرحانين ويقوليك فن وكول
يا حليل الخرطوش وجريد النخل
وزاة التربية من قالت الدق ما قانوني الشفع قلو ادبهم..
بادت حضارة ليكم اللحم ولينا العضم
| |
|
|
|
|
|
|
|
|
|
Re: الحقيني.. ياااا... عواااااطف (Re: د.نجاة محمود)
|
د.نجاة محمود
| Quote: وعلق قال بالله زمان المدرسة دي ذي الجارينك من نخرتك محلة فيها كبد وتعب |
والله يا دكتورة كلنا زعلانين .... والواحد متحسر انو ما رجع شافع اللليمات دي...
( هوي الله يكسرني داك الليلة شفتكم في قناة الجزيرة... ما جايين تاني؟)
| |
|
|
|
|
|
|
|
|
|
Re: الحقيني.. ياااا... عواااااطف (Re: سجيمان)
|
المبدع سجيمان - لك التحية
Quote: كان شعار التعليم" الضرب ينفعهم...
والعلم يرفعهم" |
طبعاً الضرب ما نفعنا في شيء , لأنو أغلب
المعانا ماواصلوا تعليمهم , أما العلم
فقد رفعنا بالفعل , والحمدلله
بس بصراحة تشكر على القصة الجميلة وقد
أرجعتنا إلى سنوات خلت . والله ما ذكرته
يا سجيمان كانت وقائع حقيقية عشناها مع
المدرسين , وحسب الشخوص والأحداث , فالمدرسة
كانت في قرية .
كل عام وأنتم بخير
| |
|
|
|
|
|
|
| |
سجيمان
كمال سالم
فتح الرحمن محمد
Magdi Ahmed Elsheikh
حبيب نورة
هويدا شرف الدين
Ali Sirelkhatim
انور التكينة
د.يوسف محمد طاهر
فيس بوك
تويتر
انستقرام
يوتيوب
بنتيريست