|
حركة لذيذة .. للمتزوجين فقط !
|
تخرج من الصباح الى العمل مبكراً – على غير عادتك- وأنت في كامل هندامك وأناقتك ، و" زوِّد " المرطبات والعطور في جسمك وشعرك حبيتين .. وعندما تسالك زوجتك الحبيبة عن سر تأنقك تخبرها بأن لديكم احتفال عائلي تقيمه الشركة بمناسبة انتقال موظفة جديدة كرئيس للقسم الذي تعمل أنت فيه ، ثم تباغتها بقبلة طائرة – على غير العادة طبعاً - وتخرج. بمجرد وصولك للعمل تقوم بتغيير اسم اقرب زميل في هاتفك المحمول باسم فلانة (اسم الموظفة الجديدة) ، وتتصل من موبايله ثلاث مرات على رقمك ثم تتصل عليه اربعة مرات من هاتفك . عند عوتك للمنزل تشعر زوجتك بمدى سعادتك اليوم ، وبعد أن تتأكد من مراجعتها للتقرير اليومي لموبايلك ، تطلب منها الغداء فوراً لأنك ميت من الجوع ومعنوياتك اليوم في السما. بمجرد ان تحضر زوجتك صينية الغداء ، وأنت تستنشق رائحة الطبيخ الجميل ، تفاجئ زوجتك الحبيبة بالأطراء على الطعام قائلاً : " ما أجمل طبيخك يا فلانة ( وتذكر اسم الموظفة الجديدة ) . -- جربها عزيزي الزوج ولن تندم أبدا ..
|
|
|
|
|
|
|
|
Re: حركة لذيذة .. للمتزوجين فقط ! (Re: محمد الشيخ أرباب)
|
لووول والله يا عمر بوستك دا ميتة وخراب ديار تعرف يا عمر أي حاجة ولا نقة النسوان ديل وأنا أصلو ما بديها فرصة للنقنقة أو تلمس مويايلي
تعرف زمان لمن كنا عزابة أو أيام الجاهلية فى بيوت العزابة كانت دعواتنا: "يا الله حلة تجق جق ومرا تنق نق" وآمنت بنق نقة النسوان
| |
|
|
|
|
|
|
Re: حركة لذيذة .. للمتزوجين فقط ! (Re: عمر التاج)
|
طبعآ بعد داك فى احتمالات كتيرة
احتمال ماتقوم من محلك تانى واحتمال الوجبة البعديها تكون اخر وجبة واحتمال وووووووووووووووووو
مالك ومال الفنان الكتلو السقط ؟
انت اساسا الكديسة لو ماضبحتها تانى مااااااااااااابتتضبح ليك
تحياتى
| |
|
|
|
|
|
|
Re: حركة لذيذة .. للمتزوجين فقط ! (Re: د.نجاة محمود)
|
Quote: بالله في نسوان بعلو كدا؟
دي فايتة علينا انا ودومة(الكاشف اخوي) |
لووول@ د. نجاة
العزيزة د. نجاة، والله بنات الزمن دا بقوا صعبين خلاص والله أنا بعرف ناس، حتى إيملاتهم لازم يقروها، والله زمنكم كان بي خيرو
| |
|
|
|
|
|
|
Re: حركة لذيذة .. للمتزوجين فقط ! (Re: وليد محمد المبارك)
|
واحد جربها بس بطريقة مختلفة: شاهد سمية الخشاب وعلق على جمالها وأناقتها في حضور زوجته،،
=
غيرت القناة : شاهدت فيديو كليب لراغب علامة وعلقت على الشعر في صدره العاري،،
=
بطل يشوف تلفزيون إلى هذه اللحظة ، ومنعها من الفيدوكليب للأبد،،
=
| |
|
|
|
|
|
|
Re: حركة لذيذة .. للمتزوجين فقط ! (Re: عبد اللطيف بكري أحمد)
|
Quote: والله أنا بعرف ناس، حتى إيملاتهم لازم يقروها، |
ياجماعة عادي في شنو التحية لفرق التفتيش عن أسلحة الدمار الشامل والراجل الواثق في نفسوا التفتيش ما بهموا بالعكس لازم يكون متعاون
------------------------------ بدون تعليق على موضوع البوست الزوجات المستأنسات ديل بتجبوهم من وين
قال حركة لذيذة قال
| |
|
|
|
|
|
|
Re: حركة لذيذة .. للمتزوجين فقط ! (Re: عمر التاج)
|
النذير حجازي
Quote: تعرف زمان لمن كنا عزابة أو أيام الجاهلية فى بيوت العزابة كانت دعواتنا: "يا الله حلة تجق جق ..ومرا تنق نق"
|
البتنقنق وتشكشك دي مرة ولا مطرة ؟
كدي جرب وبعدين اسعل مجرب
| |
|
|
|
|
|
|
Re: حركة لذيذة .. للمتزوجين فقط ! (Re: عمر التاج)
|
Mohammed Awad
Quote: طبعآ بعد داك فى احتمالات كتيرة احتمال ماتقوم من محلك تانى واحتمال الوجبة البعديها تكون اخر وجبة واحتمال وووووووووووووووووو |
الاحتمال الأكيد حا يتلون قميصك بلون الملاح عشان كدة أختى الخدرة اليوم داك .
| |
|
|
|
|
|
|
Re: حركة لذيذة .. للمتزوجين فقط ! (Re: عمر التاج)
|
د.نجاة محمود
Quote: دي فايتة علينا انا ودومة(الكاشف اخوي) |
انت احتمال يا دكتورة .. عشان مسكينة وطيبة ، ما تربية رفاق عطبرة لكن خلتو دومة بتكون (برادعي) عديل كدة في تفتيش الموبايلات الله يقويكن
| |
|
|
|
|
|
|
Re: حركة لذيذة .. للمتزوجين فقط ! (Re: عمر التاج)
|
النذير حجازي
Quote: والله أنا بعرف ناس، حتى إيملاتهم لازم يقروها،
|
بعرف ناس دي ، ذكرتني قصة الفلاتي القال لاصحابه ( فلان عرس .. وعرسلو مرة كمان ، قالو ليهو طيب في زول بعرس راجل؟ قال ليهم آي حفصة اختى عرست ليها راجل ، دحين كلمة (ناس) دي ما تكون قاصد بيها ناس (روحي).
-- نادر ابو كدوك اخوي
Quote: عمر ياخوي جرب براك |
انا ما بجرب والسبب قولهم : البجرب المجرب بندم .. كدي جرب انت الاول ...
| |
|
|
|
|
|
|
Re: حركة لذيذة .. للمتزوجين فقط ! (Re: عمر التاج)
|
الفاتح شلبي
Quote: دهـ عايز ليه واحد فدائي من تورا بورا |
هو في فداء وتضحية أكتر من أنه الواحد يتزوج مرة في الزمن (النسائي) ده أتوكل جرب يا الاخو والبتجيك من مراتك سامحتك ..
---
وليد محمد المبارك
وحات مرتي . صدقت ؟
| |
|
|
|
|
|
|
Re: حركة لذيذة .. للمتزوجين فقط ! (Re: عمر التاج)
|
عبد اللطيف بكري أحمد
Quote: واحد جربها بس بطريقة مختلفة: شاهد سمية الخشاب وعلق على جمالها وأناقتها في حضور زوجته،، |
دي واحدة الزول يعلق عليها وجنبو امنجية البيت ؟ يا اخي البت دي تشوف وتنسى الجنبك .. ياساتر ما يسمعونا ..
--
عبد الناصر الخطيب
Quote: الراجل الواثق في نفسوا التفتيش ما بهموا بالعكس لازم يكون متعاون |
واثق في نفسو دي ما تكون زي حكاية الجعلي القادي أصحابه بي الرجالة: حرم ما فينا واحد بخاف من مرتو ، ومافي جعلي بسمع كلام المرة ، ومافي ... وفجاة ناداه الشافع .. امي قالت ليك تعال سريع عشان تحلب الغنماية ، عمنا تم كلامو واقف وقال ( و ما فينا تب مرة بتحلب ليها غنماية) . . وبعدين التفتيش ده خشم بيوت .. انت قاصد ياتو تفتيش ..
| |
|
|
|
|
|
|
Re: حركة لذيذة .. للمتزوجين فقط ! (Re: الصادق صديق سلمان)
|
عمر التاج
الكلام مقرون بالاقتباس
لا يوجد ما يمنع أن تقراء بعض الرسائل وقاصد المادة الفي الزواج البتسمح للزوجة بالاطلاع على بريد الزوج وقراءت أى رسائل لأسباب أمنيه في الحالة دي لازم الزوج يكون متفهم ومتعاون في السماح بالتفتيش والإجابة على أى استفسارات متعلقة بيهوا
--------------------------------------------------
*المرجع كتاب كيف تكون زوج مطيع ومتعاون
| |
|
|
|
|
|
|
Re: حركة لذيذة .. للمتزوجين فقط ! (Re: عمر التاج)
|
Quote: العزيزة د. نجاة، والله بنات الزمن دا بقوا صعبين خلاص والله أنا بعرف ناس، حتى إيملاتهم لازم يقروها، والله زمنكم كان بي خيرو |
ما عشان انتو اصعب عينكم زايغة حديد يلاقي جديد
الشجرة يقلعها عرقها..
اسع شوف عمر دا بدل يمسي البوست دا كيف تتخلص من زوجتك قال حركة لذيذة قال.. زمان في كتاب هتشكوك في قصة كيف تتخلص من زوجتك راجل اوهم زوجته انها ماشة كاشة وبقضي يومو كلو يخيط في الملايات مع بعض ويزيد في كرعين الكراسي والترابيز لما المرة اتوهمت وصدقت انها ماشة تصغر وانتحرت.. انتو تجننو بلد جاتكم البلاوي
| |
|
|
|
|
|
|
Re: حركة لذيذة .. للمتزوجين فقط ! (Re: مزمل خيرى)
|
د. بيان
Quote: حديد يلاقي جديد الشجرة يقلعها عرقها..
|
عشان فصاحتكن دي يادكتورة الرجال طبقوا مبدأ ( لكل فعل رد فعل اكبر منه ) فكل رجل بقى ساعيلو اتنين موبايل واحد على الشيوع .. للزوجة والاصدقاء والتاني لا يمكن الوصول اليه الا ( للحبيبة ) أها خمن وما (تصرن) .. عشان الصرة بتبقي الزوجة (أشنى) .
| |
|
|
|
|
|
|
Re: حركة لذيذة .. للمتزوجين فقط ! (Re: عمر التاج)
|
مزمل خيرى
Quote: ابعد من الشر وغنيلو .. انت داير تحصل صاحبنا دا .؟
|
يا مزمل أخوي قصة صاحبك دا زي المرة الصالحة في الزمن دا مرة تصيب ومرة تخيب .. انت بس جرب .. وما .. . تلاوز . -- . . . عميق تحياتي وشكري .. لكل من فاتني شكرهم
| |
|
|
|
|
|
|
Re: حركة لذيذة .. للمتزوجين فقط ! (Re: عمر التاج)
|
قال ليك واحد بعد ما سوي الحركة دي واتغدي ونام. المرة شالت التلفون لقد رقم الموظفة الجديدة اتصلت عليها عشان تقوم قيامتها. لقت صاحبو فى الخط وشبكت. اهاراجلها قال ليك بقى فى التحلو من المشكلة دى.
| |
|
|
|
|
|
|
Re: حركة لذيذة .. للمتزوجين فقط ! (Re: المعتمد)
|
يعنى هو فى حبيبة غير الزوجة !!!!!!!!!!!!!!!!!!!!!!!!!!!!
تفتيش موبايلات!!!!!!!!!!!!!!!!!!!!!!!!!!
والله دا زواج آخر زمن
د:سلافا العاقب
ملحوظة ,,,,,,,,,,,, احنا ناس,,,,, يدك التى حطت علي كتفي كحمامة نزلت لكى تشرب,,,,, عندى تساوى الف مملكة,,,,يا ليتها تبقي ولاتذهب
| |
|
|
|
|
|
|
Re: حركة لذيذة .. للمتزوجين فقط ! (Re: Solafa Alagib)
|
صلاح مختار
Quote: كلامك صاح في ميت بيندم؟
|
بالعكس ، المتزوج هو أول من يندم حيث لاينفع طلاق وهروب .
**
نجاة محمد بابكر
Quote: قلت لى يعنى لو عملوها فينى بعرفها حركة
|
وحركة شعبية كمان .. عشان كدة بالوحدة الجاذبة بوصيك .. حتى ولو عملوا فيك الحركة دي أو .. ديك .
| |
|
|
|
|
|
|
Re: حركة لذيذة .. للمتزوجين فقط ! (Re: عمر التاج)
|
على محمد على بشير
Quote: خلاص نويت تضيع نصف رجال المنبر المتزوجين
|
بالعكس يا علي ، أنا يادوب بدعوهم للانعتاق الاجتماعي كنوع من التبشير للسودان الجديد .. هم لسه ما ضاعوا !
*****
المعتمد
Quote: قال ليك واحد بعد ما سوي الحركة دي واتغدي ونام. المرة شالت التلفون لقت رقم الموظفة الجديدة ا |
تصلت عليها عشان تقوم قيامتها. لقت صاحبو فى الخط وشبكت.
كويس انه زوجة صاحبو ما ردت هي وإلا كانن الاتنين طلبن الطلاق .
..
على كل حال نقول سالنا مجرب والحركة اللذيذة نجحت .
| |
|
|
|
|
|
|
Re: حركة لذيذة .. للمتزوجين فقط ! (Re: عمر التاج)
|
Solafa Alagib
Quote: يعنى هو فى حبيبة غير الزوجة
|
يادكتورة : مش برضوا في تطبيق نظري وعملي ؟ // وبعدين ما سمعتي بطرفة ادروب لمن سألوه : الثعلب بيبيض ولا بلد ؟ فقال : الثعلب مكار ، الاتنين ممكن يعملن . .. النجيضة: قبل الزواج بكون في دستة وبعدوا ببقن دست .
| |
|
|
|
|
|
|
Re: حركة لذيذة .. للمتزوجين فقط ! (Re: عمر التاج)
|
النتيجة النهائية :
إذا كانت النتيجة هي ضربات موجعة من زوجتك فجروح الجسد بتبرى ...
وإذا دلقت عليك صينية الأكل .. فالجاتك في غدائك سامحتك ، والجوع يشفي القلوب .
وإذا تحملتك زوجتك الحركة بروح رياضية فأنت الحرية التي تتمتع بها ستحسدك عليها الصحافة والمطبوعات.
في كل هذه النتائج فانت يا عزيزي الزوج لم تندم .. وقطعاً ستزداد مساحات الحب والإلفة بينكما بعد الحركة اللذيذة دي. ** أما إذا (كتمت) الزوجة .. فتلكم القاضية ..... احذروها وباعدوا بينها و(موية النار)
| |
|
|
|
|
|
|
Re: حركة لذيذة .. للمتزوجين فقط ! (Re: صلاح أبودية)
|
الأخو : صلاح أبودية
Quote: هن ديل بتباغتن ! قال تباغتها قال
|
هن عشان ما تتباغت بسهولة فأحسن نحن نتفادى مباغتتهن ونخت الخاتمة دي حلقة في اضانا : أما إذا (كتمت) الزوجة .. فتلكم القاضية ..... احذروها وباعدوا بينها و(موية النار(
| |
|
|
|
|
|
|
|