|
|
 يا مســاخة الحلة ، يوم ناس داليا فــاتوا
|
كنت كتبت من قبل بوست بعنوان :
حبيبتي عضو في المنبر
وقد قمت ببحث مضن عن هذا البوست ولم أعثر له على أثر .
يتلخص موضوع البوست في الدعوة للتلاقي والتواصل والتوادد وإقامة علاقات الحب ومن ثم الخطوبة والزواج لأعضاء المنبر من الجنسين ..
وتبنيت هذه الدعوة فعلا لا قولا ، وأشرت على كثيرين بالارتباط بكثيرات ، لكن كله قسمة ونصيب ..
حدثت زيجات في المنبر ، تابعناها كلنا وفرحنا لها وبها ، وأذكر من عضوية المنبر الذين دخلوا في علاقة زوجية : ( ربما أن بعضهم له علاقات سابقة على علاقات المنبر لكن نحن عرفناهم كأعضاء هنا ) :
بارعة/خدر
مريم/نادر
ميادة/محمد الشيخ
سمرية/قوي
والأن نحن ندخل عصر :
داليا/تمبس
هبة/سفيان
وربما يكون هناك آخرين لم أستحضرهم ساعة الكتابة ..
بس تصوروا ده ما موضوعي .. انتظروني شوية عشان أقول ليكم الموضوع شنو ...
|
|
 
|
|
|
|
|
|
|
|
Re: يا مســاخة الحلة ، يوم ناس داليا فــاتوا (Re: ودقاسم)
|
يا سادتي ، الموضوع هو أن البنات اللائي تزوجن من زملاء المنبر يختفين عن الكتابة ، وبعض منهن ربما يتاوقن بين الحين والآخر ، لكن يقل النشاط بشكل ملحوط أو ينعدم ..
راجعوا الأسماء التي أوردتها هنا ، ما عدا مريم فقد واصلت عطاءها ، ومريم ربما تكون هي الاستثناء الذي أشرت إليه سابقا من أنها عرفت نادر خارج المنبر ..
أخشى أن تختفي داليا ، وهبة ، أيضا ..
ونحن نحث الناس على المزيد من التواصل والتراحم وتمتين العلاقات وتطويرها ، لكنا نقول لا تهجروا المنبر ، فقريبا ستتكون لدينا قبيلة سودانية جديدة يتم الاعتراف يها من قبل كل القبائل ، قبية ملونة مختلطة يجمع بينها حب هذا الوطن وحب أبناء الوطن وحب الناس جميعا .. قبيلة تسلك طريق الحوار ، وطريق الحجة والإقناع ، واحترام الرأي والرأي الآخر ..
قبيلة البورداب ..
| |
|
|
|
|
|
|
|
|
 Re: يا مســاخة الحلة ، يوم ناس داليا فــاتوا (Re: ودقاسم)
|
..
.
لا تنسى الرواد
الصادق وتغريد
وهناك بت الاحفاد و (..... ) لا حولالا النيكنيم راح . العفو بس
Quote: أين تذهب الزميلات بد الزواج ؟
هل للأزواج دور في هذا الاختفاء ؟
هل للأولاد ومشاغل البيوت دور في هذا الاختفاء ؟ |
يا خال شغل ومطبخ وامثال تمبس
ياخى دى مشكلة ..!!
الشباب ديل ما تشوفهم كدا الواحد من يعرس
تانى قميصو ما بطرحو ..
___________
جايك دى دعوة لحوار جاد
بتاعت الاتكالية دى ..
( تمبس ما قاصدك .. اكوووى هدومك ساااى )
| |
|
|
|
|
|
|
|
|
|
Re: يا مســاخة الحلة ، يوم ناس داليا فــاتوا (Re: Tabaldina)
|
شوف يا تبلدينا في حاجة كده خليها سر بيني وبينك ، وهي :
ربما أن البعض يستخدم الإنترنت عموما للوصول إلى شراكة وهو طبعا وسيلة مشروعة ، كما أننا لسنا ضد البحث عن الشراكة والسعي لإكمالها ..
لكن استمروا أكتبوا يا حماعة ، وانتو شايفين عشة بت فاطنة والجندرية واشراقة مصطفى ومن الأمثلة الحديثة مريم بنت الحسين ودوما ود. نجاة وغيرهن ، كلهن يكتبن رغم مسئوليات البيت والأسرة وربما العمل ..
| |
|
|
|
|
|
|
|
|
|
Re: يا مســاخة الحلة ، يوم ناس داليا فــاتوا (Re: عمران حسن صالح)
|
عمران
إن شاء الله إنت والأسرة بخير
قلت لي خفت من تمبس ! هو تمبس كان بيخاف من زول وللا بيخجل من زول ؟
أخشى أن يطول غياب داليا ، وأخشى أن لا تجد وقتا بعد هذا للمنبر .. وقد كانت من قبل أحدى نجوم الخرطوم ..
تعرف يا عمران خالتكم فوزية قالتها صراحة ، إنها بتكره المنبر لأنه يأخذ منها زوجها ، يأخذه من أولاده ، ومن عمله .. البنات ديل بيقولوا إنهم بيحبوا المنبر ، لكنهن للأسف يختفين .. أين ميادة ؟
أين بارعة ؟
فقط مريم بنت الحسين هي التي واصلت ..
| |
|
|
|
|
|
|
|
|
 Re: يا مســاخة الحلة ، يوم ناس داليا فــاتوا (Re: ودقاسم)
|
والله يا عم ودقاسم الليله راسي من شدة ما كبر، لما وقع بي غادي.. فعلا انا ونادر عرفنا بعض من زمن بعيد من قبل المنبر... بعداك زواجنا تم معاكم هنا... وكان اجمل حاجه انكم كنتوا اهل العريس والعروس...
انا برضه قبل يومين كنت بفكر بنت الاحفاد دي مشت وين بالضبط... بارعة دي، خدر حايم الليل والنهار بي جاي... يا كافي البلا ما بفك ليها الكومبيوتر اصله... عشان كده ما بتخش... نصيحتي لدلوش... اعملوا ليكم لابتوبات.. كل واحد لابتوب... عشان ما يحصل احتكار.. النصيحة التانية... بوستات الطبيخ وتربية الاطفال الهنا بتفيييييييدك، حاكم تمبس ده شنّاف.. النصيحة التالتة.. اكتبي مره كل يومين.. ان شاء الله تقولي ازيكم ساااي...
عم ود قاسم تحياتي .. ورفعت المعدنيات الليلة
| |
|
|
|
|
|
|
| |
ودقاسم
عمران حسن صالح
مريم بنت الحسين
فيس بوك
تويتر
انستقرام
يوتيوب
بنتيريست