|
أول بوست .. آخــر حب
|
الغرض من هذا البوســت: - أن اشكر (داليا وانا) كل الناس الاتصلت علينا مباركة .. الناس الكانت متابعة معانا .. والناس الاتفاجأت والناس اللسة ما عرفت ..
بالمناسبة: مثلما الواحد ح يستعد لي مراسيل العيش زي الزميل (عمر الفارووق) وغسيل العدة .. وفريش الملايات .. زي ما بيعمل الزميل (خدر اللي هو طارق أبوعبيدة).. أرجو أن ابتدر هذه الظواهر الاجتماعية المنزلية الصحية الايجابية جدا والتي تدرج ضمن الواجبات المنزلية لاي زوج يعني عاادي جدا أرجو أن ابتدرهـا بوصية من داليـا .. قالت ليكم هي خجلالالالانة شديد وبي طريقتكم دي ما بدخل البورد
|
|
|
|
|
|
|
|
Re: أول بوست .. آخــر حب (Re: سيف بخيت موسي)
|
الف مبروك يا تمبس.. الخبر كان مفاجأة جد جد.. والسبب شنو ماعارفة! ما اي زول بيخطب وبيعرس..لكن لسة برضو مفاجأة!
اول ما قريت الخبر وباركت..جريت للتلفون واتصلت بأحمد الشايقي.. الحق يا أحمد تمبس وداليا اتخطبوا.. ما تتخيل الناس فرحانه ليكم كيف.. امس كان لقاءنا البوردابي ووداع لأحمد الذي يصلكم مساء اليوم.. واتونسنا بخبركم كتير وشاركناكم المشاعر من هنا..
اها نمنا علي فرح أمس.. صحينا بفرح جديد..سفيان وهبة..
ماشاء الله عليكم كلكم يارب تسعدوا بخياراتكم وبحياتكم.. وانتو جيل رغم الزمن الأغبر..عارف هو عايز شنو..
| |
|
|
|
|
|
|
Re: أول بوست .. آخــر حب (Re: سيف بخيت موسي)
|
تمبسسسسسسسس سخشيا يا أخي والله ده من اسعد الاخبار، فألف مبرووك ليك وللعروسة داليا وشفت الدسديس والقتاتة دي بضيع ليك جنس حاجات. هسه كانت قلت مش كنا جبناك انت والعروسة وقعدناك مع عرسان الدوحة وبيكم اتمم كيفنا....وبالمرة من الحفلة مشينا الاستاد...
| |
|
|
|
|
|
|
Re: أول بوست .. آخــر حب (Re: tmbis)
|
تامبا يا .... والله لو ماك عريس كنت هريتك . ياخ أنا ما سيد شورتك ؟ يا ولد أنا خالك وخال اللي خلفوك ، تجي تتهداني سااااكت ، واسمع بي خطوبتك في البورد ؟ والله يا حليل أهل الأصول ود الشيخ ومبادة ومعتصم وشروم .. المهم : مبروك عليك ، وربنا يتمم ليك ، وأنا أصلا الفترة الأخيرة دي كلها نفسي مارقة منّك ..
| |
|
|
|
|
|
|
Re: أول بوست .. آخــر حب (Re: tmbis)
|
- أن اقطع الطريق أمام بعضهم أدمنوا ارسال الرسائل القصيرة تحذر من أن هناك ضبح كديسة .. وأن وأن .. إلخ أشكر أول المباركين من الفضاء الأسفيري .. العزيز أساسي .. حقيقة أول مرة احس إنو الزول دا عندو مشاعر زينـا كدا .. ممكن تكون جياشة .. يتفاعل يضحك يقدم ورود في المناسبات الرسمية .. وغيرهـا.. إلخ . الغريب في الأمر .. إنو حتى المتصفح محمد بشرى الخدر اتصل .. واستعمل خاصية الرسائل القصيرة .. والله الواحد لما يكون متصفح .. صوتو زاتو ما بيكون واصل
| |
|
|
|
|
|
|
Re: أول بوست .. آخــر حب (Re: tmbis)
|
تعرف يا أبو محمد
رغم أن الخطوبة هي خطوة من مشوار طويل و رحلة حُبْلى بالكثير و التي أتمنى من كل قلبي أن تكون رحلة مليئة بالسعادة و الهناء ... أقول رغم هذا .. فإن الخطوبة تجعل المخطوبين يعيشان لحظة نجاح مرحلة أولى ... فالعلاقة التي تبدأ ثم تنتهي بمعرفة كل واحد للآخر و تنتهي بإعلان الخطوبة .. تجعل الإثنين كمن قاما بتجميع سيارة بعد عدة إختبارات ثم توكلا على الحي القيوم لقيادة هذه السيارة في طريق يتوقف سهولته و سلاسته على حُسْن قيادتهما لها ... يترجلان منها سويا لصيانتها و التأكد من سلامة كل جزء فيها .. رحلة تتكاتف فيها كل أنواع البذل و العطاء و التضحية لا تتخللها الأنانية و لا ال ( أنا ) .. و أنا على ثقة بأنكما ربانين ماهرين حددتما وجهتكما و أدوات رحلتكما .. وفقكما المولى عز و جل و جعل بينكما المودة و الرحمة حبلا لا ينفصم و طوقا يحيط بكما أبد الآبدين...
بالرفاء و بالبنين
| |
|
|
|
|
|
|
Re: أول بوست .. آخــر حب (Re: tmbis)
|
Quote: أرجو أن ابتدر هذه الظواهر الاجتماعية المنزلية الصحية الايجابية جدا والتي تدرج ضمن الواجبات المنزلية لاي زوج يعني عاادي جدا أرجو أن ابتدرهـا بوصية من داليـا .. قالت ليكم هي خجلالالالانة شديد وبي طريقتكم دي ما بدخل البورد |
أولا ألف مبروك ليك وداليا.. ثانيا ماقلتو نوبه
حكمة اليوم الهرشه فى الأول أفضل من الهرشه فى الآخر
| |
|
|
|
|
|
|
Re: أول بوست .. آخــر حب (Re: محمد مكى محمد)
|
Quote: مثلما الواحد ح يستعد لي مراسيل العيش زي الزميل (عمر الفارووق) وغسيل العدة .. وفريش الملايات .. زي ما بيعمل الزميل (خدر اللي هو طارق أبوعبيدة).. |
خليك زي جنابو عمر عثمان ...... بادر براك قبل ما يرسلوك ...... مع استخدام لغة الاشارة لمن يكونوا في ناس غرباء يعني
عين شمال معناها (قوم غسل العدة قبل ما الاكل ينشف فيها)
عين يمين (امشي جيب العيش)
عين لي فوق (امشي ارقد نوم ما تتظارف قدام الضيوف)
عين لي تحت (الله قال بي قولك)
| |
|
|
|
|
|
|
Re: أول بوست .. آخــر حب (Re: الملك)
|
مبرووووووووووووك يا تمبس.. الاستقرار دة احلي حاجة. اسأل ما مجرب.. وبارك للعروس بالانابة وقول ليها سارة قالت ليك(عين لي تحت) بلغة جنابو عمر.. انشاء الله تفهم يا تمبس ومقدراتك الكوننية ما تكون اتلاشت بالفرحة.. ـــــــــــــــــ يا دوب بعد دة آخد راحتي..واعمل حركات الحموات
| |
|
|
|
|
|
|
Re: أول بوست .. آخــر حب (Re: محمد مكى محمد)
|
.. والله يا تامبا ألف ألف مبروك ياخ بالجد والله فرحت ليك هناك في البوست بتاع أخونا عمران قلت ليكم لو الزول داير يرسل ليكم هدية .. الراي شنو ..؟ وللا ننتظر لحدي ما تجو السودان ؟؟ الكلام ده جادي .. ـــــــــــ يا داليا الهدية طبعا ليكم الإثنين لكن في النهاية ها تكون معاك إنت
| |
|
|
|
|
|
|
Re: أول بوست .. آخــر حب (Re: محمد عمر جبريل)
|
Quote: مثلما الواحد ح يستعد لي مراسيل العيش زي الزميل (عمر الفارووق) وغسيل العدة .. وفريش الملايات .. زي ما بيعمل الزميل (خدر اللي هو طارق أبوعبيدة).. |
تمبس طبعا تهانينا متواصله لكن بحكم انى متزوج لى مدة تمتد لقريب عمر الاوغاد ديل تصدق هم كلموك عن اسهل حاجه فى الشغلانية دى والباقى انت سمعته منى اكتر من مرة،،،
| |
|
|
|
|
|
|
Re: أول بوست .. آخــر حب (Re: محمد عمر جبريل)
|
تمبسكو يا ود حلتنا مبروك وما عندنا رجال بيغسلو عده
انحنا بس بنقش الحوش ونجيب الرغيف ...
ونكوى الهدوم غسيل لالالا ......
يا داليا الف مبروك ...........
وبراحه على ولدنا ...ابدى لهو بى يا حبيبى قشيت الحوش بدون هرشه فى الاول.
الف مبروك والتباريك موصوله لى كطوس وكل ال ضباب .....وكل المورده .......
| |
|
|
|
|
|
|
Re: أول بوست .. آخــر حب (Re: محمد مكى محمد)
|
Quote: أرجو أن ابتدر هذه الظواهر الاجتماعية المنزلية الصحية الايجابية جدا والتي تدرج ضمن الواجبات المنزلية لاي زوج يعني عاادي جدا |
ههههههه
الف الف الف مبروك حبيبنا تامبا
بس ما تركز على المساعده دي كتير
ما بتقدر عليها
ربنا يتمم بخير وما تنسى تعزمني للفرح ربنا يجعل ايامكم كلها فرح
| |
|
|
|
|
|
|
Re: أول بوست .. آخــر حب (Re: Nader Abu Kadouk)
|
Quote: وغسيل العدة .. وفريش الملايات |
{أم حسبتم أن تدخلوا الجنة ولما يأتكم مثل الذين خلوا من قبلكم مستهم البأساء والضراء وزلزلوا حتى يقول الرسول والذين آمنوا معه متى نصر الله آلا إن نصر الله قريب }
[البقرة:214]
| |
|
|
|
|
|
|
Re: أول بوست .. آخــر حب (Re: شول اشوانق دينق)
|
و اقراء ده يا مان
Quote: اولاً :- حقوق الزوجة :- (1) الحقوق المالية :- أ) المهر :- ويعتبر حقاً خاصاً للمراة بالقرآن والسنة وعليه فلا يجوز ان يعقد زواج بلا مهر لأن القرآن الكريم صريح بنصه " وآتوا النساء صدقاتهن نحله " " سورة النساء " (4) . ب) النفقة :- وهي حق ثابت في القرآن والسنة ، ففي " سورة البقرة " (233) " وعلى المولود له رزقهن وكسوتهن بالمعروف " وفي الحديث الشريف أن النبي صلى الله عليه وسلم ساله رجل ما حق المراة على الزوج قال ( تطعمها إذا طعمت وتكسوها إذا إكتسيت ولا تضرب الوجه ولا تقبح ولا تهجر إلاّ في البيت ) رواه احمد وأبو داوود وابن ماجه .
(2) الحقوق غير المالية :- 1- حق المعاشرة والعشرة : قال تعالى " وعاشروهن بالمعروف " " سورة النساء " (19) وقال إبن عباس ( إني لأحب ان اتزين للمراة كما احب ان تتزين لي ) . وهذا يعني ان على الزوج أن يحسن معاملته لزوجته فيكون طلق الوجه بشوشاً فلا يؤذيها ولا يقسو عليها . بل يتمثل قوله تعالى " ولهن مثل الذي عليهن بالمعروف " " سورة البقرة " (238) ومن حسن المعاشرة كذلك بذل ما يجب من حقها من غير مطل " َمن أو أذى " لقوله صلى الله عليه وسلم ( َمطل الغني ظلم ) . 2- إعفاف الزوجة او الإستمتاع :- فالنكاح مشروع لمصلحة الزوجين دفعاً للضرر عنهما ولهذا فالجماع واجب على الرجل للمراة إذا إنتفى العذر على ان يكون في القبل لا الدبر . 3- العزل :- والعزل جائز على إجماع المذاهب ولكنه يحرم عن المراة الحرة إلاّ باذنها . |
____ والله وراك كده لمن الكباشي و منصور يدخلوا الثانوي العالي
| |
|
|
|
|
|
|
Re: أول بوست .. آخــر حب (Re: خدر)
|
شنو يا ابوالنسب اول امبارح مش كنا قاعدين مع بعض تفطني وتعمل الافراح والليالي الملاح من وراي طيب لو غبت عنك اسبوع كنت عملت شنو وليه قافل الجوال الله يسعدكم ويعمر بيتكم داليا بتي لو خجلتي من التهاني والتبريكات أكان كدي لمن تجي الرياض حتتعب ناس صديق الموج لسانهم متبري منهم قبل يومين امي خادم الله غطت وشها من كلام صديق الموج
| |
|
|
|
|
|
|
Re: أول بوست .. آخــر حب (Re: Nader Abu Kadouk)
|
تامبا ياحبيبي
ياخ ماعندي تلفونك كنت اتصلت بيك اتصال مباشر وباركنا ليك على الهواء
الف مبروك وربنا يتمم على خير ان شاء الله ويسعدكم ويحلي ايامكم التهنئة موصولة للعروس لحين ازالة الخجلة .
كدي ورينا الحناء متين يمكن نقدر نجيك واذا ماجينا قلوبنا معاك
تخريمة
ان شاء الله بعد العرس مداخلتك تكون زي زمان وماتتبع اسلوب حسين ملاسي
تحياتي للعروس
زاتوووو
| |
|
|
|
|
|
|
Re: أول بوست .. آخــر حب (Re: ALZOLZATOO)
|
تحياتي ياعلاء نساءل الله أن يتمم على مليار خير وخير مبروك لكما مقدما ما تسمع كلام أو صية أي زول ، حدد وأرسم ملامح استمرار واستقرار بيتك براك وأنت ما بوصووووك . لكما تقديري الشفيع ابراهيم الدمام
| |
|
|
|
|
|
|
Re: أول بوست .. آخــر حب (Re: ALZOLZATOO)
|
Quote: أرجو أن ابتدر هذه الظواهر الاجتماعية المنزلية الصحية الايجابية جدا والتي تدرج ضمن الواجبات المنزلية لاي زوج يعني عاادي جدا |
ههههههههههههههههههههههههههه
صديقي العزيز تامبا مليون مبروك ومليون مبروك لدكتورة داليا
أها انا وصيتي ليك لما تجي تغسل الملابس قرضها كويس
| |
|
|
|
|
|
|
Re: أول بوست .. آخــر حب (Re: tmbis)
|
Quote: مثلما الواحد ح يستعد لي مراسيل العيش زي الزميل (عمر الفارووق) وغسيل العدة .. وفريش الملايات .. زي ما بيعمل الزميل (خدر اللي هو طارق أبوعبيدة).. أرجو أن ابتدر هذه الظواهر الاجتماعية المنزلية الصحية الايجابية جدا والتي تدرج ضمن الواجبات المنزلية لاي زوج يعني عاادي جدا |
تمبــــس شكلك كدا ياخوي جديد في القصة بتاع الإجتماعية دي أها النفطمـــك كبرلوم وكدا ... نحن الأسمنا متزوجين ديل هنا وفي لحظات الملمات الزوجية دي قاعدين ننسى خلافاتنا الفكرية والسياسية وتلقى زي وشوشة بين أقصي اليمين وأقصى اليسار وزي إتفاقات ضمنية على عدة محاور ... منها قصة (غسيل) العدة دي ماقاعدين (ننشرها) هنا في البورد ومسألة العيش تقوم مقامها .,... أها زي ناس عمر الفاروق وخدر ومن لف لفهم لمن يتكلموا بالحاجات دي ...فبنكون فاهمين إنها دي (نزوة) وبنمررها ليهم لأسباب متعلقة بضعوط المعيشة وكدا وحتى أسأل (المتصفح) محمد البشرى الخضر وأحلق دقني لو جاوب ليك هنا لكن هو برضو معانا في (الختة) وكدا !!!! ألاف التبريكات وإنشاءالله تغلبك بالمال والعيال
| |
|
|
|
|
|
|
Re: أول بوست .. آخــر حب (Re: Ahmed musa)
|
Quote: تمبــــس شكلك كدا ياخوي جديد في القصة بتاع الإجتماعية دي أها النفطمـــك كبرلوم وكدا ... نحن الأسمنا متزوجين ديل هنا وفي لحظات الملمات الزوجية دي قاعدين ننسى خلافاتنا الفكرية والسياسية |
تفطم منو يا احمد ده جانا مفطوم جاااهز
والبوست خير دليل .. اول بوست بعد الخطوبة مرسلنو يقولو
___ حق لاستيف ان يمدد رجليه بعد الان
| |
|
|
|
|
|
|
Re: أول بوست .. آخــر حب (Re: محمد عمر الفكي)
|
Quote: مثلما الواحد ح يستعد لي مراسيل العيش زي الزميل (عمر الفارووق) وغسيل العدة .. وفريش الملايات .. زي ما بيعمل الزميل (خدر اللي هو طارق أبوعبيدة).. |
اخي تمبس الطريق الفوق دا كلنا مشيناهو وفي طرق اكثر وعورة والبقول ليك انا ما مشيتو كلام ساكت الف الف الف مبروك تمبس وداليا
| |
|
|
|
|
|
|
Re: أول بوست .. آخــر حب (Re: حسن مضوي)
|
Quote: وغسيل العدة .. وفريش الملايات .. |
مبروك مبروك - ربنا يتم ليك علي الف خير يا تمبس -
وارجه الراجيك الحاجات الفوق دي حمه خفيفه يا قريبك !!
ربنا يسعد ايامكم
| |
|
|
|
|
|
|
Re: أول بوست .. آخــر حب (Re: الطيب بشير)
|
مبروك يا حبيب
اول وصية لو حتواصل هنا في السعودية اسكن شقة ارضية وعمارة يكون فيها حارس عشان تنزيل (الزبالة) ورفع الموية والغاز لانو لو ما عملت كدة تاني بوستاتك الا صوت وصورة (زي تراجي كدة ) ولا تمليها لي داليا وهي تكتب
يعني فريش الملايات وجيب العيش ده ابسط حاجة
| |
|
|
|
|
|
|
Re: أول بوست .. آخــر حب (Re: tmbis)
|
علاء الدين منصور تمبس ألف مبروك وبيت سعادة وهناء واطفال حلوين بينططو فرحانين تشكيليين وموسيقيين .... وايضا حزمة ورود وزهور لك والعروسة وعقبالنا يا عمك ولا كــــيف
قاسم المهداوى
| |
|
|
|
|
|
|
Re: أول بوست .. آخــر حب (Re: قاسم المهداوى)
|
تامبا لك ألف تهنئة وتهنئة بمناسبة الدخول لعالمنا الساحر ،، (خت الوش العايزو)
=
أجمل مافي العروسين أن صلاتي بهما توثقت في لحظات العمل الخيري ،،
أكيد دعوات من هنا وهناك ستسهل كل العقبات من أجل فرح كبير،،
ألف مبروك علاء / داليا،،
| |
|
|
|
|
|
|
Re: أول بوست .. آخــر حب (Re: قاسم المهداوى)
|
غايتو ياتمبس ماعارفة أقول ليك شنو !!
إنت جادي ؟!
وليه تعمل كدا يعني الكلام ده صاح منك ؟!!
جد جد خذلتني شديد ماتتخيل قدر شنو !!
أنا ياتمبس تعمل معاي كدا وكمان ليك عين تتكلم مع ناس المنبر عادي ؟!!
يعني هسة أعمل فيك شنو أنا وأقول للناس شنو ؟!!
والله بالغت فوكا ماكلمت رشيد وهادية ليه ياخ ؟!!
وحاة الله فرحانة ليك فرح لمن دايرة أطيييييييييييييير
وأجيك المملكة ونحتفل سوا لكن ملحوقة انت موش عرسك قريبات دي ؟!
لازم تجيب لينا الربع وعلوية الديم في الصبحية سمح ؟
داليا
اليوم داك شفتك في بيت الفنون بت سمحة سماحة قاااااااطعة عيني باردة والله أكبر
لكن موش تمبس (الشين) ده والله أغلى عندنا من أبو السماحة ذااااتا فبالله ضعيه بعناية فائقة في حبات عيونك سمح؟
| |
|
|
|
|
|
|
Re: أول بوست .. آخــر حب (Re: محمد حسن بشير)
|
Quote: الف مبروك يا تمبس.. الخبر كان مفاجأة جد جد.. والسبب شنو ماعارفة! ما اي زول بيخطب وبيعرس..لكن لسة برضو مفاجأة! |
ومازال مفاجأة بالفعل ولكنها مفاجأة رائعة لان الاثنين طيبين ويستحقون بعض دشليون مبروك يا تامبا ويا دكتورة داليا
| |
|
|
|
|
|
|
Re: أول بوست .. آخــر حب (Re: محمد حسن بشير)
|
الصاحب تمبس
مادام جيت (مرسل) شخصيا، دي فرصة نبارك ليك برضو شخصيا لأنو نحن قصة الإتصالات والرسائل القصيرة دي ما عندنا ليها فرقة في الوقت الراهن وتجدوننا معكم حين عقد القران
ألف مليار مبروك
ـــــــــ كـ زول متزوج وعندي (3 دبابير): ماعندي ليك أي وصية
| |
|
|
|
|
|
|
Re: أول بوست .. آخــر حب (Re: لؤى)
|
Quote: مثلما الواحد ح يستعد لي مراسيل العيش زي الزميل (عمر الفارووق) وغسيل العدة .. وفريش الملايات .. زي ما بيعمل الزميل (خدر اللي هو طارق أبوعبيدة).. أرجو أن ابتدر هذه الظواهر الاجتماعية المنزلية الصحية الايجابية جدا والتي تدرج ضمن الواجبات المنزلية لاي زوج يعني عاادي جدا |
ياخوى الرجوع عن المكابره فضيلة داليا وتمبس مبروووكين على بعض انشاء الله تغبها بالمال وتغلبك بالمرسال ... وبعدين العيال
| |
|
|
|
|
|
|
Re: أول بوست .. آخــر حب (Re: Abdelgadir Galal Ahmed)
|
تمبس / داليا ...
ياخ والله ألف (بِالقديم) مبروك ...
Quote: أرجو أن ابتدر هذه الظواهر الاجتماعية المنزلية الصحية الايجابية جدا والتي تدرج ضمن الواجبات المنزلية لاي زوج يعني عاادي جدا |
يا خوي دي بِداية غلط ... ياخ ما تِتبرع برااااك كَدي بِالحاجات دي ... أصلو إنت حتسويها حتسويها ... لكِن خليها تطلُبا هي ياخ ... يعني إنت لو إتبرعت بِالحاجات دي ... لامِن تطلب مِنك الطلب الأول -في العادة بِكون : بِالله قطِع لي البامية دي ... ورِق لي الخُضره- حتبقى في مَوقِف صعب يا خوي ... ما حتقدر تقول ليها : أنا ما بغسِل فوق العِده وبتمِر فيها ... لا لا يا خوي ... دي حاجات ما طلبتا منك ... دي حاجات إنت براااك إتبرعت بيها وإندرعت في رقبتك لا يوم يبعثون ... تحسبو لِعب ...
ياخ علي بِالطلاق مبروك يا زول ... يا خوي ما تدعو لي إنت وداليا الله يِجمعني حتو مع تاج راسي ... كاتلاني كتله الله يِسلِما ...
| |
|
|
|
|
|
|
Re: أول بوست .. آخــر حب (Re: سعد مدني)
|
يوم دخل تمبس الخدر خدر عنيزة .. قالت لك الويلات انك مرجلى تقول وقد مال الغبيط بنا معا .. عقرت بعيرى يا تمبس فانزل فقال لها سيرى وأرخى زمامه .. ولا تبعدينى من جناك المدلل الجميلين تمبس وداليا جعل الله كل أيامكم بسكويت وعيال ومال وحلال وأفراح .
| |
|
|
|
|
|
|
Re: أول بوست .. آخــر حب (Re: سعد مدني)
|
يااااااااااه .. واحد من الشياطين الـ13 وأهماهم وقع .. باقي الرجل الخفي رقم ( صفر ) الذي لا يعرف حقيقته أحد ( شتات ) .. إن شاء الله أشوف فيهو يوم زي دا .. يوم زي فرحتك دي يا تامبا ..
ما تتخيل فرحت ليك قدر شنو يا صاحب .. فرحة لا تعادلها فرحة .. ربنا يتم ليكم على خير ويسعدكم إن شاء الله .. داليا ما أوصيك على الزول دا .. وإنت يا تامبا ما بتحتاج مني لي وصية على داليا .. أبقوا 10 على بعض ..
| |
|
|
|
|
|
|
Re: أول بوست .. آخــر حب (Re: tmbis)
|
أخي الحبيب..
مليون مليون مبارك هذه الأقفاص الذهبية الماسية الرحيبة.. مبارك يا عروسة.. أدامها الله ايامكم أفراحا و بشارات..
محبتي أكيدة
| |
|
|
|
|
|
|
Re: أول بوست .. آخــر حب (Re: ابوعسل السيد احمد)
|
زوجتك هي حاملة أولادك، وراعية أموالك، وحافظة أسرارك. اخفض الجناح معها، وأظهر البشاشة لها، فالابتسامة تحيي النفوس وتمحو ضغائن الصدور، والثناء على الزوجات في الملبس والمأكل والزينة جاذب لأفئدتهن، والهدية بين الزوجين مفتاح للقلوب، تنبئ عن محبة وسرور، والتبسط معها ونبذ الغموض والكبرياء من سيما الحياة السعيدة، يقول عمر بن الخطاب رضي الله عنه: (ينبغي للرجل أن يكون في أهله كالصبي ـ أي في الأنس والسهولة ـ فإن كان في القوم كان رجلاً)
| |
|
|
|
|
|
|
Re: أول بوست .. آخــر حب (Re: محمد سنى دفع الله)
|
العزيز تمبس
اخيرا وقعت العناد والمكابرة من الاول فقط عشان تلتقي بداليا دي طبعا لاني عارف قبل يوم اقول ليك الف مليار مبروك لكما وربنا يتم بخير ويا معتصم شكر سحبت الراجل وراك في سنة بس
| |
|
|
|
|
|
|
Re: أول بوست .. آخــر حب (Re: Elkhawad)
|
العزيز تمبس بتذكر مرة العزيزة داليا كتبت في واحدة من بوستاتها:صاحب النصيب موجود وبعاين.............قلت ياربي دا منو....بوردابي ولا مجرد قاري اتاري دا انت....................................ولابد وكاتل حيلك
الف الف مبــــــروك حكمة اليوم مفاجاة مفرحة أجمل من فرحة مفاجئة
| |
|
|
|
|
|
|
|