|
|
|
 Re: الزميل هاشم كرار .. عمل فيها ( مجنون ) (Re: عماد الشبلي)
|
يعلم الله يا الشبلي الزول ده انا مشتاق ليهو شوق خرافي..
علا المنافي والشواطي بت لذينة..
افووووووووو ياهاشم ده كلام شنو يا استاذ..
وحسع نودي وشنا وين من الزلميين والزلمات
وديل زلمية سسسسساكت بكونو اتطعمو زي ديشليون مرة كده..
وانت عامل فيها رافع جنينة ومجنون رسمي وشعبي ووطني كمان...
وينو النضال ايامات الايام ضد نميري
ووين بروستريكا التمباك...
ووين الفصاحة بتاعة جلسات تمبوشة ...
ياخي خوفتك دي لو سمع بيها (تيسها الشهير داك) حرم يقطع تذكرة ويجييك يلبد ليك في جسر المدماك
وينطحك...
شابكنا انا الكيك انا منو كده ماعارف
ومع اول حملة تطعيم تطلع لينا زول خرطي ساكت هههههه
.........
تحياتي يا شبلي واشواقي الحارة لهاشم
وما تسمع الفصاحة الفووق دي اخوك زااتو لو التطعيم جانا بهناك في امسعيد
فمن حسع جلابيتي المشرطة جاهزة ومحدد الدوار بتاعي الذي سامارس فيهو جنوبي وفنوني
| |
 
|
|
|
|
|
|
|
|
Re: الزميل هاشم كرار .. عمل فيها ( مجنون ) (Re: حامد بدوي بشير)
|
هاشم الجميل
كلنا بنخاف من الدويات والحكما ما تسمع الكلام بتاع عماد دا
عليم الله لى شهرين زايغة وهسى لقيتنى شجاعة برفضك
خليك من التطعيم وكلام الكاميرا
وابقى معانا فى الشوق العلينا دا كيفن يتبلى ؟
وحات الله مشتاقة ليكم
تحياتى ياعماد وما تشيل حال صحبى ياخ
| |
|
|
|
|
|
|
|
|
|
Re: الزميل هاشم كرار .. عمل فيها ( مجنون ) (Re: عماد الشبلي)
|
الأخ عماد الشبلى ، خالص تحياتى لشخصكم الكريم، مودتى وعاطر أشواقى للحبيب هاشم كرار فلقد طالت المدة ولم تكحل عيناى برؤيته، وأذكر آخر مرة قابلته كان فى مطلع الثمانيات حينما كان يعمل فى جريدة (الجريدة) والتى كان يصدرهاصديقنا كمال حامد، أرجوك تبليغ خالص أشواقى له ولنا ذكريات جميلة فى الجامعة الاسلامية، فهو رجل شفاف رائع فنان فى كل شىء أنسان حقيقى نفتقد أمثاله، تحياتى العطرة له ودمتم .
| |
|
|
|
|
|
|
| |
عماد الشبلي
عبدالكريم الامين احمد
حامد بدوي بشير
سلمى الشيخ سلامة
هاشم محمد الحسن عبدالله
سالم أحمد سالم
فيس بوك
تويتر
انستقرام
يوتيوب
بنتيريست