|
|
|
 Re: يا انفصال يا انقلاب والله اعلم (Re: محمد عبدالقادر سبيل)
|
Quote:
لا يعلم الغيب الا الله تعالى علام الغيوب
ولكننا نقول ان شاء الله
هذه الاحداث الجارية في ساح السياسة السودانية بارهاصاتها ومآلاتها الممكنة
اما ان تنمو وتتصاعد وتتطور في اتجاه - الكي - الانقلاب العسكري جراء ما نتوقعه من انتاج جماعي لاسباب الفوضي العارمة والعامة
او في اتجاه الانفصال سواء من خلال الاستفتاء او بالقوة
الانقلاب في احسن الاحوال - اذا ناس بكري عديل استهدوا بالله وروقوها - سيعيد طاقم سوار الدهب والجزولي دفع الله ثانية كحكومة انتقالية تضمن الالتزام باستحقاقات نيفاشا وسيضمن في الوقت ذاته سلامة الاسلاميين وشراكتهم بسلام تمهيدا لعودتهم من جديد عبر الانتخابات الحرة النزيهة ايضا ولمدد الله وحده يعلم حدها
واما الانفصال فسيتمخض في احسن الاحوال عن كونفدرالية بين المؤتمر الوطني والحركة الشعبية ( لم اقل بين الشمال والجنوب )
واما السيناريو المحذور :
وحدة وفوز كاسح للمؤتمر الوطني مع استمرار خطابه ذاته ؟.. الله اعلم
المرحلة المقبلة هي مرحلة اسهام الجميع في انضاج مبررات الانقلاب فقط لاغير
_______________
رب اشرح لي صدري |
تانى ما فى انقلاب
فى تشظى
يعنى
افغنة +بلقنة +صوملة+عرقنة+لبننة!
الناس ديل ما خلوا خط رجعة!
ناس سوار الدهب والجزولى ديل بالكاد يقدروا يتنفسوا ديل الواحد فيهم لو كح نفسو يقوم!
انت متفائل
جنى
| |
 
|
|
|
|
|
|
|
|
Re: يا انفصال يا انقلاب والله اعلم (Re: jini)
|
Quote: تانى ما فى انقلاب
فى تشظى
يعنى
افغنة +بلقنة +صوملة+عرقنة+لبننة!
الناس ديل ما خلوا خط رجعة!
|
جني
كلامك دا مخيف ومحتاج توضيح
يعني البمنع الانقلاب شنو بالتحديد؟
عدم تماسك الجيش مثلا ؟ وللا زهده في السلطة؟ ولللا شنو ؟ خاصة في حالة انفراط الامن وسقوط هيبة الدولة والقانون ... وضح بالتفصيل بالله ؟
ثانيا تصورك شنو لسيناريو وصول التناقضات الراهنة الى نهاية طاقة الواقع لتحملها؟ الحا يحصل شنو عشان يتحول الوضع الى صوملة او عرقنة ؟ فصل
الله يريحيك اقلقتنا
________________
اللهم استر عوراتنا وآمن روعاتنا
| |
|
|
|
|
|
|
|
|
|
Re: يا انفصال يا انقلاب والله اعلم (Re: ابراهيم الصغير)
|
أخي محمد عبدالقادر سبيل ..
في حاجه محيراني من فترة ..وهي انو المره دي الشعب هو مطر اطراريـآ انو ينتخب البشير من نفسو وعن قناعة !! خوفوه من الجنوب او الغرب .....هل ده منطق ممكن يكون حاصل ؟..اي بمعنى خوف وصول السلطة لهذه الجهات او جهة لها مصلحة مشتركة في حق المصير وتواصل بعض الاحزاب واتفاقهم مع الطرفين الغرب والجنوب... ..يعني تسآؤلات اطرحها لك ولنا نفس الموضوع للحوار معآ ..وشكرآ..
| |
|
|
|
|
|
|
|
|
|
Re: يا انفصال يا انقلاب والله اعلم (Re: محمد حسن بشير)
|
الباشمهندس محمد حسن بشير
| Quote: في حاجه محيراني من فترة ..وهي انو المره دي الشعب هو مطر اطراريـآ انو ينتخب البشير من نفسو وعن قناعة !! خوفوه من الجنوب او الغرب .....هل ده منطق ممكن يكون حاصل ؟..اي بمعنى خوف وصول السلطة لهذه الجهات او جهة لها مصلحة مشتركة في حق المصير وتواصل بعض الاحزاب واتفاقهم مع الطرفين الغرب والجنوب |
كلامك لا يخلو من اصابة نسبية
واقول نسبية لأن البشير ليس مكروها من جانب الشعب ( العامة ) حتى يصوت له مضطرا
بل ارى ان المؤتمر الوطني كله سوف يركب قارب الرئيس لكي يفوز على حسه
الشعب يفضل البشير بكل مشاكله ولكنه ليس سعيدا بمظالم حزبه وعنجهيته
وهنالك شئ ربما لا تعطيه المعارضة حجمه وخطورته رغم انه رافعة قوية جدا لمرشحي المؤتمر الوطني
انهم يسمون حملتهم الانتخابية ( حملة الرئيس )
وكأنهم يعملون بحكمة امي التي تقول دائما حينما يفضل يدعى احد اولادها او بناتها لمناسبة دون غيره .. تقول:
هوي نحن ما قرع ولا بتيخ عشان تعزلوا السمح وتخلوا الشين !!!
يعني شايلونا شيننا بسمحنا
اها ناس المؤتمر الوطني دايرين يعتمدوا على شعبية البشير ومقبوليتو عشان يفوزوا في ظلوا
_______________
رب اشرح لي صدري
| |
|
|
|
|
|
|
|
|
|
Re: يا انفصال يا انقلاب والله اعلم (Re: ابراهيم الصغير)
|
| Quote: تحليل اكتر من رائع يا سبيل |
اخي ابراهيم الصغير
هل تقصد برائع هنا صائب وممتاز ام تقصد المعنى القاموسي لرائع وهو مخيف
لقول النابغة
اتاني - أبيت اللعن - انك لمتني
وذلك من تلقاء مثلك رائع
في الحالين اشكرك
_______________
اللهم سلم سلم
| |
|
|
|
|
|
|
|
|
|
Re: يا انفصال يا انقلاب والله اعلم (Re: محمد عبدالقادر سبيل)
|
أفتكر "يا انفصال يا انقلاب" يجعل الإحتمالين متعارضين تعارضا جذريا وإقصائيا.. ياخى ما ممكن الإثنين يحصلن ويكون أحدهما سببا أو دافعا للأخر.. المانع شنو؟ أفتكر تاني بأن الإتفاق القادم بين المؤتمر الوطني والحركة الشعبية على ذمة مصطفى عثمان اسماعيل مستشار الرئيس والذى سيعلن قريبا (قال فى غضون الساعات القادمة قال) سيحدد بقوة من أين سيأتي الإنقلاب القادم! أؤيدك بقوة بأن الإنقلاب قادم قادم.. لكنه إنقلاب قصر.. ناتج عن خلاف بين الجماعتين المتنفذتين فى السلطة داخل المؤتمر الوطني وليس خارجه.. والله أعلم كما قلت أنت آنفا..
| |
|
|
|
|
|
|
|
|
|
Re: يا انفصال يا انقلاب والله اعلم (Re: Ali bas)
|
الاخ محمد
سلام
انقلاب كلاسيكي علي شاكلة (عبود،نميري) لايمكن عمليا
نتيجة لوهن مركزية الدولة ،اذا تقتصر سلطتها علي بعض الحواضر
كما ان الجيش فقده انظباطه وتراتيبيته وقامت اجهزة موازية تشاركه الوظيفة وتفارقه في المرجعية وتتفوق
عليه تسلحيا وصلاحية،اضافة لوجود ثوار جاهزون لاقتناص الفرصة ويملكون عنصري المبادرة والمغامرة.
كما ذكر الاخوان الانقلاب ان حدث سيكون في حوش المؤتمر الوطني بين مراكز القوي المتعددة
الانفصال يولد تعقيدات لا حد لها ومآلاتها صعب التنبؤ بها.
ولك الود
*وزورنا في بوست تجارب الانفصال تاريخيا وحظوظ السودان
| |
|
|
|
|
|
|
|
|
|
Re: يا انفصال يا انقلاب والله اعلم (Re: Ali bas)
|
اخي احمد حنين
Quote: ومافي انفصال
اديك الخبر الأكيد ومايدور تحت الطاولات
انه
انقلاب قصر
وحكم عسكري جديد
تحت رئاسة البشير |
كيف تضمن لنا عدم تحقق سيناريو الانفصال
سواء بتقرير المصير او بالقوة ؟
وما المقصود بالحكم العسكري هنا ، هل تعني استبعاد قادة المؤتمر الوطني جميعا من السلطة؟
شكرا
_______________
ربنا لا تسلط علينا بذنوبنا من لا يخافك ولا يرحمنا
| |
|
|
|
|
|
|
| |
محمد عبدالقادر سبيل
jini
ابراهيم الصغير
محمد حسن بشير
ahmed haneen
MAHJOOP ALI
د.محمد حسن
ياسر المك
فيس بوك
تويتر
انستقرام
يوتيوب
بنتيريست