|
نداء أخييييييير يا أهل الشمال , الجنوب يتم التخلى عنه بأسمكم , مستهدفين استمرار قهركم
|
1-
أعني به الشمال السياسي
طبعا زمان كانوا بيقولوا شمال وجنوب بس ...
ومع نيفاشا أتضح أنو الشمال السياسي زاتو كيمان مفررزه , ما واحد زي ما كنا معتقدين في السابق .
وبعيدا عن الفرز الحصل وأسبابوا ومألاتو في الشمال السياسي ده , لأنو ما مهم كتير في ما أنا بصدده فجميعنا نتحمل الجزء الأكبر من المشكله الحصلت بين الشمال والجنوب وجميعنا ساهم بقدر أو بأخر في تلك الحرب من حيث كانا يعلم أو لا يعلم .
وعشان ما يجينى واحد يقول لي ليه الشمال يتحمل , أقول وبكل وضوح نعم الجنوبيين أيضا يتحملوا جزء من المشكله ولكن بقدر قليل مقارنه بنا كما أن أثرها التدميري كان بالغا لدى الجنوبيين بصوره خاصه .
يا أهل الشمال أنتو ...
الشرقيين والغربيين ,
الشماليين (جغرافيا) و ناس الوسط .
هل يوجد بينكم من يعتقد أنه بأنفصال الجنوب سيعم السلام والوئام بين الدولتين الجارتين ؟ ؟ ؟ .
ثم هل أنتم كشماليين ( وزي ما قلت قبيل شمالي بالقديم ) , حاجه واحده فعلا و بذهاب الجنوبيين الحاربناهم خمسين سنه الفاتت دي حنرتاح !.
دايرين أجابات
|
|
|
|
|
|
|
|
Re: نداء أخييييييير يا أهل الشمال , الجنوب يتم التخلى عنه بأسمكم , مستهدفين استمرار قهركم (Re: مجدى محمد مصطفى)
|
يا شماليين أنتو ...
الجنوب ده من الله خلق الدنيا عندو شمال تماما كما أي شمال عندو جنوب , وعمرو ما كانت علاقه الشمال والجنوب أو تواجدهما كما خلقهما الله متقابلين أي مشكله .
طيب المشكله شنو.
ليه عايزين تتنازلوا بهذه البساطه عن جزء عزيز من السودان يضم مواطنيين أعزاء سودانيين جنوبيين !
وبما أننا كلنا كشماليين ليس لنا حق التصويت في الأستفتاء , فأنه من يقرر وحده أو أنفصال الجنوب هم الجنوبيين أنفسهم فسؤالى للأخوه الجنوبيين المتواجدين هنا ديل كده عليكم الله واحد يتبرع منكم ويشرح لينا ليه ممكن أنتو تصوتوا للأنفصال ؟
لماذا قد يصوت الجنوبي لصالح الأنفصال ؟
منتظرين أجابات برضو ...
| |
|
|
|
|
|
|
Re: نداء أخييييييير يا أهل الشمال , الجنوب يتم التخلى عنه بأسمكم , مستهدفين استمرار قهركم (Re: مجدى محمد مصطفى)
|
لكن كده نشيل تصريح زعيم الجنوب ذاتو السيد الفريق سلفاكير , رأيوا أنه في ظل الأوضاع الحاليه وأستمرارها سينصح مواطنيه بالتصويت لصالح الأنفصال .
والأوضاع الحاليه هي أستمرار نفس النهج الذي أدير به السودان منذ خروج الأستعمار منه .
طيب أنتو يا شماليين مصلحتكم الحقيقه في أستمرار الأوضاع القديمه شنو ؟
والأوضاع القديمه ذاتها التي قد يرفض الجنوبيين بسببها الوحده هي ذات الأوضاع التي فجرت نظريه الشمال السياسي وجعلته يتلاشي تقريبا .
أنحسر المعنى الكبير للشمالى وتقهقر ليصبح يشير للجغرافيا فقط .
صحيح في مننا نحن الشماليين (بالقديم) من لهم مصلحه حقيقيه في أستمرار الوضع القديم وأي تغيير فيه يضر بتلك المصالح , لكن 99% مننا السودانيين الشماليين ما عندا أي مصلحه في أستمرار الأوضاع القديمه , ومصلحتنا الحقيقه هي التغيير للأفضل .
ليه طيب نوافق بصمتنا على عوده الحرب .
ولا لسه في زول منكم مقتنع أنو الأنفصال يمكن أن يتم بسلاسه في ظل المشاكل المؤجله .
| |
|
|
|
|
|
|
Re: نداء أخييييييير يا أهل الشمال , الجنوب يتم التخلى عنه بأسمكم , مستهدفين استمرار قهركم (Re: مجدى محمد مصطفى)
|
يا أهل الشمال (القديم)
أستطيع أن أقول لكم بأعلى صوتي السياسيين في الشمال بلا أخلاق
بلا ضمير
وكده نخلى الدين ده عشان ما يجونا شيوخ العقد والنكاح (كما سماهم كبيير الضلاليين في السودان) حسن الترابي .
الناس ديل دايرين يقودنا للحرب مره تاني ويقعدوا هم في تجارتهم والبسنس بتاعهم.
ليه سياسيينا الشماليين ما بيتكلموا عن الأخطار الحقيقيه للأنفصال ويقولوا لينا الحقيقه بأن الحرب قادمه بسبب صمتنا .
ليه الأمام ما يدعوا الأنصار مثلا لأعتصام سلمي مفتوح بميدان الخليفه حتي نجبرهم على التغيير !؟!؟ .
ليه ما يفعلها زعيم الختميه الميرغني .
ليه ما يفعلها الشيخ الترابي ذاتو الندم و استغفر على فعلتوا والله وحده فقط يعلم هل قبل أستغفاره أم لا , ليه ما يدعو الترابي جماهيره لأعتصام مفتوح في الساحه الخضراء حتي يحدث التغيير , أهو بيعرفوا بعض .
هم ما دايرين عشان هم في نظري شيئ واحد .
شبكه متداخله من المصالح والعلاقات الأجتماعيه أولاد خالات ونسابه وخلافه مع ذات المجموعه التي تضعنا اليوم في هذا الموقف الرهيب الذي نرى فيه السودان يتمزق .
------------------------------------------------------------------
الثنائي نافع وعلى عثمان .
هل يتسببان في ضياع السودان ؟
برضوا منتظرين أجابات
| |
|
|
|
|
|
|
|