يظل حتى الرمق الأخير جسورا هصورا يقدم الغالي والنفيس لأجل الوطن ضد الأمنجية وصبية قوش وكل مندس وسط الشرفاء يضربهم برصاص الكلمات ومدافع الإساءة ودبابات الكوبي وطائرات البست أناء الليل وأطراف النهار
ويرفض حواراهم ولا صوت يعلو فوق صوت المعركة منذ صحوه وحتي منامه وفي الاحلام أحيانا يصحو وهو يردد كالببغاء قوش قوش أمنجية أمنجية سلفر سلفر
أخونا المناضل الصلب الصنديد حيدر الزين مرحبا بك في بوست النضال والمناضلين وأجمل من رائحة النضال لم أشم رائحة وصباح النضال
ولو كنت كمان حافظ بتاعت شافع مناضل إيامنا التلاميذ كنت بكون خالط بعيد بس شائفوا يلف في الركن ويردد سنى على النضال ما عارف شنو وسوكي بالنضال فمي مرويدك حمر يامي
الضيعنا زمان ما هتمينا بالفن الراقي ده وودرنا وكتنا ساى عشان كدة بنحاول نتعلم في النضال على كبر
أوعك تكون ياحيدر باريت الخلط وما ركزته على النضال والله أزعل منك المهم بنتمني من المناضل الجسور يفتح لينا فصول محو أمية نضالية
تحياتي
11-05-2009, 07:41 AM
mayada kamal mayada kamal
تاريخ التسجيل: 08-31-2007
مجموع المشاركات: 8015
المناضل الجسور حيدر رغم أني حاليا مشغول ومزنوق زنقة ترزي يوم وقفه بس تاوقته وضحكته في حته ماسورة دي ياخي ده حقد نضالي منك معظم مناضلننا ديل مواسير أى نعم عمنا الحيناهوا هنا ماسورة من حجم مواسير النهر الصناعي العظيم بتاعات القذافي بس بتظل الحالة الماسورية متأصلة ومتفاوته في نضالنا ولا فكاك منها
تجديد التحية للمناضل الجسور
Quote: وتحية للوطني الطلع ماسورة كبييرة ...
لو كنت قاصد واحد تاني انا ما متابع بس برضوا نحيهو معاك ونقول لي عأأأأأأأأأأدي كلنا يأخي مواسير وإن أختلفت الاحجام
التوقيع
مناضل جديد ماسورة صغيرة بس بالاجتهادوالمثابرة بكبر وحيبقي ماسورة كبيرة
11-07-2009, 11:34 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
في بوست نضالى سابق رديت لاخونا فيصل الرشيد في الحكاية دي ياخي رقم وأكتب العبارة الاخيرة دي لازم منها دي عبارات نضالية فذه ومتعوب عليها فلازم تكتبوها صاح
Quote: غلط , ماحافظ وكمناضل لسه باكياسوا وما ستلم النمر ياخي دي عبارات نضالية متعوب عليها , أعدت بعد معاناه نضالية ما عادية
قول معاي :
1_ التجاهل 2_التجاهل 3_التجاهل
هولاء ما اتو لحوار بل لاجندات أخري ]
وليك التحية
ولمعلمنا الماسورة الاكبر ألف من التحيا من تلميذ صغير بمدرسة النضال الأبتدائية
11-07-2009, 01:44 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
أعضاء المنبر الأمنجية • في إطار التعتيم الذي يسعى نظام البشير بشتى السبل إلى فرضه على مماراساته في البلاد فقد تمكّن من دس بعض عناصره بالمنبر العام لسودانيزاون لاين! • مهمة هؤلاء هو مراقبة الموضوعات التي يكتبها أفراداً بعينهم وخاصةً من الناشطين في إبراز قضية دارفور او اي قضية ، والسعي لحرف مسار النقاش بأي شكل من الأشكال. • لا تناقش تعليقاتهم في الغالب أي فكرة من الأفكار التي ترد في الموضوعات، وينصرفون الى التهكم والإستهزاء والتخوين، فيطلقون عبارات مثل ( آكلي الويلفير)، (العملاء)، (الرجرجة)، (الدهماء)، (الطابور الخامس).........الخ!. ويصل الإفلاس ببعضهم أحياناً الى إطلاق بعض الصفات والنعوت العنصرية على زملائهم بالمنبر! كما يجنحون في بعض الأحيان الى التعريض بأعمار مناقشيهم ظناً منهم بأن هذا يستفزهم فيتركون موضوعهم الأساسي، وهنا تجدهم يستخدمون عبارات مثل حبوبة فلانة أو الخال فلان......الخ. • كما قلنا فإن هؤلاء (مستنفرين) تجاه أعضاء محددين، فما إن يظهر بوست لأحد هؤلاء الأعضاء حتى يبدأ الأمنجية في لعب دورهم المرسوم. • بعضهم يحاول إخفاء تهمة الدفاع عن النظام عن نفسه ليلعب دوره الخبيث، وهؤلاء يمثلون الإمتداد الفعلي لجمهور المنافقين الذين تحفل بهم كتب التاريخ. • ما يقوم به هؤلاء لا يقل إجراماً وخطورة عما يقوم به النظام داخل البلاد. • هم العدو فاحذرهم.
11-08-2009, 11:52 AM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
المناضل عبد الوهاب الحاج تحية النضال شكر لمرورك الدائم وتزيين البوست بالصور النضالية الفذة من تجليات المعلم الاكبر ملهم كل مناضل حيث يجتمع المناضلين هنا تحية له وأستلهام من فكره ونهل من نبع نضاله
التحية لك
11-08-2009, 12:28 PM
ياسر بيناوي ياسر بيناوي
تاريخ التسجيل: 05-18-2009
مجموع المشاركات: 4905
Quote: • بعضهم يحاول إخفاء تهمة الدفاع عن النظام عن نفسه ليلعب دوره الخبيث، وهؤلاء يمثلون الإمتداد الفعلي لجمهور المنافقين الذين تحفل بهم كتب التاريخ.
الفاضل الخطيب
الغالبية منهم يستحون من مجرد الإقرار بأنهم أعضاء في المؤتمر الوطني!!
هم يعلمون جيدا كم هو منبوذ - الحزب - وكم هم منبوذون - أعضاءه - عند الغالبية العظمى من اهل السودان
لذلك تجد احدهم يداوم على تكرار القول الممل والممجموج بانه ليس عضوا في الحزب الحاكم لكنه كذا وكذا !! يريد أن يخلع عنه تهمة الانتماء للمنبوذين ويهيء لقاريء لتقبل رأيه كمحايد وهي حيلة غاية في البساطة والسذاجة ولم تعد تنطلي على أحد من الناس
سلوك القلة المسيطرة لا يمكن الدفاع عنه بتاتا
لذلك تجدهم على الدوام محشورون ولا حجة لهم ليقيموها
الأجدى أن يتصنعوا - على الأقل - الصدق ويبادروا لادانة كل سلوك مرفوض ظاهر يبدر من جماعتهم وانكاره على جماعتهم ؛ فليس بالضرورة ان تناصر كل ما يخرج عن جماعة سياسية انت منتمي اليها وإلا تكون الإمعة عينه والمستلب رأس عينه والتابع ذاته
العزيز / مؤيد شريف تحية واحترام ,,, -------------------------------------------------
مرحب بكلامك الجاد في البوست العبثي ده
Quote: الأجدى أن يتصنعوا - على الأقل - الصدق ويبادروا لادانة كل سلوك مرفوض ظاهر يبدر من جماعتهم وانكاره على جماعتهم ؛ فليس بالضرورة ان تناصر كل ما يخرج عن جماعة سياسية انت منتمي اليها وإلا تكون الإمعة عينه والمستلب رأس عينه والتابع ذاته
السادة الموالاه طوائف وشيع وأسباب متباينة ومصالح متشعبة في تأيد النظام والزود عن كل ما يفعل بعين الرضا العن كل عيب كليله دي حاصلة يامؤيد
ديل الفي العير الفي النفير برضهم ما بسوي في حاجة تستحق إهتمام الناس ما تسبيط ولا تحبيط أمسكة من قصة التجمع الديمقراطي وتابعة مرحلة مرحلة حتلقي أنو عندنا نظام ما قواهوا إلا عدم الجدية من العارضوهوا والكتير منهم كان عندهم القابلية يلتحقوا بي وحصلت من ناس كانو أقطاب في معارضتوا
لناس قريحتي راحت الحته بتجوط لى لما ألقي الحكاية من ديل وديل ما قائمة على مبادي وأضحة كل تيم منهم بيتكلم أنو المعه الحق , لكين البعرفوا أنو ديل وديل ضيعوا بلد كان ممكن تكون من أحسن بلاد الله بس ما لقت غير ناس حركتهم مصالحهم الضيقة وعدم الجدية الخلت الحياة فيها لاغلب الناس مستحيله وحاله يغني عن السؤال
تقديري
11-08-2009, 02:24 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
موبالغة و الله يا عبد الناصر و حيدر و الله ضحكت بهستيريا
لكن عندي اعتراض على المناضل الضب الجابو حيدر الزين , انا في الدنيا دي ما بخاف من شي زي ما بخاف من الضب , لذلك و لو عايزني اواصل معاكم في طريق النضال و تكريم مناضلين الدرجة التالتة عليكم بالتخلص من المناضل الضب ده , خلونا في المناضلين الفي شكل كديسة الفي شكل فار الفي شكل ببغاء يردد في كلاماً ما فاهمو .... يعني المناضلين بقوا يظهروا في صور كتيرة ما لقيتو إلا الضب الشين ده , بعدين ده حجموا موبالغ فيهو ده بناضل في ياتو بلد ؟؟
11-10-2009, 06:52 AM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
أها لو مشينا في الاستوديو التحليلي حنقول البوست الأول لناس غلابه كانو الحشيش الكسرتوا افيال الحكومة والمعارضة الاسصترعت في بلادهم فلم تورثهم إلا الفاقة وضياع الآمال ما عندي أى تعليق سلوكهم شنو لانو ربنا المطلع بالغيوب فلو قصد المناضل حته سلوك حاقول لى حكومة ومعارضة سلوكهم أبشع من كده بس مغتي ديل سؤ حظهم واحد ود كلب صورهم عشان الزيك القاعدين لمتابعات الهيافات دي ينشرهم
البوست التاني ما طلع من الوهم الكبير لناس ضاربه الترطيب برة وعوزه الناس تقتل بعضه في السودان عشان السلطة ربنا ما يجيب يوم زي ده ويحفظ الناس ويحفظ أروحه ولو حتضيع عشان الزيو من الناس الوهم أصحاب الحلاقيم الكبيرة والله تبقي ضاعت فارغة
التحية أخوه النضال المسلمي وحيدر وانتم تضيفون للبوست كما عودتمونا بعض من الصور النضالية دعم لمسيرتنا
علاقه المناضلين بالبتيخ قديمة ومتاصلة مع إنهم نوع مسيخ وأبيض
كده حرقتو لينا مفاجأة البوست الجديدة عثرنا على صورة أخري للدكتور ملهم نضالنا وهو يأكل البطيخ في طفولته المناضلة إيمان منه بأهمية البطيخ النضالية وإرسخ وترسيخ لبعد البطيخ النضالي
الجسور صلاح أبوديه ياخي نورت بوستنا النضالى المتواضع لو واصلوك ما بتواصل لو جاملوك ما بتجامل ده حال مناضلنا الكبير وملهم نضالنا بستغرب أنو كان بقول في البوست داك لصاحبو الكابوي أنو بوستاتنا النضالية الاتفتحت ما لقت غير التجاهل العام بتمني يمر ويشوف نشاطنا كمناضلين تحت التمرين ومدي تجاوب أخوه النضال مع البوست ودعموابالصور والاغاني النضالية
يبقي يصحح معلومتوا لانو لو الكباوي مره وشاف حيزعل منك أنوا حتى كلامك لاخوتك المناضلين ما دقيق
أكيد تحية لجموع المناضلين هنا وهي بتحي الوطني الجسور
11-10-2009, 02:00 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
متابعة في ديربي النضال والمناضلين يبدو أن مستر سكلتكم أمهاتكم يواجه وقت صعب في هذا البوست أمانيه بوقوع البلاد في القتال والفوضي يبدوا انها رفضت من الغالبية الذين تداخلوا أحدهم كتب قبيل لحظات :
Quote: قاعدين مرتاحين برة السودان ولو حصلت حاجة زى دى حتشوفا في التلفزيون وانتا ماسك كباية شاي ،،،حرام عليك ..
ومن هنا من بوست المناضلين اللسه تحت التمرين بنقول لى وماسك الريموت كمان عشان يقلب ويتابع قناه تانية بتكون بتعرض في غني دلوكة ويرجع يواصل الاستمتاع بمناظر الدمار والقتال بالخرطوم
Quote: الله اكبر الله اكبر . الله اكبر .. والعزة للكيزان و الحرامية الله اكبر الله اكبر . الله اكبر .. والعزة للكيزان و الحرامية الله اكبر الله اكبر . الله اكبر .. والعزة للكيزان و الحرامية
على فكرة الزول ده حد شوفوا للناس حددوا في البوست ده
عاجل جدا... غدا استقبال حاشد في الخرطوم للرئيس البطل! ديل السودانيين في داخل السودان أما السودانيين المميزين امثالوا هم البره السودان في البلد ديك ضاربين الترطيب والنضال مواسم وموالد يسافروا لى من بلد لبلد عشان كده الفي السودان الصايعين ديل الموت حلال فيهم ...
الديك خارج من معركة شديدة الوطأة يا السيد ... وما ناسي هدومو لاشئ لكن مُشمر عن سواعد الجد ليهبنا نضالاً فاقع لفظه يُسر السامعين .. وإنت ابو العارفين الهدوم بتتقل الحركة في حالة الكر والفر فقال يُفضل التخلص منها ويفعد للناس ميطي لا خلقة لا اخلاق لا لفظة حسنة..
Quote: ويفعد للناس ميطي لا خلقة لا اخلاق لا لفظة حسنة..
شريك النضال حيدر الزين تحية لتحليلك النضالي يبدو ان بوست المستر سكلتكم أمهاتكم عاد وكتب
Quote: وشوهد في ليلة الامس ان مقاهي النت في جميع انحاءالعاصمة المحتلة تم تطويقها والتفتيش عليها من قبل وحدة الامن الاسفيري الجديدة بقيادة العميد محمد حامد جمعة والرائد محمد فرح والباشبوزق ملاسي ويبدو انهم كانوا يبحثون عن كل من تسول له نفسه ليقرا حرفا واحدا من كتابات مناهضة لعصبتهم وقيل ان ( الباشبوزق) ملاسي كان في حالة سعار شديدة ليس كعادته وهو يحمل مسدسا اسفيريا صغيرا جدا على شاكلة كتاباته من فصيلة ( فسوة الديك)!
يعني كضاب وعينو قوية
حيدر ده درس نضالى مهم واكيد حنظل في الاستوديو التحليلي قريبين وحنتابع بوستات مستر سكلتكم أمهاتكم النضالية البيش عشان كدة بنظل نطالب أنو دكتور هناي باشا كعجوز محنّك ومناظل ملهم من طفولتو هو اليدينا المحاضرت هنا في مدرسةمناضلين تحت التمرين ...
أحلى تعليق كان من حميدة القال
Quote: يا عمك انت لو ما بتقدر عليهو .. بتشربه مالك ..
الجسور حيدر الزين صباح النضال .... بقت تحيتي المعتمدة بدل صباحك زين , صباح النور , صباح الخير , الى أخ ... تحيا غير الوطنيين وأصحاب القضايا النضالية
وياللصباح النضالي الغائظ وياللبذخ الثوري
صورت اليوم النادرة من أرشيف قائدنا الملهم كيف كان يصحو ويبداء يومه النضالى خلال طفولته النضالية قيل أنه من تجلياته كان طفلا أون لاين بصحوا الاطفال يشربوا الحليب لكن قائدنا من قشه عينو من النوم ندأه المفضل ( وين الاب توب ياماما ) هاتولى الاب توب حالا
الجسور صلاح أبو ديه شكرا للصور النضالية مفاجئة اليوم حصلنا على فيديو كليب للزعيم الملهم في طفولته يدلل على نظرية النبوغ المبكر فهو من نعومه أضفاره لم يكن ينام حتى يظل يناضل 24/24 ساعة في اليوم وجارى البحث عن المزيد .
------------ دكتورنا المناضل الكبير وملهم نضالنا يبدو أنك متابع معانا عليك الله ما تاخد فيها حاجة مناضلين بهزروا مع مناضل فبلاش تاخد الروابط وتطارد بيها البكتبو هنا حاول الاستمتاع بالبوست والصور والكليبات
مع الامنيات بنهارك نضالى سعيد
11-11-2009, 03:11 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
مساء العصافير .... عندما تعود الطيور المهاجرة للنضال الي أوكارها ليلاً .. مهدودة ومضمخة بالعرق النضالي الحار .. تحمل بين جنبات قلوبها أملاً بصباح آخر تحمل تباشيره شمار شمارين.. تستطيع بمخيلتها النضالية الواسعة ان تستثمره في صنع قبة من الاخبار .. نهاجر نحن بقلوبنا معهم ونتنسم روائح احلامهم النضالية الفتية التي نثق بإبداع خيالها في صنع واقع هستيري آخر يخرجنا من زحمة الاحباط واليأس .. واقع يُحاكي احلام اليقظة التي تنتابهم بين الهذيان ورجفة الصقيع البارد في بلاد العام سام عندما ينقلبون على جنوبهم جاذبين اطراف البطاطين لتغطي شقوق ارجلهم التي حفيت من اجل السودان ... لهم نقول
عاش السودان حراً ابياً .. وحى على الوطن .. حي على الوطن .. فالقتال خيرٌ من النوم،،،
11-11-2009, 08:42 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
Quote: وحى على الوطن .. حي على الوطن .. فالقتال خيرٌ من النوم،،،
حيدر ياصاحبي سقطت أيام سقوط جدار برلين والحرية رياحها تهب على العالم باردة سقطت وبلاد كتيرة كان أبناءها يرتحلون لحريتهم في حماس وتصميم سقطت ولم نمتلك أكثر من التأسي أو السخرية أو النضال الكذب ... قبل مدة أخذتني العنتريات وأخذت اكتب كعنتر زماني هنا لكن أقتنعت بحكمة تقول ( من يعجز عن العمل فأفضل له شرف السكوت ) ويومها كان الكل هنا يولول من المذبحة في كلمة لكنها مضت مثلما يمر كل شي ويستأنف الناس حياتهم دون ضغينة لا يعنيهم كثيرا من مات او عاش فقط ناتي هنا ونصيح قليلا لنقنع انفسنا إننا نفعل شي رغم إننا لم نفعل سقطت ولم نعنها ان تنهض مطلقا بل رحنا في موجت الصراخ بلا طائل لا تقل لى لنقاتل لن نقاتل الجبناء لا يخوضون معاركهم بل ينتظرون الزمان أن يخضها لأجلهم وسأعود في الغد أفضل حالا فاسخر لكن تمهل في دعواك لن نقاتل سنظل نصرخ ... ونحن افضل من يفعل ذلك معاركنا ليس بالدم تظل بالكلام فما ارخص الكلام وما اتفهها معارك
------------------------ لك ودي
11-11-2009, 09:05 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
ملعون عاد أبو al kayzan ملعون عاد أبو al kayzan ملعون عاد أبو al kayzan
the dirty hayzan the dirty kayzan
دكتورنا وملهم نضالنا
كنت حاقعد أكتر بس .. طالعين مناسبة عقبال عندك . معليش الواحد بتحرم من التواجد الممتع والتعلم من متابعك الشيقة وبتمني ليك ليلة نضالية سعيدة
-------------------------------
ديباجتك الجديدة بالجد كانت مفيدة لانوا حاتصل بحيدر الزين وأمين ووهبة وعلاء وأبودية وكل الناس الحلوه المروا من هنا نتعرف بيهم ونسلم عليهم وأهوا يبقي بينا أتصالات وتنسيق بس ما الفي بالك فرصة الناس تتعارف
قبل ما أمشي
جاءنا الكليب التالي عن محاولات العملاء هنا من المناضلين الجدد إزعاجل عم المناضلين كلهم يحتوي على تفاصيل خطيرة للمؤامرة وجاري فتح البوستات اللازمة لمعرفة أبعاد الموامرة وفضح الادوار
تصبح على خير قصدي على نضال ياباشا
11-13-2009, 07:53 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
الجسورين المناضلين والما جسورين وما مناضلين جميعا مساء النضال ( إعتفاء ) من مساء الجمال ,,,
وحالنا بالمنبر وما حيطلع عن الحال العام للسياسة في بلدنا البت>كرني بفلم النصابين ونسختوا المصرية سئية الصنع ( طاطا وريري وكاظم بيه ) البتظل فيهو الحكومة طاطا والحركة ريري الجميلة والاحزاب كاظم بيه كل واحد منهم بنصب على طريقتوا وممكن يكونوا تيم واحد حسب ما قتضت مصلحتهم مع انو مرات ريري بتغازل كاظم بيه رغم غرامه بطاطا البيظل شاب وفتي وقادر يستحدث أسليب جديدة من كاظم المخضرم لكين برضوا المخضرم بيظل مخضرم
الصورة غاتمة والبقول غير كدة يدينا إشراقاتوا عشان نؤمن بيها ونتعامل مع الامور بالجدية المطلوبة بشرط ما يكون على طريقة دكتورنا إياه المرات بشك أنو الاستخبارات المصرية بتكتب معانا هنا عشان كدة كلاموا يا ديباجات جاهزة يا هتاف الكلام ده مجرد خاطرة أراهنو يكتب مباشر وبلهجة سودانية
وطبعا ولا على طريقة مستر سكلتكم امهاتكم البرضوا بيظل أفراز سلبي للوضع ككل بما يعتقد انو كتابات نضالية خدمة للقضية الوطنية وطبعا ما على طريقة بعض المولاه هنا ( عين الرضا العن كل عيب كليلة )
وحتى تتبلور مواقف وطنية أكثر جدية حتظل نسخة طاطا وريري وكاظم بية الردئية هي الغالبة على المشهد ما انسي تحية لكل سوداني جاد يأمل الخير لبلدوا
ومساء الخير للجميع ,,,
-------------------
حزبي الوحيد المنتمي له بحق
*الاغنية فقط مع كامل التحفظ على مشاهد الكليب بخصوص البشير ( يظل الرجل مأساتنا التي لن تنتهي ما لم نجد الشجاعة والجدية لانهائيها )
قال الشريف مبسوط مننا ( لما تفسر البوست ) بتلقي عمنا مستر سكلتكم امهاتكم المعاط مواصل في النيل من أمهتانا وبناتنا واخواتنا بنفس طريقتوا الفذة القديمة والممّلة والمخجلة والبحيرني سكوت الناس عليها طبعا دكتورنا جاري يرفع البوست شوفوا الحبشي المتخلف متصدي للمناضل الكبير , بالجد ليت لى عكاز مضبضب
--------------------- نخلى الخواطر السوداوية دي ونبدأ رحله يومنا النضالي
11-14-2009, 12:19 PM
بشير أحمد بشير أحمد
تاريخ التسجيل: 03-21-2008
مجموع المشاركات: 10017
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
HAIDER ALZAIN
mayada kamal
علاء الدين يوسف علي محمد
عبدالوهاب علي الحاج
خالد احمد محمد
ياسر بيناوي
سناء عبد السيد
صلاح أبودية
أمين محمد سليمان
Dr.Saeed Zakarya Saeed
بشير أحمد
فيس بوك
تويتر
انستقرام
يوتيوب
بنتيريست