|
|
|
 Re: بوست بين قوسين ( ) ! (Re: السيد المسلمي)
|
عشان أكون حقاني وما أخش في جبت إسمي ليه
وإنت غلطان وما إلي ذلك ،
بكتب كم إسم وأبدأ في أفتح القوس
أها نبدا
1/ الخال أمين محمد سليمان
2/ حيدر حسن ميرغني
3/ حيدر الزين
مع كامل إحترامي لهم
لكن بديهم فرصة زي مسافة أضف رد كدا،
ولو أي واحد فيهم جاء وقال ماعايز طوال بمسح إسمو
وأي سكوت بعتبرو علامة موافقة وبتوكل وأرش طوالي ياوهبة .
| |
 
|
|
|
|
|
|
|
|
Re: بوست بين قوسين ( ) ! (Re: HAIDER ALZAIN)
|
Quote: هو ياالسيد عينك في القوس وتطعن في نشابو ..
عاين للبين قوسين دي بالله |
حيدرالزين ياحبيب
ودالصايم دا عايز ليهو عزف منفرد وحالتو متأخرة شديد  .
ـــ
أها ياعمك
ساعدنا بالوضوح ،
| |
|
|
|
|
|
|
|
|
|
Re: بوست بين قوسين ( ) ! (Re: السيد المسلمي)
|
لحدي مايظهر واحد في التلاتة الفوق ،
ومافي زول يطالبني بي رابط
عشان الموضوع يكون تحت السيطرة ،
التلاتة الفي الإنتظار برضو
1/ ياسر طيفور
2/ ودالقريش
3/ حسن مكاوي
وبرضو عندهم تلاتة دقائق وإلا أنا مامسؤل مما سيحدث .
| |
|
|
|
|
|
|
|
|
|
Re: بوست بين قوسين ( ) ! (Re: أمين محمد سليمان)
|
طيب نبدأ بالعملي،،
الخال أمين
أنا بكتب هنا بفهم القارئ والمتابع الجيد ،
منذ دخول أمين في الأون لاين أثبت إنو مكسب كبير جداً للموقع وذلك
نسبة لموضوعيته الظاهرة وواقعيته في كل الأحداث التي مر بها المنبر ،
لحدي هنا كفاية ،
عشان مايبقي كسير تلج ..
المهم ... زي مايقول تبارك
لاحظت أنا كقارئ .. تغير خط كتابة أمين وإنحرافها الي جانب لم نألفه منه ،
في هذا الشهر تقريباً ،
بدأ يميل الي الكرة العنيفة ، والعنيفة جداً
وذلك إبتداء من بوسته الذي فتحة بعد تداعيات قصة حمور ..
أنا شخصياً أعتبرت الموضوع زعلة وبتعدي ، لكن أستمرت هذه الزعلة
ولم يروق مزاجه الذي عهدناه رايقاً من تاريخ دخوله المنبر ،
هل الذي وصل إليه أمين من القرف والزهج هو نتاج طبيعي لمن يتابع ويشترك في الأونلاين ؟
أما أنها حالة خاصة أعترت الخال ونسأل الله يطلعو منها بأسرع مايمكن ،
اقول قولي هذا
ونواصل .
ــ
أهم مايميز أمين هو موضوعيته وحضوره الضافي
ولا أعتقد أن هاتان الصفتان تتوامان مع الإنفعال .
| |
|
|
|
|
|
|
|
|
|
Re: بوست بين قوسين ( ) ! (Re: السيد المسلمي)
|
Quote: لاحظت أنا كقارئ .. تغير خط كتابة أمين وإنحرافها الي جانب لم نألفه منه ،
في هذا الشهر تقريباً ،
بدأ يميل الي الكرة العنيفة ، والعنيفة جداً
وذلك إبتداء من بوسته الذي فتحة بعد تداعيات قصة حمور ..
أنا شخصياً أعتبرت الموضوع زعلة وبتعدي ، لكن أستمرت هذه الزعلة
ولم يروق مزاجه الذي عهدناه رايقاً من تاريخ دخوله المنبر ،
هل الذي وصل إليه أمين من القرف والزهج هو نتاج طبيعي لمن يتابع ويشترك في الأونلاين ؟
أما أنها حالة خاصة أعترت الخال ونسأل الله يطلعو منها بأسرع مايمكن ،
|
سلام يا سيدنا
أول حاجه خليني أقول ليك كلامك صحيح و ملاحظتك أصح : طغي علي الانفعال في موضوعي حمور و مياده و إن كنت أجد لنفسي العذر ، و بالذات في موضوع مياده ! و طبعا لا مجال أصلا للمقارنه بين عمر الفاروق و مصطفي محمود !
الانفعال الزائد في موضوع مياده يا سيدنا جا نتيجة سوء الفعل و إنحطاطو من جهه و سكوت الناس في المنبر لإختلافهم السياسي مع مياده من جهه أخري ! و لو لاحظت إنو أنا في البدايه فقط استنكرت الفعل ، لكن لقيت ليك مصطفي محمود مدور إنو ده كذب و تلفيق و إنو الأمنجيه - وهبه و شلتو - بتغتال في شخصيتو و يشهد الله من ما قريت ليه في المنبر ده و هو (مغتال) طبيعي : جنازه بحر تطبع و تلصق ! و في نفس الوقت الناس ساكته كانو مياده كمال دي من جزر القمر !
عموما أعترف إنو كان في طرق أخري أحسن للتعامل مع الموضوعين ، (وما أبرئ نفسى إن النفس لامارة بالسوء إلا ما رحم ربى ) !
------
Quote: ياخال كمل اي حاجة وتعال علي راحتك ،
وبعدين دا ترس تقيل .. يعني لما نحصل نمرة خمسة .. شغلك زاتو بتخليهو وتصنقرد هنا |
والله يا سيدنا خجلتني : حسي ده رشك مع الرجال ؟! إن شاء الله بنساعدك في رش الباقين و بالذات ياسر طيفور و مندوب (بيجو ) في المنبر ! 
| |
|
|
|
|
|
|
|
|
|
Re: بوست بين قوسين ( ) ! (Re: أمين محمد سليمان)
|
يا سيِّد يا ما جيِّد!
بالله رُش على خفيف، أنا متوعِّك شويَّة، وما بقدر أرد، عشان كده رش رش أخوان، وبنتحاسّب تجار...
____
مهلة تلاتة دقائق دي أخير منها فترة التسجيل للإنتخابات..
| |
|
|
|
|
|
|
|
|
|
Re: بوست بين قوسين ( ) ! (Re: Yassir Tayfour)
|
| Quote: بالله رُش على خفيف، أنا متوعِّك شويَّة، وما بقدر أرد، عشان كده رش رش أخوان، وبنتحاسّب تجار |
كضب العدو علي قول الحجه !! ضربت ليه امس أشوف سالفتو شنو : شديد و لضيض و ما عندو أي شي :
بالله يا سيدنا رش بالخرطوش التسعه بوصه و كلنا معاك !!
الإمضاء : جمعيه بين قوسين ( ) بلا حدود - فرع سودانيزاونلاين !
| |
|
|
|
|
|
|
|
|
|
Re: بوست بين قوسين ( ) ! (Re: Yassir Tayfour)
|
ياسر أبتفة ،
| Quote: بالله رُش على خفيف، أنا متوعِّك شويَّة، |
إنت فاضي من أكل العيكو !،
ـــ
والله ياعمك فتحت البوست كدا .. التلفونات دورت ،
إنت عايز تكتب شنو ؟
وبالله ماتعصر علي فلان داك ،
وأعمل حسابك من علان داك
| |
|
|
|
|
|
|
|
|
|
Re: بوست بين قوسين ( ) ! (Re: حيدر حسن ميرغني)
|
Quote: ان شاء الله خير يامان
جاهز قوسين وحربة |
حيدر ياحبيب
خليك جاهز أو ترخي الحزام
البارحة مروكم مني بالأجاويد ..لكن مامعروف لي بكرة أقدر ألتزم ليهم
| Quote: ياخي ود الزين وامين ديل خطرين على الكنكوج |
خطرين ساهي
وكمان لما يتلمو ليك الأتنين سواء كدا
طوالي بتذكر تمبس وحميدة .
مانطلع من موضوعنا ،
جايك ياحيدر ميرغني بمالاقبل لك به
فلو عندك شغل أحسن تكملوا
ولو ما حجيت أحسن تحج
وأقول ليك حاجة لو شعرك أسود بالله عليك صورو هاهاهاهاهاهاهاها
ـــ
بس خليك مطمن أنا زول نايم مابرشو
عشان ماتقول لي فرق الزمن وكدا .. بالله ورينا هسي الساعة عندكم كم ؟
عايز أظبط ساعتي معاك لووووووول
| |
|
|
|
|
|
|
|
|
|
Re: بوست بين قوسين ( ) ! (Re: أمين محمد سليمان)
|
| Quote: والله يا سيدنا سويتها شينه و مره ! وين رش الباقين ؟ فلاحتك دي فيني أنا بس ولا شنو ؟!! |
أمين ياخال ،
القصة ياحبيب أنا فتحت البوست دا ليكم إنتو التلاتة بس
إنت وحيدر ميرغني وحيدر الزين
عندي حاجات مجهزة للرش ،
المهم أتصل علي فاعل خير ، وكانت التفاصيل كلأتي :
الو ياسيد دا شنو الفتحتو دا ؟
ياحبيب دا بوست وعايز أرش فيهو التلاتة ديل حتة واحدة كدا .
وداير ترشهم بي شنو ؟
إنت مالك ياخ عندي حاجات بترشهم .
أنسي الموضوع ياالسيد لوسمحت .
ليه ياعمك !!!؟؟
ياخ أول حاجة حيدر ميرغني دا ساكن في اليابان والناس هناك كلهم شينين وعيونهم صغاااار
وقاعد يتونس هنا في البورد دا ماتجي تعمل ليهو مشكلة يزهج من البورد دا يتونس مع منو يعني ؟
وحيدر الزين دا ساكن في مجمع سكني كل أجانب ومامعاهو إلا سوداني واحد بس ودا كمان أحسن كان يكون براهو هاهاهاهاهاهاهاها
قلت ليهو طيب وأمين دا مالو ؟
قالي إنت فاكر أمين دا احسن من ديل في شنو ؟
حرم أمين دا مش ناس .. طير ساهي مامعاهو ،
وختم مكالمتو يا السيد عليك الله شتت الكورة من البوست دا .
وبيني وبينك ياأمين الاخ دا جهجه علي فكرتي تماماً
وحاولت الحق الفكرة شوية ، أهو أديتك المداخلة ديك .
ـــ
لكن هاك من وعد ..
راشيك راشيك ،
وراشي ودالزين راشيهو ،
بس لوكو لي الصبر .
| |
|
|
|
|
|
|
|
|
|
Re: بوست بين قوسين ( ) ! (Re: السيد المسلمي)
|
Quote: لكن هاك من وعد ..
راشيك راشيك ،
|
يا سيدنا ، أنا مش موضوعي مفروض يكون إنتهي ؟!! رشيتني و رديت ليك و كان الله يحب المحسنين !!
رش لي (الحيادر) ديل خليهم يبقو عبره لمن إعتبر !!!
| |
|
|
|
|
|
|
|
|
|
Re: بوست بين قوسين ( ) ! (Re: أمين محمد سليمان)
|
Quote: قلت ليهو طيب وأمين دا مالو ؟
قالي إنت فاكر أمين دا احسن من ديل في شنو ؟
حرم أمين دا مش ناس .. طير ساهي مامعاهو ،
|
واحد من الشباب في مدينتنا - كلنا علي بعض كده ما تامين سبعه أسر - قاعدين نتونس ، قلت ليه أنا عملت عضويه في سودانيزاونلاين و قاعد أكتب فيها ، إتلفت علي و باستغراب كده قال لي : سودانيزاونلاين دي شنو كمان ؟!!! جاي إنت يا سيدنا ترشني و أنا قاعد في غربه ناسها ما سمعو بسودانيزاونلاين ؟!!
اللهم إني أبرا إليك مما فعل سيدنا و ما سيفعل !
| |
|
|
|
|
|
|
|
|
|
Re: بوست بين قوسين ( ) ! (Re: أمين محمد سليمان)
|
Quote: يا سيدنا ، أنا مش موضوعي مفروض يكون إنتهي ؟!! رشيتني و رديت ليك و كان الله يحب المحسنين !!
رش لي (الحيادر) ديل خليهم يبقو عبره لمن إعتبر |
ياخال أن كلمتك وقلت ليك دا ترس تقيل ،
يعني لما أجيك بي نمرة خمسة إلا تقفل شبابيكم ،
وبعدين الحيادر ديل زي ما إنت عارف هم ناس شبك جدا جداً
يعني عشان ترشهم لازم تكون واخد إجازة عن العمل ،
وتكون ماكل تمام وشارب شاي وشامبيون وأمرك كلها تمام ،
وبالذات الطريفي زولك دا ..
إنا لله .
ـــ
بيني وبين الحيادر الإجازة بس .
ولا نامت أعين العاطلين .
| |
|
|
|
|
|
|
|
|
|
Re: بوست بين قوسين ( ) ! (Re: السيد المسلمي)
|
سلام يا سيد..
في متابعاتي لكتابات الخال امين بتحس انو الزول دا بيعبر عنك بي صورة مباااااشرة..
وكأنو حااااسي بيك..وفي كتابات تانية بتحس انو هو بيكشف ليك حقائق عقلك الباطن بيحاول يرفضا لكن هي حقايق والحقيقة مؤلمة(بوست : هل يخرس الشمال نموذجا)...
اللهم امين دا فيهو نفس سليمان محمد سليمان... كلهم نماذج بتعبر عن الشخصية السودانية
ـــــــــــــــــــــــ
الغرض من المداخلة: كسير تلج
..
| |
|
|
|
|
|
|
|
|
|
Re: بوست بين قوسين ( ) ! (Re: حذيفه ابراهيم الكباشي)
|
كتب الأخ حزيفة
| Quote: في متابعاتي لكتابات الخال امين بتحس انو الزول دا بيعبر عنك بي صورة مباااااشرة.. |
ثم واصل
| Quote: اللهم امين دا فيهو نفس سليمان محمد سليمان... كلهم نماذج بتعبر عن الشخصية السودانية |
أتمني أن أكون كما ذكر الأخ حزيفة ..
مع إني أري ذلك حلماً بعيداً
ــ
كسر ياحزيفة
وشيل معاك حبة للصباح لووووووووووووووووووووول .
| |
|
|
|
|
|
|
|
|
 Re: بوست بين قوسين ( ) ! (Re: أمين محمد سليمان)
|
إختيار غير موفق يا سيدنا........ إذا غرضك الرش
الثلاثه ديل يستحي القلم ان يكتب فيهم وعنهم
اللهم حيدر الزين دا رشووووووووا بخرطوش مووية اسود ... كيييييييتا فيه
يا قريبي امين
شكرا على كل حاجة
| |
|
|
|
|
|
|
|
|
 Re: بوست بين قوسين ( ) ! (Re: mayada kamal)
|
Quote: 1/ الخال أمين محمد سليمان
2/ حيدر حسن ميرغني
3/ حيدر الزين |
الثلاثه المذكورين اعلاه .. كامل تضامني معكم ..
النجيضه ..
معينات الرد على سيدنا المسلمي بحوزتي كامله مكمله .. مستعده
لمدكم بجميع المعينات , وهي اسلحه خفيفه , ارض ارض , ارض جو , جو جو .. !!
للاستفسار وايصال الطلبات لييييي خشم الباب .. الرجاء الاتصال بي خمسه اصفار دبل زيرو ..!!
| |
|
|
|
|
|
|
|
|
|
Re: بوست بين قوسين ( ) ! (Re: داليا الكباشى)
|
Quote:
اللهم حيدر الزين دا رشووووووووا بخرطوش مووية اسود ... كيييييييتا فيه
|
والله يا مياده الطريفي ده فردتي ، لكن كان لقيت ليه الرش ما باباهو ليه !
--
زي ما قال علاء يوسف : ما مشحودين .
| |
|
|
|
|
|
|
|
|
|
Re: بوست بين قوسين ( ) ! (Re: داليا الكباشى)
|
والله لكن ماعهدتك تخاف يا ود المسلمي
انت فتحت البوست والقوسين ..طيب فاضل الكلام البين القوسين ..والناس بي بره اعصابه بايظه تقوم تجي تتملص
بقيت زي سلفاكير ..كلام الليل يمحوهو النهار
الصباح داير ينفصل والمغرب ينكرو حطب
مخير الله في سلفا وود المسلمي ..
ياخ انا اريحك من القصه دي واجي اديك اخر الشغل ده وتديني خلو رجل رايك شنو؟
حيدر الزين وحيدر اليابان ديل المهم ليك في صحن واحد ...ناس اخوان وما عندهم مشكله ..
وخالك امين خال حمور ده عشان عامل السن نقوم نعمل ليه جدول ورديات من قولت تيت لغاية الحنك بتاع اخرسوا داك 
اها بعد داك حسب خطتك القلتها نجرد الحساب ونطلع الخسائر ..والباقي نليسو لود الصايم في اجازته الشتوية هذه 
رايك شنو في الاوفر ده يا مدير
| |
|
|
|
|
|
|
|
|
|
Re: بوست بين قوسين ( ) ! (Re: حيدر حسن ميرغني)
|
Quote: معينات الرد على سيدنا المسلمي بحوزتي كامله مكمله .. مستعده
لمدكم بجميع المعينات , وهي اسلحه خفيفه , ارض ارض , ارض جو , جو جو .. !!
|
يا داليا ، سيدنا جاي زول عمليات إستشهاديه ! خفيفه بتاعتك دي ما بتنفع !
| |
|
|
|
|
|
|
|
|
|
Re: بوست بين قوسين ( ) ! (Re: أمين محمد سليمان)
|
| Quote: وخالك امين خال حمور ده عشان عامل السن نقوم نعمل ليه جدول ورديات من قولت تيت لغاية الحنك بتاع اخرسوا داك |
والله يا فيصل عامل السن مفروض يخفف لي الرش ، مش يعملو لي بيه ورديات !
سيدنا شفقنا ! و لو ما عارفو بشيل حسي ، كان اديتو سلك أستفسر !
| |
|
|
|
|
|
|
|
|
|
Re: بوست بين قوسين ( ) ! (Re: داليا الكباشى)
|
ميادة وفيصل و داليا ،
البوست دا معروض للبيع زي ماقالت داليا .العطاءات تتقدم في مظروف
يكون مختوم بختم بارز وعليهو دمغة ،
كل من يأنس في نفسه الكفاءة عليه دفع الرسوم التي لاترد طبعاً ،
من يرسو عليهو المزاد الله يكون في عونو .
ـــ
الرماني الرمية دي شنو ؟
أمين ياودمحمد سليمان بالله أستلم الردود في البوست الماسورة دا .
ــ
الوسطاء يمتنعون .
| |
|
|
|
|
|
|
|
|
|
Re: بوست بين قوسين ( ) ! (Re: mayada kamal)
|
| Quote: ما قلنا ليك اختيار غير موفق |
ميادة أختي ،
ماتزوغي من الموضع !
قولي سعرك يابت الناس .. وبين البائع والشاري يفتح الله يستر الله .
ــ
ومني ليك تخفيضات هائلة في الإسعار .
أنكربي معانا شوية .
| |
|
|
|
|
|
|
|
|
|
Re: بوست بين قوسين ( ) ! (Re: Faisal Elrasheed)
|
فيصل ياعمك ،
| Quote: امرق لي الجوز الفوق ديل انا اوراقي جاهزة شهادة بحث بغرض البيع |
لا بالاي !
واضح إنك بتمارس معاي شغل بتاع سمسار محترف ،
البيع هنا ياعمك يشايل بعضو ،
لو عايز جملة .. قول سعرك ،
لكن تفصل الجوز دا ! نهييييييي.
ــ
وشهادة بحثنا خالية موانع ،،لووووووووول
| |
|
|
|
|
|
|
|
|
|
Re: بوست بين قوسين ( ) ! (Re: علاء الدين صالح)
|
Quote: سيِّدنا
تاوقتَ مِن خُرم الباب
شُفتَ ليْ كم عِمّة كِدة حايمة
ولمَحتَ فيصل الرشيد
وسمِعتَ إسم علاء صاحبي
قُلتَ أكيد فيها يا إيدي شيليني
أدّوني النجيضة.. |
علا ياحبيب ،
كويس إنك جيت عشان تقنع لينا ودالرشيد دا ،
عايز يشتري صافي من غير حيادر !
عليك الله جنس دا لاقاك !؟
ــ
يلا ياعلاء ساعدنا مع ودالرشيد دا ياخ .
| |
|
|
|
|
|
|
|
|
|
Re: بوست بين قوسين ( ) ! (Re: السيد المسلمي)
|
هو كتابة البوست زي بيعو يا السيد ...
كيف يعني تعمل لينا تشهير وإشانة سمعة وخدش للحياء البوردابي وتجي تقول مع السلامة..
يا زول راجينك للحول ...
كمان عاوز تطلع لينا دعاية بتاعت سر باتع وايه ما عارف بكرة ميادة تقول بتاعين كواديك
| |
|
|
|
|
|
|
|
|
|
Re: بوست بين قوسين ( ) ! (Re: HAIDER ALZAIN)
|
| Quote: كمان عاوز تطلع لينا دعاية بتاعت سر باتع وايه ما عارف بكرة ميادة تقول بتاعين كواديك |
وانت وين كنته وود المسلمي يرش فيك من الاسبوع الفات ما تكون انضميت للحوثيين يا عمك 
| |
|
|
|
|
|
|
|
|
|
Re: بوست بين قوسين ( ) ! (Re: Faisal Elrasheed)
|
أدينا المسلمي الاذن يفتح الاقواس ومنتظرنه ...
رشّ ليك الخال امين رشة مطر فواصل بس ..
اها جينا من الصباح نتاوق منتظرنه تااني الا كان نلقاهو فكّ لوحات البوست وعلق لافتة للبيع ..
يا زول لو يبيع انا زاااتو بشتريهو منو ونقلب ماسورة المدفع عليهو
| |
|
|
|
|
|
|
|
|
|
Re: بوست بين قوسين ( ) ! (Re: HAIDER ALZAIN)
|
| Quote: كمان عاوز تطلع لينا دعاية بتاعت سر باتع وايه ما عارف بكرة ميادة تقول بتاعين كواديك |
إنت عارف ياحيدر نبهتي لي حتة أصلاً ماكانت في حساباتي ،
بالله إنتو سركم باتع وأنا نائم علي إضني !!!؟
ياخ أنا أقول قلبي أبا البوست دا مالو !
وكمان داير أبيع باي سعر !!
مددددد ياأهل الله
ــ
الحيادر يلحقونا ويفزعونا ،
وإن شالله ياودالرشيد يبينو فيك .
| |
|
|
|
|
|
|
|
|
|
Re: بوست بين قوسين ( ) ! (Re: السيد المسلمي)
|
والله يا سيدنا شرطت عينا عديييييل كده ..!!
(اول حاجه من غير زعل) , (نبدأ بسم الله) ورايح السبوووره
وراكب التاكسي ,, وجاااااي من السبوووره .. وبعد دا كللللو
اول لفه نقول ليك فيها تبيع , تبقى بايع طواااالي ..؟؟؟
اتصور , انا حسيت بي زنقتك دي , عشان كده قلت ليه ايقى بايع يابا ..!!
غايتو اسي , انا وحيدر الزين وفيسل اشترينا , وعلقنا لافته (تم البيع لظروف غاهره)..!!! لووول
الحيدار وفيسل , البوست دا انا دايره ازرعو نجيله واربي لي قولدن فيش
الباقي حلاااال عليكم .. ..!!!
------
سيدنا .. تشليح العربات جمبكم ..؟؟؟
| |
|
|
|
|
|
|
|
|
|
Re: بوست بين قوسين ( ) ! (Re: داليا الكباشى)
|
يا علاء الدين استاذ الفرنساوي
انت النار دي ما واااضحة انت بس قول خجلان ما داير تتورط في انتهاكات وحقوق انسان واباده جماعبة
عموما رش من طرف يا عمك عوجه ما بتجيك
غايتو نصيحيتي ليك ابدا بي وهبه بما انه مافيش لكن رشو برضو لانه ضمااان كده بكون مشرف علي الخلايا الارهابية دي وعامل ليهم ايمن الظواهري 
| |
|
|
|
|
|
|
|
|
|
Re: بوست بين قوسين ( ) ! (Re: HAIDER ALZAIN)
|
| Quote: غايتو نصيحيتي ليك ابدا بي وهبه بما انه مافيش لكن رشو برضو لانه ضمااان كده بكون مشرف علي الخلايا الارهابية دي وعامل ليهم ايمن الظواهري |
صاحبي فيصل الرشيد
ياخي أي زول إلاّ وهبة دة ياخ
هُمّا تلات أسامي كلُّ زول أحلى ميـ التاني
وهبة، ود الصايم، ودالزين
| |
|
|
|
|
|
|
|
|
|
Re: بوست بين قوسين ( ) ! (Re: HAIDER ALZAIN)
|
حيدر ياعمك
جنيهك زاتو مشرط وقديم
انا البوست دا لو أتصدق بيهو ساكت كدا لوحه الله ..ماببيعو ليك ،
دحين يابوي لم عليك جنيهك دا ،
ولا رسلوا إعانة ودعم لي ناس حليوة لووووووووووووووووووووووووول
| |
|
|
|
|
|
|
|
|
|
Re: بوست بين قوسين ( ) ! (Re: داليا الكباشى)
|
Quote: والله يا سيدنا شرطت عينا عديييييل كده ..!!
(اول حاجه من غير زعل) , (نبدأ بسم الله) ورايح السبوووره
وراكب التاكسي ,, وجاااااي من السبوووره .. وبعد دا كللللو
اول لفه نقول ليك فيها تبيع , تبقى بايع طواااالي ..؟؟؟
اتصور , انا حسيت بي زنقتك دي , عشان كده قلت ليه ايقى بايع يابا ..!!
غايتو اسي , انا وحيدر الزين وفيسل اشترينا , وعلقنا لافته (تم البيع لظروف غاهره)..!!! لووول
الحيدار وفيسل , البوست دا انا دايره ازرعو نجيله واربي لي قولدن فيش
الباقي حلاااال عليكم .. ..!!!
------
سيدنا .. تشليح العربات جمبكم ..؟؟؟ |
داليا يابتنا ،
البيع دا لي زول واحد بس
بيع لي مجموعة ماعندي أبداً ،
حكاية أشتريتو إنتي وفيصل وحيدر .. ماراكبة لي في راسي
وبعدين ياخ هو بوست ولاختة !؟
قال أشتركناهو قال ،
طيب الختة الأولي لي منو ؟ لوووووووووووول
ـــ
تزرعيهو نجيلة .. تزرعيهو جوافة علي كيفك ،
المهم عندي تشتري إنتي .. والسعر بيني وبينك مامهم .
ـــ
شوفي لي ناس حليوة ديل ماعندهم محل تشليح بوستات ؟
(عدل بواسطة السيد المسلمي on 11-07-2009, 05:33 PM)
| |
|
|
|
|
|
|
|
|
|
Re: بوست بين قوسين ( ) ! (Re: السيد المسلمي)
|
والله يا سيدنا سويتها شينه شناه !!
تجيب ليك لستتين بتاعت ناس ، ترشني براي و تقول بطنك طمت داير تبيع البوست ؟!! ياخي كان ترش الطريفي علي الأقل بعدين تبيع البوست ولا تأجرو بالباطن !
اللهم إني أبرا إليك مما فعل سيدنا !
| |
|
|
|
|
|
|
|
|
|
Re: بوست بين قوسين ( ) ! (Re: Faisal Elrasheed)
|
يا مسلمي يا حبيب ..
Quote: لانو شايف واحد في الحيادر تافينا تف شديد ،
|
الجنيه دا زمن عبود الله يرحمه وقت الجنيه كان بتلاتة دولار ..
تقوم تضرب واحد جنيه في 2500 دولار* شوف المبلغ يطلع كم
مبلغ وقدره والله يستاهل البوست بدل ود جبريل يضحك فيهو ..
ـــــ
* تضريبة محاسب ضرائب مصري هههههههه
| |
|
|
|
|
|
|
|
|
|
Re: بوست بين قوسين ( ) ! (Re: HAIDER ALZAIN)
|
المسلمي..
كان تسمي البوست(تعالوا نتونس)..
عادي ..
البيقرا كلامك الاول يشيل هم للجماعة المذكورين..
أمين؟؟انتا الاتصلتا علي المسلمي..؟؟
الزول دة لغتو من تهديد قلبت لي تمجيد..بقدرة قادر
ـــــــــــــــــــ
سودانيز اونفون..
| |
|
|
|
|
|
|
|
|
|
Re: بوست بين قوسين ( ) ! (Re: سارة علي)
|
| Quote: الزول دة لغتو من تهديد قلبت لي تمجيد..بقدرة قادر |
شخصياً يا سارة على انا ما متنازل عن حقي في القوس المفتوح باسمي ..
أو يرضي المسلمي يبيع لي البوست بالجنيه دا اقلبه فيديو كليبات..
| |
|
|
|
|
|
|
|
|
|
Re: بوست بين قوسين ( ) ! (Re: HAIDER ALZAIN)
|
Quote: شخصياً يا سارة على انا ما متنازل عن حقي في القوس المفتوح باسمي ..
أو يرضي المسلمي يبيع لي البوست بالجنيه دا اقلبه فيديو كليبات.. |
يازول حرم لو أدفعو هدية لي صاحبك وجارك ساااكت كدة لوجه الله
ماأبيعو ليك ... ولو بي ميات الجنيهات ،
قال جنيه قال
ــ
شكيتو علي الله ،
| |
|
|
|
|
|
|
|
|
|
Re: بوست بين قوسين ( ) ! (Re: سارة علي)
|
Quote: أمين؟؟انتا الاتصلتا علي المسلمي..؟؟
الزول دة لغتو من تهديد قلبت لي تمجيد..بقدرة قادر
|
ساره الساره ،
لو ما كنت عارفو بشيل حسي كنت إتصلت ، سيدنا ده لمن يرش ببل و أنا والله البل ده لا بدورو و لا بقدر عليه !!
لكن حركت ليه آيات الله البتهز الجبال ، تاني ما عندو معاي طريقه !
دحن يا سيدنا بل (الحيادر) ديل ، و بالذات الطريفي : كلامو كلو بقي بيجو !!
| |
|
|
|
|
|
|
|
|
|
Re: بوست بين قوسين ( ) ! (Re: أمين محمد سليمان)
|
| Quote: لا لا يا امين إنت كدة بتشفف السيد المسلمي |
والله يا الطريفي و - ما طالبني حليفه - سيدنا ده شكلو كان لابد لينا لبده ، غايتو أنا لجنتو بآيات الما نام و لا أكل الطعام ، تاني ما عندو معاي سكه ، لكن إنت بصلاة رمضان بس ، سيدنا بقطعها ليك في راسك !!
| |
|
|
|
|
|
|
|
|
|
Re: بوست بين قوسين ( ) ! (Re: سارة علي)
|
سارة علي
| Quote: أمين؟؟انتا الاتصلتا علي المسلمي..؟؟ |
أه
أمين بتاع ماذا ياأخت !؟
الأتصل بي خليتو لي الله
إنشالله أخلص منو يوم الوقفة العظيمة ،
ــ
ليك حق تقولي كدة ،
الله يجازي الكان السبب .
| |
|
|
|
|
|
|
|
|
|
Re: بوست بين قوسين ( ) ! (Re: طارق جبريل)
|
| Quote: رشكم دة مالو مسحسح كدة |
دكتور طارق ،
أنت ياعمك جيت بعد كهربة البوست ماقطعت ،
وتدخل أيادي خفية وربما سحر وكواديك عديييييل ..لتعطيل مسيرة البوست الظافرة ،
لكن المهم ،
خليك متابع كويس ، والله راقد لي فوق راي .
| |
|
|
|
|
|
|
|
|
|
Re: بوست بين قوسين ( ) ! (Re: أمين محمد سليمان)
|
Quote: والله يا سيدنا سويتها شينه شناه !!
تجيب ليك لستتين بتاعت ناس ، ترشني براي و تقول بطنك طمت داير تبيع البوست ؟!! ياخي كان ترش الطريفي علي الأقل بعدين تبيع البوست ولا تأجرو بالباطن !
اللهم إني أبرا إليك مما فعل سيدنا ! |
أمين ياخال ،
أنا علي وعدي معاك ،
والله لما شايفة شينة أرجع في كلمتي مع الاجاويد لكنت قد بيضتو لك وجهك ياخال ،
فصبرٌ جميل ،، والأيام بيننا ياخال .
هذا ولانامت أعين الحيادر ،
لووووووووووووووووووووووووووول .
| |
|
|
|
|
|
|
|
|
|
Re: بوست بين قوسين ( ) ! (Re: السيد المسلمي)
|
| Quote: البوست دا معروض للبيع زي ماقالت داليا |
افتكر كده حقوق النشر محفوظه .. البوست دا حقققققي ..
وبكره ماشه اجيب الكراكات تشيل الوهم اللي جوا اتزرعوا فيهو ديل
هوي يا شباب .. بالله اتحارجوا لينا من هنا سريييع .. دايرين نزرع نجيله ..!!
| |
|
|
|
|
|
|
|
|
|
Re: بوست بين قوسين ( ) ! (Re: داليا الكباشى)
|
| Quote: وبكره ماشه اجيب الكراكات تشيل الوهم اللي جوا اتزرعوا فيهو ديل |
قشة ماتعتر ليك
وبالله ركزي لي علي الكرور ودالرشيد ،
ــ
الله يريحك يابتنا ،
نردها ليك في بوست مخستك زي دا .. قولي أمين
ــ
أييييييييييييييه دنيا .
| |
|
|
|
|
|
|
|
|
|
Re: بوست بين قوسين ( ) ! (Re: داليا الكباشى)
|
داليا كباشي .. سلام يا دكترة ..
ذكرتيني بمثل الذاكرة الشعبية ..
اها انا ما متخارج اصللللللو من البوست دا الا المسلمي يورينا الشاكيهو على الله دا منو وفوت علينا موسم الرش في الرطوبة دي وحمانا السقاية في زمن القحط ..
والا يبيع لينا البوست وبدل الجنية بنرقيهو من زمن عبود للنميري ..:
تحيات يا مسلمي وشوف كلامي دا مجرد مكابرة ساي وبغش ناس داليا كباشي ديل فما تسمع نصيحة الخال امين دا ..
دا زول فتنة عاوزك تبيع البوست لصاحبي عشان البوست يجيب موية .. لوووول
| |
|
|
|
|
|
|
|
|
|
Re: بوست بين قوسين ( ) ! (Re: HAIDER ALZAIN)
|
| Quote: اها انا ما متخارج اصللللللو من البوست دا الا المسلمي يورينا الشاكيهو على الله دا منو وفوت علينا موسم الرش في الرطوبة دي وحمانا السقاية في زمن القحط .. |
دا كلام شنو ياحيدر ؟
ياخوي هي أنا مابوريكم الزول دا منو ،
إها ياخوي أمش أعمل ليك لستة وتعال للناس دي .. توقيعات بس ،
وبالله أبدا لي بالمدعو وهبة .
ــ
جنهاتك دي تسالي مابتجيبو ليك
ناهيك عن بوست فيهو ناس ميادة وداليا وسارة ،
الله يجازيهو ( وش مكفهر وعابس وميتينو طالع )
| |
|
|
|
|
|
|
|
|
|
Re: بوست بين قوسين ( ) ! (Re: أمين محمد سليمان)
|
يا خال امين ...
والله سيدنا السيد المسلمي انا عفيتو ليهو عديل...
وفي ظني ويقني الظهر انه اساساً جاي قاصد يرشك انت بس وجاب الحيادر كتغطية..
وبعد البوست ادي غرضو في رشك عمل انسحاب تكتيكي وموه بمكالمات وخلافو من شخصية لم يفصح عنها...
لذا اعلن سحب عرضي لشراء البوست .. واعلن سروري العظيم منه في رشك المنظم ..
ونسلم مفاتيحه للدكتورة داليا كباشي ان شاء تحوله مشتل زهور ...
| |
|
|
|
|
|
|
|
|
|
Re: بوست بين قوسين ( ) ! (Re: HAIDER ALZAIN)
|
Quote: وفي ظني ويقني الظهر انه اساساً جاي قاصد يرشك انت بس وجاب الحيادر كتغطية..
|
والله يا الطريفي ده الكنت خايف منو ذاتو !
أها يا سيدنا جبت لي و ليك الكلام !
ما شايف لي حل غير ما تبل الحيادر ديل بلاً تسير بخبره الرُكبان : تشفي به غِلنا و ترفع به ظلمنا حتي يقول الحيادر ما لنا و ( بل) سيدنا !!
| |
|
|
|
|
|
|
|
|
|
Re: بوست بين قوسين ( ) ! (Re: أمين محمد سليمان)
|
Quote: ياخ أول حاجة حيدر ميرغني دا ساكن في اليابان والناس هناك كلهم شينين وعيونهم صغاااار
وقاعد يتونس هنا في البورد دا ماتجي تعمل ليهو مشكلة يزهج من البورد دا يتونس مع منو يعني ؟ |
السيد الذي باع :
ياخ ما تشيلوا حس ناسنا ديل انتو اختلط عليكم الموضوع مع جماعة ناس انور كنج
ديل معليش عيونهم قد جلد
لكن بتاعننا ديل حلاة الدنيا عليهم
إلا النصيحة لله كلهن خشب الله عبد الناشف ( مساويك طوكربس )
كل شيء ولا الحنين دا
قواتنا من قبيل أو من أمس الأول ترقب الموقف
عن كثب( حلوة كثب دي مش؟
المهم: قوات شرق آسيوية مججة بكامل عتادها
نصرة للحنين
الباقين أمرق منهم الخال ورش رش مبيد حشري
بهاء
ع/ قوات شرق آسيانصرة الحنين
| |
|
|
|
|
|
|
|
|
|
Re: بوست بين قوسين ( ) ! (Re: HAIDER ALZAIN)
|
طبعاً شايف البوست جاب تحالف بتاع شرق أسيا !
ومامعرف لي بكرة إمكن يجونا ناس حلف الأطلنطي زاتو ،
ـــ
والله يابهاء زولك دا لحدي هسة راخي أضانو ،
أخر مرة جاء خاشي .. فتح ليهو قوس وفات !
بالله عليك كلمو .. قول ليهو البوست أشترتو دكتورة داليا ..وعايزة تعملو مختبر طبي لوووووووول
ـــ
تؤسفني أشد الأسف شماتة حيدر إبن الزين ،
والله ياخال ماعجبني ليك ، لكن تقول شنو
أهو قدر أخف من قدر ،
ــ
تعيش ياخال وتاخد غيرها.
| |
|
|
|
|
|
|
| |
محمد عبد الماجد الصايم
عبدالوهاب علي الحاج
HAIDER ALZAIN
أمين محمد سليمان
ياسر بيناوي
Yassir Tayfour
ذواليد سليمان مصطفى
حيدر حسن ميرغني
حذيفه ابراهيم الكباشي
mayada kamal
داليا الكباشى
Faisal Elrasheed
علاء الدين صالح
طارق جبريل
سارة علي
Baha Elhadi
فيس بوك
تويتر
انستقرام
يوتيوب
بنتيريست