|
|
 يد عوني على استحياء .. للانخراط في المؤتمر الوطني
|
- الو د.محمد حسن
- معاك محمد حسن يا مرحب
- معاك.........
- اهلين كيف الحال
- يا دوك عايزك في موضوع ما بنفع في التليفون يا تجيني يا اجيك
- يا خي مرحب بيك جدا تعال لي
- اوكي اتفقنا
انتهت المكالمة
بعد تحديد الموعد
وبيني وبينك نفسي وغوشتني يا ربي الزول ده عايزني لي شنو ، قلت يا ود يا محمد انسى لحد ما تقابلو
وجاء الرجل في موعده
|
|
 
|
|
|
|
|
|
|
|
Re: يد عوني على استحياء .. للانخراط في المؤتمر الوطني (Re: د.محمد حسن)
|
بعد التحايا والتفضيلات
تنحنح ضيفي وسالني بصوت بين الهمس والجهر
يا راجل يا خي ما تجي علينا
اها انا بسذاجة زحيت عليه
ضحكي ضيفي
وقال لي
يعني انضم لين
ا
وفي تلك اللحظة قفز ذهني للتسويق الشبكي
نظرت ايه مليا وقلت له انا لا اجيد فن التسويق
ابتسم قال لي يا خي بالواضح تعال انضم للمؤتمر الوطني
| |
|
|
|
|
|
|
|
|
|
Re: يد عوني على استحياء .. للانخراط في المؤتمر الوطني (Re: د.محمد حسن)
|
في هذه اللحظة شعرت ان كل (لمباتي ولعت احمر) استعدلت وبابتسامة وبكل هدوء قلت له : خير
تشجع ضيفي واراد ان يسترسل الا اني فاجأته وبسرعة
طيب ليه انضم ليكم ؟
وكأن صاحبي اندهش
قال : طبعا المؤتمر حزب من اقوى الاحزاب وعنده انجازات كحكومة
قلت ليه يعني المؤتمر الوطني حز والا مجموعة احزاب في تنظيم
قال لي لا المؤتمر الوطني حزب
هنا رأيت نفسي اسرح واتذكر المجموعات المكونة لحزب المؤتمر ( اسلاميين ، اتحاد اشتراكي ، بقايا احزاب طائفية وغيرها ، جماعة الترابي ( بالدس) بدرية الانقلابية ، انتهازيين
طيب لما انضم للمؤتمر الوطني حأكون مع الجماعة ديل
انقبض قلبي
سالته : عشان اعمل شنو للمؤتمر الوطني :
قال لي كيف
انت ممكن تعمل حاجات كتيرة
قلت ليه زي شنو
قال لي تكتب عن انجازات الانقاذ
( ابكي والا اضحك)
قلت ليه زي شنو؟
قال لي السد
وانت راجل عارف اهمية السد الاقتصادية
ببراءة سالته اهميته الاقتصادية شنو؟
قال لي
بيوفر كهربا
سالته بنفس البراء
الكهربا نعمل بيها شنو؟
| |
|
|
|
|
|
|
|
|
|
Re: يد عوني على استحياء .. للانخراط في المؤتمر الوطني (Re: د.محمد حسن)
|
قال لي الكهربا حنعمل بيها نهضة صناعية
قلت ليه والزراعة
ويبدو ان محدثي لم يكن على علم باهمية الزراعة لانه في مجال بعيد عن هموم الوطن
سالته طيب المؤتمر حيعمل لي شنو ؟
اجاب علي بسؤال
انت عندك واطة في السودان ( وهنا تذكرت صديقي كمال على الزين والبشتشتنة ورقاد الواطة )
قلت ليه لا ما عندي
قال لي دي بنضمنها ليك
سرحت مرة اخرى
لقد تم اختزال وطني في 400متر مربع
| |
|
|
|
|
|
|
|
|
|
Re: يد عوني على استحياء .. للانخراط في المؤتمر الوطني (Re: د.محمد حسن)
|
قلت لمحدثي
ما هو رأيك في مسالة انفصال الجنوب ؟
قال لي يا خي هو اصلا الجنوب حينفصل لانهم معتمدين على تقرير المصير وحيصوتو لصالح الانفصال وبكة يكون هم اللي عايزين الانفصال
قلت له ايوة بتفق معاك
لكن انتو كمؤتمر وطني دوركم شنو في انهم ما يصوتوا للانفصال
اجابني : بكل صراحة نحن ما نقشنا المسالة دي داخليا ، لانو تركيزنا كلو على الانتخابات القادمة وعايزين نختار عناصر صلبة ( خير من استأجرت القوي الامين)
قلت ليه
( تااااااااني القوي الامين ) ؟!
طيب يا اخ انا ممكن اكون امين لكن ما قوي عايزين بي شنو؟
ضحك ضيفي
فما كان منى الا ان قلت له
تعرف يا
انا رجل كل يوم بتقدم فيه للقبر
عايز امش لي ربي بذنوبي لانه حيغفرها لي
فما عايز اشيل ذنوب الناس
فما بالك بوطن في 40 مليون مظلوم
ليه اشيل ذنبهم معاي
ده من ناحية شخصية بحتة
اما من ناحية سياسية
لكم وطنكم ولي وطن
وطنكم لا يتجاوز بنوك الخرطوم
وطني فيه يعيش 80% منهم على حافة المجاعة
في بلد فيه اكثر 9 انهار ومياه جوفية وامطار رحمة
وانتهى كلامنا
وقعدنا نتونس في
ندى القلعة
| |
|
|
|
|
|
|
|
|
|
Re: يد عوني على استحياء .. للانخراط في المؤتمر الوطني (Re: د.محمد حسن)
|
اخي د. محمد خسن
تخيل حزب حاكم لم يناقش موضوع انفصال الجنوب لانشغالهم بالانتخابات ؟؟
هذا حزب غير جدير بحكم بلد موحد
الشئ المؤكد ان كل همهم حكم الخرطوم وبعدذاك ينفصل الجنوب او نيالا لا يهم ..
اقترح ان يصوت الجنوبيون للوحده لحرمان المؤتمر الوطني بالانفراد بالشمال حشب رغبتهم الاكيده.
أها يا دكتور ما قال ليك رأيو شنو في ندي القلعه وامكانياتها الفنيه ...!!!
| |
|
|
|
|
|
|
|
|
|
Re: يد عوني على استحياء .. للانخراط في المؤتمر الوطني (Re: طارق ميرغني)
|
| Quote: أها يا دكتور ما قال ليك رأيو شنو في ندي القلعه وامكانياتها الفنيه ...!!!] |
طبعا يا حبيب الناس على دين ملوكهم
لو حضت الحلقة بتاعة ندى القلعة والتي كان من ضمن ضيوفها د. حسن مكي والانبراش في ( صوت واداء) ندى القلعلة
لتيقنت من مقولة صديقي الله يطراه بالخير
قال لي
( انهم يحبون النساء والحلوى)
| |
|
|
|
|
|
|
|
|
|
Re: يد عوني على استحياء .. للانخراط في المؤتمر الوطني (Re: د.محمد حسن)
|
Quote: وقعدنا نتونس في
ندى القلعة |
أخيير ليكم
و أن شاء الله الونسه كانت عن أغنيتها الشريف زعلان مني .
د. محمد
تحياتي
ما يدعو للرثاء هو أنه هناك من مازال يصدق تخرصاتهم عن الدين وهي لله .
كويس أنهم ما أستخدموا معاك الاساليب القذره في التجنيد , ودي قد تأخذ عده أشكال , يورطوك ماليا أو يعملوا على التلاعب بغرائزك بما فيها الجنسيه , ودي أخطر طرق التجنيد.
أنت قايل يا دكتور زول واعي ومتعلم وقاري و أتربى في أسره محترمه يجند قلموا أو أمكانياتو في الدفاع عن نظام فاسد فاجر فاسق زي نظام الأنقاذ ده ليه !!!
أكيد الزول ده مربوط من عنقوا .
أنا مستعد أراهن أن أغلب الكتاب الذين يدافعون عن الأنقاذ اليوم لا يلعب المال وحده دافعهم الأساسي للمشاركه في هذا الجرم , بل أشياء أخري .
طيب جهاز الأمن العايزين يطلعوا أفراده ( أنبياء) معصومين من المساءله بالقانون ديل , والفى منهم من هناك أفادات تستدعي التحقق منها بأنهم مارسوا التعذيب الى درجه أغتصاب رجال شغال شنو !
يا زول حمد الله على السلام أنو الفكر يجندك ده زول ماسوره ساي .
كتر من الأخلاص والمعوذتين ما بيجوك تاني
لك مودتي وتقديري
| |
|
|
|
|
|
|
|
|
|
Re: يد عوني على استحياء .. للانخراط في المؤتمر الوطني (Re: Abureesh)
|
سلامات اخي ابو الريش
| Quote: حكمـة السيد الصادق المهدى التى قالها لحزب الأمة وكيان الأنصار "أكلو توركم وأدو زولكم" واحدين ما رموها واطاة.. |
تعرف كثرة التيران الحتضبح في الانتخابات دي سترفع سعر كيلو العجالي الى رقم خرافي
ما على المساكين الا يكنكشوا جنب المرشحين
وا نلا يرضو باقل من الضان الحمري
تقديري واحترامي لشخصك
| |
|
|
|
|
|
|
|
|
 Re: يد عوني على استحياء .. للانخراط في المؤتمر الوطني (Re: د.محمد حسن)
|
| Quote: يا زول حمد الله على السلام أنو الفكر يجندك ده زول ماسوره ساي . |
.. الغريبة أنا ذاتي يا دكتور من فترة (متلحني ) ليك واحد زي الماسورة الكاتب الكلام الفوقاني دا الشهير بي مجدي رفسـو ..
تتخيل بتكلم معاي عن برنامجم الانتخابي وانا اعاين ليهو في وشو .. واتذكرت المقوله القديمة بتاعت الفيلسوف الاغريقي:
إن أجمل الحمير لم ترفس بعد
الجدير بالذكر إن الزول دا كان جاهز وطلع لي دفتر شيكاتو .. إنت أخير دايرين يسجلوك بي قطعـة أرض ..
زي ناس مجدري ديل .. بييسجلو الناس بي ربع كيلو باسطـة ناشفة عديل .. عسل ما فيها ..
...
تعرف يا مجدي رفسـو لو بتسمع كلامي .. والفريق البتلعب فوقو دا .. بيسمعو كلامي حقو اليومين دي ما تكتب في المكان دا .. البورد دا اختاهو عديل .. نوعيتك دي الله بيسالني الواحد كان مؤتمر وطني ببقى مؤتمر وطني مرتين ..
| |
|
|
|
|
|
|
|
|
|
Re: يد عوني على استحياء .. للانخراط في المؤتمر الوطني (Re: Nasr)
|
Quote: حزبا حاكم لم يناقش موضوع انفصال الجنوب لأي سبب مش ما يتساهل يحكم، مفروض يتحاكم بالخيانة العظمي
|
اخي الكريم نصر
سالت اكثر من عضو متحمس للمؤتمر الوطني في الرياض
طيلة السنتين الماضيتين
كم عدد الوزراء الاتحاديين
واسماءهم واسماء وزاراتهم
بامنة
لم ينجح احدد
| |
|
|
|
|
|
|
| |
د.محمد حسن
يوسف السماني يوسف
الفاتح سليمان
إسماعيل وراق
Mustafa Mahmoud
عمر صديق
مجدى محمد مصطفى
Abureesh
Nasruddin Al Basheer
tmbis
ادريس خليفة علم الهدي
Nasr
فيس بوك
تويتر
انستقرام
يوتيوب
بنتيريست