|
|
 The innocents abroad -- مارك توين -- الابرياء فى الخارج
|
بلاد عجيبة
بلاد يسرق فيها الغنى الفقير
بلاد الفجور
بلاد تدفن فيها القبور
________________________________
لا ناقة لنا و لا جمل فى ما يدور فى بلاد لا أدرى هل أسميها بلادى . فلا هي وسعتنا و لا غيرها .
بلاد خرجنا منها لنعود لغيرها , أو لا نعود.
_________________________________
"تطير أنشاء الله ما ترك"
لى كدة.
حسى بس الدعوة دى تستجاب .
يعنى اللهم أعز الاسلام و المسلمين مالها؟؟
مش كان ممكن تشملنا ؟؟
________________________________
أنا زاتى الوهم العلى شنو ؟
ما ساكن كويس , لابس كويس , ماكل كويس ؟
داير شنو فى "بلدا ماها هيللك؟ "
________________________________
البت كبرت , رجعها عشان الجامعة .
البت رفدوها.
البت جكست , البت فكت الجكس . البت خطبوها . البت اتخرجت . البت كلفت 60,000 دولار .
من غير اكسسوارات .
التهنئة فى الجريدة من الاحباب بمناسبة التخريج , عقبال الدكتور --- اه
________________________________
قطعة واطة , العمر ماشى , بتستر اولادك !
الواطة سجلوها؟؟
الواطة سرقوها .
_______________________________
العمر 31 , 29 , 28 , المعاش .
مافى معاش .
التحويشة .
البنك باعو .
الاشتراهو منو ؟؟؟؟؟؟؟؟؟
بنك تانى ...
و نحنا ؟؟؟؟؟؟
ما مشكلة , اديناك 5000 سهم .
و البورصة ضربت .............
_______________________________
التلفون ضرب .
@أنا لله و أنا اليه راجعون@
|
|
 
|
|
|
|
فيس بوك
تويتر
انستقرام
يوتيوب
بنتيريست