عمران يا صاحب .. مرات الواحد بلقى نفسه خاتي يديهو الإتنين في خديهو ( منشده ) أو مندهش لما حوله .. مرات تغلبك همومك وتتوارى بعيداً .. تعاين لهموم غيرك تلقاها أكبر .. تنظر لهموم الوطن تلقاها فوق تصورك أو تحملك .. ترجع تاني تنزوي .. الحالة ( شلش ) .. والمنظر العام يدعو للذهول والإستغراب .. من أين تبدأ .. وكيف تنتهي .. يفاجأك السؤال .. لا بل ( كوم ) من الأسئلة .. لا إجابة لها .. في النهاية ( تنعل ) سلسفيل ( ميتينك ) .. ولا شئ يذكر ..
11-02-2009, 04:33 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
Quote: وما المنبر الا مسرح كبير نحن فيه كل شيئ من الممثلين حتى الديكور
تعرف يا حيدر المسرح عندو ضابط إيقاع .. لا يسمح لأحد بالخروج من النص إلا في حدود .. هنا الحدود غير محددة إلا بضوابط واضعه سيد الحوش ولا يعمل بها إلا في حدود يعرفها هو ..
Quote: للمسرح قيمة حضارية
11-02-2009, 04:46 PM
ismeil abbas
ismeil abbas
تاريخ التسجيل: 02-17-2007
مجموع المشاركات: 10789
أبو جهينة يا ريس .. وينكـ يا مان ، جو الرياض بدأ يعوض فينا ، مافي طريقة لي لمة (شيَة ) نهارية تشيل الرهق ده مننا ؟؟
Quote: الدجاجات ديل في سن قانوني يسمح ليهن بمشاهدة فيلم رعب فيه مشاهد عُرِي ( وجه محتقن )
إتلخبط ( الإختساس ) يا ريس ، ضوابط البشر رسموها للدجاج ، في ناس معتبرننا دجاج يقولو ليهو ( كر ) يقوم يتخارج . وضوابط حل الإشكاليات عند البشر بقت بالإقصاء التام ، عجبكـ أم لا .
11-03-2009, 07:30 AM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
دي قطيعة لقطع العلاقات وللشمارات ، في ناس بملو عليكـ تتصرف كيف ، تكتب كيف ، تاخد ياتو موقف ، تتداخل مع منو وليه ، يعني في الحله ديل ممكن يطردوكـ ، مرَ عليكـ زول في حلة ما طردوهو لأنو ما جاء عرس ناس فلان ولا ما شال الفاتحة في موت فلان . دي ياها حرية الحلة المفروض تكون بعد داكـ مشتتة في أيِ حته تانيه بتلم الناس . نفعت معاكم أوكي ، ما نفعت شوف غيري ينفع معاكـ ويتماشى مع حاجاتكـ وقناعاتكـ .
Quote: عمران يا صديقى ليك مودة تعرفها مثل جوع بطنك....
دي عاد بنجيها يوم يا اسماعيل ونحكي فيها فطور رمضان الكان يوماً ما في مكان ما بشوربة اللالوب فقط لا غير ولكـ من الموده من غير حدود
11-02-2009, 06:42 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
..الحكاوي بتقوله النعمة بت وراق في الحلة .. يقعدوا ليها الناس ويجوا ليها من آخر الحلة يوم العيد في ناس ببدوا بيها اليوم .. بعد الصلاة طوالي يختوها أول مطار .. فيها جبنة أو فطور ومعاها ونسة .. وفي ناس يختموا بيها لفة أول يوم في العيد ، وبرضوا عشان قعدة الونسه .. كلنا بنعرف الكلام ده في الحلة ... أها قام واحد في الحلة قال ده ضياع زمن !! يعني شنو قعدة ونسة ؟؟ والبلد ماشة ضايعة والحاجات كلها بقت غالية والحكومة سرقتنا ..!!؟؟ ناس الحله قالو عليهو ( جنَ ) ، أو مفتري ساكت ، ما بدور الناس وهلمَ تصنيفات . <> حوشنا ده حلة برضو ... والمابي الونسه هنـــا في بيت كبير تاني في نص الحله يمشي ليهو ... أنا ما بقدر أفوت ونسة عماد عبد الله دي( خير مثال ) . فما تزِعِل نفسكـ شان لقيتني هنــا . الفرق شنو بين حكاوي النعمة بت وراق وحب الناس ليها وحكاوي عماد عبد الله الهنا دي ؟؟ يا نبدى بيهو .. يا نختم بيهو .
_____________ وصلت القطيعة الإسفيرية
11-02-2009, 06:57 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
وياخي خلينا نحب الكلام البلدي ده ، بوصل الرسالة أكتر .. حكاية النعمة بت وراق كلها حكم وكلام سياسة كانت ولا قلة أدب " في شكل نكات " أها فصل الدين عن الدولة " بوست لعماد عبد الله " لمَ السياسة مع الحكي ، وكان ممكن يكون في " قلة أدب " * لولا لافتات ( خادش للحياة ) الإسفيرية وما تجي تشبكنا الشولة مفروض تكون في محل الشدة والاسم المرفوع مبتدأ مؤخر له . البلاغة ليست فصحى دائماً " سمير عطا الله "
____________________________________________ * قلة الأدب ممكن تنجره من راسكـ وأنت تتابع السرد في فصل الدين عن الدولة
11-02-2009, 07:17 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
Quote: لا أدري كم أقرأ في اليوم. كم كتاباً وكم صحيفة وكم مقالا. بعض هذه القراءات حباً في المتعة الأزلية، القراءة. والقراءة طرق ‘ هذا كتاب أعود إليه كما يعود العطشان إلى النبع ، وهذا كاتب تمر على رتابته كالطيور الهاربة، وهذا كاتب تتمنى لو أن مقالته أطول مرتين على الأقل، وهذه صحيفة لا تقرأ فيها سوى الإعلانات، أو ما نقلته عن الصحف الأخرى .
إذا كان راي كاتب زي سمير عطا الله جايِ انت حضرتكـ تحدد لينا وين مفروض نكون ؟؟؟
11-02-2009, 07:36 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
والمظاهرات في الحلة بنشوفه في سيرة عريس ، في شكلات ولاد الحلة الفوق والتحت والمظاهر في أعراس الحلة وعلاقات الحلة ، آخر أناقة في حنة بت خالته وحنَة آخر شكل وابتسامات بآخر ( نونه ) والقفا أعوج . المظاهر في علاقات بعض الأسر .. حق الله ( القناعة لديهم ) ، بيعملوا !! ولكن في حدود ، لأن الأسرتين بيناتم الغيرة والحسد أو زعلانين من أمهم ما وافقت على ود عمها لابنتها الوحيدة الجميلة . ده ما ياهو حال الحلة .. المكان ده حله يا ناس فوقو كل الحاجات دي . شكلات أولاد الحلة الفوق والتحت هناكـ هنا ( بين دعاة الانفصال ودعاة الوحدة ) كمثال . والمظاهر في علاقات المجاملة بين ( التضاد) .. ابحثوا عن اتفاق الحزب الفلاني مع الآخر ، هل هو لوحدة المبدأ ؟ أم من أجل بلوغ الهدف النهائي " وبعدين يحلها الحلَ بلَه !! " . المشكلة وين في أن تكون قناعاتي شيعية أو ناصرية . مافي الحله ساكنين سوا .. انت بي دربكـ وأنا بي دربي
Quote: اول مرة يغلبني افهم ليك بوست , ادراجك للاستعارات بوفرة واهمال جعل الفكرة غير مرئية
السماني كيفكـ مرات في الحله يا السماني ( بتقطِع ) بعض الحاجات في حشاكـ ، تموت بيها غيظ وما عندكـ أيِ طريقة تفضفض . الحوش فيهو (البهرد الحشا ) وكان فضفضت بي راحتكـ بتخسر تواصل لا بد منه ، مرات الراي أخير تموت بيهو . يمكن ده سبب الضبابيه الفوق دي . لكن ( المذاكر) العناوين هنا ممكن يقلل كتير من الضبابية دي .
______________________________ موضوع انفصال أو عدم انفصال الجنوب نموذج
11-03-2009, 04:35 PM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
إذا عرف اي واحد فينا حدود حريته عدم إيزاء الآخرين .. وعرف أن العديل رأي والأعوج راي .. الحبة دي ما بتجينا .. لكن كيف نقنع أنفسنا بأننا خطأ وأن الآخرين صاح .. نحن قاعدين ندي أنفسنا ( صاح ) طوالي .. ولا مره فكرنا نديها لي شخص تاني .. تاني فضل لينا شنو .. فضل لينا نكتف يدينا و ( نتخمد ) كده .. إذا دخلت صاح تكون دخلت غلط .. وإذا دخلت غلط الله قال بي قولك .. لا يمكن أن نسميه هروب .. ولكن دا الإنشداه القلت عليهو ( قبيل ) داك .. إنشداه في عدم تمكننا من فعل شئ .. وإلا نكون وضعنا أنفسنا في خانة اللا مكان .. هو زاتو نحن مكانا وين .. عليك الله يا عمران كان لقيتو ورينا معاك ..
تاني ممكن ..
11-03-2009, 08:40 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
حسي في تنظير وصعلقة وقلة أدب أكتر من انو حوش مفروض ينور الناس ويساهم في تقليل نسبة الجهل الشامل حاجاتنا كلها ويكون رد فعل كاتب فيه أن الشايقية والجعليين كذا وكذا دون حياء أو خجل أو احترام .. لمَ كل خيبتو في الإساءة .. أها نسويِ ليهو شنو ؟ نطردوا من الحلة .. ما بنقدر .. وعلينا نتحمل وسخ الحلة ووسخ المكان ده .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة