|
|
 الأغنية دي بتريحني في كنكوجي..
|
|
|
 
|
|
|
|
|
|
|
 Re: الأغنية دي بتريحني في كنكوجي.. (Re: ناصر احمد الامين)
|
مدهش .. يا عمر .. مدهش حقـاً
أنا الايامات دي قاعد أعمل في بحث موسيقي عن الحاجات دي .. قوم خم لي الهارديسك الجعان حقك داك وجيب لي الحاجات دي كلها ..
والله بي صراحـة أحسن اسمع الزولة دي وما يعمل لي هارد اتاك شكر الله منو كدا ما عارف ..
اسمع إنت الزولة دي منـو الصوته بشبه لي صوت هاجر كباشي دي ..
..
واصل يا عمر في رحلة بحثك دي .. انا متابع احساسك الفني والنقدي استطيع أن أجزم لحدت الآن ولي حد كبير إنو مرات بتجيب ليك حاجات اخطر من الحاجات الجبتها هنا قبل كدا..
الاغنية لامستني في قلب ..
كتر لي من الحاجات دي .. مع السيناريو حقهـا
اريتو الما سمعه بي السناريو حقك دا .. تجيهو لوتري لي أمريكـا وفيزا فري لي كندا ..
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: حمزاوي)
|
يا يمة انا ما بنوم ..البريدو ساكن الخرطوم ..وفي الخرطوم خرطوم عموم ..
ياخ دي الأناقة الفي البساطة البيقولوها زاااااااااااااتا ..
في مجموعة كلمات كده لمن الزول يسمعا بيحس انها زي انقرضت في زمنا ده وكنا لمن نسمعها في ما مضى وتعني لينا حاجات جميييلة ..
خرطوم عموم ......ياااااااااااااه ياخ دي حاجة حنيييينة كيف..
عارف يا عمنا حمزاوي انا كنت عايز تحديييداً أقيف عند يا يمة وووب علي دي..!!!
صدقني ومن ضمن الشريط الممكن يمر بيك وانت بتسمع في الاغنية دي مشهد لي بت عايشة بي كللللللل حواسها وهاااايمة تماااما وهي ملصقة يدينا الاتنين مع بعض ووملقية نظرها على الفنانة وكأنما الفنانة بتغني ليها هي ولمن تصل لي حتة :
يا يمة انا وووب علي البريدو ما حاااااسي بي ممكن عااادي تنط وتمسك المايك من الفنانة وتقول ليها :
صحــــــــــــــي..صحــــــــــــــي والله ..
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: عمر الفاروق)
|
ياخ لما هيثم عباس
كتب :- من ياتو باب غافلني خشه
وناش قليبي ونشلو نشه
وجاء غناها محمود عبد العزيز
اليوم داك أنا عرفته الكن كوج
ومن ديك لسه بستعملو لي فهم الأغاني
ولا شغال بي ترنيم ولا محمد سيف ولا استاذ
الدرديري ولا بابكر صديق ذاتهم مع احترامي
وتقديري ليهم .
يا عمر ابو كنكوج ازيك ياخ
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: سفيان بشير نابرى)
|
تمبس يا حبوب:
ياخ فمهتها وهي طايرة والله ..
اسة كلامك ده زااااتو بيريح في الكنكوج ..
وواحدة من المشاهد ناس تمبس حايمين بي السفنجات الكرعين مخرخرة من حفير الصيوان على نقيط موية التلج وهو بيخزنوا فيهو بي النشارة والشوالات في حمام الجيران ..
والناس كلها بتسأل من تمبس لأنو عندو مفتاح البيبسي شايلو في جيبو ..
| |
|
|
|
|
|
|
|
|
 Re: الأغنية دي بتريحني في كنكوجي.. (Re: سفيان بشير نابرى)
|
Quote: ياخ لما هيثم عباس
كتب :- من ياتو باب غافلني خشه
وناش قليبي ونشلو نشه
وجاء غناها محمود عبد العزيز
اليوم داك أنا عرفته الكن كوج
ومن ديك لسه بستعملو لي فهم الأغاني
ولا شغال بي ترنيم ولا محمد سيف ولا استاذ
الدرديري ولا بابكر صديق ذاتهم مع احترامي
وتقديري ليهم .
|
... يا عمر عليك الله أنا برفع توصية لي سفيان دا .. الزول دا معانا في التنظيم بتاع التفتيش .. يعني زي ما بقولو المثقفاتية .. متمرد على اللغـة 
والله يا سفيان في نوعية كدا لو يدوهـا فرصة بتعمل حاجات خطيرة خلاص احسن مليون مرة من زحمة الكاسيت التامنها كلها امكانيات دي .. وعلاقات عامة.. وبعض من معرفـة ..
حمد الله على السلامة يا سيكـا..
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: عمر الفاروق)
|
تمبس يا حبوب:
| Quote: يا عمر عليك الله أنا برفع توصية لي سفيان دا .. الزول دا معانا في التنظيم بتاع التفتيش .. |
كلامك صاااح فعلا..الحتة الشالا نابري من جوووة الكلام دي بالجد حقت زول استكشافي غريييب..
سفيان ياخ اديناك أمين امانة المرأة بي التجمع حقنا..
تمبس ده خليهو مع البحث الشغال فيهو ده نديهو الأمين الثقافي..:)
| |
|
|
|
|
|
|
|
|
 Re: الأغنية دي بتريحني في كنكوجي.. (Re: عمر الفاروق)
|
Quote: وواحدة من المشاهد ناس تمبس حايمين بي السفنجات الكرعين مخرخرة من حفير الصيوان على نقيط موية التلج وهو بيخزنوا فيهو بي النشارة والشوالات في حمام الجيران ..
والناس كلها بتسأل من تمبس لأنو عندو مفتاح البيبسي شايلو في جيبو .. |
.. لا تهيج اشجاني يا عمر
ود عمتنا عرس ليهو زولة من الصحافـة ..
ناس الصحافة بحبو البهجـة برضو ..
تخيل الحفلة كانت بي فرقة جاز القلب النابض .. ديل احسن شباب كانو بيعرفوا يغنو .. وأحسن مجموعة كان عندهـا جهاز ساوند سستم ..
الحفلة كانت بالعصرية .. بعد العقد طوالي دورت .. العقد كان حاجة كدا مبالغة الحاج الله يديهو العافية جاب طلابو بتاعين مدرسة البوليس .. ضربو مزيكا بي نفس دا كان الفاصل بتاع اختلاط الاجيال ..
تتخيل يا عمر عماتك المشلخات ديل كان سخن ولقن ليهن فرقة كدا .. بعيدو أمجاد عجيبة جدا من سيرة السلف الصالح .. بعدين كشري وعلوب المنطقة ديك قاعدين يتحركو فيها بي حرية تامة .. كمية بتاعت بيبسي وكعك ما تديك الدرب .. رملة ناااعمة الجو بين باارد وخريف وحار وربيع .. فتقتين بتاعات خيمة واحده في أول الشارع وواحده في آخـر الشارع والما يشتري يتفرج ..
ام كان في زول ما بيعرف يرقص .. عماتك ديل لما تقرب للواحده بتشم فيها ريحـة غريبة خلاص .. لحدت الآن ما لاقتني في أي مصنع بتاع ريحة في اي مكان .. بيحـة الله ساااكت كدا.
أ،ا كان عندي مشكلة بتاعت إني اللبس بنطلون جينز اسود واللا رمادي فاتح ..؟ طبعا جني وجن الكونس .. وجني وجن البنطلون الرقعة فوقو ما تكون مظبوطـة .. 
في واحد قريبنا كدا يا عمر دا متخصص بتاع مراسم .. ما حصل شفتو ليك في اي مناسبة بتاعت اهلنـا ما كان متوتر .. هو المنوط بيهو حمل مفاتيح البيبسي .. وتطليع الصواني بتاعت اي حاجة .. وعشا الفنانين .. والتلج .. ونضيف البطاطس مع الطباخين .. بعدين انا اكتشفتو سابقا .. مش بيكون عندك زول مستهدفو من النهار كدا على اساس انو يعمل ليك الامتيازات بالليل .. يللا دا انا علاقتي معاهو كويسة .. والله كان بيديني ليك مفتاحي حق البيبسي من النهار ومفتاح الحمام الفوقو التلج زول مبسوط مني بس ..
المهم
بعدما حبوباتك وعماتك ديل اللياقة بتاعتن نزلت .. وناس فرقة البوليص شالو الكورة بتاعتم الفوقه النقطـة وهم زاتم منتشين .. أنا ما عارف الحفلة ح تكون بعداك بي منو .. اشوف ليك علوب وكشري في حالة بتاعت استنفار شديدة خلاص وقاعدين يصفقو وعلووب في الرملة ديك قلب ليهو هوووبا متعني ليك بيها ..
اسمع:
انا ح اتم ليك باقي الكلام تحت جبت لي سيرة مفتاح البيبسي إلا تشوف ليك حتة تمشي عليها .. إنت قايل مفتاح البيبسي دا ساهل ..؟
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: tmbis)
|
والله يا تمبس انا ما بكضب عليك اخوك كان من النوع اللابد الوقت كلللو لكن اوووول ما يظهر العريس وابوهو بظهر في ااااخر اللحظات وامشي ليك للعريس البيكون ما فارز اييي شي واقول ليهو :
اها كده كيف يا عريس كلو ظبط؟؟
واعمل لي حركة حركتين كده اضيييع ليك بيها مجهود الناس الكانو من دغش الرحمن مع التور وتركيب الخيمة ورص الكراسي وفي النهاية اسمع ليك عبارة :
والله ود شيخ الدين ما قصر تعععععب ..
| |
|
|
|
|
|
|
|
|
 Re: الأغنية دي بتريحني في كنكوجي.. (Re: عمر الفاروق)
|
Quote: اها كده كيف يا عريس كلو ظبط؟؟
واعمل لي حركة حركتين كده اضيييع ليك بيها مجهود الناس الكانو من دغش الرحمن مع التور وتركيب الخيمة ورص الكراسي وفي النهاية اسمع ليك عبارة :
والله ود شيخ الدين ما قصر تعععععب .. |
... لالالا إنت مهمتك ما بتنتهي هنا دا بس كلوو ظبط دي ما براهـا تااني معاها كلام ..
إنت النوع البيمشي يتكلم مع العريس في اضانو .. المهم بتقول ليهو كلام ساااي كدا إنت ذاتك بتكون ما عارفو .. الغرض الاساسي من المسالة دي إنك صاحب الزول دا .. يا بوووي حركات ناس النور دي أنا بعرفه
تعرف يا عمر:
عندنا واحد في الحلة طاشي شبكـة ..
بعدين اهم حاجة عندو في الحفلة المقطع بتاع إنو يقومو يشيلو العريس .. دي عندو بي الحفلة كلها حفلة ما شالو فوقه العريس ممكن يفرتقه ليهم .. لو ماشي ليهو حفلة نحل ساااي كدا وماف زول شال العريس .. بقوم يشيلو هو براهو
العريس زول دفعة أخونا الكبير وبعدين صاحبنا شديد .. وزول سااخر ولذيذ جدا .. وربنا يقويهو من اصحاب الاحتياجات الخاصة .. وما شغال بي المسالة دي بل بالعكس زايداهو اصرار وقوة وعزيمة ونجاح في حياتو ..
المهم انا كنت في المناسبة حقتو كزول قريب جدا ليهو .. قام اصدر لي تعليمات صارمة .. قال لي الكرسي بتاعي دا لو جا زول قرب لي انا بطلع .. نقط .. نقطك ..
قلت ليهو يازول ما عندك مشكلة ..
المهم .. لما الحفلة دخلت في المراحل الحساسة .. أنا انطلقت اشوف مصالحي .. .. وزولنا الطاشي داك اتاريهو لابد للزول دا ومسالة إنو ما يتشال دي تاعباهو .. وشايفني انا شغال تغطية كويسة ..
بلاي مرقته كدا جيت لقيتو خمك ليك الزول دا معلقو ليك فوووق .. .. كانت لحظة جميلة جدا نادر انها تتكرر لا مع زول طاشي شبكة وواحد متسامح مع الدنيا بالطريقة دي ..
انا جريت شان اكابسو ما يقوم يقع لينا بالزول دا .. لقيت العريس في حالة فرح غريبه ..
تاني يوم جاني ليك زولي الطاشي دا البيت صحاني من النوم .. قالي لي:
بلاي شفت امبارح شلت ليك العريس كيف ..؟
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: tmbis)
|
إذا التقطت يا عمر الاشارة بتاعتي الخاصة بالرملة الناعمة المفروشة اكيد ح تعرف إنو بكرة الصباح الرملة دي بتكون مليانة قشر بيض لما يجو الجماعة يشيلو الكراسي ,, والله زمان حفلة ما فيها تاني يوم قشر بيض في الرملة ولا في زول بيعترف ليك بيها ,, كان أهم حاجة تاني يوم تجي لي موقع الحدث عشان تعمل اثبات حالة ..
ياخ مرة واحد صاحبنا مشى من الموردة لحدت الشعبية وجا كلمني .. الكلام دا الجمعة الصباح طبعا ..
قال لي هسسي أنا جاي من بحري .. مشيت الصباح لقيتم ليك يادوووبك بيلمو في الكراسي .. قالي والله لقيت ليك قشر البيض كتير خلاص بلاي عاين الزول دا دقيق كيف وبينجض حاجاتو .. دي فكرة مجنونة ياخ ..
تعرف الزول دا لو ما كان مشى .. كان لحدت الآن ضميرو يكون مأنبو 
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: tmbis)
|
| Quote: قلت لي الدكاتره وكشفووووووا القلب يا يمااااا .. |
لكن عليك الله شوفتيها بتعذب يماااااااااااااااااااا دي كيف؟؟؟
انا يا يممممممماااااااااااااا :)
الدكاترة ديل يا كافي البلا فلاحتم في الملاريا لكن تاني ما بيعرفو اييييييو شي..
عينييي اناااا وحلفت بي الذمة ..
شوفتك بدووون عمممة..
ودوني للمستشفى ..كأني منخم ..
وكشف هنا .. وهنا .. وهنا.. ولقاها ما بتتسممممى ..
عييينييية انا اللوووووووم علييية ..
اسة عليك الله غلبوا يسميها ؟
دكاترة اخر زمن بس يعرفوا يلقطوا قروش الكشف..
| |
|
|
|
|
|
|
|
|
 Re: الأغنية دي بتريحني في كنكوجي.. (Re: عمر الفاروق)
|
| Quote: الدكاترة ديل يا كافي البلا فلاحتم في الملاريا لكن تاني ما بيعرفو اييييييو شي.. |
ياخ الزوله شابكاك كشفوا القلب يا يوممممااااااا ..!! تقول لي ملاريا ..؟؟
ملاريات شنو يا زول ؟؟ ملاريا الهينه دي ؟؟ البيشيلو ليها الحبوب (المحموله جوا ) ..!! خخخخخخ..
يا الله من عووومر الفاروغ البيخلينا نضرب تأميناتنا داااااااا ..!!
Quote: دكاترة اخر زمن بس يعرفوا يلقطوا قروش الكشف..
|
يكشف حالك ..!!! ويخدش حيائك ..!! لووووول (وش شمتان فيك ) ..!!!
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: tmbis)
|
| Quote: كوم شفع واقف صف قدام الفنانة دي يتلولح |
[red] ذكرتني نكتة المسطول الوقف في الحفلة لقاها نصها شفع ........
صنقر دنقر .... قال ليهم ياخي ينعل .............. انتو قايلين ده عرس ماما صفية !!!
* ماما صفية كانت بتقدم جنة الطفال لمن ناس تمبس كانو شفع.
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: omer osman)
|
والله يا تمبس اها تاني يوم العرس الصباح ده براااااهو ..
ياخ بتعرف صوت بيت العرس بي الصباح ؟؟
في اصوات كده حقت ناس ما بتسمعا الا تاني يوم العرس الصباح ..
الصوت بيجيك كيف كيف ويخش اضانك عامل كيف كيف كده وقلبك بيكون مبسوووط وفرحاااان غايتو انا مسميهو صوت العرس..:)
والعجب شلهتة النوم ؟؟؟
بالله البيشوف الواحد راقد ليهو في رصة كراسي ولا فارش ليهو قطعة خيمة ما يشوفوا لمن كان قاشر وعامل فيها مجكس احلى بت في الحفلة ..
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: omer osman)
|
يا عمــر .. انت ما سمعت ( عليش ) قال شـنو ..
ناس الأغانى الهابطة بقو يتعززو ..!!
والكلمة لا تهبط ابداً ..
انا لا اتحيز للمرأة ..
اللحن هو الهابط
اللفظ جميل
دق الباب وجانا وجريت ليهو حفيانة .. ما قصدى الخيانة دايراهو يقيل معانا ..
خدرة ناعمة وشاى منعنع .. والبعرس امو تقنع ..
اللفظ جميل ..
يتدفق عاطفة وحنان .. وترن بداخله الاجراس والاوزان ..
لكن .. !!
يحتاج لبعض الشهرة واللمعان ..
يحتاج لوردى او فيتورى اخر لنصدق ان بداخله انسان ..
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: tmbis)
|
غايتو ما نجاة غرزة عشان ما أتهم في ديني..
نجاة غرزة مين يا عمر!!!!
تعرف يا تمبس وعمر انتو الاتنين بالذات الا تجوني بالدرب...
عشان اسمعكم...البنية دي في قعدة كاملة...
وهي من شباب نجوم الغد الهسي ديل...وغنت لنا ذات الاغنية
مع اغاني اخر...اكثر جمالا وختمتها برشقتني عيونو...يا الله
وكانو بشيلوا ليها شباب نجوم الغد وانا في نصهم زي بابكر
حنين...مرات اشيل عود واعزف معاهم ومرات اشيل في الغنا
حتي قريب الفجر...ومن شدة انانيتي في مثل هذه الساعات..
جيرانا ابيت اديهم خبر بالقعدة دي...ولا زول...وقفلت البيبان
والطاقة...وغزيت ليهم الساوند في نص الصالة...واوغن خطير
وعود زي عود محمد الامين...كل مسجل...وبتاوق ليه متاوق...
مع انهم قالوا لي انشر...الغناء ...
وقعدة تانية بي سارة النور...وبدون مايك ...ياها زاتا سارة
النور...غايتو الاجازة الفاتت دي غير القعدات ما سويت شي..
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: nazar hussien)
|
جنابو عمر:
تمبس ده بالمناسبة ساكن جمب ناس ماما عشة ..
تلقاهو كان من نوع الشفع المعاطين ديلك وكل يوم وهي طالعة يديها ليك ورقة مرسوم فيها قطية وشجرة وشمس بين السحب ملووونة بي علبة الأولان الفيها بت صينية ديك ولون العلبة اخدر :)
غايتو انا ماما إيناس لحقتها ااااااخر اياما :)
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: عمر الفاروق)
|
والله يا داليا نحن من شدة ما تشابه علينا البقر بقينا ما فارزين دي حبوب ولا كاس مانديلا .. :)
اما إن دار محور سؤالكم عن حيائنا فنبشركم بأنه مخدووشون مخدوووشووون مخدوووووووووووش ياااااا ولدي..
ان شاء الله ما ينخدش ليك عزيز يا بتي..
بالمناسبة عيبي لي شيكان دي ..
| |
|
|
|
|
|
|
|
|
 Re: الأغنية دي بتريحني في كنكوجي.. (Re: tmbis)
|
حفلة بالنهار وبي جاز القلب النابض ..؟
دي عاملة زي زمااان لما يصفقو ليك في الطابور الصباح .. .. بالمناسبة فرقة جاز القلب النابض دي ما معروفة وين حسع دي .. لو في زول قرا كلامي دا يرقعني بي ملف إن شاء الله واحد للشباب ديل ينوبو عني ثواب .
حسع ناس القلب النابض ديل لو كانو قاعدين + جاز الديوم والله ناش شكرا الله وخلف الله والصحوة ومين ما عارف ديل إلا يغنو ويمدحو في الكونفدرالية.
الشباب ديل ضربو مزيكا خرافية .. والأخرف من كدا إنو كل الناس الكانت في كانت بتغني معاهم .. كشري وضيق وعلوووب عملو حركة ما انساها .. بعدما رقصو وفترو من الرقيص كانو قاعدين في الووواطة قدام المسرح قعدتم ذاته كان فيها حركة .. طبعا هم حافظين حفظ شديد .. فجأة في نص اغنية كدا .. قام بتاع (الترامبول) ضرب ليهو نغمة طويلة كدا .. مط معاها العتلة حقت الالة لي قدااام وكانت واضحة شديد .. التلاتة ديل فجأة قامووو دفعة واحدة مع النغمة من الوااطة متابعين النغمة وقعدو مع نهاية النغمة بي طريقة احترافية خاالص .. ما كمان حافظين.
المهم في المسالة عماتك الكبار عملو انسحاب تكتيكي بقن شغالات وصف بس .. الجكس كان بي نفس السيناريو حقك المصاحب للاغنية لكن بيفرق بي إنو في واحدات ما لحقن يخلصن المسالة بتاعت الكوفير .. يعني جن بي (الرولات) في الشعر والمقررات كانت ساهلة جدا ..
لكن الشاهد في الأمر إنو اليوم داك بالذات كان عندي مفتاحين بيبسي في جيبي ..
ما عكر صفو هذه المناسبة إلا زولة حقاره كدا كشحت فيني جك بتاع موية بااردة وفيهو تلجـة .. اموووت واعرف لييه بس
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: tmbis)
|
| Quote: ما عكر صفو هذه المناسبة إلا زولة حقاره كدا كشحت فيني جك بتاع موية بااردة وفيهو تلجـة .. اموووت واعرف لييه بس |
بتكون انت جيت ماري قدام مسار الموية المكشوحه انذاك 
انذاك دي بالمناسبة شايله لي اسبوع داير اركبه في حته 
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: tmbis)
|
| Quote: ما عكر صفو هذه المناسبة إلا زولة حقاره كدا كشحت فيني جك بتاع موية بااردة وفيهو تلجـة .. اموووت واعرف لييه بس |
أها النقول ليك انا ..
ما روووق صفوك وصفو هذه المناسبة الا الزولة الحقارة الكشحت فيك الموية بي التلج دي ..
والله تلقاك بعد داك حبيتا زي سنتين وما بعيد دي تكون الزولة زااااتا القلت بتاع النظام العام عمل بيها معاك شبكة في شارع النيل :)
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: nazar hussien)
|
هووي يا جماعة ادوني الفاتحة انا طالع .. البوست دا مهم جدا لانو بيعكس صراع اجيال ..
كان الله حيانا بنتمو .. ناس فيصل الرشيد وجنابو وداليـا .. برجع ليكم بي مزاج .. يانزار ياخ ما تخلي حركات السادية بتاعتك دي ونزل لينا من الحاجات دي .. والله نحن نجيك هناك نقلعك عدي كدا ..
النبي فيك نزل ..
يا جماعة البيعرف حاجة لي ناس القلب النابض ينزله لينا هنا دا
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: عمر الفاروق)
|
ياتامبا
ياخي قبل يومين سمعت اغنية بتقول مشيت الصيدلية من الالم العليا
طوالي جاني انزلاق في الترقوة وحبس بول
انت العيانين بقوا يباصوا الدكاتره وتوووش علي الصيدلية ولا الاغاني عكس الواقع وواقع الله مابترفع
الاغنية مهداة اليك مباشرة اظنها سمعتها بي صوت صاااحبك
ارقد عافية
زاتوووو
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: haroon diyab)
|
الصوت مبالغة بالجد يا عمر ..
لو متذكر أنا كنت نزلت غنية بتاعت بنات في واحدة من البوستات وحلفت في البوست زاتو إنو الصوت داك فيهو كمية من الشجن غير موجود في الاصوات المتوافرة في الساحة السودانية ..
الفنانة اظن كان إسمها بثينة .. والغنية إسمها (مغارز الدنيا) .. والبوست موجود في المكتبة ..!
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: ناذر محمد الخليفة)
|
Quote: ياخ دي اغنية مصورة عدييييل كده واي زول بيسمع فيها يبدو لي في مخيلته بتتحول لي فيديو كليب ..
حفلة في وسط الأهل والحبان مع عدد لابأس به من الضهب واقفين مربعين يدينهم ..
اصوات متداخلة بين كوراك مرا واقفة وشايلة ليها شافع في صفحتا وفردة الجزمة واقعة منو وهي بتقول لي بتول عليك الله اديني جزمة الشافع ده وما بين ضربة في كتف شافعة حايمة في النص أجججري جري قولي لي عواطف الحفلة بدت ..
مجموعة بنات ملمومات في اوضة ماف بيناتهم اي سابق معرفة سوى قلم الكحل واحمر الشفايف ..متاوقة من بين الشبابيك واستعجال في الطلوع ..
واحدات عاملات ستات البيت وما هاميهن الغيار مكتفيات بي الجلابية الوسخانة مع ابتسامة حقيقيييية وفرحة غير مصطنعة وهي تحضن اول زول تلاقيهو من اخوان العريس وتدعي ليهو ان شاء الله عقباااااااااااااااالك ومبروووووووك لي اخوووك ..
كوم شفع واقف صف قدام الفنانة دي يتلولح وساحة فاضية وكراسي لسة ما اتملت ..
صفوف خلفية من بعيد فيها اولاد الحلة داك فاتح زراير القميص وداك يبخبخ في السجارة وواحد بيأشر لي واحد من بعيد بدون ما يتكلم في إشارة لي جيب سفة ..
ركشات وعربات تقيف كل شوية قدام الباب وينزلوا منها ناس ما بين نسوان بيصلحوا في التياب بعد النزول وما بين بنات بيسمحن بي المناديل وما بين شباب بيحاسبوا في بتاعين الركشات وهم مستعجلين الدخول.. |
عمر يا ديجيتالي
كلامك صاح 100%
صوت في منتهى العذوبة .. و الأغنية تدخل الدماغ
كنكوجك دة جنب البطين الأيمن و لا الشريان التاجي ؟ ( وجه ماخد جلكوز )
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: ابو جهينة)
|
عمر الفاروق ..
تحياتي ياصديقي ..
تجدني من الذين ينحازون إلى أغاني البنات .. ومرد ذلك إلى فنانة عطبرة نادية بخيت متعها الله بالصحة والعافية عندما رمتنى ذات حفلة بهيجة .. بمقطع ذكي .. هز قلبي .. وجيبي .. فأمطرتها بورقة فئة الألف جنيه وأنا ذلك المغترب القادم من صحراء نجد .. حيث في ذلك الزمن البعيد قبل أكثر من 15 عام .. لم تكن هنالك عزة السودان .. ولا الصالحية .. ولا بورداب سودانيز .. فكنا نعاني من شح في الأغاني والحفلات .. حيث كان مسارنا المنزل الكفيل .. وبالعكس .. ولايشفى ظمأنا سوى برنامج مسرح المشاهدين ..
المهم المقطع يقول ..
زولي الوحيد مابخلي ..
الدنيا عيد مابخلي ..
خالد سعيد مابخلي ..
أنا زولي دا أنا زولي دا مابخلي ..
لها التحية ولكل الماجدات الذكيات الذين يعلمن حوجة المغترب إلى أغنية تطفئ النار التي يشعلها بداخله جهاز المغتربين ..
تحياتي،
أخوك/ ألأرباب
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: omer osman)
|
تقريبا ما في حاجه اسمها اغنيه هابطه .. ايقاع وخفة الحياة السريع فرض على الناس
تألف اغاني خفيفه وسريعه حسب مجريات الحياة .. لانو حاليا الفنان او الفنانه بكون
ببدأ الاغنيه وهو ساكن في ام بده من تلاته كوبليهات .. بتسمعها مغنيه جديده في صقط
لقط بتغنيها باضافة كلمات جديده او احيانا كوبليهين تلاته جداد وبكده بتتمدد الاغنيه
لانه اذا رجعنا لورا بنلقى في فنانين كبار غنو اغاني فيها مفردات هابطه اذا افترضنا انو
في حاجه هابطه اصلا
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: احمد الدسكو)
|
زماااااااااان يا تمبس كنا في خلا ..
برامجنــا إجتهادات رزق اليوم باليوم ..
كملنا شرايط الفيديو حقت المحلات الفي أقرب مدينة لينا ( القضارف ) ..
أها كان مدير المعسكر بحب الونسات وما زول أيِ حاجة غير الونسه ..
الدنيا كانت مليانه ( شامبيون معدل ) حولنا ..
أها صاحبنا المدير يقوم يشتري شامبيون معدل من النوع الفاخر وينادي واحد صاحبنا مطموس كده إسمو عايز ويختوا ليهو قدامو مع طبق البيض ..
وشوية شوية الضحكات يطلع صوته من سماحة ونسة عايز بعد ما يضوق الشامبيون المعدل ..
.
.
.
أها أنا يوم كده بشوف لي ( شامبيون معدل ) وبعزمكـ ..
واقعد أَضحــــــــــــــــــــكـ ...
ياخي بتمتعني بي ذكريات حفلات الحلــــه ...
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: عمر الفاروق)
|
اصعب حاجه تاني يوم العرس هي الحصول علي كباية شاي لبن مع زحمة الناس الراقده واطه والحريم البعملو الشاي وبسقو اولادهم قبال الناس الكبار
وتكون محظوظ كان لقيت ليك رغيفه مع الشاي
وتكون الله راضي عنك كان لقيت ليك مع الشاي حتحات بتاع كعك
وتكون نايمة معاك نوم كان ادوك الشاي في كباية شب او برطمانية المربه لانه الكبابي كلها ادوها الناس الكبار
ويكون يومك اسود كان قالو ليك قدم لينا خالاتك ديل السوق الشعبي لانهم ما راجين قطع الرحط ولازم يسافروا هسع
ويكون يومك اغبر لما تمش معاهم الزلط عشان تركبهم ومعاهم الشفع وخمسه وتلتين شنطه في حافلة مواصلات عامة
| |
|
|
|
|
|
|
|
|
|
Re: الأغنية دي بتريحني في كنكوجي.. (Re: nazar hussien)
|
تعرف يا ناذر انا كنت عايز أنزل حاجة لي بثينة دي قبل ما انزل الاغنية دي ..
الناس ديل عندهم تطريب غرييب ..
والله لو ما خايف البوست ده يلحقوهو امااات طه عندي تعبيير بسييييط وواااضح بيلخص الحاجات دي ..
عرفتو مش؟ ياخ لمن يقولوا ليك غنااااااااااااية ..:)
| |
|
|
|
|
|
|
| |
عمر الفاروق
ناصر احمد الامين
tmbis
سفيان بشير نابرى
Faisal Elrasheed
Hussein Mallasi
احمد الدسكو
داليا الكباشى
omer osman
humida
nazar hussien
Rihab Khalifa
Mohd Ibrahim
د.محمد حسن
ALZOLZATOO
haroon diyab
ناذر محمد الخليفة
ابو جهينة
Khalid Saeed
عمران حسن صالح
فيس بوك
تويتر
انستقرام
يوتيوب
بنتيريست