حبيبنا الصحفي الهلالي خالد عزالدين إحتار في تسمية فريق العرضة جنوب بعد أحداث مباراة مازيبمي الشهيرة ونحن بدرونا نقول للحبيب خالد لقد حسمنا الإسم وضبحنا ليهو عديل كده ( مازمبيخ ) السوداني ودا الإسم المناسب لضلنا في العرضة جنوب بعد وقفتهم القوية مع فريق مازيمبيخ الكنغولي وخروجهم للشوارع والفرحة تملأ جوانحهم وهم يفوزون على سيد البلد شامتين غير مصدقين خروج سيد البلد من المنافسة وبالطبع عدم نيل كأس هذه البطولة المحببة .. أهل العرضة جنوب يهتمون بسيد البلد أكثر من إهتمامهم بفريقهم ( الضل ) لأن قوة الهلال تعني الدمار الشامل لهم لذلك يسعون بشتى السبل لإعاقة مسيرته وتتعدد الوسائل في ذلك .. والحملة مردها لأعلام الضلال والتخدير والذي ضلل ( الضللة ) وصور لهم بأن فريقهم أصبح برشلونة وبشرهم بفريق الأحلام ( الدريم تيم ) وأن لاعبيه لا يقلون عن ميسي وكرستيان رونالدو في شي وأن الفريق بمن حضر وأي 11 لاعب يمكنهم أن يهزموا أعتى فريق في العالم ولأن اعلام التخدير يجيدون هذا الفن تماماً فقد صدقهم جمهورهم المسكين وأخذت أحلامهم تتضاعف ويمنون النفس بمشاهدة فريق يزلزل الأرض ولكن تمخضت كل هذه الأحلام فولدت ( ضلاً ) وقف ما زاد .. في نفس الوقت صور اعلام التخدير فريق الهلال سيد البلد بأنه حمل ضعيف لا يقوى على الصمود مع أضعف الفرق وأنه لا محالة خارج من مولد البطولات هذا العام بدون حمص .. تحدثوا عن دفاع الهلال المتهالك فسجلوا ريتشارد وهم السبب الرئيسي في شطبه من الفريق بحجة ضعفه وكبر سنه تحدثوا عن ضعف هجوم الهلال فسجلوا كلاتشي بأن أغروه بالمال .. نعم الهلال بدأ من الصفر وأعاد صياغة وتوفيق أوضاعه في صمت يحسد عليه لا مزايدات ولا مكايدات ونالوا ما أرادوا .. ماذا فعل أهل الضل في العرضة جنوب سجلوا وارغو بمبلغ يفوق تخيل المسكين بين مصدق ومستعجب من هذا البلد الذي يلعب 99% من لاعبيه هواة غير محترفين لكرة القدم ولحقه كلتشي وأعادوا إيداهور بمبالغ خرافية والنتيجة تعادلات بالكوم وفريق مهزوم .. نعم فريق الدريم تحول لفريق الدرون فقد نال الفريق حظه من التعادلات كسابقة لم يسبقه عليها فريق ، في هذا الموسم وفي مسابقة الدوري العام تعادل الفريق خمسة مرات حتى الآن وكان نصيبه ثلاثة نقاط من ثلاثة تعادلات في دوري المجموعات لأبطال أفريقيا .. ماذا يجني فريق المريخ من الهتيفة والمخدارتية سؤال يحتاج لإجابة من محبي هذا الفريق .. هنالك علة في فريق المريخ لا ينكرها إلا مكابر ولكن إدارة الفريق واعلام التخدير لا يريد أن يعترف بهذه العلة لكي يجد لها العلاج حتى ضاق بجمهور الفريق وأصبح يهتف ضد لاعبيه وإدارته ووصل الحال لرميهم بالحجارة هذا خلاف التغييرات المتكررة لأجهزته الفنية كحالة إسعافية لإسكات الجمهور وكبش فداء لحالة الخلل التي أصابته .. لا أحد يستطيع أن يتحمل المسؤلية ويقول الحقيقة ويملكها للجمهور وكل المبررات تعود لواليهم فكلمته لا راد لها فهو أصبح المريخ وأصبح المريخ الوالي لدرجة تقلده لمنصب أمين الكرة وعادةً ما يكون هذا المنصب لقدامى اللاعبين أو مدرب يكون قريب من اللاعبين ويعرف نفسياتهم وطلباتهم ..
ما يجي واحد يقول لي نحن أصحاب الكأسات المحمولة جوءً .. لأني ساعتها سأضحك ضحكاً شديداً
10-31-2009, 04:12 PM
ياسر بيناوي ياسر بيناوي
تاريخ التسجيل: 05-18-2009
مجموع المشاركات: 4905
لا ومدربهم الجديد لسه ما عارف الشغيل من بله جابر يقول ليك نحن لسه ما بنرمي المنديل .. الزول دا أدوهو رأسه قولوا ليهو بطل تصريحات وشوف علة فريقك وين وعالجه .. أما أخصايين التخدير ديل فكلامهم براه مواصلين في تخديرهم يقولوا ليك لاعبينا مصابين وكلام كتير كده .. طيب الـ 11 لاعب من شاكلة إنيستا وشافي ومايكون أحسن ظهير أيمن في العالم ديل لاعبين في دوري الحلة ولا كيف ..
غايتو تاني نحن أصلو ما سألنهم يا ياسر .. خليناهم للقدرهم بس يختونا كده ولا كده ..
هاك الدرون دا ..
10-31-2009, 04:59 PM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
ابو عمر (الصفرابي) الله انا جد زعلان من عمران كان طلبت منه يرسل لي وشوش ضاحكة ولحدي هسي ما رسلها عليك الله ما كان نفعتني في البوست حقك دا؟ تحاتي والله اكان خايف التسمية الفوق دي تجيب لك الهوا باكر يصنفوك قيادي بالقاعدة
10-31-2009, 05:19 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
عليك الله الوشوش الضاحكة دي تعمل بيها شنو .. ياخي درونات ساي السنة دي تخليكم تشدوا ليكم خيمة للبكاء في الصقيعة دي .. الضاحكين ليها شنو عليك الله .. ضحك في البرد دا .. فريقكم شغال درونات ولاعبينكم ما قادرين يحافظوا على إنتصار جاء بشق الأنفس .. هسي نحن ندردق ليكم في الواطـة دي ولا نعمل ميتين ..
غايتو نحن من ضربة الحادي عشر من سبتمبر على يد الإرهابيين ديمبا وعمر بخيت وإيفوسا الحوسة ما عندنا معاكم شغله تاني .. نحن نعرف من وين نرهبكم ونخوفكم .. أها 30 نوفمبر معانا ولا بتكبوا الزوغة من هسي .. الشي العارفو إنو ناس الباشا ماسكاهم الجرسة وراقدين سلطة .. أما سفاري داك لي هسي ماسك رأسه ورجليه والحمى أبت تنزل منه كلو كلو .. أها ريتشارد ولدنا قال رجعوني محل ما جبتوني أنا لا بقدر على إمبيلي ولا سادومبا .. وسا شنو سا سادومبا ..
أها ما حكيت لينا عن الدرونات حقتكم دي .. عشان على الأقل نكلم ليك عمران دا يديك وشوش ضاحكة غيتو صاحبي أساسي داك بعد ما أقنعو المكنيكي قال المريخ دا ولا بتشجع ولا حاجة .. دي براها مانشيت الموسم ياخ ..
أبقى طيب يا حبيب ..
10-31-2009, 05:01 PM
خالد عبد الله محمود خالد عبد الله محمود
تاريخ التسجيل: 11-28-2004
مجموع المشاركات: 5393
غايتو جماعتك ديل شغالين تعادلات ساي السنة دي .. المصيبة والمضحك المبكي لي هسه قاعدين يتفاصحوا .. وقال أيه لسه ما ح يرموا المنديل .. منديل في البرد دا .. غايتو نحن زمان مناديلنا دي أصلو ما بنرميها .. ياخي ديك مناديل برموها أنا غايتو مني من الضللة ديل طوالي برمي المنديل .. لأنو المنديل دا لي يوم 30 نوفمبر ح يروح فيها ساي .. والمصيبة كلها يحولوها للمنديل المسكين دا .. منديلي راح مني والشالو ما يتني ..
تحياتي يا حبيب ..
10-31-2009, 05:43 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
Quote: أضحكـ من أسه يا عمكـ لأنو هي فرمالة واحدة مافي غيرها ..
خالد العريس .. منور يا حبيب ..
إنت عارف يا خالد المضحكني أكتر .. مدربهم الجا أمس دا قال منتظر الهلال يخسر في بقية مبارياته .. وإنو ما ح يرمي المنديل .. أظنه أمس بكون رماهو عديل كده وكلامه القاله دا لحسه عليه .. وبعد دا كلو يجي المخدراتية يقولوا ليك الزعيم .. جماعتنا ديل بكونوا هسي كل واحد مشى إشترى ليهو منديل نوع المطرز داك يا حبذا لو كان مطرز بي نجمة في طرفه .. عشان الواحد يقعد الليل كله نجمه نجمه الدرون نعده .. درون في المطر دا .. هسي عليك الله الدرونات دي عايزه ليها لاعبين بي تلاتة ونص مليون دورار .. ومؤتمرات صحفية ورعاة .. ياخي دي ناس ولدنا مجاهد براهم بجيبوها .. لكن البقنع الضللة ديل منو ..
لك التحايا والسلام ..
10-31-2009, 05:14 PM
Mahmoud Mustafa Mahmoud Mahmoud Mustafa Mahmoud
تاريخ التسجيل: 11-26-2004
مجموع المشاركات: 4325
ابو عمر والله انا ما عارف انتوا الفرحانين ليها شنو؟ الممتاز؟ جديد عليكم يعني؟ هل ازال عنكم (الصفر) الممتاز دا ما بيزيل الصفر على وزن المثل القلم مابزيل بلم!!!! حتسووا شنو يعني حتمشوا تلعبوا في ابطال افريقيا وتتلطشوا زي الله ما قال غايتوا الا مازيمبي دي تقع به طيارة بالمناسبة دي انتوا جبتوا لينا بدعة جديدة اسمها الهزيمة بالخمسات من شرق ووسط افريقيا بعد ام كان احتكاركم هذا حصراً على شمال افريقيا يعني زي المقاولون والترجي وهلم جرا . اما نحن فناس الكونفدرالية بننصحهم من هسي يشوفوا ليهم شغلة غير الكاس لانه سيده معروف. لمن عمر يعرس اكان جبتوا ليكم كاس خارجي احلق شنبي دا بمروة.
10-31-2009, 09:10 PM
ismeil abbas ismeil abbas
تاريخ التسجيل: 02-17-2007
مجموع المشاركات: 10789
الهلال دا حبنا وعشقنا الأبدي .. بعدين أخوانا الضللة ديل مافي ما يمنع نديهم النصيحة ونقول ليهم الحقيقة إذا كان نأسهم ما بقدروا يقولوها .. الناس دي رقبتهم معووجة لكن واحد عايز يعترف بالحاجة دي مافي .. نتائجهم تشهد عليها أفريقيا كلها ويجوا يقولوا ليك الصفر الدولي ومازيبمي والخمسة .. عليك الله تلاتة نقط نقط نقط جوا مدلدين بيها يديهم ولسه لسناتهم ممدودة .. مافي فريق في الدوري الممتاز ما إتعادلوا معاهم ولسه يقولوا ليك ما بنرمي المنديل .. منديل في البرد دا ..
تسلم يا حبيب ..
11-01-2009, 10:59 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
منو القال ليك فرحانين يا محمد .. نحن بس بنضحك عليكم .. كل سنة نفس الأسطوانة .. بره ما عندكم حاجة .. الصفر الدولي .. والمحلي نازل عطبرة .. أها لمن نجيكم في المحلي دا الجرسة بتحصل .. هسي عليك الله تيمكم دا غير الدرونات عنده شنو .. السنة كلها شغالين تعادلات .. طيب فائدة القروش البتدفعوها في لاعبين غير التعادلات ما عندهم حاجة .. يا محمد أخوي أحسن ليكم تختو درب الهلال دا وتشوفوا فريقكم ماشي على وين .. صدقني كده ما بنصلح حالكم لأنكم خاتين الهلال قدامكم وقس على كده .. فريقكم مليان مشاكل وبالكوم والجملة كمان .. أبدأها ليك من الإدارة فوق لغاية أصغر لاعب عندكم عنده مشكلة .. بدل المكابرة أقعدوا في واطـة الله دي وحلوا مشاكلكم .. أما نحن ديل خلونا في صفرنا دا إن شاء الله نجيب عليهو صفر تاني .. بعدين الدوري الممتاز دا عيبو لي .. خمسة سنوات قاعدين تساككو فيهو لمن روحكم مرقت .. والله السنة الفاتت لو ما شلتوهو كان إتفرتقتو ..
Quote: بالمناسبة دي انتوا جبتوا لينا بدعة جديدة اسمها الهزيمة بالخمسات من شرق ووسط افريقيا بعد ام كان احتكاركم هذا حصراً على شمال افريقيا يعني زي المقاولون والترجي وهلم جرا .
أها دا المضحك المبكي زاتو يا محمد .. إنت قايل التاريخ دا بتنسي .. قول لي سان جورج دا في أمريكا الجنوبية .. حتى ولو مرت عليها عشرات السنين تظل هزيمة وهزيمة كبيرة كمان .. خلينا ما نتكلم عن الهزائم .. شوفوا علتكم وين وحلوها ونحن برضو ما بنقصر معاكم ..
Quote: لمن عمر يعرس اكان جبتوا ليكم كاس خارجي احلق شنبي دا بمروة.
إنتو قصة الحلاقة شنو القايمين فيها اليومين دي واحد عايز يحلق فردة شنبو وإنت عايز تحلقو كلو .. وواحد عايز يحلق صلعة ومره مره كده واحد قال بلبس رحط عديل كده .. الكلام دا بعدين كلو بتلحسوهو .. صدقني يا محمد الهلال دا ح يشيل كأس الأبطال قريباً وقريباً جداً .. لأن أهل الهلال يعملون من أجل الفريق وأياديهم ممدودة لبعض .. وعلى مستوى الفريق هنالك قيادة وهنالك ريادة وحب وإحترام متبادل .. ولأن قلبهم على بعض وعلى الفريق والنادي .. دي إنتو ما عندكم .. حاجاتكم بقت كلها قروش في قروش .. والقروش يا صديقي بتضعف النفوس ..
ح أجيب ليك كلام الوالي في الإذاعة الرياضية يوم أمس شيل الصبر ..
11-01-2009, 10:33 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
Quote: ولنا في ريال مدريد أسوةُ حسنة.. لاقاك واحد من أنصار ريال مدريد انقلب برشلونابي لا سمح الله؟؟
ريال مدريد مره واحدة كده .. زمااان ما قلتو برشلونة .. هسي بقيتو بشتنونا ..
نحن حكاية شلتو كأس دي ما سألنكم فيها .. بس إنتو ما عايزننا نشيل كأس ليه .. الحقد ليكم شنو .. قبل كده قلنا ليكم أختو درب الهلال دا لأنكم ما بتلحقوهو .. غايتو يوم ما نجيب كاس الأبطال دا كأساتكم دي إلا تعملوها كاسات شراب ساي بعدين نحن ما قلنا ليكم غيروا من مازيمبيخ العرضة جنوب .. عليك الله أمسكوا فيهو قوي .. بس ما تفرحوا لفرح غيركم .. حقكم جيبوهو براكم .. أها الما بخلينا نضحك هسي شنو ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معتصم دفع الله
ياسر بيناوي
محمد عمر الفكي
خالد عبد الله محمود
جمال السنوسي
Mahmoud Mustafa Mahmoud
ismeil abbas
فيس بوك
تويتر
انستقرام
يوتيوب
بنتيريست