|
Re: عدتُ الى المنبر لابشر ... في عرس اي منبرجي/جيه (Re: داليا الكباشى)
|
وليد سلامات شوايفه العرق الجلابي قايم عليك وفاتح لي انتظرني يا مستهبل.
اها انا جبت اسمك في قطيعه قلت ل(دوما) ناطه لي في حلقي عشان قلت لندن شينه قلت لها ما قالها وليد المبارك وقالتها سودانيه اشمعنى انا عايزه تبليعني لساني؟؟!!
اها يا اخوي بشيرك ده حدده لو للرجال البدبلوا في نسوانهم انا كجندريه من حسه ما معاك؟؟!!
| |
|
|
|
|
|
|
Re: عدتُ الى المنبر لابشر ... في عرس اي منبرجي/جيه (Re: Tragie Mustafa)
|
تراجي يا فرده ياخ اخبارك واخبار الوليدات ان شاء الله عافية
بدين ياخ البوست ده انا ما عاملوا ليك شرك جيتك في واحد من بوستاتك على الماشي كده شايف النحل ملموم فيك يا ورده ( هسع عليك الله ما بعرف اشاغل اخير من المعارضين )
والله يا تراجي لندن شينة شنا .. بس شارع الجمهورية لا اكتر ولا اقل كدي رسلي لينا زيارة نشوف تونتو ولا بدكم ديك كيف السمحة كاردف حلوه وحنينة
Quote: انا كجندريه من حسه ما معاك؟؟!! |
معقولة يا تراجي وانا هسع قافل عليك تفتحي الموضوع انت وتشاكلي اي زول بقول بغم وتقول ليه ما حقو والله محلل ليه اربعة
هاهاهاهاهاهاهاهاهاهاهاها
سعيدين بي جيتك
| |
|
|
|
|
|
|
Re: عدتُ الى المنبر لابشر ... في عرس اي منبرجي/جيه (Re: وليد محمد المبارك)
|
Quote: شينات ذاتها ما بتمنع العرس ي عمر |
مش السكران كان مشمع في البص ومع الزحمة ديك دقش في البت القدامو وقاااامت كده البت قبلت ليك عليهو وكوووركت: ده شنو ياااااا قليل الأدب يا تاافه ها السكراااااااااان ده .. لمن عاين ليها كده ولقاها شينة قال ليها: انا هييين سكرتي دي بتفك بعد شوية ..إنتي شناتك دي بتفك بتيين ..
| |
|
|
|
|
|
|
Re: عدتُ الى المنبر لابشر ... في عرس اي منبرجي/جيه (Re: عمر الفاروق)
|
وليد يا شفت
Quote: والله يا تراجي لندن شينة شنا .. بس شارع الجمهورية لا اكتر ولا اقل كدي رسلي لينا زيارة نشوف تونتو ولا بدكم ديك كيف السمحة كاردف حلوه وحنينة
|
يديك العافيه،كارديف فعلا وادعة وجميله،اليومين ديل،برد مبالغة،يعني لو زول زعلك،بس تقول ليهو الله يسامحك لانو يديك مكنكشه في جيب البنطلون طول الوقت. بعدين ياشفت لندن دي ومعاك تراجي مالكم عليها جوالتكم فيها كانت فيsouth and east الشي الباينه لي لندن هيwest حيث مدينة اخري وانجليز اخريين. معليش المره الجايه لو كابتن كابو رجع،عازمك مباراة في الامارات،وان شاءالله تكون نهايه الشهر دي عشان تحضر تجضيم البلوز من الغنيرز. وابشر ياشفت،هسه عمك ريتشارد ما احسن منو برير باك القيامه بتاعنا. مودتي
| |
|
|
|
|
|
|
Re: عدتُ الى المنبر لابشر ... في عرس اي منبرجي/جيه (Re: وليد محمد المبارك)
|
Quote: شينات.. الأسباب التانية دي ما أظنها بتمنع العرس ... |
لالا ده كلام ما صحيح.. لانه فيهن واحدات سمحات شديد حتي والجمال نسبي.. ووبرضه اذا في شينت فماهن شينات شديد..وبرضه الشنا نسبية.. وعلي كل حال واضح انك ما مستبعد الصفات التانية وذلك لكلمة الظن الجات في اجابتك..
اها وبعد ده له ممكن نجيب ليك عرس كام بوردابيه في عشر مدة الارشيف التي ذرتها (مية ارشفه)
| |
|
|
|
|
|
|
Re: عدتُ الى المنبر لابشر ... في عرس اي منبرجي/جيه (Re: وليد محمد المبارك)
|
يا منى إنتي مالك عايزة تقووليني كلام انا ما قلتو ومصرة تجرجريني لي كلام شكلك عايزة تسمعيهو مني بي أي طريقة ليي ما عارف !! في البداية جيتي براااك وختيتي تساؤلات وشكوك عشعشت في راسك انا لا من قريب لا من بعيد قلتها براااك جيتي رصيتي ليك زي طفشطاشر خصلة تمنع عن العرس برااك جبتي سيرة الادب والشكل ولجهل والاحترام والشناة .. من اللستة دي كلللها وبي كل وضوح جاوبتك لا قللتو لا كترتو واخترت من بين ضع خط تحت الاجابة الصحيحة وانا جريت الخط تحت الشناة .. انتي الاستاذ وانتي البتصححي شايفة اجابتي غلط صححيني وقولي لي حلك غلط بس كمان اديني الاجابة الصحيحة وما تنسي لااازم تجاوبي من الخيارات دي وما تجيبي ليك خيار من برة طالما انو اجابة شينات دي غلطتيها .. بالمناسبة مش انتي قلتي نسبي دي؟ اها والله دي احححسن كلمة انتي قلتيها ووفرتي بيها علي وعليك الكلام .. انا نسبي بتاعتي شينات !! اها دي حاجة بتخصني انا مش؟ انتي كمان عندك نسبي حقتك وشايفاهن سمحات ودي حاجة بتخصك انتي مش؟
Quote: اها وبعد ده له ممكن نجيب ليك عرس كام بوردابيه في عشر مدة الارشيف التي ذرتها (مية ارشفه) |
موافق مع إنك عملتي ليك مراقة حلوة وعرفتيها وقلتي كام وليس كاااااااام .. شدي حيلك والله يعينك على البحث وهاك بعض الكلمات للبحث في قوقل : زواج برودابية .. بوردابية تتزوج في سودانيز اون لاين .. الزواج في سودانيز قبل الأرشفة .. عرس البوردابيات السمحات منهن والشينات.. بوردابية عروس.. والخوف بعد ده كلللو يقوم قوقل يقول ليك في السطر الفوووق داك : هل تقصد زواج أردنية؟
| |
|
|
|
|
|
|
|