|
|
|
 Re: القبض على الصحفية لبني احمد حسين مرة اخري ...! (Re: HAIDER ALZAIN)
|
Quote:
الناس دي ما ناويه تعقل؟؟؟ |
تعقل شنو عليك الله..!! خلاص بقت علي الناس ديل.....
لبني من الافضل لها أن تعقل و تترك البطولات الوهمية لانهاأصبحت لعبة بايخة ومكشوفة أصابت الناس بالملل وتسببت في الازعاج العام...
Quote: ومن قام بالقبض عليها لا ينتمون للمباحث ولا الشرطة النظامية ..
بل يرتدون الزي الملكي حسب إفادة الصحفي الاخر عبد المنعم بيجو المتواجد الآن بالقسم
وكان مشاركاً بالتحقيق جوار فندق امبريال ..
|
بيجو شنو ودفار شنو...لو عندك شهادة أخري من شخص موثوق فيه يكون أفضل..
دا شخص صاحب غرض وشهادتو مجروحة..
| |
 
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: ايهاب اسماعيل)
|
اخونا ايهاب اسماعيل ..
منعم بيجو عندي محل ثقة اكتر منك ..
عندك ما يفيد بنفي الخبر مدنا به
ماعندك يبقي مافي علاقة بين التصوير والازعاج العام ..
لو شايف إنه المناصرات الطلعت لرفض قوانين النظام العام هي الإزعاج يبقي اخير تخت قطن في اضنيك
لانها يا ماحاتطلع مظاهرات لو دا سلوك اهل الانقاذ..
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: Tragie Mustafa)
|
مرحب يا تراجي مصطفي .. وربنا يصبحك بالخير ..
ما ظنيت في خير الان في البلد دي .. طالما تكميم الافواه والحريات مستمر
مرة بنطلون ومرة خدش حياء عام ثم اثارة غرائز جنسية .. غير التكفير المدور بالبلد
والان تحقيق صحفي اصبح يُمثل إزعاج عام ..!!
فخليك متعجبة كدة لغاية ما تصحي ..
تقديري
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: HAIDER ALZAIN)
|
الاخ حيدر تحياتي
الاخت لبني لم يقبض عليها ، وجدها مجموعة من الأفراد تقوم بتصوير بعض ستات الشاي وطلبوا منها مرافقتهم للقسم الشمالي
ذهبت معهم وبعد مقابلة الضابط المناوب وجد انه (لا بلاغ) وجه العساكر بمقابلة النيابة اذا كانوا يصرون على البلاغ .....
تم اثبات هذه الوقائع باحوال القسم واخلي سبيل الاخت لبني ........ هذا كل ماحدث.
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: omer osman)
|
شكرا انك طمنتنا يا جنابو عمر النفّاي.
Quote: وجدها مجموعة من الأفراد تقوم بتصوير بعض ستات الشاي وطلبوا منها مرافقتهم للقسم الشمالي
ذهبت معهم وبعد مقابلة الضابط المناوب وجد انه (لا بلاغ) وجه العساكر بمقابلة النيابة اذا كانوا يصرون على البلاغ |
يلا في كلامك ده ..
هل من العادي و الطبيعي و المسموح به و لا شئ فيه أن يقبض اي عسكري في الشارع على أي شخص يجده يصور اشخاص؟
يعني ناجي الملك في خطر هسه ؟
ممكن اي زول كان يقبضنا قبيل لمن كنا بنتصور ؟
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: حمور زيادة)
|
Quote: يلا في كلامك ده ..
هل من العادي و الطبيعي و المسموح به و لا شئ فيه أن يقبض اي عسكري في الشارع على أي شخص يجده يصور اشخاص؟
يعني ناجي الملك في خطر هسه ؟
ممكن اي زول كان يقبضنا قبيل لمن كنا بنتصور ؟ |
حمور كيفك زمن ما شفناك ..........
بالطبع لا مانع في التصوير إلا في المناطق العسكرية أو الاستراتيجية ده كقاعدة عامة ، الاستثناء يقرره الشرطي او كل من يعمل في
إنفاذ القانون في ظروف معينة ولتقديرات منطقية يراها وعليه ان يتحمل نتائج تقديراته وقراره.
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: omer osman)
|
Quote:
بالطبع لا مانع في التصوير إلا في المناطق العسكرية أو الاستراتيجية ده كقاعدة عامة ، الاستثناء يقرره الشرطي او كل من يعمل في
إنفاذ القانون في ظروف معينة ولتقديرات منطقية يراها وعليه ان يتحمل نتائج تقديراته وقراره. |
جنابو...
ما شايف انو الكلام دا مفتوح جداً
والسادة الأفاضل...ديل لو أدوهم اى سِكة
لقانون ينفذ حسب الظروف المُعينة بفتح الباب ,,,,لحاجات تانية كتيرة
ياخ
...
انا قبل كدا بصور فى النيل,,,,
اتقبضتا 
بالمناسبة متذكر كلامى عن انو الحديث عن الشرطة ...كتر فى البورد
على حساب حاجات تانية :)
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: omer osman)
|
هلا يا جنابو عمر ولك الود والتقدير...
| Quote: الاخت لبني لم يقبض عليها ، وجدها مجموعة من الأفراد تقوم بتصوير بعض ستات الشاي وطلبوا منها مرافقتهم للقسم الشمالي |
كيف لم يقبض عليها في حين طلبوا منها مرافقتهم للقسم ؟!
ثم المعلومة التانية مجموعة من الافراد ديل مواطنيين والا شرطة والا امن عام؟
خصص لينا الافراد ديل جنسهم شنو لأنهم حسب كلام منعم سليمان لم يكونوا ينتموا للشرطة والمباحث ..
النقطة المهمة كما ذكر لك الاخ حمور هل التصوير والتحقيق الصحفي اصبح جريمة او شبهة تستحق
الذهاب للقسم !
Quote: ذهبت معهم وبعد مقابلة الضابط المناوب وجد انه (لا بلاغ) وجه العساكر بمقابلة النيابة اذا كانوا يصرون على البلاغ .....
تم اثبات هذه الوقائع باحوال القسم واخلي سبيل الاخت لبني ........ هذا كل ماحدث. |
أحيي الضابط دا علي اتباعه القانون وقلنا قبل ذلك هنالك الكثيرين من ضباط الشرطة
اللذين يقومون بأداء واجبهم دون الالتفات لأي شئ ىخر ..
والحقيقة التي اوردتها صحيحة فقد حقق الضابط المناوب معها - وأظن رتبته ملازم اول - ووجد ان الامر لا شبهة فيه ووجهه بإخلاء سبيلها ..
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: HAIDER ALZAIN)
|
| Quote: لبني متواجدة الان بالقسم الشرقي .. |
اها
| Quote: الاخت لبني لم يقبض عليها ، وجدها مجموعة من الأفراد تقوم بتصوير بعض ستات الشاي وطلبوا منها مرافقتهم للقسم الشمالي |
انت هسه يا حيدر الزين جاي جاري ونفسك قايم وعجاجك لاوي وخبر عاجل عشان تقول كلامك المستند علي كلام بيجو المستند علي حيطه مافيشه ده ؟
اها طلعو ليك كلامك الجبته من بيجو كلو خارم بارم ... الموضوع في القسم الشمالي والزوله فكوها وعلي المتضرر اللجؤ للقضاء وانتهي الفلم
بالمناسبه ما وريتونا كانت لابسه شنو ؟؟
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: Faisal Elrasheed)
|
وكيل عريف فيصل الرشيد ..
Quote: انت هسه يا حيدر الزين جاي جاري ونفسك قايم وعجاجك لاوي وخبر عاجل عشان تقول كلامك المستند علي كلام بيجو المستند علي حيطه مافيشه ده ؟
|
بالتبادي القال ليك جاري منو .. بلعب كوتشينة واشرب قهوة ..
اقبل بالكرسي من طربيزة الوست على شاشة الكمبيوتر ..
أها كلام بيجو ماهو بيش .. خليك مع الحقائق دي ( واكيد اكدها هنا عمر عثمان )
1/ لبني كانت بتصور ستات شاي علي خلفية تحقيق صحفي ..
2/ قام مجموعة من الافراد بالقبض عليها لمركز الشرطة
3/قالوا انه جريمتها الازعاج العام
4/في قسم الشرطة رأي الضابط المسئول إنهم ما عندهم موضوع وطالبهم بالذهاب للنيابة
5/ قام باطلاق سراحها ..
يعني الحادثة تمت فعلاً ..
الفرق بين كلام منعم سليمان وعمر عثمان للان منعم بيجو بيقول انهم لابسين ملكي وما افراد شرطة ولا مباحث
وحسب حديثه قال بيعرف فيهم واحد فرد امن .. عمر عثمان بيقول انهم من الشرطة..
| Quote: اها طلعو ليك كلامك الجبته من بيجو كلو خارم بارم ... الموضوع في القسم الشمالي والزوله فكوها وعلي المتضرر اللجؤ للقضاء وانتهي الفلم |
يبقي الكلام ما اشاعة.. بس الظاهر جماعتك جربو اللحم المــر ودفنو دقن ..
** لابسة قُرباب 
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: HAIDER ALZAIN)
|
Quote: كيف لم يقبض عليها في حين طلبوا منها مرافقتهم للقسم ؟!
|
الاخ حيدر تحياتي
قانوناً هناك فرق بين 1- الاستيقاف. 2- القبض. 3- طلب الحضور أو التكليف بالحضور.
جميعها تنتهي بك في قسم الشرطة ولكل واحدة مسوغاتها القانونية وتبعاتها وترتيباتها ، في حالة الاستيقاف قد ينتهي الامر خارج
القسم لكن لامانع مثل ماحدث في هذه الحالة ان يطلب الشرطي من الشخص مرافقته للقسم.
Quote: ثم المعلومة التانية مجموعة من الافراد ديل مواطنيين والا شرطة والا امن عام؟
خصص لينا الافراد ديل جنسهم شنو لأنهم حسب كلام منعم سليمان لم يكونوا ينتموا للشرطة والمباحث ..
|
الافراد افراد شرطة وعندما استخدمت هذا التعبير خلت المعني مفهوم لان كل افراد في عرفنا تعني افراد شرطة (عساكر)
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: omer osman)
|
سلامات مرة اخري عزيزي عمر عثمان ..
| Quote: لكن لامانع مثل ماحدث في هذه الحالة ان يطلب الشرطي من الشخص مرافقته للقسم |
هل من حقي رفض مرافقة الشرطي للقسم اذا طلب مني ذلك دون مسوغ قانوني أراه أنا
زي ما حدث في حالة الاخت لبني الآن حيث لم يجد الضابط اي داعي للتحفظ عليها وإطلق سراحها ..
ثم في حالة زي دي هل من حقي فتح بلاغ مضايقة وازعاج عام علي الشرطي بحقي كما حاول هو عمل ذلك ..
اذا كان ذلك كذلك الي اي جهة في الشرطة الجأ ..
تحياتي ..
** وإتاكد لينا اذا كانوا افراد بزي رسمي من قبض عليها ام أفراد جهة اخري
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: HAIDER ALZAIN)
|
Quote: منعم بيجو عندي محل ثقة اكتر منك ..
عندك ما يفيد بنفي الخبر مدنا به
ماعندك يبقي مافي علاقة بين التصوير والازعاج العام .. |
يا حيدر توضحيات الاخ عمر مقنعة أكثر من حديثك المنقول عن بيجو ومحاولاتك لتبرير الخطأ ...
الموضوع طلع مضروب ما ظبط زي المرة الفاتت..
| Quote: هل من حقي رفض مرافقة الشرطي للقسم اذا طلب مني ذلك دون مسوغ قانوني أراه أنا |
...
ماتراه أنت يخضع لتقديرات الشرطة وماتراه مناسب في أي قضية والا كانت الفوضي هي السائدة..
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: ايهاب اسماعيل)
|
Quote: يا حيدر توضحيات الاخ عمر مقنعة أكثر من حديثك المنقول عن بيجو ومحاولاتك لتبرير الخطأ ...
الموضوع طلع مضروب ما ظبط زي المرة الفاتت..
|
أوكي يا ايهاب جيب لي المعلومــة الخطأ الواردة هنا غير قولي القسم الشرقي - وهي خطأ نقل مني ؟!
فما جاء به بيجو اكده عمر عثمان دون زيادة ..
| Quote: ماتراه أنت يخضع لتقديرات الشرطة وماتراه مناسب في أي قضية والا كانت الفوضي هي السائدة.. |
ما الشرطة يا ايهاب بل أفراد من الشرطة ممكن الواحد عندو معاك مشكلة شخصية
يفتح فيك بلاغ مقاومــة .. ممكن واحد ما تقيف تركبو معاك يفتح فيك بلاغ هروب
في تجاوزات بتُقام يجب ان يخضعو للمحاسبة عليها ..
هسع بسأل تاني العلاقة بين التصوير والازعاج العام شنو عشان تتوقف لبني احمد حسين
في تصوير ستات شاي !!
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: HAIDER ALZAIN)
|
Quote: هل من حقي رفض مرافقة الشرطي للقسم اذا طلب مني ذلك دون مسوغ قانوني أراه أنا
زي ما حدث في حالة الاخت لبني الآن حيث لم يجد الضابط اي داعي للتحفظ عليها وإطلق سراحها ..
ثم في حالة زي دي هل من حقي فتح بلاغ مضايقة وازعاج عام علي الشرطي بحقي كما حاول هو عمل ذلك ..
اذا كان ذلك كذلك الي اي جهة في الشرطة الجأ ..
|
يمكنك الرفض ....... اذا كان الشرطي جاد في إجراءاته ولديه مسوغ قوي سيطور الامر الى قبض بدلاً من طلب الاصطحاب ، اما اذا كان
متسبب ساي وشعر بقوة موقفك سيتراجع ....... هذا ما تعلمناه من تجاربنا المختلفة. بالطبع لايميل اغلب الناس الي رفض مرافقة
الشرطي على امل ان يجد في القسم من هو أكثر تفهماً.
اما بالنسبة فهناك آلية مشكلة للنظر في شكاوي المواطنين بحق كل منسوبي الشرطة ضباط وافراد وفي هذا المنبر تم تداول قضيتين
لاثنان من البورداب تقدما بشكاوي وتمت معاقبة افراد الشرطة أمام هذه الآلية .......
بالطبع اخي حيدر انا لا اتكلم عن عالم مثالي والتجاوزات موجودة وستظل موجودة حتى يرث الله الأرض وما عليها وإلا لما كنا بشر ولما
وضعت قوانين محاسبة العاملين في الخدمة المدنية وقانون العمل لمحاسبة العاملين في القطاع الخاص .... وهكذا
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: omer osman)
|
Quote: يمكنك الرفض ....... اذا كان الشرطي جاد في إجراءاته ولديه مسوغ قوي سيطور الامر الى قبض بدلاً من طلب الاصطحاب ، اما اذا كان
متسبب ساي وشعر بقوة موقفك سيتراجع ....... هذا ما تعلمناه من تجاربنا المختلفة. بالطبع لايميل اغلب الناس الي رفض مرافقة
الشرطي على امل ان يجد في القسم من هو أكثر تفهماً. |
عارف يا عمر كلامك دا كان ممكن يبقي صاح لو ماكان في شئ اسمه زمالة الشرطة أو علاقة الخوة الكاكي البتربطهم..
لأنو الشرطي لو جاء وقال يازول معاي علي القسم ورفضت بتبقي القصة مقاومة ورفض يمشي معاي وممكن تجيب ضرب .. ولو ضربتو ياهو يومك الاتعطل دا غيــر بلاغ الزارة بستة شهور وما عارف شنو داك ..
ولو مشيت معاهو القسم ولقيت البيفهم بدون ما تقامو يبقي يومك برضو انتهي واحتمال كمان يكون البتعمل فيهو انت يخسرك ..
الثقافة المطلوبة لدي افراد الشرطة اول شئ يحفظوا القانون البيتحركو بموجبه مش عناوين مواد وخلاص
الشئ التاني مفروض الشرطي وقت يبرز الكارني بتاعه دا عشان يوقفك يذكر ليك المادة من القانون ومخالفتك ليها التمت ( زي سعادة الامريكان كدة )
الثالثة لو ماكنت جريمة جنائية يبقي عندك الحق تجي القسم بعد تخلص شغلتك وأكيد بضمان بطاقتك ومحل اقامتك وعملك
ورغم دا متفقين انه التجاوزات ممكن تحصل وفي اكتر الدول تقدماً بتحصل تجاوزات .. لكن هل بتتم محاسبة تلقائية حتي بدون ما اضطر اني امشي للاجهزة المختصة والا لا!
مُش مفروض مسئول القسم نفسه يحرك اجراء اداري في مواجهة الشرطي الجاب ليهو زول متجاوز ..
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: HAIDER ALZAIN)
|
| Quote: مُش مفروض مسئول القسم نفسه يحرك اجراء اداري في مواجهة الشرطي الجاب ليهو زول متجاوز .. |
وكثيراً ما تحدث لدرجة أن المواطن المتضرر يتوسط للعفو عن الشرطي او عدم الغلظة في معاقبته.
Quote: الشئ التاني مفروض الشرطي وقت يبرز الكارني بتاعه دا عشان يوقفك يذكر ليك المادة من القانون ومخالفتك ليها التمت ( زي سعادة الامريكان كدة )
|
ايوه مفروض وبحصل نوعاً ما ...... لكن زي الامريكان دي أنتو (السودانيين) مابتقدروا عليها البوليس الامريكي كان اتلفته ساي والا
دخلت يدك في جيبك برشك
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: omer osman)
|
| Quote: وكثيراً ما تحدث لدرجة أن المواطن المتضرر يتوسط للعفو عن الشرطي او عدم الغلظة في معاقبته. |
والله يا عمـــر عثمان التقول نحن ما سودانيين ولا عايشين فيهو !!
يا معلم كلامي عن الزملاء وخوة الكاب دي ما تنساها ..
وحتي وقت تمشي لجهة مختصة ترفع قضية عن انتهاك ضدك لو ما عندك ضهر تدق علي بطنك ..
جمّل وجهة الشرطة زي ما عايز يا عمر عثمان بس ما علي حساب الحقائق ..
ـــــــــــ..
فيصل الرشيد الظلامي .. اكمل العشرة وارجع ليك 
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: Faisal Elrasheed)
|
Quote: هذه المرة بتهمة الإزعاج العام وذلك لقيامها بعمل تحقيق صحفي مع بعض ستات الشاي
بموافقتهن ..
وقد قبض معها علي المصور الذي يرافقها ... |
الأستاذ / حيدر الزين
تحية واحترام
ذكر حيدر الزين بأن لبنى تم القبض عليها لقيامها بعمل تحقيق صحفي مع بعض ستات الشاي والمتداخلين أغلبهم ركزوا على مسألة التصوير وبعضهم قال هل المصورين في خطر؟ وسأل هل ناجي الملك في خطر؟ يا أخوانا فهم السؤال نصف الإجابة مع احتمالية إنو يكون الاعتقال بسبب التحقيق الصحفي مع شريحة بائعات الشاي وليس التصوير .
أولاً : ما هي الجهة التي خولت الصفيحة لبنى للقيام بهذا الاستطلاع ؟
ثانياً : لصالح من هذه الاستطلاعات ومن هو المستفيد ؟
ثالثاً : إلى أي جهة إعلامية تنتمي لبنى ؟
أعتقد بأن الإمور ليست بهذه السهولة كونك تصطحب معك مصور وتجري استطلاعات في الشارع العام دون إذن الجهات المسئولة هذه بطولة وهمية ومكشوفة يا لبنى
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: حسن مضوي)
|
سلام يا الأخ حسن مضوي وصباحك خير
| Quote: أعتقد بأن الإمور ليست بهذه السهولة كونك تصطحب معك مصور وتجري استطلاعات في الشارع العام دون إذن الجهات المسئولة هذه بطولة وهمية ومكشوفة يا لبنى |
دي جديدة والله يا حسن مضوي .. دا نحن طلعنا ما فاهمين اي حاجة في قوانين البلد
الاسمها السودان !
يعني هسع اي تحقيق صحفي لازم تبرز معاهو اذن من جهات ما يحق ليك بعدها إجراء التحقيق
وإذا اتي بعض الافراد يسألونك تقوم تبرز الاذن دا؟؟
** النقطة التانية قصة البطولة الوهمية دي .. ماكل من فعل فعل تجاه التعسف دا معناها بيبحث عن بطولة وهمية
دي نكتة بقت ظاااهرة بيفكها الكيزان ومنسوبيها عشان الناس تُحبط وتسكت وترضي بما يمارس عليها من انتهاكات .. نحن زمان كنا بنسميها شغل ( التفطيس ) ..
تحياتي لك وبالله كدي فهمنا شئ بالاذن من الجهات دي
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: doma)
|
الاخت العزيزة دومة - بخجل من كلمة خالة دي -
والله انا اتحيرت في البلد دي .. كل التتغالط معاهو ينجر ليك قانون من راسو
هسع شوفي ما شاء الله بقي عندنا كم قانون وجريمة ..
قانون البناطلين ..
قانون خدش الحياء العام ..
قانون الازعاج العام ..
قانون الغرائز الجنسية ..
قانون التحقيقات الصحفية ..
طيب تسألني البني آدم القوانين دي مرجعيتها شنو .. وتفصيلها كيف ؟
يقول ليك خاضعة لتقدير الشرطي او رجل الامن ؟
طيب هي وقت كل نهايتها عام عام عام يبقي بتخضع لتقدير شخص واحد ليه ؟
مُش مفروض تقوم مُظاهرة في الشارع دا ويقول ليك مثلاً لا لخدش حياءنا ..
يا حمور رجاءاً لقد ثارت غرائزنا ..!
يا لبني لقد ازعجتي ازعاجنا ..
طيب لواكة اللبان كيف في المواصلات العامة .. أنا بتعمل لي ازعاج عام والصعوط بيعمل ويعمل لستين الف نفر غيري .. ممكن يُطبق ام لا ؟!
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: HAIDER ALZAIN)
|
| Quote: الاخت العزيزة دومة - بخجل من كلمة خالة دي |
عليك الله انتا ما خجلت انك تصاحب بيجو وتلعب معاهو كشتينه كمان
وداير تخجل تقول لى دوما يا خاله
كاااااااااااااااااااااك
عليك الله السلام امانه لى بيجو وقول ليهو مشتاغون ياخ
وشنو الغيبه الطويله من المنبر دى .. لعل المانع خير ..
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: على محمد على بشير)
|
| Quote: ممكن اي زول كان يقبضنا قبيل لمن كنا بنتصور ؟ |
مش ده الحصل ليك قبل كدهيا حمور وجيت قلت قبضوني عشان كنت بصور في لبنى زااااااااااتا ؟؟
ويومها قلت ما قدرت تقول ليهم حاجة ولا تلت التلاتة كم واكتفيت بي الاستغراب ..مع اجابة اجابتين !!!
وكسروا ليك كاميرتك او الفيلم ما بعرفوا ليك ..
طيب في داعي تجي تكرر السؤال وإنت ذات نفسك اللي جيت قبل كده وجاوبت بيان بي العمل؟؟
شوفتو انتو يا ناس سودانيز كمية تناقض كيف؟
بالمناسبة يا حمور ممكن الفت انتباهك لي حاجة ؟ عشان بعدها اقدر اقول ليك انت قليل أدب زي ما انت قلتها لي ..
ممكن نعتبر دي نبزة لي جنابو عمر عثمان ؟
| Quote: يا جنابو عمر النفّاي. |
ولسة راجي تجيب لي الشتائم دي :
| Quote: ما أطلقه بحقي زميل المنبر عمر الفاروق من شتائم |
وإلا يا حبوب حا تطلع عندي كذاب كما هو حال القيد الصحفي..
| Quote: ما أبداه الزميل بحقي من "قلة أدب" و شتائم |
وانا الكنت فاكرك مؤدب ؟؟ ياخ انت طلعت قليل ادب أكتر مني وما محترم كمان يا حمور ..
والله ما حا اسيبك الا توريني شتمتك وين عشان يجي واحد زيك يطلعني قليل ادب ..
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: Faisal Elrasheed)
|
يا ظلامي .. دابك صحيت ..
| Quote: علي الطلاق انا متبرع ليك بي الروب حق التخريج ولا يهمك يا عمك عندنا كم حيدر |
روب ..! روب ..! روب يا مفترئ خامي قروش الجهاز كلو
وامس أوفر تايم مع سيف الحشّار لغاية الساعة اتنين وتجي تتبرع بروب ؟
أقلاها تقول لي الدراسات العليا وقبلها حفلة تخريج كاملة ..
- يا زول قانون شنو لجنابو دا .. دا شغال معانا بقانون فقه الضرورة وتبرير الفطير
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: عمر الفاروق)
|
عمر الفاروق .. سلامات ..
البرندة دي بنابرها مغلقة فل .. وزي ما شايف في هناك كانون كفتيرة تبع عممر عثمان
وكانون وكفتيرة تبع فيصل الرشيد .. وكانون وكفتيرة تبع ايهاب اسماعيل ..
وحمور دا جاء شرب كباية شاي وإتخارج .. فرجاء لم عدتك وكبابيك دي وشوف ليك برندة تانية
برانا الزبائن هنا شوية وحق السكر يا الله ويا امين نحصلو ..
شوف دا كمان صف الدكاكين كله صعوط وشاي جاي تفتح لينا استديو ؟
هو ناجي الملك شال كمرتو واتخارج ...
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: عمر الفاروق)
|
| Quote: ما أبداه الزميل بحقي من "قلة أدب" و شتائم |
| Quote: و لا أقبل أن يشتمني لمجرد أن "طبعه كده". |
| Quote: و أخص الأستاذة ماجدة التي خشيت أن يوقفني مثل هذا الشتم |
وبما إنو لمن تقول للزول يا غرزة فأنت شاتم ولمن زول يرد ليك ويقول ليك انت قليل أدب ويقنع الناس إنو لا يحب الشتائم فانا من الليلة حا اغيير طريقتي في الكلام (اللي طبعي يهو كده)..
اجمل حاجة في المنبر ده لمن تكون زول ساي زيي كده وما عندك وجيع وماف زول يقيف معاك في البيتقال ليك ويجو ينطوا ليك في حلقك انت ياخ دي بتكون مريحة كيف !!
غرزة توقف المنر على رجل وااااحدة ويجيني ليك خرتومية بوست بي اسمي..
يقولوا ليك قليل أدب ماف زول يفتح خشمو بي كلمة ..
ياخ دي متعة والله ما بعدها متعة ..
البيحييرني الزول بعدها يقول ليك والله انا ما بتاع نبز ولا أربأ (يكتبوها كيف اربأ دي والله ما عارف؟)..
في انتظاركم كلللكم حتى انت يا جنابو عمر لأني فعلا قبلت كلامك على اساس الخاطر وليس على اساس موافقتي اني شتمت الزول ده ..
جيبوا لي شتمتو وين وبالمرة وروني ايهما شتيمة الغرزة أم قلة الأدب..
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: عمر الفاروق)
|
Quote: في انتظاركم كلللكم حتى انت يا جنابو عمر لأني فعلا قبلت كلامك على اساس الخاطر وليس على اساس موافقتي اني شتمت الزول ده ..
جيبوا لي شتمتو وين وبالمرة وروني ايهما شتيمة الغرزة أم قلة الأدب.. |
ازيك ياعمر الفاروق ....... انا عارفك قبلت كلامي عشان الخاطر وانا ذاتي ما قلتو ليك إلا من باب العشم ، ولليلة ولي بكرة
عمر الفاروق وحمور وملاسي عندي واحد ناس اخوان وزملاء ومن نجوم المنبر (على وزن نجوم الغد) وأنا ياعمر اصلو ما دخلت في تفاصيل
انت قلت شنو وملاسي قال شنو وحمور قال شنو انا اخدت القصة كلها على بعضها وحاولت اتدخل ونلم الموضوع بس دي كل القصة ، وصدقني
أنا شاكر ليك جداً مرورك على البوست داك وابداء وجهة نظرك فيهو واتمني من كل قلبي ان نتجاوز جميع ما حدث ونفتح صفحة جديدة.
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: على محمد على بشير)
|
Quote: عليك الله انتا ما خجلت انك تصاحب بيجو وتلعب معاهو كشتينه كمان
وداير تخجل تقول لى دوما يا خاله
|
يا علي والله بخجل يآخ 
وبيجو دا الا العب معاهو كوتشينة ويست عبر النت ..!
Quote: عليك الله السلام امانه لى بيجو وقول ليهو مشتاغون ياخ
وشنو الغيبه الطويله من المنبر دى .. لعل المانع خير |
يبلغ سلامك .. والزول دا مضيع الباسوورد وابصلعة عامل تقيل بس ..
تحياتي
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: على محمد على بشير)
|
Quote: الاخ حيدر تحياتي
الاخت لبني لم يقبض عليها ، وجدها مجموعة من الأفراد تقوم بتصوير بعض ستات الشاي وطلبوا منها مرافقتهم للقسم الشمالي |
لم يقبض عليهـا ,
فهـل تـم توقيفهـا؟
Quote: الاخ حيدر تحياتي
قانوناً هناك فرق بين 1- الاستيقاف. 2- القبض. 3- طلب الحضور أو التكليف بالحضور. |
الأخ عمـر
لو ســمحت تجيب لينـا من القانون المادة التي تتكلم عن الاســتيقاف
و كمان بالمـرة ( عشـان نســتفيد ) تشـرح لينا الفـرق بين
الايقاف / التوقيف / القبض
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: HAIDER ALZAIN)
|
Quote: بالطبع لا مانع في التصوير إلا في المناطق العسكرية أو الاستراتيجية ده كقاعدة عامة ، الاستثناء يقرره الشرطي او كل من يعمل في
إنفاذ القانون في ظروف معينة ولتقديرات منطقية يراها وعليه ان يتحمل نتائج تقديراته وقراره. |
جنابو النفّاي ..
صباحاتك ..
طولنا منك شديد .. أبقى أظهر ..
أها يا عمر ..
نرجع لمرجوعنا ..
الاستثناء الذي يقرره الشرطي الفرد ده بحسب رأيو الشخصي وله بحسب مفاهيم و قيم و ضوابط المؤسسة التي ينتمي إليها ؟
يعني كل عسكري و رأيو ؟ وله التقدير ده مبني على ضوابط ؟
(لا أنسى قط أن العسكري الذي ضرب الصحفي عبد القادر محمد زميل المنبر و حطم مع زملائة كاميرات المصورين و المراسلين قال لضابط الشرطة عن تهمة الصحفيين :الناس ديل يا جنابو كلامم كتير. و لم يرها جنابو تهمة )
ثم بالنسبة لتحمل النتائج .. هل معناها لبنى التي اقتادوها للقسم او اي شخص يخطئ العسكري في تقدير موقفو من حقو يشتكي العسكري؟ وله الضابط هو المفروض يعمل الاجراء ده براو من نفسو ضدو ؟ او مفروض الضابط يوري المواطن انو ممكن تشتكي ؟
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: حمور زيادة)
|
Quote: الاستثناء الذي يقرره الشرطي الفرد ده بحسب رأيو الشخصي وله بحسب مفاهيم و قيم و ضوابط المؤسسة التي ينتمي إليها ؟
يعني كل عسكري و رأيو ؟ وله التقدير ده مبني على ضوابط ؟
(لا أنسى قط أن العسكري الذي ضرب الصحفي عبد القادر محمد زميل المنبر و حطم مع زملائة كاميرات المصورين و المراسلين قال لضابط الشرطة عن تهمة الصحفيين :الناس ديل يا جنابو كلامم كتير. و لم يرها جنابو تهمة )
ثم بالنسبة لتحمل النتائج .. هل معناها لبنى التي اقتادوها للقسم او اي شخص يخطئ العسكري في تقدير موقفو من حقو يشتكي العسكري؟ وله الضابط هو المفروض يعمل الاجراء ده براو من نفسو ضدو ؟ او مفروض الضابط يوري المواطن انو ممكن تشتكي ؟ |
بالنسبة للشق الأول الاستثناء يقرره الشرطي في مكان الواقعة (وفقاً لدرجة تعليمه وثقافته وخبرته وملكاته الشخصية وقدراته الذهنية)
في اطار مفاهيم وقيم وضوابط المؤسسة التى ينتمي اليها وكل واقعة تختلف من الاخري فما يصلح هنا قد لايصلح هناك.
بالنسبة للشق الثاني على الضابط ان يعمل في اتجاهين الاول تقييم البلاغ الذي تقدم به الفرد والتقرير بشأنه والاتجاه الثاني اتجاه
انصاف المواطن المتضرر من عنت او تعسف فرد الشرطة وله مطلق الحق في محاسبة الشرطي دون شكوي من المواطن اذا كان الشرطي قد تجاوز
او تعنت دون حسن نية او قلة خبرة.
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: HAIDER ALZAIN)
|
Quote: الأخ عمـر
لو ســمحت تجيب لينـا من القانون المادة التي تتكلم عن الاســتيقاف
و كمان بالمـرة ( عشـان نســتفيد ) تشـرح لينا الفـرق بين
الايقاف / التوقيف / القبض |
الاخوان عبدالله وحيدر
حاضرين ........ الكلام في الرأس في بس ادوني فرقة اجيب ليكم النصوص وربما بعض السوابق القضائية اذا تيسر ذلك.
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: omer osman)
|
| Quote: القبض على الصحفية لبني احمد حسين مرة اخري ...! |
القصة دي ذكرتني حكاية (سامي الحاج) والوالد (حفظه الله) ..
الحاج زبون دائم لقناة الجزيرة ، وكان متعاطف جداً معا سامي الحاج لغاية ما فكوهو من غوانتانامو .. طبعاً الحاج يادوبو ارتاح بعد ما كان نفسو قايم في الموضوع ده .. المهم الأيام مرت وجوا اليهود ضربوا غزة ، الحاج متابع الموضوع ده ، يوم الصباح بدري قام شغل التلفزيون عشان يشوف الجديد شنو لقا ليك : عاجل : السلطات الإسرائيلية تطلق النار على قارب الكرامة .. القارب به طاقم قناة الجزيرة وفي مقدمتهم سامي الحاج !! أبوي ده وشو اتقلب وقعد يكورك : سامي الحاج ان شاء الله يغتس يريحنا
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: محمد عبدالله مختار)
|
المادة (15) من قانون الشرطة لسنة 2008م
سلطات قوات الشرطة
أ - التوقيف والمطاردة والقبض.
ب- اغلاق الطرق والاماكن والمحال العامة.
ج - ضبط الاسلحة والمواد الخطرة.
د - الاستجواب والمراقبة.
هـ - التحريات الجنائية.
و- التفتيش والضبط والتحريز.
ز- اصدار التكليف بالحضور.
ح- طلب العون من اى شخص لضبط اى جريمة.
ط- اخذ التعهدات والضمانات.
ي - استخدام القوة المناسبة وفق الضوابط.
ك - اى سلطات اخري ينص عليها اى قانون اخر.
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: مدثر قرجاج)
|
هلا بالاريب مدثر قرجاج ومرحب ..
| Quote: قلب وبيتحدث عن قوانين الشرطه (حافظينها صم) |
إذاً بطل جري وتعال ورينا مما علمك الله شايف عمر عثمان رافع الكورة فوق بيجاوب سطر ويفط سطر .
- ثم هو الادانة للحصل دا مُش بتم من خلال القانون .. نحن بنحلل هسع في الحادثة دي عشان يا ندين
الافراد ديل وندين ابو القانون المطلق يدهم يفتروا علي الناس .. يا كمان نقتنع وندين لبني احمد حسين وامشي ادي بيجو دا لبختين في صلعتو ..
تحياتي
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: HAIDER ALZAIN)
|
Quote: إتمني وقت تخلص اكتب لينا انتهي .. وقلت كدة لانه للآن بشوف الحديث مبتور
تحياتي
Quote: ك - اى سلطات اخري ينص عليها اى قانون اخر.
|
ماعندك مشكلة ياحيدر ويستحسن يكون التعليق اول بأول ........
بشان الفقرة (ك) اعلاه شايفك اقتبستها ما عرف ليه ؟؟؟ هي تقنين لسلطات قد تكلف بها الشرطة من خلال قوانين اخري مثلاً قانون الاستفتاء
بعد إجازته قرر منح صلاحية فرز الاصوات للشرطة (طبعا دي مابتحصل) يبقي دي بتخش ضمن الفقرة (ك) سلطات اخري نص عليها قانون اخر
وهي لاتفهم بانها شيك على بياض ممنوح للشرطة ...... والله اعلم.
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: omer osman)
|
سلام يا جنابو ..
هسع النقطة الاولي ممكن نفهم حاجة زي ما قال الاخ عبد الله الفرق بين الايقاف والقبض والاستدعاء شنو ؟
ومحددات المواد المُخالفة مني البتستدعي تطبيق المادة دي علي - يعني متين من حق الشرطي يستوقفني - ومتين يقبض علي - ومتين استدعي ..!
وفي ردك للاخ حمور زيادة قلت :| Quote: بالنسبة للشق الأول الاستثناء يقرره الشرطي في مكان الواقعة (وفقاً لدرجة تعليمه وثقافته وخبرته وملكاته الشخصية وقدراته الذهنية) |
كيف يعني وفق المعايير دي مُش الشرطي مفروض يخضع لمعاينات قبل قبوله في سلك الشرطة يكون مُستوفي درجة من الثقافة والعلم البتؤهله إنه ينفذ القانون بدون خروقات ؟!
وإلا اي ساقط تعليمي * ممكن يمشي مجند في الشرطة بناءاً علي مقولة نابليون ( كل من فشل في الحياة صار جندياً )
* مع تقديري لكل افراد وجنود الشرطة لكل من اقصدهم الغير مطابقين لمعايير اخونا عمر عثمان ..
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: HAIDER ALZAIN)
|
Quote: هسع النقطة الاولي ممكن نفهم حاجة زي ما قال الاخ عبد الله الفرق بين الايقاف والقبض والاستدعاء شنو ؟
ومحددات المواد المُخالفة مني البتستدعي تطبيق المادة دي علي - يعني متين من حق الشرطي يستوقفني - ومتين يقبض علي - ومتين استدعي ..!
|
دي ياحيدر داير شوية تفصيل بجيك ليها بي رواقة ......
Quote: كيف يعني وفق المعايير دي مُش الشرطي مفروض يخضع لمعاينات قبل قبوله في سلك الشرطة يكون مُستوفي درجة من الثقافة والعلم البتؤهله إنه ينفذ القانون بدون خروقات ؟!
وإلا اي ساقط تعليمي * ممكن يمشي مجند في الشرطة بناءاً علي مقولة نابليون ( كل من فشل في الحياة صار جندياً )
|
نابليون ده قال لمنو ؟؟؟؟ ده كلام ملكية حاقدين ساكت
بعد استيفاء معايير الدخول لكلية الشرطة وتلقي نغس التدريب لن نستطيع ان نصنع نسخة متطابقة لكل ضابط او شرطي او في اى مجال
فليس كل الدكاترة على درجة واحدة من المهارة والدراية وحسن التصرف وكذلك المهندسين والمعلمين ....... الخ
واحد دفعتنا حاقد قال لي انت مش أولنا ؟
قلت ليهو ايوه في شنو ؟
قال معناها أنت ابلد زول !!
كيف يعني ؟
مش العسكرية بلادة وانت أول البلدة يبقي أنت ابلد زول !!!
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: omer osman)
|
منتظرنك للنقطة الأولي يا جنابو عمر ..
Quote: بعد استيفاء معايير الدخول لكلية الشرطة وتلقي نغس التدريب لن نستطيع ان نصنع نسخة متطابقة لكل ضابط او شرطي او في اى مجال
فليس كل الدكاترة على درجة واحدة من المهارة والدراية وحسن التصرف وكذلك المهندسين والمعلمين ....... الخ
|
شفت حركات العساكر دي ..
يآخي الاطباء والمهندسين وغيرهم من الملكية ( الكُهن ) في قولكم بتجيب واحد من المية ارتكب خطأ طبي والا رمي عمارة ( عمارة الرباط مثلاً ) اما العسكر ( حماك الله ) تجاوزاتهم علي قفا من يشيل وكل تجاوز بيقولوا دي حالة فردية أها الملكية ممارستهم ماهي امن وحماية مجتمع زي الشرطة ولا هو شغل 1+1 = 2 الشرطي عندو كتلوج معين بيطبقو سوءه وضرروا بيكون واقع على شريحة واسعة من المجتمع خطأ الطبيب أو اي مهني آخر انا برجع فيهو للقانون الحايطبقوا لي الشرطي دا نفسه وآخد حقي منو .. لو فقدت ثقتي في الشرطي اقبل وين تاني لبقية عناصر المجتمع ..
الطبيب والمهندس والمحامي بيخضع لامتحانات ودرجة تؤهله لدخول مجاله فيها يستمر بنفس المعدل وفيها قد يرسب اكاديمياً ويُرفد من الجامعة عندما يتخرج بيتخرج مؤهل حسب مؤسسته التعليمية المتخصصة والمؤسسة دي نفسها في اي حالة خطأ منه او عدم غحترافية بتنزع منه الترخيص ..
إنت عارف وأنا عارف ( وما بتكلم عن الضباط بالمناسبة إنما علي الجنود وضباط الصف ) المعايير البيخضعو ليها شهادة الجنسية والميلاد واللياقة البندية وطول محدد وشهادة ميلاد وحسن سير وسلوك ويلالا اثبت في معسكر التدريب ستة شهور وبعد كدة إنطلقوا في الشارع ..
| Quote: مش العسكرية بلادة وانت أول البلدة يبقي أنت ابلد زول !!! |
شُفت مقولة نابليون دي ما بيفهما الا من عصت العسكرية أن تتشرب بدمو كيف ..
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: على محمد على بشير)
|
Quote: ما نعمل لوبى ضغط لى بكرى عشان يدى منعم بيجو باسوورد جديد
لانو بيجو دا ياخ شخصيه جميله جدا وراجل ظريف ولطيف خالص
وما تسمع الكلام الفوق دا .. بيجو ضرورى جدا فى المنبر
|
الراجل دا وهبة حردااان ساي يا علي محمد علي بشير ..
وانا بقول هو بس ما عندو يدخل منو
ــــــــــــ..
جنابو عمر عثمان صباح الخير ومنتظرنك ...
| |
|
|
|
|
|
|
|
|
 Re: القبض على الصحفية لبني احمد حسين مرة اخري ...! (Re: Faisal Elrasheed)
|
| Quote: لكن ما دام جبته السيره براك تكون داير تجاوب لي سؤالي داك الليهو 3 يوم حايم في السرفر ما لاقي اليعبرو |
لو تصدق بدون ما أسالوا قال لي كلم - والكلام على لسانه بالحرف - قول لفيصل الرشيد دا
بتلقاها محل ما انت عارف والا خجلان تطلعها ..
وقال قول ليهو بالامارة أمال ( شيشة ) وهبة غيرها بواحدة جديدة ليه ..!
أنا استغربت قلت ليهو وأيه العلاقة بين فيصل الرشيد وسؤاله ووهبة والشيشة البحرينية
قال انت قول لفيصل كدة بس وهو بيفهم 
| |
|
|
|
|
|
|
|
|
|
Re: القبض على الصحفية لبني احمد حسين مرة اخري ...! (Re: Faisal Elrasheed)
|
الأخوة الأكارم
فى اجتماع مجلس الوزراء الذى انعقد الأسبوع الماضى بمدينة الدمازين والذى حضره عمر البشير, ناقش المجلس الصعوبات والمضايقات التى يلاقيها المستثمرون فى السودان, وقد خاطب عمر البشير قائلا فيما قال او ما فى مامعناه(ان رجال الأمن اذا وجدوا زول بيصور فى شارع النيل يقوموا يعتقلوه بحجة الحفاظ على الأمن وانه ده جاسوس . يااخوانا الناس بقت تصور وتجسس من فوق ومامحتاجين لمسألة انه يرسلو ليهم جاسوس عشان يصور المناطق العسكرية).
طيب ياسيدى الرئيس اذا كانت هذه قناعاتك وانت رئيس الجمهورية فلماذا لا تنقلها فى شكل اوامر صريحة لولئك الرعاع الذى يعتقد كل واحد منهم بأنه اله صغير وانه هو ولا شخص غيره مهموم بأمن هذه البلد (مع انو امن هذا البلد مكشوف قلبة وعدلة).
| |
|
|
|
|
|
|
| |
HAIDER ALZAIN
ايهاب اسماعيل
Tragie Mustafa
omer osman
حمور زيادة
degna
معاوية عوض الكريم
الملك
Ahmed musa
Faisal Elrasheed
محمد الجزولي
محمد أبوالعزائم أبوالريش
عبدالوهاب علي الحاج
حذيفه ابراهيم الكباشي
doma
على محمد على بشير
عمر الفاروق
محمد عبدالله مختار
مدثر قرجاج
قلقو
فيس بوك
تويتر
انستقرام
يوتيوب
بنتيريست