كتب الكاتب الفاتح جبرا المتوفرة بمعرض الدوحة
|
(محسن خالد) قالوا مـتألم شويه يا اخي بعد الشر عليك!
|
سلامتك يا غالي وسحروك الما بيشبهوك.
يا جماعه دعواتكم لاخونا محسن خالد يعلم الله راجل ارباب سعدت بشوفة اصناء زيارتي للندن. ورجل كريم واخو اخوان.
اها يا محسن قالوا التدخين مغلط عليك وحياة شبابك وخوتك وقراءك البحبوا القرايه لك و القيم السمحه الجواك امانه كان ما خليت التدخين.
حازم وسند لا يذكرون احد كما يذكرونك انت و الناس السمحين اللاقيناهم معاك.
معقوله يا محسن عايش في العالم الاول بعقلية العالم الثالث تدخين شنو العايزه يويدك في داهيه وانت لسه شباب؟؟!!
عليك الله لما تقوم بالسلامه رسل لي الصور بالايميل [email protected]
|
|
|
|
|
|
|
|
Re: (محسن خالد) قالوا مـتألم شويه يا اخي بعد الشر عليك! (Re: Ashraf el-Halabi)
|
الأخت تراجي التحية النقية والمودة الصافية وشوق السنين الف ىحمدالله على عودتك واخوالأخوان سلامتو وايام الدهراب الفواصل بين المواسم فيها امراض الدلع نوع النزلات واللفحة والشحططه وخمة النفس ووجع الكرعين والتواء الفقر وعوجة الرقبة وطقطقة الركب اها ديل لو كلهم ما عندو الجاتو في سيجايرو سامحتو لكن العارفو هو مالو ومال السيجاير وكلميهو والله انا غيرت من اليجاير وعملت لي كدوس ألف لا بأس عليك يا أستاذ محسن و أجر و عافية إن شاء الله... اللهم أذهب البأس رب الناس أشف و أنت الشافي لا شفاء إلا شفاؤك... شفاءا لا يغادر شقما. مودتي ومحبتي
| |
|
|
|
|
|
|
Re: (محسن خالد) قالوا مـتألم شويه يا اخي بعد الشر عليك! (Re: هواري نمر)
|
وووووووو يا تراجى !! صاحبى دا خلاص قرضتو وجيتو ؟ ..
عارفه .. صاحبى دا مرض ما بمرض ! بتكون دى سلطة الاسود والفلس .. انتى شفتى مطبخو قدر شنو ؟ واول مرة اشوف لى حمام اكبر من الغرفه !! غايتو محسن ما من بنى الانس عشان يمرض ..
بكون خلاص عايز يموت .. هسه عليك الله الشايلو فى راسو دا ما بكتل ؟؟
ـــــــــــــــــ ياخى دا السجاير المفروض يموت ََ!!
| |
|
|
|
|
|
|
Re: (محسن خالد) قالوا مـتألم شويه يا اخي بعد الشر عليك! (Re: خالد عنان عمر)
|
العزيز محسن خالد الف لا باس عليك ما تشوف شر ان شاء الله فى ميزان حسناتك .. اجر وعافية يا رب غايتو لو كان نزلات برد ليك بالوصفات الشعبيه وانسا كل الادوية .. نرسل ليك وصفة شعبية؟؟ مع المواد كمان لو ما عندك ؟ ولا انت زول صيدليات ساى تحياتى وامنياتى بعاجل الشفاء اسماء الجنيد
شكرا تراجى ومرحب من تانى
| |
|
|
|
|
|
|
Re: (محسن خالد) قالوا مـتألم شويه يا اخي بعد الشر عليك! (Re: Elawad)
|
مرحبا اخي العوض
Quote: مراحب مراحب بالأخت العزيزة تراجي... والله فقدناك في المنبر. إن شاء الله تكوني و حازم و سند بخير. و ألف لا بأس عليك يا أستاذ محسن و أجر و عافية إن شاء الله... اللهم أذهب البأس رب الناس أشف و أنت الشافي لا شفاء إلا شفاؤك... شفاءا لا يغادر سقما. عدل لتصحيح بعض الأخطاء الطباعية في الدعاء. |
شكرا لترحيبك وسرالك عن ابنائي نحن بخير بس ياهوا نوفمبر في كندا كما تدري عساكم ما اتجمدتم بهنالك بعد؟؟؟
وشكرا لدعواتك لاخيك محسن وربنا يشفيه ويخليه يبطل تدخين.
| |
|
|
|
|
|
|
Re: (محسن خالد) قالوا مـتألم شويه يا اخي بعد الشر عليك! (Re: نهال كرار)
|
سلامتك يا محسن، أيها العزيز! هذه هي المرة الثانية التي التقي فيها روحك النضرة إسفيرياً، وما زال الصباخ عندنا باكراً! (تلفونك بالخاص، لو تكرمت، فمثلك لا يصح معه إلا الصحيح!)
كم تجديني سعيداً بعودتك للمنبر، يا عزيزتي تراجي! وأن التقيك مع محسن في أول خيط أدخله لك بعد هذه العودة الظافرة، فهذا من باب الفأل الحسن. مرحباًُ بك منافحة عن الحق بالكلمة القوية، الرزينة، القاطعة والواصلة في آن معاً!
| |
|
|
|
|
|
|
Re: (محسن خالد) قالوا مـتألم شويه يا اخي بعد الشر عليك! (Re: مامون أحمد إبراهيم)
|
تراجي، يا عزيزة، مشكورة، وكتّر خيرك، على أمنياتك لي بالسلامة، ومشتاقين جداً، ومرحب بعودتك. شكراً لكل الصديقات والأصدقاء هنا، وما تشوفو شر. أخوكم بخير، و"عضلات تبش" يا عملات تراجي. لسع الـ15 من أبريل عليهو جكّة، يعني الرئة الشمال دي كان ما اشتغلت خالص، بتمها غطسة ساااكت، مسخّراً مهاراتٍ لي في السباحة، من سالف الأيام. يضحك نهاركم ------- يا دينا، ود الموج وصل معاك لشنو؟ لووول غايتو دقسته ديك عجيبة مرة واحدة، ومن هنا أبلغك إعجابي الشديد بك، وبنهال كَرَّار، وعُزاز الشامي، قلت ليكم خشوا في "أدوار" نمطية ومتصوّرة عن أداء المرأة العقلي. ما تبقوا شواطين شدييد زي الرجال، الشيطنة دي خلوها لينا نحن بس. كه.كه. كه "ود الموج، صديقي العزيز، علي بالحلال ما تقول حاجة، وكان عندك قول منتظرك تفرد بوست تعتذر فيه لدينا. ولو ماك عارف إنها بنت أنا أوكِّد لك ذلك، أنني أعرفها وأعرف أهلها سافل وصعيد، وود خالها لزم، زميلي وصديقي، قرأنا معاً في شندي الثانوية. حكاية شوطنتها دي، برضي دخلت علي، قولي كيف؟ كان ممكن أفكّر أعرسها، لكن طريقة تحنّكها بيها مافي، ناهي ناهي، يضحك نهارك".
-------------- معاك يا تراجي، في كون لندن مدينة قذرة، ياخي لمّا جيت هنا أوَّل مرَّة من الإمارات، أبو ظبي، وهي أنظف مدينة رأيتُها في حياتي حتى الآن، "كان ملّحوا ليك في الظلط بتاعها دا تأكل" كنتُ وما زلتُ أتعجب من قذارة لندن المشهورة هذه، ورائحتها النتنة، والله التيوب بتاعها دا تدخلوا، ما تعرف روحك في قطر وألا أدبخانات سوق أو مستشفى. الأوروبيون الآخرون، من المانيا وفرنسا وهولندا ودول الأسكنداف لما يجوا هنا، يدوا ربهم العجب من قذارة هذه المدينة، وصدقتِ في أنَّ مصارين قطاراتها مسلولة بشكل مهترئ ومتسخ ويدعو للخجل، بالرغم من أنّ تذاكر التيوب نار وغالية. لكن يا تراجي، مع ذلك، هذه المدينة حينما تتجولين فيها بهدف رؤية كيف رتّبوا وخطّطوا -منها- لإنشاء العالم الحديث هذا ذاته، كندا وأمريكا وجنوب إفريقيا وأستراليا، حينها ستعرفين قيمتها المدفونة تحت غبرتها وأوساخها، وما بنت عليه العناكب. يعني مقالتك عن "التاريخ" التي إن ترجمناها هكذا: I don’t give a dam ما عبارة مدروسة منك يضحك نهارك --------------- مداخلتي دي كل كلام فيها من بلد، معليش، مع الاعتذار.
| |
|
|
|
|
|
|
Re: (محسن خالد) قالوا مـتألم شويه يا اخي بعد الشر عليك! (Re: جعفر محي الدين)
|
Quote: يعني الرئة الشمال دي كان ما اشتغلت خالص، بتمها غطسة ساااكت، مسخّراً مهاراتٍ لي في السباحة، من سالف الأيام. |
سلامة إن شاء الله يا محسن وما تشوف شر. بَسْ آخوي لِم عضامك من الهبوب أم سرعةً فايتة المية كيلو دي ما تتجوعل ساكت وتقضي نهاية الاسبوع دا غاطس في شيمتها...إتدسّ منّها وأكان في زولاً شاغلك قول ليهو قول "القَسوم" يوم أخدلو عنقريبين تلاتة هارباً من صوت البص المجروس هيل المؤسّسة العسكرية (حليل المؤسّسات البِقت عسكرية): قايلِنّي جريتلي من راجل!
أجر وعافية إن شاء الله ومشكورة يا تراجي وحمداً لله على سلامة عودتك للمنبر.
| |
|
|
|
|
|
|
|