|
|
 جيل ماضى ابوالعزائم .........وحيدر امين
|
جيل شهد الآتى:-
الشارلستون
السكروتة
مركوب النمر
الطاقية الحمراء
توتو كورة
اصبح الصبحو
فرسان فى الميدان
السلم التعليمى ......محىالدين صابر
ساعة صفاء ..........حجازى مدثر
ابراهيم الصلحى
نواصل
|
|
 
|
|
|
|
|
|
|
 Re: جيل ماضى ابوالعزائم .........وحيدر امين (Re: ناصر احمد الامين)
|
Quote: جيل شهد الآتى:-
الشارلستون
السكروتة
مركوب النمر
الطاقية الحمراء
توتو كورة
اصبح الصبحو
فرسان فى الميدان
السلم التعليمى ......محىالدين صابر
ساعة صفاء ..........حجازى مدثر
ابراهيم الصلحى |
إنتي يا الما جيل الحاجات دي ....
العرّفك بيها شنو؟
غايتو جنس شلاقة.
* وجيل بصات الحكومة بالإشتراك الشهري للطلبة (الأبونيه)
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: حيدر امين)
|
Quote: ديل جيلهم جيل عز
ديل جيل .. نظفين و مهندمين و مريحين
ديل لا لبسوا السفنجه برا البيت .. او باتوا برا البيت
ديل اصل .. و تربية بيت .
ديل لا ارتشوا ولا اختلسوا... ولا سطو على بنك او بيت
ديل اخوان بنات .. و بنات الحله ليهم اخوات
احترموا الكبير و الصغير .. و حريم الحله ليهم امهات و خالات و عمات
و لسه ياما فيهم الكتير !!
و كان الرجالة عندها حد .. فاتوا بهناك !! |
وحاة الخوة ياهم هم
عزام اخوى الرسول فيك دا ما جيلك تلاقاك انت الجيل القبلو
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: نجاة محمد بابكر)
|
نجاة
شكيت محنك على الله
أسى الطاقية الحمراء دى جدك عبدالله الفكى
ختاها فوق راسو؟؟
فعلا
إحنا جيل البلى
قزاز و فرينى
وجيل ام الحفر
والقش للغنم من
على قش
الجيل الما بستنى إقولو ليهو سوى
نحفر و نرفع خيمة العزاء
و محافير الترب فى بيوتنا
نحفر و نرفع خيمة العرس
نشيل الابريق و نغسل للكبار
لو مغربت علينا تقديم النسوان
أها بعد داك ما نلبس الشارلستون
شايف الموضة دورت و رجعت تانى
بس إنتى يا نجاة
شفتيهو ولا قالوهو ليك ؟؟
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: حيدر امين)
|
| Quote: عذام وجنابو يوسف كبو الكلام كلو وما خلو لينا حاجة |
ماضى و حيدر
معقول يجبو سيرتكم يا اولاد الخرطوم و نسكت نعاين ؟
البنية ادتنى السهر.. خلوها لى .. كان ما خليتها ( تطلب القرب ) ما اكون يوسف ابوصلعة !!
شوقى لكما.. و ايضا لها !!
جمعة مباركة
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: يوسف محمد يوسف)
|
| Quote: البنية ادتنى السهر.. خلوها لى .. كان ما خليتها ( تطلب القرب ) ما اكون يوسف ابوصلعة !! |
انت ذاتك جيلك جيل البنسون والبرنجى
فول ابوالعباس
جامعة القاهرة فرع الخرطوم
جيلكم جيل الكمونية والكوارع
الترماج
القراية بالجلابية
ابوجنزير
سانتوس
مازدا
البوليس لمن كانو بلبسو الردا والبرنيطةالفيها ريشة
السوارى بالليل (البوليس البركبو الحصين بالليل) كان ماعارف السوارى
ههههههههههههههههها
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: حيدر امين)
|
حيدر
الخرطوم دى كانو بغسلوها بالشامبو ولا شنو
وحاة الله انت شكلك قدر جدى عبدالله الفكى
ماضى دا شنو دا
يوسف
حتما ولازم اعرفك لانى لحسع ماعرفتك
سلمى شكرا على الاطلالة الرائعة
باريس المظلمة
بشرى العوير
المعاه قزاز
الانداية
سيد القش
مدرسة الجهاد
معهد المنهل للالة الكاتبة(حليلكم بقيتو ناس كمبيوترات ساكت)
زريبة الفحم
النسوان بتمشطو بالسلة والجورسيه
توب الكرب وتوب الجارة
صفيحة الموية بمليم
التعريفة فيها خمسة مليمات
برضو حنواصل
تخريمة
الجايين السودان انا فى انتظاركم
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: حيدر امين)
|
الجميل حيدر
بالله شوف الموظف نظيف و مهندم كيف .. و شوف بيتكلم مع رجل المرور كيف ؟
ثانيا .. شوف رجل المرور كيف مهندم و شكله ذاتو كيف !
اما الشارع .. هو اصلا ما محتاج لشامبو .. الوساخه تجيه من وين ؟
نجاة بت اخوى :
اجمل و اقول .. هذه خرطومنا و ديل ناسها .. شوارع و مواطنين و رجال امن .. وفنانين و عرائس .. طبعا
قبل هجمة ( البربر ) .. و خلاصة ياهو دى خرطومنا و دى جيلنا .. اما انتو و الله ما شوفتو من الخرطوم شىء واحد
غايتو انتو جيلكم دى مساكين .. قال المشروع الحضارى .. قال !!
حيدر يا حبيب انشاءالله نتقابل .. عشان نبكى شوية على خرطومنا !!
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: Adam Omer)
|
Quote: الاخت نجاة
يعنى ما حضرتى
التيرى فــيرا
ولا الكربلين
ودكان عباس رشوان جم جـامع أم درمان
و لا مـحـلات شـــلقامى ولا مـحـلات هريدى
وجورج مـشــرق ويـوسف الفكى( و النافـورة شـرق البوسـتة أم درمان |
هووووى حضرتهم وين قايلنى قدرك ولا قدرك انا جيل الزمن دا
جيل الجلكسى والكيت كات
جيل الشامبيون والفينو
جيل رويال بروست وجاد
ومؤمن ولذيذ
لو انفتحتا ما حا اسكت عشان كدة اختانى عديل كدة
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: Adam Omer)
|
الأخ آدم عُمر
| Quote: ودكان عباس رشوان جم جـامع أم درمان |
ما بعرف موقع الدكان بالضبط .... لكن الدعاية كانت بتقول إنو دكان عبدالله شلقامي هو الجنب الجامع.
جميع ما يلبس العرسان
وكمان ما يطلب الشبّان
طلبوه ولقوهو في الدكّان
في السوق جنب جامع أم درمان
دكان عبدالله شلقاااااامي
لقيتني كيف؟
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: Nasr)
|
نحن غايتو الشارلستون دا ما لبسناهو لكين شفنا اللابسينو
و ابو جمل دي ما ضقناها .. لكين شفنا الضاقوها
و التفه ما ربيناها .. لكين شفنا الربوها
و فرقة العقارب و الديم ما سمعناها .. لكين شفنا السمعهم
و تظل خرطوم تلك الحقبة، ذكري بطعم رائحة الياسمين و عبق ثمار النيم الطازجة و نسيم الغرب الهادئ و زوبعة امطار الخريف الرقيق. بغض النظر عن ذكريات الاماكن، اشتاق الي ذكريات الالفة و عمق علاقة البشر ببعضهم اثناء ساعات النهار او عند ليل ذو سمر. اشتاق الي دار حفية بالاهل و الاصدقاء حول تلفاز يبث مسلسل Dallas، اشتاق الي صوت اختي و هي تناديني ان اساعدها في تفريش سراير الحوش بعد رشه بالماء، اشتاق الي قطتي التي اهداني اياها Down Down USA و هي تمخر عباب جسدي بصوفها الناعم كل صباح، اشتاق الي رائحة الحلو مر الذي تخبذه (وناسة) التي تجدها في كل بيت، اشتاق ان العب الكره في زقاق بيتنا تظلله منقة ناس البداني و يدهسنا (دقاش) بقدمه الكبيره بينما يتفرج علينا كل الاهل، اشتاق رمضان و العيد حين ندخل كل البيوت بلا استأذان و نملأ جيبونا بالحلوي و الخبيز الطازج، اشتاق الي رايحة الغبار في ليلة نسهر فيها لننظف البيت لاستقبال العيد.
فهل انتهت اعيادنا ؟؟؟
اااااااخ
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: Nasr)
|
Quote: غايتو انا بتذكر زمااااااان ، لمن كنت صغير
كان في دكان في الخرطوم بيبيع كل اغراض الخياطة (ابر و كلف و خيوط ...)
و الدكان دا كان مشهور جدا و هو بتاع واحد قبطي
عرفتوه ؟؟؟؟ |
ناصر
تقصد دكان عبده تادرس فى السوق العربى فى الجانب الشرقى من مربوع ناس المغربى
وناس حسن صالح خضر وعجلات الرالى الدبل
اولاد ملاح ومكتبة النهضة ثم حلويات حمدتو لمن تصل قهوة الزيبق واجزخانة شاشاتى
ياخى مالك علينا نص الليل
الا امشى افتش البوست بتاع الخرطوم زمان واجيب منو كتاباتى
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: حيدر امين)
|
| Quote: تقصد دكان عبده تادرس فى السوق العربى |
بس .... ياهو زاتو يا خال
اتذكر امي رحمة الله عليها كانت تشتري جميع اغراضها للخياطة من هناك، و كنت ارافقها لحبي لهذا الدكان ففيه كثير من الالوان و الاشكال الجميلة التي كانت تأسرني و كان البائعين فيه في غاية اللطف.
الله يرحم ايام زمان يا حيدر .. انا لم اعايشها مثلكم .. ولكن شملتنا البركة ( يعني لحقنا طرفها).
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: ناصر احمد الامين)
|
طيب يا نجاة وناصر خلوكم معانا فى المشية للمدرسة والعوده للبيت
القصة دى نشرت منذ فترة فى بوست الخرطوم زمان مع الاخ حسن عبدالله
بسم الله وانت بادى
اول حاجه اول ما نطلع من المدرسة ( الخرطوم الاهليه الوسطى ) او كما تعرف بمدرسة الشيخ مصطفى الامين وناظرها محمد حمزه عليهم رحمة الله , فى الغالب تكون مهمتنا الوحيده ان نجيب العيش ونحن راجعين والعبش عدة خيارات اما تلاقيه فى محطة البصات العيش الابيض المدور 5 بشلن وواحد زياده او عيش سيحه بالسمسم وتلاقى ود الجبل رابط المنديل فى راسو والطاولة فى العجله او تمشى مخبز مونديال للعيش التوست زى ما بقولوا ,وده كله فى اكياس انيقه من الورق المقوى كاكى اللون معمول خصيصا للعيش , وبعد كده البص اول ما اتحرك من الموقف بسوق الخضار متجه غربا الى تقاطع شارع السوق مع شارع البرلمان يلف شمال ليكون فى اتجاه الجنوب ال ان يصل الى تقاطع مبنى البنك الصناعى وشماله برندة ابوالعلا يلف مع البنك شمال وفى اتجاه الشرق ليكون ميدان الامم المتحده يساره وناس الودع وحلاقين تحت الشجر والفراشه وبتاعين المويه والكركدى اما فى اليمين بكون محلات المراكيب والاحذية برندة محلات اولاد المغربى ولى جوه شويه محلات عبد ه تادرس , البص ماشى وصلنا يمينك مرطبات الملتقى وبعدها دكان حسن صالح حاج خضر واخوه لبيع العجلات ثم دكان ود ملاح وبعد شارع ثم مكتبة النهضه لصاحبها المرحوم محمد ابوالريش , ثم بعده حلويات حمدتو صاحب احسن باسطه فى الزمن داك , وفى الصف بعد شوسة مقاهى ولجوه شويه كانت قهوة الزيبق الشهيره , وصل البص نهاية مربوع الجامع وميدان ابو جنزير قدامك يلف شمال مع الجامع متجه الى ان يصل قصاد باب الجامع الشرقى ويتجه شرقا الى تقاطع القصر مع البلديه وكانت الاشاره شغاله , يطلع بشارع البلديه وقبب الاتراك شمالك وبيوت الاغاريق والاقباط على اليمين والشمال وعلى بعد مسافة كيلو او كيلو ونصف يلف شمال حتى يصل تقاطع الجمهوريه
للرحلة بقية,,,,
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: ماضي ابو العزائم)
|
الاخ محمد أبو العزائم تحية وسـلام.
من الجامع الكبير و أنت مــــاشى على المحطة الاوسطى.
دكان عباس رشوان ثم شركة بـــــاتـا ثم كـــامل شـــلقامى ثم دكان هريدى
و فى دكانكان من أهم الدكاكينفى ذاك الزمان دكان عمك الحاج نقد اللة وأولادة
هذا كان متخصص فى الرتائن و قطع غيار الرتائن من شــــاشة لى فونية!!!!!!!!!!!!
بعد داك أستوديو الوادى ومرطات مـــــــيامى
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: Adam Omer)
|
يا بنيه ..
شيشك بشيش ..
أنت لا تعرفين كيف كانت هذه البلاد شبابئذٍ .. و كيف كيف كانت الحياة فيها و كيف هؤلاء الشيوخ الأجمل صنعوا منها و صنعت منهم ملحمة للحياة و لا أحلى ..
أرثي لحال هذا البلد و قومه .. كيف فرطنا ؟
Quote: " بابيلون " كان يعرض في النيل الأزرق بالتزامن مع عرضه في كوليزيوم ..
سحرنا ستيف ماكوين بأداءه .. دستن هوفمان كان قليلوني ..
يتطابق مع صورة اليهودي النمطية : أنف كبير حاد و معقوف .. وجنات معضمة و مشية تشبه مشية الفأر ..
تجنبنا طويلا مشاهدة العرض في كوليزيوم حيث ( الكُضمي ) ..
و هو حينها أسطورة تبعث الخوف في نفوسنا نحن الصبيان الذين يعتبون إلى مرحلة نبت الشنبات و التمرد - الذي لازمنا -
إستراحة كوليزيوم في منتصف الفيلم كانت لغناء عثمان حسين و إبراهيم عوض ..
بداية الفيلم كانت لإدارة الإنتاج السينمائي بمصلحة الثقافة و صوت حمدي بدر الدين الجميل , و أفلام تسجيلية بالأبيض و الأسود ..
المحجوب و الأزهري و الشيخ على و مبارك زروق و الشريف حسين و الإمام و أبو حسبو .. و و و و
الصحافة و الأيام و الرأي العام كانت لها زاوية أسفل صفحتها الثانية معنونة بـ ( أين تذهب هذا المساء ) ..
نقرأها طوال أيام الأسبوع عدا الخميس .. فهو يومٌ له طعم مختلف - لنا ساكني ضواحي العمارات -
حيث تضج المساءات الخميسية بالإيقاعات حتى يعوعي الديك فجرا ..
البلوستارز و وليم أندريه و جاز الديوم و شرحبيل وووو ..
لا تغلب الحيلة منظمي الحفلات حتى تهز بيوتنا الطينية موسيقي البوني إم و فيكي بلين و جيمس لاست و جيمس براون ..
ديميس روسوس بقمصانه الخيمات و لحيته الكثيفة .. غجريٌ كان ..
يتراقص الناس مساءات الخميس بالـ ( تانغو ) .. رجالٌ ملمعون و نساءٌ فارهات على أنغام فوستو بابيتي .
النوادي المنتشرات في حي المطار و العمارات لم تكن تنام ليلة الخميس .. و كذلك نحن .
حفلات أعياد الكريسماس و رأس السنة كانت مهرجانا سنويا ننتظره بأحلى مافي دواليبنا الكحيانة من قشرات ..
الخرطوم زارها جيمي كليف زمانئذ .. و آيزاك هيز و ماكيبا ..
( عبدو زمان ) كان أشهر من ينظم حفلات رأس السنة .. في نادي الخرطوم او السوري أو القبطي او الأرمني او أبوللو ..
القرين فيلدج و الهابي لاند قفزت سريعا إلى واجهة همنا ..
معها صعنا طويلا بين مراقصها ..
ممتطين مواتر و مرة سيارات هكرات .. و اخرى راجلين , نغني بعلو الصوت في بلد حقتنا ..
كان هناك ديسكو سباق الخيل و صالة ديسكو السكة حديد ..
و كازينو حماد العائم ..
سودان بوك شوب كانت تلم صائعي الكتب و فئرانه ( يا قول كازانتزاكس ) ..
و يعرض التلفزيون الوحيد في الساحة الشعبية مسلسلات : الرجال العظماء و بيتون بليس ( أو بي قونقليز ) .. ولاسي و تامي .
سهرة الإتنين كانت ( تحت الأضواء ) و حمدي بولاد .. موسيقاها ما تزال ترن في سمعي .. و ما زلت أبحث عنها تسجيلا ..
كان هناك سمير إبراهيم " الحلبي " بشعراته المجلطات ( اول سوداني يجلط شعره ) يقدم نشرة الأخبار في التاسعة تعقبها حركات فئرانية من إدمون منير و : سهرتنا اليلة .. فيصن الناس و يهجعون إنتظار ..
نكره كنا : لحظات و نواصل السهرة .. يكتبها إدمون بالخط الفري ( و هو لا يجيده ) .
متوكل كمال و فريد عبدالوهاب .. حمدي بدر الدين و حورية حاكم و ماما أمال و محمد حجاز مدثر و كمال شانتير سهام المغربي و ضو البيت و صالحين و و و و و ..
طه حمدتو : شايت طوييل لحسن العبد .. حسن جاري وراه قصار , لعب الكورة ورا لصديق منزول .. صديق عندو الكورة .. بيبص للاعبين الموجودين .. طلع من الإتنين , كويس صديق .. كويس صديق .. ح يشوت في القون .. شاااااات .. ثم : ترتتتا تاترااا تراتتا تت ترااااا عالم الرياضة .
و كان أنيس عبيد يترجم الأفلام بحروف صفراء في حين الحروف البيضاء من اختصاص خوري و عبيد ..
دار القلم .. و " روايات الجيب " و " روايات عالمية " و " المختار " و " دار الهلال " ..
من الشمال تجيء روز اليوسف و صباح الخير و آخر ساعة .. الأهرام و الأخبار و أخبار اليوم ( و لم تكن تشبه جرائدنا ) ..
عبدالناصر و الباشوات و حزب الوفد و مصر الفتاة و الأخوان و حسن البنا و غازية من سنباط و سعاد حسني التي جهجهتنا .. و جورج البهجوري و حجازي ..جمال قطب و العقاد , يحي حقي و محفوظ و و و و
الكواكب كنا نحبها ملونة بحمولتها من الحسان الأرزيات .. و شارل الحلو أبو نخرة كما يرسمه ستافرو جبرا .. كميل شمعون و صراع السلطة مع تقي الدين الصلح ..
من الشرق سحرنا بأسد يهوذا .. هيلاسيلاسي و عرش بلقيس و أدمنا الغناء الأمهري عند منليك ..
باتريس لوممبا و كينياتا الزعيم .. و سنغور و جزائر بومدين و و و و و ..
ود الجنرال .. الله ينتقم منك . |
ايش لون ..تمشى الأحمسة ؟؟؟ منعم الجزولى 2007
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: Adam Omer)
|
Quote: إحنا جيل البلى
قزاز و فرينى
وجيل ام الحفر
والقش للغنم من
على قش
الجيل الما بستنى إقولو ليهو سوى
نحفر و نرفع خيمة العزاء
و محافير الترب فى بيوتنا
نحفر و نرفع خيمة العرس
نشيل الابريق و نغسل للكبار
لو مغربت علينا تقديم النسوان
|
الجيل العظيم .
بدوها في سبتمبر 1973،
وختموها بي أبريل 1985م.
تحياتي لهم.
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: ماضي ابو العزائم)
|
Quote: أنت لا تعرفين كيف كانت هذه البلاد شبابئذٍ .. و كيف كيف كانت الحياة فيها و كيف هؤلاء الشيوخ الأجمل صنعوا منها و صنعت منهم ملحمة للحياة و لا أحلى ..
أرثي لحال هذا البلد و قومه .. كيف فرطنا ؟
|
ما اعتقد انو ليل زمان كان (سلبه) و ما اعتقد انو كان (مسيخ) ..... مش كدا يا عماد ؟
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: ناصر احمد الامين)
|
| Quote: فى المدرسة دى ماقراكم استاذ عبدالمنعم زمراوى |
نجاة
استاذ زمراوى دى .. دبيب ( يعنى ما صغير )
لغة انجليزية
الدكان - التعاون المدرسى -
فريق الكرة
طبعا استاذ زمراوى تم تعينه و نحن فى السنة الاخيرة من المدرسة
لنا معه ذكريات فى رحلة المدرسة الى " ود رملى "
تقولى .. درس ماضى و حيدر .. انا لى حسى بذكره ليك بقصره و كرشه و شنبه العامل زى شنب هولاكو !!
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: نجاة محمد بابكر)
|
استذ زمراوى درسنى إنجليزى لفترة قصيرة
لكن عالق بذهنى تدريسة للجغرافيا
أول شئ بعد السلام بطلع المسطرة الطويلة
و إقبل على السبورة للتخطيط
بعدها بتكون (الحكاية)لانو الدرس فى شكل حكاية دائما
واضح إنو خطه ماجميل (إستنتاج لاحق)عشان كدة كان بقعد
الكتابة فى السبورة بطريقة تبغرك فى الكتابة
(طبعا الطريقة دى إستفدنا منها إحنا أصحاب الخطوط القبيحة عشان تكون مقروئة)
أذكر مرة داخلين إختبار جغرافية و قبل توزيع الاوراق سألتو عن شئ
فرد على بحزم (ما عارف)لما فتحنا الورقة لقيت سؤالى وارد فيها بى ضبانتو
رفعت راسى لقيتو بعاين لى بابتسامة و كأنو بقول (ما عارف بتاعة قبيل هى فى الاصل مابقدر)
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: ماضي ابو العزائم)
|
نواصل رحلة البص
, وعندها يكون المركز الثقافى السوفيتى يمينك (وياما قضينا فيه اوقات مذاكره لا تنسى ايام الامتحانات ) , يستمر الى ان يصل تقاطع الجامعة وقبله مباشرة على يمينك داخلية البنات وشمالك كانت منازل اساتذة الجامعة وهناك محطة جوار منزل د. علام حسن علام , ياخذ البص اتجاه الشرق مع شارع الجامعه والذى كان مظلل بشجر اللبخ من اليمين والشمال وفروعه تتلاقى فى نص الشارع لدرجة ان الانوار كانت معموله بطريقه فريده ومعلقه فى نص الشارع , وصل البص نفق برى هنالك ايضا محطة بعد النفق مباشرة لناس الخرطوم القديمه , البركس , التربيه والتعليم , مستشفى العيون والماشين سينما النيل الازرق ( وديل ما كتار), بعد كده يتجه البص الى الجنوب الى ان يصل لفة سلاح الاسلحه ويلف شمال باتجاه الشرق ويكون يمينك منازل الضباط وسلاح الصيانه وشمالك رئاسة سلاح الاسلحه الزمن داك ماكان فكروا فى نفق شارع الجمهورية , زيستمر البص فى مسيره الى ان يصل المكان الحسع فيه صينية كبرى كوبر ولم تكن او يكون الكبرى نفسه بل كان هناك خط سكة حديد يعبر الشارع الى بابور مويه ( محطة برى الحرارية الان) لتوزيدها بالديزل وياما راحة ارواح بفعل هذا القطار الذى كان اسود اللون من غير انوار او تنبيه ولا يوجد مزلقان وما يحب يجى الا بالليل , بعدها يمينك خلاء نهايته مبنى السلخانه و سور المطار وشمالك مقابر برى وبيوت مهندسى الادارة المركزيه ثم مكاتب التربيه والتعليم وشارع النيل , اول محطه كانت محطة دكان عبد الملك بعد تقاطع شارع النص وكان لسه جديد , وشمالك الشارع الترابى المؤدى الى كلية الشرطة وجوارها مبانى الكلاب البوليسية ,ثم البحر كما كنا نطلق عليه ثم ارض فضاء بها ملاعب الكرة ( فريق برى والروابط) والان بقت جاردن سيتى , المحطه الثانية محطة شيخ الهادى وعندها بنكون فى انتظار البص الجاى من الخرطوم فى الصباح الباكر لانو لو انتظرنا الماشى الخر(.........)م ما بقيف وطبعا الابونيه موفر علينا كثير , وصلنا اخر محطة فى برى المحس واول محطة فى الدرايسه بعد محطة البنزين وهى محطة الشفخانه قصاد الشارع الرئيسى المؤدى الى جاردن سيتى الان شمالا المتجه الى امتداد ناصر جنوبا مرورا بالجزر والذى كان عباره عن شارع ترابى لونه احمر ( الجزر ده سوق الخضار واللحمه لسكان البرارى وزى ما قال اخى محمد ابو العوائم لو عايز تعرف الزول اصلا من برى ولا دخيل شوفو بقول الجزر ولا سوق اربعة (اشارة لمحطة اربعه) ) . يستمر البص فى المسيره ومحطة اخرى قصاد معرض الخرطوم الدولى وبعدها محطة فى برى ابوحشيش جوار نادى برى الرياضى قبل تحويله الى الموقع الحالى , وهى ايضا قصاد غابة ود النور والتى كانت قبلة الكثيرين من الخرطوم والضواحى ورحلات ايام الاجازات والاعياد وحسع راحت فى الفلل الرئاسية , بالمناسبة البص من هنا يمكن يرجع لو كان مليان او يواصل لبرى اللاماب وبها محطتين قبل الاخيرة الاولى امام منزل مبارك امان والد اللواء مامون مبارك امان رئيس اتحاد الكره , د. هشام ومتوكل والثانيه بتكون قصاد قبة الشريف , البص وصل المحطة الاخيرة و 99% بلف لفه سريعه لدرجة مافى واحد يقدر يركب والمحظوظ بتشعلق ويمسكوه , يرجع البص بنفس خط السير بدون توقف ( وعشان كده نحن بناخد الاتجاه المعاكس ويمكن منها تتنازل من مقعدك لبنيه حليوه ايام كان الجمال جميل ) , لمن البص يصل نفق شارع الجامعه ياخذ طريق غير الطريق الاول فيتجه عند اشارة النفق فى التقاطع الجاى من بحرى جنوبا الى شارع القياده حتى يصل تقاطع شارع البلديه ويدخل به غربا الى ان يصل تقاطع القصر وقد كان شارع البلديه من اجمل الشوارع فى النظافة والتشجير ,, وبعد تقاطع القصر ياخذ طريقه باتجاه الجامع ثم يلف يمين وبعدها يسار ليكون باتجاه الغرب وعلى يمينه محلات منصفون ومحمد خير والطيب سرور و جروبى ويساره الجامع والكتب القديمه للبيع ثم موقف السجانة نمرة 2 والعمارات الى ان يصل اخر الموقف وترتيب موقف برى الثانى بعد بصات بحرى والاخير لبصات امدرمان.
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: حيدر امين)
|
تعرف يا حيدر ... مافى شئ بمسخ تداعى الذكريات سوى
ما يحدث فى البلد الآن من إرهاصات الانفصال و الانتخابات
التى لا ندرى إلى أى إتجاه ستقودنا.
كم تمنيت ان تكون (العازه) زوجة البطل على عبداللطيف
لا زالت تعيش و فى منزلهم ببرى ابوحشيش
(توفت فى ثمانينيات القرن السابق)لاطرح علها سؤالا محددا
(هل سيفقد على عبداللطيف الهوية)فهو من أب من جبال النوبة
و ام دينكاوية ... فى أى خانة سيوضع؟؟بطل لاى من شقى السودان
سيكون؟؟ أم سيشطب إسمه من التاريخ لأن ببساطة سيفقد الوطن؟؟
لها تغنى خليل فرح (عازة فى هواك)فصار إسم عازة رمزا للسودان
هل سنفقد هذا الرمز؟؟
عجبى
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: حيدر امين)
|
تورتو نفسنا
يا اولاد بري ونمرة تلاتة والديامة حطب القيامة
وديتونا مشاوير ايام لاتنسى
الكابتن يوسف ابوصلعة عمل وصف دقيق للمنطقة
وعايز اسوقو ناحية الشمال الشرقي ، ركن ميدان عبدالمنعم مع ركن الخرطوم الجديدة الثانوية
الشارع الذي يقع بينهما على رأسه يافطة إتنين كده نسيتهم أظنهما سيد قائمقام وعيسى
أو دهب وأظظني ملخبطو مع الكابتن عيسى دهب لاعب الهلال
تصعد بذلك الشارع شمالآ وتعدي الخور الكبير الذي يربط بين النيلين
تجد على يمينك بيت ناس حسن العربي وده مهد طفولتنا وحسن إبن أختي
وبعدهم آل الحكيم وعلى اليسار القاضي عبيد قسم الله وخلفه ذكاكين تلاتة و زاوية البرهانية
عكس المنطقة دي من ناحية الجنوب في الشارع الوتر الرابط بين ميدان عبدالمنعم ( نادي الأسرة )
وكان هو ميدان المولد ودومات عبود التي تحولت إلى حديقة القرشي
في هذا الشارع وقبالة البوابة الغربية لحديقة القرشي دكان عم نجيب بتاع الباسطرمة والمش
وخلفه بيوت أهل سعد زكريا وناس فرذدق ود الحويج
شارع الزلك الذي يقع جنوب حديقة القرشي نسميه شارع المدارس
فيه وحوله على ناحية دار الهاتف / سوداتل حاليآ تربض مدرسة الخرطوم جنوب
من خلفها مدرسة الإتحاد ثم مدرسة الزهور ومدرسة الخرطوم جنوب قبالة مركز صحي الفاتح
من سبتمبر وعلى مقربة من الملجأ بتاع المسنين وبيت بنات طلب وقدامهم النادي الأهلي الخرطومي
ثم دار فرقة الخرطوم جنوب للغناء والموسيقى الذي شهد صولات وجولات عثمان حسين
ومحمد وردي وخليل أحمد وعلي ميرغني وزكي عبدالكريم حتى جيل ناس مصطفى سيد أحمد
وعبدالمنعم الخالدي والطيب مدثر
في مدرسة الإتحاد الأولية المجاورة الخرطوم شارلستون كنا نتناول الفطور
في بوفيه المدرسة الذي يديره الحاج محمد عبداللطيف والد زميلنا وصديقنا
الراحل سيف الدين محمد عبداللطيف وهو قريب سعد زكريا وكل النقادة بتوع تلاتة
هذه الدائرة الواسعة كانت مهد طفولتنا وشبابنا الباكر وايام الطلب والدراسة
ننط السكة حديد عند قبر الجندي المجهول بين قبتان قبة إستاك وقبة كلية الصيدلة
ولا اذكر ايامها كانت شنو لكن المبنى كان يشابه مبنى إستاك ولا انسى أبدآ طعم الكركدي
البارد الذي تذوقته هناك وينافسه أخر على مقربة من جامع فاروق وأخر في شارع الطيار مراد
وفي تلك الناحية مطعم سلوى والفول بزيت السمسم او بالسمن البلدي والعدس بالكبدة
وكنا نتعشى فيه بعد عودتنا راجلين من السينما الوطنية غرب وغالبآ نكون حضرنا أحد أفلام
سيدني بواتييه او ريتشارد بيرتون( والرجل ذي اللحية الزرقاء )
كنا نادرآ ما ندخل كلوزيوم وان فعلنا كنا نبكر لنسمع ليلة السبت لأبن البادية
غالبآ نرتاد الوطنية غرب و سينما النيل الأزرق خلف البركس
قعدنا في جروبي وصالة غردون للموسيقى والكوباكوبانا والأتنيي والإستقلال
والغار وسانت جيمس وفندق الشرق والليدو وصحارى
أول نظارة عملها لي ابي في مطلع العام 66 عند موريس جولدنبرغ
وبعد ما توظفت غيرت إلى محمد نور للنظارات في صحارى ناحية الأكوربول
وعملنا السبعة وذمتها
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: أبو ساندرا)
|
Quote:
تورتو نفسنا
يا اولاد بري ونمرة تلاتة والديامة حطب القيامة
وديتونا مشاوير ايام لاتنسى
الكابتن يوسف ابوصلعة عمل وصف دقيق للمنطقة
وعايز اسوقو ناحية الشمال الشرقي ، ركن ميدان عبدالمنعم مع ركن الخرطوم الجديدة الثانوية
الشارع الذي يقع بينهما على رأسه يافطة إتنين كده نسيتهم أظنهما سيد قائمقام وعيسى
أو دهب وأظظني ملخبطو مع الكابتن عيسى دهب لاعب الهلال
تصعد بذلك الشارع شمالآ وتعدي الخور الكبير الذي يربط بين النيلين
تجد على يمينك بيت ناس حسن العربي وده مهد طفولتنا وحسن إبن أختي
وبعدهم آل الحكيم وعلى اليسار القاضي عبيد قسم الله وخلفه ذكاكين تلاتة و زاوية البرهانية
عكس المنطقة دي من ناحية الجنوب في الشارع الوتر الرابط بين ميدان عبدالمنعم ( نادي الأسرة )
وكان هو ميدان المولد ودومات عبود التي تحولت إلى حديقة القرشي
في هذا الشارع وقبالة البوابة الغربية لحديقة القرشي دكان عم نجيب بتاع الباسطرمة والمش
وخلفه بيوت أهل سعد زكريا وناس فرذدق ود الحويج
شارع الزلك الذي يقع جنوب حديقة القرشي نسميه شارع المدارس
فيه وحوله على ناحية دار الهاتف / سوداتل حاليآ تربض مدرسة الخرطوم جنوب
من خلفها مدرسة الإتحاد ثم مدرسة الزهور ومدرسة الخرطوم جنوب قبالة مركز صحي الفاتح
من سبتمبر وعلى مقربة من الملجأ بتاع المسنين وبيت بنات طلب وقدامهم النادي الأهلي الخرطومي
ثم دار فرقة الخرطوم جنوب للغناء والموسيقى الذي شهد صولات وجولات عثمان حسين
ومحمد وردي وخليل أحمد وعلي ميرغني وزكي عبدالكريم حتى جيل ناس مصطفى سيد أحمد
وعبدالمنعم الخالدي والطيب مدثر
في مدرسة الإتحاد الأولية المجاورة الخرطوم شارلستون كنا نتناول الفطور
في بوفيه المدرسة الذي يديره الحاج محمد عبداللطيف والد زميلنا وصديقنا
الراحل سيف الدين محمد عبداللطيف وهو قريب سعد زكريا وكل النقادة بتوع تلاتة
هذه الدائرة الواسعة كانت مهد طفولتنا وشبابنا الباكر وايام الطلب والدراسة
ننط السكة حديد عند قبر الجندي المجهول بين قبتان قبة إستاك وقبة كلية الصيدلة
ولا اذكر ايامها كانت شنو لكن المبنى كان يشابه مبنى إستاك ولا انسى أبدآ طعم الكركدي
البارد الذي تذوقته هناك وينافسه أخر على مقربة من جامع فاروق وأخر في شارع الطيار مراد
وفي تلك الناحية مطعم سلوى والفول بزيت السمسم او بالسمن البلدي والعدس بالكبدة
وكنا نتعشى فيه بعد عودتنا راجلين من السينما الوطنية غرب وغالبآ نكون حضرنا أحد أفلام
سيدني بواتييه او ريتشارد بيرتون( والرجل ذي اللحية الزرقاء )
كنا نادرآ ما ندخل كلوزيوم وان فعلنا كنا نبكر لنسمع ليلة السبت لأبن البادية
غالبآ نرتاد الوطنية غرب و سينما النيل الأزرق خلف البركس
قعدنا في جروبي وصالة غردون للموسيقى والكوباكوبانا والأتنيي والإستقلال
والغار وسانت جيمس وفندق الشرق والليدو وصحارى
أول نظارة عملها لي ابي في مطلع العام 66 عند موريس جولدنبرغ
وبعد ما توظفت غيرت إلى محمد نور للنظارات في صحارى ناحية الأكوربول
وعملنا السبعة وذمتها |
يا نجاة
ابوساندرا ده من ياتو جيل... جيل ناس ماضي وحيدر.... ام جيل سابق......ام جيل لاحق
تحياتي
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: محمد الشيخ أرباب)
|
Quote: كنا نادرآ ما ندخل كلوزيوم وان فعلنا كنا نبكر لنسمع ليلة السبت لأبن البادية
غالبآ نرتاد الوطنية غرب و سينما النيل الأزرق خلف البركس
قعدنا في جروبي وصالة غردون للموسيقى والكوباكوبانا والأتنيي والإستقلال
والغار وسانت جيمس وفندق الشرق والليدو وصحارى
أول نظارة عملها لي ابي في مطلع العام 66 عند موريس جولدنبرغ
وبعد ما توظفت غيرت إلى محمد نور للنظارات في صحارى ناحية الأكوربول |
يا جُلُك ....
ديّامي وعامل فيها (ود ذوات) ...
أول حاجة كلوزيوم شنو وغرب شنو؟ إنت أكيد بتاع (النيلين).
جروبي والـ GMH والكوباكوبانا وأتينيه ديل كنت بتجي ماشي جنبهم ساكت ..... كمان جابت ليها سانت جيمس والشرق والليدو وصحارى؟ أين ذهبت (عائشة بنت وكر) يا هذا؟
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: ماضي ابو العزائم)
|
محمد الشيخ اها حيدر قال ليك ابوساندرا دا من جيلنا
ياديامى بتعرف انداية ديم حيوان
عوض سلك السكرجى بتاع ديم سلك
سليمان باشدار بطل السودان فى ديم سعد
مكتبة على فقيرى فى ديم برتى
ترب بلاع فى ديم التعايشة
مدرسة الراعى الصالح فى المايقوما
سيد القش جنب ديم الحجر
سباق الخيل فى ديم السبق
زريبة الفحم فى ديم القنا
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: ماضي ابو العزائم)
|
الأعزاء
محمد الشيخ ارباب و حيدر امين وماضي ابوالعزائم وأخوه محمد ابوالريش
أهلآ وسهلآ
انا أصغر من ناس ماضي هم كانوا السناير بتاعننا وقدامنا بدفعة كاملة
لمن كانوا في ( بيت الأمانة لم ينجح أحد ) يعني في الثانوي نحن كنا ممتحنين
الشهادة المتوسطة لدخول الثانوي
وفي الشهادتين امتحنت من الأهلية الخرطوم / محمد حمزة
ممكن أكون قريب من حيدر أمين
دفعتي من اولاد بري ، صلاح السر دياب وسيف الدين محمد الماحي
لكن ناس غازي السر النور والتقر ديل زاملتهم في الطيران المدني
يا ابوالريش جايي ليك
انت وأخوك
سلموا على نجاة معاكم
| |
|
|
|
|
|
|
|
|
|
Re: جيل ماضى ابوالعزائم .........وحيدر امين (Re: حيدر امين)
|
ياديامى بتعرف انداية ديم حيوان
عوض سلك السكرجى بتاع ديم سلك
سليمان باشدار بطل السودان فى ديم سعد
مكتبة على فقيرى فى ديم برتى
ترب بلاع فى ديم التعايشة
مدرسة الراعى الصالح فى المايقوما
سيد القش جنب ديم الحجر
سباق الخيل فى ديم السبق
زريبة الفحم فى ديم القنا
| |
|
|
|
|
|
|
| |
نجاة محمد بابكر
Hussein Mallasi
ناصر احمد الامين
محمد أبوالعزائم أبوالريش
يوسف محمد يوسف
عزام حسن فرح
حيدر امين
ماضي ابو العزائم
سلمى الشيخ سلامة
إبراهيم عبد الحليم
Adam Omer
محمد الشيخ أرباب
Nasr
Emad Abdulla
أبو ساندرا
فيس بوك
تويتر
انستقرام
يوتيوب
بنتيريست