|
|
 كانت مواعيدك .. سراب !!
|
قوليلي وينِك يا مناي
راجيكي متصبر براي ..
كيفن تجافيني وهواك
عارفاهو جاري معا دماي ..
أنا كنت راجيك فوق جمر
شايل الصبر دايماً معاي ..
لامن نجض فيني الصبر
شيبت بالهم في صباي ..
كانت مواعيدك سراب
باراهو للآخر هواي ..
تهت وقنعت من الأمل
وكتين رجيتو وطال رجاي ..
|
|
 
|
|
|
|
|
|
|
|
Re: كانت مواعيدك .. سراب !! (Re: محمد عبدالله مختار)
|
كلَّ الحَصَل بنساهو تَبْ
لو جيتي شايله معاك دواي ..
أنا أكتر إنسان في الوجود
يهواكي رغم انِّك أذاي ..
ما أصلي دايرِك شان مُناي
أسقيكي ريدي وكل هناي ..
شوفتِك أكيد فيها الشِّفا
يا ريت تعجلي بي شفاي ..
الشمالية .. مارس 1997
| |
|
|
|
|
|
|
| |
محمد عبدالله مختار
فيس بوك
تويتر
انستقرام
يوتيوب
بنتيريست