|
|
|
 Re: جمال امراه سودانيه لا نظير له (Re: الرشيد ابراهيم احمد)
|
Quote: ما اكثر جميلات بلادي
رقه جمال عفه نضاره
ادب زوق روعه ابداع شهامه
وجمال لا بل اكثر بكثير
هنا يوجد نموزج لجمال المره السودانيه
عندما نقول عفاف الصادق حمد النيل فهذه لا تحتاج مني لتعريف
وعندما نسمع اسم الاستاذه اسيا ربيع (اسيا دراما ) هنا ابداع يعرف
توجد شاراكه اعتقد انها قمة
نسمع ويقرر غيري
الرشيد ابراهيم احمد |
والله ماقلت فيهم الا الحق الاتنين اجمل من بعض يسلمو من كل شر
وتسلم يارب ....
| |
 
|
|
|
|
|
|
|
 Re: جمال امراه سودانيه لا نظير له (Re: الرشيد ابراهيم احمد)
|
صدقت والله
مازالت حروف عفاف الصادق حمد النيل ترن فى اذنى حينما كتبت ذات مرة تودع زوجها ابوعركى البخيت وهو مسافر
قالت عفاف ( لما ترحل يا حبيبنا بستف الحب بين ملابسك -- عشان يلامسك )
فى اجمل من كده ليك التحية
ولا كيف 000؟؟؟
| |
|
|
|
|
|
|
|
|
 Re: جمال امراه سودانيه لا نظير له (Re: الرشيد ابراهيم احمد)
|
Quote: ما اكثر جميلات بلادي
رقه جمال عفه نضاره
ادب زوق روعه ابداع شهامه
وجمال لا بل اكثر بكثير
هنا يوجد نموزج لجمال المره السودانيه
عندما نقول عفاف الصادق حمد النيل فهذه لا تحتاج مني لتعريف
وعندما نسمع اسم الاستاذه اسيا ربيع (اسيا دراما ) هنا ابداع يعرف نفسه
توجد شراكه ابداعيه اعتقد انها قمة |
لهن كل الاحترام والتقدير بنات عزة ومهيرة !!
| |
|
|
|
|
|
|
|
|
|
Re: جمال امراه سودانيه لا نظير له (Re: الرشيد ابراهيم احمد)
|
البارح براى وكتين الخلايق هاجعه
طافت روحى جات بى دياركم راجعه
وكتين شافت الزول اب بسيمتا ناجعة
اب حسا حنين متل القمارى الساجعة
انسانه حنينه ... مشبعه اصاله....مملؤه سماحه ... تفيض تواضع
تشتم في اشعاره دعاش الخريف ..
تستنشق من نظمها نسمات الصباح..
تسوقك بخيالها لسهول البطانه ..تجلسك وسط الغبش الغلابه..
تجلب لك بفكرها .. عذب مياها العاديك ..
تشبعك من صنعها اطيب يختزنه الريف السوداني البسيط ...
...........
يطول وربما لا يكون بالمقام الحديث عنها
اسماء الجنيد
واحده من فلزات كبد عزه وبها يكون الاعتزاز
| |
|
|
|
|
|
|
|
|
|
Re: جمال امراه سودانيه لا نظير له (Re: الرشيد ابراهيم احمد)
|
Quote: انسانه حنينه ... مشبعه اصاله....مملؤه سماحه ... تفيض تواضع
تشتم في اشعاره دعاش الخريف ..
تستنشق من نظمها نسمات الصباح..
تسوقك بخيالها لسهول البطانه ..تجلسك وسط الغبش الغلابه..
تجلب لك بفكرها .. عذب مياها العاديك ..
تشبعك من صنعها اطيب يختزنه الريف السوداني البسيط ...
...........
يطول وربما لا يكون بالمقام الحديث عنها
اسماء الجنيد
واحده من فلزات كبد عزه وبها يكون الاعتزاز |
الرشيد ود عمى ابراهيم
يعلم الله نزلت دمعتى فرحه بيك يا ود بطن الامات وسند الخالات والعمات
يعلا مقامك ويعظم شانك يا ضى شبابيكنا وسقف بيوتنا
يديك قدر ما يرضيك يا المهل ياضل الاهل..
اسعدتنى كلماتك حد الفرح السابح فوق السحاب
شكرا لمة اهل فى بطانتنا الرويانه بى نفسهم الحنين
وطاعمه بى ريقهم الرطب وكلامهم البشبهم براهم..
تسلم يابا يا غيمه فوقنا شابا
| |
|
|
|
|
|
|
|
|
|
Re: جمال امراه سودانيه لا نظير له (Re: jini)
|
Quote: سموهو نضم عشان زى نضم الدرر!!
اهلنا يقولو ليك انضم الخيط وانضم العقد دا وانضم السبحة دى!!
يا سلام على عركى وعفاف
جنى |
جنى سلام
صدقت يا جنى
انت زاتك يا جنى عرفت تنقى نضم وتعبير
بيشبه جنس الكلام المرصوص زى خرز العروس
يسلم مبدعنا الرائع الاخ الصديق عركى
وتسلم المكملة الروعة لى حدها
الشاعرة الانسانه عفاف الصادق
وتسلم انت ياجنى
| |
|
|
|
|
|
|
|
|
|
Re: جمال امراه سودانيه لا نظير له (Re: الرشيد ابراهيم احمد)
|
| Quote: وعندما نسمع اسم الاستاذه اسيا ربيع (اسيا دراما ) هنا ابداع يعرف نفسه |
اسويه دى يا الرشيد يا خوى نغمنا الباقى لينا
ياها الحنينه .. فيها ريحة الطيبين ومسكونه بى ابدااااع بتعرفوا هى براها
وحنينه باين فى صوتها الدافىء ..
ما شاء الله يا اسيا ربيع ..قمة الروعة فى اداء اى قصيده
بتديها احساس مميز جدااااا
ربنا يحفظك ويخليك لينا يا الاغلى من عينينا
شكرا يا الرشيد بتعرف كيف تجيب السمح ومعتق سلمت يابا
| |
|
|
|
|
|
|
|
|
|
Re: جمال امراه سودانيه لا نظير له (Re: الرشيد ابراهيم احمد)
|
يالكحلت عيون الدنيا بلون الغنوه
يالضفرت ضفاير احساس الكلمه الحلوه
يالشتت نجوم الليل في وش النيل
عقدا فوق القمره بيقدح فينا الضو
يالطقطقت اصابع السحب الشالن جو
دفق عسل المطره و نقط ..كبت شو
نضمت..غنت ..سكتت ..صنت
مرقت ..دخلت ..قامت ..قعدت
شن بتسو ؟
تقشقش فوق رقراق الدمع الكاسي العين بهدمة دم
كل ما اتعرى يجدد توبو يضاري الريحه الكست الجو
تساسك بين تيار الموج الكسر الجدول ودفق شو
تسارق فوق نجماتا برقن هجن لجن .. باتن قو
تضاير فوق وديانا شبعن .. رضعن ضرع السحب الشالن برا .. جو
تصنت غنوة سيره عريسه مهقد ..مكسي ..مجرتك
يفوح الصندل .. وعطر المحلب منو مدفق
امو تعدل ..واختو الرقصت .. وخالو يبشر ..
وعمو بيعرض وسط السهله .. وخيرو مدفق
غنوه بتعزف نغم اتشتت .. رعدا صفق
بردا هز اتباطن صوتو
اتطانن حر لوح و هوا
وظهرا فارسا تب ما اتلوى
وزغرد ليك ايقاع المطر اتلبب
حضن الارض ونام
ود سيد احمد دق المحلب جوه الفكره
وخت الذكرى
ذكرى الليله
وذكرة بكره
ابيه و حره
مبدأ و عزه
سيما وعبره
درايه و خبره
شموخ بيت عازه الما بتهزه
برغم الضيم
وليد ضكران
هز و رز , تب ما فز
اتقطر نز
ادفق ضي
ود سيد احمد شال الريشه
ورسم اللوحه
وشتت لونها
وتيرب بيهو سما السودان
وكانت النبته عصارة الغنوه الفيها
ثقافه .. وحب .. وسياسه
مزيجها بلدنا وفيها ولدنا اتعطن الريد
والبت الحلوه .. الوطن الغالي
وسرج بيهو و شد ضهر سودانا القام
وكيف بتفوت
وكيف بتفوت ..
يالولد الغنى وشنا ورنه
وخالدا حي
ما بتتضارى بشوفك قاعد بين الرمش الفوق عيني
يالدفيت اعضاء الكلمه في ليل
البرد ..الريح ..الصي
يالنديت اغصان الحرف بصيفا
حرا و شد الكي
وكيف بتفوت يالولد الضوا وشيشو قليب الوتر
الغنا وطربا غطى فجاج الحي
تمرق بين ورتاب الزرع الفرهد
تمرق بين حبات المطر الطقطق نقط
يحضن ليلا سود ..هج ..وهود
تمرق بين النيل الكتر ادفق و نمرق
تمرق بين الوترالصفق غنا و زغرد
تمرق بين صفقات الشجر اخضر و ورق
قام اتشابى و عانق كتف الليل
اتطاول باس القمره و قبل عين الشمس
كيف نبكيك يا راجل الليله و بكره و امس
كيف نبكيك ونحنا بنسمع صوتك
سرا.. وجهرا .. وهمس
كيف نبكيك و انت معانا تشيل و تخت
ترص و تقص
تفج السهله وتحكي الغنوه اللبست صوتك
وشالت حسك ..ونفسك ..وروحك
وسمحة زي
وانت معانا بقيت جوانا و ماك بتفوت
حتلت حنينا جوه القلب
بصمت عليهو وجود موجود ..برغم الموج
وسفر الجسد الما محدود
غلبت تفوت
كسرت الحاجز الراكز جسرو على المسدود
رقعت الهدم الراسي خيوطو على المقدود
مسحت ..مسحت البعد الارضي المامحدود
نسفت مسافة الزمن الروح و مامعدود
سكنت مسامة النغم المن ايقاع النبض
بقيت الدم .. والروح .. والقلب
هزمت الموج .. غلبت تفوت
تفوت لي وين ؟؟
وانت الزول الباقي وحي
انت النور الوج الضي
وانت البحر الدفق ري
تفوت على وين ؟؟..ونحنا زرعنا لسع ني
النيل الابيض لاقى و عانق حضن الازرق
باس الابيض خد الزنجي
اتقلدوا.. اتقادوا
اتوحدوا ..فاتوا
مات العنصر و داب الفارق
من بيناتن
صدر العين اتملى بالعبره
اتنهد نفس الكلمه الحلوه ..اتأوه
آهة طفت القمره و نفخت قلب الجمره
وكبت فينا ضلام
يا انسان .. يا فنان يالقاومت الذاكره و النسيان
دخلت بوين ؟
سكنت الدم الجاري على الشريان
لوليت جوانا عصاية الكلمه ..الشرف ..العزه
العايش فينا في كل زمان
جرجرت علينا حروف النغم الطربا
يهز يفرح كل مكان
ختيت الرأي صريح قولا و فعلا و فكرا
سجل اكتب يا تاريخ
يا استاذ .. يا ممتاز
ختيت الدرس مفيد و صحيح
درسا ما دايرلو وسايلا للتوضيح
ونحنا فهمنا كتبنا درسنا على الكراس
انتهت الحصه و ناحن سكلبن الاجراس
مرقت صحيح ؟؟؟
مشيت بي وين ؟؟
وكيف خليتنا بدون تصحيح ؟!؟
نصحح وين !!؟
شلنا الهم
نصحح وين
جينا الكم
نصحح وين
وكل اقلامنا تقطر دم
كمل الاحمر دفق لونها فحم
ونحنا كبرنا وعينا و زدنا فهم
عرفنا اهداف الدرس تمام
ختينا النقطه ,الهمزه ,الشوله ,الاستفهام
خلصنا خلاص
جمعنا قلمنا حبرنا كتابنا مع الكراس
يالوحدت بسفرك كل الناس
يامقياس
يا ميراث
واساس المعنى
الحب ..المبدأ .. والاحساس
نعم الارث الباقي و اعظم ساس
وكيف بتفوت
و افتش ليك انا جاي بي جاي
و أهلك و ناسك مرقوا يكوسو عليك معاي
وانادي عليك ارتى عليا
فوت بي وشك ارجع جاي
وفجأه ...و فجأه بتطلع من جواي
متل النور الضوا حداي
وموج النيل الرايح جاي
وهج العين الفكر الراي
ومن الشمس بريق ضواي
وصدر الام الليك غطاي
حديثها يناغم فيك لولاي
وصوتها يهدهد فيك هداي
هوها..يا هوها
واحد ..اتنين ..تلاته
إبرة الخياطه
فيها م وفيها ص وفيها ط وفيها ف
وفيها جميع المصطفى
عفاف الصادق حمد النيل
| |
|
|
|
|
|
|
|
|
|
Re: جمال امراه سودانيه لا نظير له (Re: الرشيد ابراهيم احمد)
|
سماح عينيك
في عينيك دنيا غريبه ..
دنيا ملانه بهجة وطيبه ..
مره تدفع ..
ومره تجمع ..
ومره تاخد كل أعماقنا تابا تجيبا ..
وأنا اتحيرت ..
شلت الخطوه ..
حتى الخطوه لما نشوف جمال عينيك ..
تبقى ترجع ..
وليك بتتطّلع ..
قصة صوره في عينيك حروفا رهيبه ..
فصوله بتحكي للأيام عيد ميلاد حبيب وحبيبه ..
وتروي كلام مطابق ليك ..
نابع وحيو من عينيك ..
و سماح عينيك عاد يعمينا ..
فيها حديث جميل ورقيق ..
وبدي الناس جمال احساس اصيل وعريق ..
وخاطراً يطيب ..
يخت في الكون حلاوة لون ..
جديد في طابعه متفرد ..
وبي مضمون أصيل وعريق ومتعدد ..
وديمه عليهو متجدد ..
وسماح عينيك عاد يعمينا ..
زين ليها ما شفناه ..
لا في الريل ولا إنسان ..
ولا الجدي السمح بالحيل ..
ولا الماس البقولو عليه ..
سماح عينيك يشيل ويزيد شقى الأيام ..
ويرسم لينا لي قدام ..
بكل حنان يزغرد لينا زين وعديل ..
عفاف منبع العفاف
| |
|
|
|
|
|
|
|
|
|
Re: جمال امراه سودانيه لا نظير له (Re: الرشيد ابراهيم احمد)
|
| Quote: ولكني باحث عن كل جماليات عفاف العفاف |
الرشيد ود البلد
حبابك
والله عفاف اسم على مسمى
ست الصون والعفاف
وكلامها يديك احساس باليقين ورضا الوالدين
ياخى دى ملكة متربعه على قلوب الناس
ربنا يحفظها ويحفظ ليها اولادها وزوجها الاخ الفنان الانسان عركى
ويديهم قدرما يرضيهم
تحياتى لهم عبر بوستك الجميل المميز
| |
|
|
|
|
|
|
|
|
|
Re: جمال امراه سودانيه لا نظير له (Re: soma)
|
عفاف الصادق حمدالنيل..بحر مليان حنين وجمال..
أسماء الجنيد..زولة فهمانة..وعارفة بتعمل فى شنو..شعر موزون ورصانة وفنون..
أسيا..ربيع...نغم..وفهم... وذوق وعلم....
الله يحفظ جميع مبدعات بلادى.....
| |
|
|
|
|
|
|
|
|
|
Re: جمال امراه سودانيه لا نظير له (Re: ismeil abbas)
|
Quote: عفاف الصادق حمدالنيل..بحر مليان حنين وجمال..
أسماء الجنيد..زولة فهمانة..وعارفة بتعمل فى شنو..شعر موزون ورصانة وفنون..
أسيا..ربيع...نغم..وفهم... وذوق وعلم....
الله يحفظ جميع مبدعات بلادى..... |
ويحفظك انت يا اسماعيل يااخوى
يا تاج راسنا وضلالتنا
بشوف فيك فخر القبيلة البسند الامات
وضهر البنوت وركازة الخالات والعمات
ربى يسعدك يا ود ملوك النيل
والتحية عبرك للعقاب
شكرا أردب محنة
| |
|
|
|
|
|
|
|
|
|
Re: جمال امراه سودانيه لا نظير له (Re: الرشيد ابراهيم احمد)
|
في عينيك دنيا غريبه
دنيا ملانه محنه وطيبه
مره تقطع
ومره تجمع
مره تاخد كل اعماقنا تابا تجيبا
وانا اتحيرت
شلت الخطوه
حتى الخطوه لما نشوف جمال عينيك
تبقا ترجع
وهي بتتطلع
قصة صوره في عينيك حروفا رهيبه
فصولا بتحكي للأيام عيد ميلاد حبيب وحبيبه
وبتروي كلام مطابق ليك
نابع وحيو من عينيك
و سماح عينيك عاد يا منيه
زيا ليها ما شفنا
فيها حديث جميل ورقيق
وبدي الناس جمال احساس اصيل وعريق
| |
|
|
|
|
|
|
|
|
|
Re: جمال امراه سودانيه لا نظير له (Re: الرشيد ابراهيم احمد)
|
***
ويوم تقول داير تسافر
بستف الحب بين ملابسك ..
شان يلامســك،،،
كل هدماً ترتديهو..
تلاقي فيهو
قليبي حارسك ..
ولما تهدأ فوق وسادتك
تلقي روحي ملت جوانحك ..
ولما تغمض رمش عينيك
أبقي في نومك أزاحمك،،،
ولما تبقي امام مرايتـك
تلقي صورتي كست ملامحك،،
وكل موقف من مواقفك
أبقي قــدرك ..
وأبقي فيهو أنا البشابهك
ولما تمرق لي صحابك
وكل زول بشوق يسالمك ..
تلقي في إيديهو إيـدي
ولمحة من عينيّ تصابحـك ..
حتي في نغمة كلامو
تلقي صوتي مزج سلامو
وتحس بي ،، أنا البصافحــك ..
***
وين تسافر مني تمشي
وين تقبل مني تبــري
ياني فيك أنا امتزجت
بمزج النفس البيطلع
مرة شهقة .. ومرة زفرة
اكون الدم في عروقك
وامشي في شريانك ابرى
مسلك الحب في وريدك
فيه بغرق ومنه بروى
ياني ندك... وليك نديدك
عنك أكتب ومنك أقرأ ..
***
وإلتزاماَ بالقضية
والتمسك بالمبادي
والمبادي هي الحقيقة
والحقيقة العندي هي
لا مساومة لا مساومة
في المقاومة
بي مداومــة
والتزاما حق تماماَ
أنا البريدك
انا البريدك
وين بتمشي بلايا درباَ
وكل درباَ تمشي فيه ..
لي بيودي
وكل حدود الدنيا عندك
هي حـــدي
وين ما قبلت تلقى
إنك إنت مني ليّ
وإنك .. إنت
كل مــا عنــــدي .
عفاف العفاف
| |
|
|
|
|
|
|
|
|
|
Re: جمال امراه سودانيه لا نظير له (Re: الرشيد ابراهيم احمد)
|
Quote: ويوم تقول داير تسافر
بستف الحب بين ملابسك ..
شان يلامســك،،،
كل هدماً ترتديهو..
تلاقي فيهو
قليبي حارسك .. |
يا اللــــــــــــه عليك يا عفاف بت الصادق
ربى يحفظك ويسعدك ديمه زى ما بتسعدينا باحساسك العالى
وليك كل المحنة الفى القلوب يمة
والانسان عركى يستااااااهل يعلم الله
الرشيد اخوى شكرا لكل السمح المرقتو لينا مجرتق
تسلم يا عشاى طبيق جناى..
| |
|
|
|
|
|
|
|
|
|
Re: جمال امراه سودانيه لا نظير له (Re: الرشيد ابراهيم احمد)
|
أنت يا أماه
حين تبسمين
يشرق الصباح
يضحك الضياء
ترقص النجوم
فوق غيمة السحاب
تغرس الشموس
عند قامة السماء
نبتة الحياة
حين يستفيض
ضؤ الماء
ينثر الضياء
فوق حبة الرزاز
يستكين يا أماه
من قيلولة النهار
وتحلم الطيور
كيف أنها تسير
فى مراقد المياه
عند هجعة الغروب
أو تطير تشرب الحياة
من ثدى الأصيل
حين يستظلّ وهجها
بشعرك المنثور
فى بيارق الفضاء
ينثر العطور
يستطيب طعم الكون
ينفح القلوب بسمةً
تضىء ظلمة المساء
حينما يموت ضؤ الشمس
وفيلق الإحساس
يضنى بالاشياء
حينها تضيىء ياأماه
ينمو كل النور
تثمر الأضواء
تورق النجوم
ينبت الجمال
تزهر الافراح
وأنت الحب
كل العشق
كل الود كل الكل
حين يجمع الأجزاء
يحتويها
كى نصير يا أماه
أجمل المعانى ديدن الوجود
وحين ينثر الجمال
ما لديه من جمال
وحين يرسم الخيال
ما لديه من خيال
وتكتب الحياة كل ما لديها
من حياة
تبقى يا أماه هذه السطور
تبقى هذه الألوان والحروف
تسكبى الحياة
أخذتى يا أماه مذ رحلتى
فرحة القلوب
بسمة الشفاه
نسمة الحياة
كل يوم نقدح الزناد
نوقد الصباح
لا يضىء فى مدينتى صباح
كل يوم نشعل الزناد
نسرج الصباح
الزناد يشتعل
والصباح لا يطل
نهدهد الظلام كى ينام
نوقظ الصباح
لا أمل
الحق يا أماه أطفأت دموعنا
الشموس
وأغمضت عيناك
فى جفونها القمر
| |
|
|
|
|
|
|
|
|
|
Re: جمال امراه سودانيه لا نظير له (Re: الرشيد ابراهيم احمد)
|
ان كان الحديث عن اسيا
فاننى يكفينى انها بنت لحمى ودمى
انها اختى بل اخت كل من عرفها
انها نعمة من نعم الله على خلقه
انها الانسانة الوفية التقية الحنونة
الام لكل من صرخ لحظة ميلاده
وهى الخالة لكل اطفال اسرتنا
لا لانها "بت خالتى "
لكن لانها التى عرفت منذ اكثر من عشرين عاما
تظل نخلتنا ودوحتنا
تظللنا اذا ما اشتد هجير الحياة
تمسح عنا دمعة الحزن وتاوينا الى دفئها
انها اسوية بت صفية الصفية العفية التى لاتعرف كلمة لا
فى قاموسها
الكرم دون ان تعرف ما قدمت يدها اليمنى ما فعلت اليسرى
هى الانسانية تحمل جوازها لتعم العالم باسره
من اى مكان فى العالم تعرف اين انت وتتجه بوصلتها اليك
حتى ان لم تكن تمت لها بصلة المسرح او الفنون
انها اسيا ربيع حياتنا وشتاء الدفئ وصيف الماء المنساب من شلال العواطف
انها اسيا ربيع وكفى
| |
|
|
|
|
|
|
|
|
|
Re: جمال امراه سودانيه لا نظير له (Re: الرشيد ابراهيم احمد)
|
Quote: صدقني أخي الرشيد منذ اللحظة الأولى لقراءة وصفك الجميل هذا أيقنت أنك تقصد الشاعرة الرائعة أسماء الجنيد ... ومن غيرها يستحق هذا الكلام الجميل .. هذه الإنسانة الرائعة من بلادي كم أحب شعرها وكم يشدني الصدق المترع في ثنايا حرفها الأصيل المفعم بالتفرد والأصالة والبداوة .. وما عارف ليه عندما أقرأها أشعر وكأني في أرض البطانة أرفل بالعراقي والسروال الطويل وفي يدى اليمنى عصاة أتكأ عليها وفي ذراعي أعلق السكين وأنا أشرب في حليب الإبل ... شعور جميل مش ؟.. دائما ما تمنحنى إياه كلمات الرائعة أسماء الجنيد ...
أسمحوا لي أن أشرككم معي في الاستمتاع برائعتها الأخيرة المنشورة في مكان آخر في هذا البورد (رقراق الضحي...) ... وياله من رقراق ... وما أبدعه من ضحى ... |
اخوى الغالى ادريس .. حبابك يا ضل بيوتنا وسقف اهلنا
عذرا يا الكريم حرمتنى الظروف والسفر فى اجازه قصيرة
ان اطالع هذا الحنين المدفق وجارى كاسر من تالاك ..
عبيت دواخلى فرح خرافى هز كل المشاعر طرب..
رقصت كل الاحاسيس وانتشت حد الثمالة.. وشتت الشبال فى السهله
ياكم انتو اولاد بلدى البفاخر بيكم الدنيا كلها واتحدى بيكم شعاع الشمس
بى ضيكم ونوركم تشع كل القبائل بيكم وتتباهى بيكم
حقيقى الجمت لسانى وسمرت قلمى مندهشا بين خطوطك يا ابن بلدى الكريم
شكرا لا تكفى لكل السمح الجاى منك..
اسعدتنى ايما سعاده بنبلك وكرمك وثقتك التى بمثابة مسؤليه اتمنى ان اكون قدرها
وشهادتك تلك وسام يزين صدر الكلام..
شاحده الله بركة قبائل العيد
ربى يديك قدر يرضيك
السعاده تبقالك هدم يا ود العم
والعافيه تبقالك رفيق طول الطريق
وشكرا حواشات ودعوات حبوبات
**
العيد مبارك عليكم جميعا اخوتى الغاليين العفو لله والرسول
| |
|
|
|
|
|
|
|
|
|
Re: جمال امراه سودانيه لا نظير له (Re: soma)
|
ياسلاااااااااااام يالرشيد ياخ
والله حقيقة تتقاصر كلماتنا خجلا امام تلك النخلات الجميلات ويزداد الانسان فخرا ان يجده نفسه بينكم
ومن صلب هذا الشعب وهذا الوطن الجميل حتى لو اتى مطالعا فقط حقيقة كل مره اجى اتاوق واجد صعوبه
فى ان اكت . ماذا اكتب؟ فى خضم هذا الجمال والابداع.والحظ ان كل من مر من هناهوبلاشك مرهف واسير لهذا
الجمال وهذا الابداع التحيه للاستاذة عفاف الصادق والاستاذه اسياربيع والاستاذة سلمى بت الشيخ والاستاذه
اسماء الجنيد.
الر شيد انشاءالله يوم شكرك مايجى. وكل سنة وانت طيب يارب
| |
|
|
|
|
|
|
|
|
|
Re: جمال امراه سودانيه لا نظير له (Re: ضحيه ابراهيم)
|
| Quote: الر شيد انشاءالله يوم شكرك مايجى. وكل سنة وانت طيب يارب |
ضحية انت يا يابا يوم شكرك ما يجى ان شاء الله
والعيد مبارك عليك.. علينا وعليك يتبارك والعفو لله والرسول
ربى يحقق كل امنياتك الجميلة ان شاء الله
| |
|
|
|
|
|
|
| |
الرشيد ابراهيم احمد
ماجدة عوض خوجلى
عادل عبدالعزيز عبد الرحيم
Magdi Ahmed Elsheikh
jini
abdalla osman
ismeil abbas
سلمى الشيخ سلامة
إدريس محمد إبراهيم
Dr. Moiz Bakhiet
ضحيه ابراهيم
فيس بوك
تويتر
انستقرام
يوتيوب
بنتيريست