|
|
 تامر حسني بيتحداني!
|
الموضوع طبعا لا فيه تحدي ولا يحزنون ...
بس خليني أقر في الأول أنني لست ممن يحبون المطرب "تامر حسني " كما لا أنكر أيضا أنني أحياناً (يعني في حالات خاصة )قد .. أدندن مع أغنية " عينيا بتحبك "( ده طبعا ) إذا صادف أن تسربت من راديو "العربية/السيارة" مثلا ..
لا القنوات الفضائية - طبعا -لأن حل القنوات سهل /حركة ريموت كونتر ، وتطير المشكلة ، بس حلني بقى مع fm اللي تسلطن عليها ع الرايح والجاي عشان تنسى زحمة المرور ..أو غباء بعض السائقين الذين يحاذونك في الطريق ..ولا الستات اللي في الشارع اللي لابسين من غير هدوم ..
ولا صحبك اللي قاعد جنبك ويثرثر من غير لزوم ..ولا الموبايل اللي مش عايز يبطل رنين واللي شكله متعاقد مع "الأفندي بتاع المرور" اللي مستني الفرصة عشان يقبض عليك متلبس بتهمة "الرد ع التلفون في حالة سواقة " وكأنك- لا قدر الله- "بتسوق في حالة سكر "!!
في الحالات اللي زي دي ..ممكن طبعا تدندن معايا : "عينيا بتحبك وقلبي بيحبك ..." عشان تنسى كل البلاوي اللي قدامك او الست اللي وراك اللي مش عايزة تبطل بواري ..ما تقولش لسه بتتعلم سواقة -النهار ده بالذات -..او تتمرن ع الزمامير
المهم يا سيدي .. في الحالات دي سجل عندك " ممكن استمع / وكمان استمتع ب تامر حسني .. وأديك عرفت السبب عشان تبطل اتهامات " اني لا قدر الله من اللي عينهم تحب تامر وقلبهم بيهفو لأغانيه المكسرة الدنيا ..
تعالوا بقى نتكلم ..الله الله ع الجد والجد الله الله عليه .. وهنا الكلام لأحباب تامر – لا قدر الله – اذا كانوا موجدين هنا
ايه رأي سيادتك لما تسمع تامر بيه حسني يغني ..بمنتهي الجمال والرومانسية لا والتضحية كمان ، للست اللي كان بيحبها واللي جاء حد غريب كده ، وخطفها منه ياعيني / والله ما يستاهل / المهم واحنا بنتكلم ..
و" قوليلوا ياخد باله منك زي ما كنت انا بخاف عليك / ويحاول ع قد ما يقدر يحميك ويحافظ عليك .."
الله الله ع الحب والتضحية من أجل سعادة الحبيب ..حتى لو كان على حساب تعاستك الشخصية ..
بس ما فيش كوبليه ولا اتنين من تامر بيه ، وسيادتك مستمتع كده ومسلطن ..حتلاقي كوبليه تالت يحدفك في اتجاه غريب عجيب ..لما يجي يقول
" فرحانة للي جنبك طبعا .. ما هو زيك وشبهك فعلا / بكره هيعمل فيكى زى معملتى كدا"!!
ياخبر أسوح ..ايه التهديد والوعيد ده وايه الدعاوي الغريبة دي .. وقتها ممكن تقول عادي ياعم ، فيها ايه دي أصلها تستاهل ! ..و ده أقل واجب من "تيمو " بـتاع " يابنت الأيه "!
عموما مش ده المهم .. وسيبك من ":الإزبهلال اللي انت فيه "
مش ممكن تكون احاسيسك كلها متبلدة مع كثرة الاستماع لتيمو وعشان كده مصر تسمع له تاني
وهنا طبعا ح يعجبك أوي في أغنية تانية
"اعتذري للي هيجي بعدي/ و خليه يسامحني أصل انا/اخدت كل حاجة في عهدي/ و شوفي عهدي كان كام سنة ؟!!!!
ياخبر أبيض ... أيه الجمال ده ؟
---
كتبت القطعة السابقة تحت تأثير نقاش حاد مع احد "التموريين" -اردت أن انقلها اليكم كما وردت في خاطري ، والعذر والسموحة ، عشاق تامر ومحبيه ...
|
|
 
|
|
|
|
محمود ابوبكر
فيس بوك
تويتر
انستقرام
يوتيوب
بنتيريست