|
|
 أرمـــــلتي ، فقط للمتزوجين ، نساء ورجالا ...
|
وجدتها رافعة يديها إلى السماء تدعو بصوت مسموع :
ياربي لا تأخذني إليك وزوجي على قيد الحياة ..
قلت : لماذا لا يكون الدعاء : اللهم ارزقني طول العمر والعافية ؟
قالت ربما يمنحه عمرا أطول من عمري .
قلت : وما يضيرك ؟
قالت : عشان ما يتجدّع بي وراي ..
|
|
 
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: ودقاسم)
|
شكلك كده لاقيت رشيدة
عشان ده رأيها
قالت لي : لو انا توفيت انت ح تعرس ؟
قلت : طوالي وبأسرع مايكون
قالت : يا خائن
قلت : لكن ما انت عارفة انا مابقدر أعيش من غير زوجة
كما ان العمر مابيسمح بالوحدة ولابيسمح بالصحوبيات
قالت : لكن لو حدث العكس انا مابعرس
قلت : ما انتن بتحبن تكونن شهيدات
ده بإختصار المحادثة التي عاقبتني بسببها يومين من الإهمال
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: abuguta)
|
أبوقوتة
تحية ومودة..
قلت لي النسوان البموتن .
والله فكرة ..
المشكلة يا أبوقوتة التغيير غير ممكن إلا بعد الموت ... وهذه حالة صعبة ، ولكن الأصعب أن هناك من لا يريد التغيير حتى بعد الموت ...
يعني سيك سيك معلق فيك ، دنيا وآخرة ...
يا جماعة شوفوا غيرنا ، وأدونا فرصة نشوف غيركم ...
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: ودقاسم)
|
عمو ود قاسم .. انا بفكر في العكس.. اني اموت قبل زوجي.... عشان ما بعرف هل بتحمل قلبي ألم زي ده؟ لكن كان مشى عرّس بعداك، الضحك شرطني...
انا حأبدأ حوار زي حوار خالتو رشيدة ده.. وبناءا على النتائج بجيكم راجعة
ربنا يديكم جميعا طولت العمر.. ويخليكم لينا (عمو ودقاسم، وعمو أبو ساندرا)
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: مريم بنت الحسين)
|
ابنتي الغالية مريم
أولا سلمي لي على نادر ، قولي ليهو الخال مشتاق ليك ولكل الناس البيشبهوك ..
بعدين أنا نسيت أضيف للعنوان سنوات الزواج ، انتي ونادر لسة بدري عليكم عشان تحددوا ، لكن أنا وفوزية وأبوساندرا ورشيدة اتهرينا بالحرد والتمرد والتذمر والعكننة ، عشان كده عندنا data كافية تخلينا نتخذ القرار ..
المهم يا مريم انا لا أستطيع تكرار التجربة لكن خالتك ما مصدقة ..
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: ودقاسم)
|
قيل أن زوجة تمنت ما لعلاء الدين صاحب المصباح السحري فلما جأها المارد
أخبرها بأن كل أمنية تتمناها سيحصل زوجها علي عشرة أضعافها
فتمنت أن تكون أجمل سيدة في الكون فقال لها المارد سيصبح زوجك أجمل منك بعشرة مرات
فقالت وما يضيرني فلن يجد أجمل مني
وتمنت في الثانية أن تصبح أغني سيدة في الكون
فحزرها المارد بأن زوجها سيفوقها مالاً فقالت وما يضيرني فكله عائد لي
وفي الاخيرة تمنت أن تصاب بمرض لا يقتل ولا يشفي منه!!!
ود قاسم شفت كيدهن عظيم كيف؟
تحياتي
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: ممدوح أبارو)
|
ربنا يطول في عمرك
وتحيه لزوجتك
عندي جارتي يونانيه كل ما تجي التنزيلات تمشي وتشتري ليها فستان اسود والغريبه راجلها ما عيان ولا عندها زول متوفي ليها
المهم مرة سالتها مالك عاملة ليك كولكشان بتاع فستاين سوداء قالت لي عشان لما يموت زوجي ح احتاج ليهم انا استغربتا وقلتا ليها طيب لو انتي
المتي الفستاين دي تمشي وين قالت لي لما هو يموت مرتو الجديدة ان شا الله تلبسهم عليه يعني المسكين لو ما لبستهم هي عليه ح تلبسهم المرة التانيه الى ح يعرسها
ربنا يخليكم لي بعض وتحياتي للمدام
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: doma)
|
دوما
يعني : كمثل عودٍ زاده الإحراق طيبا ..
كلما تراكمت السنين تتراكم المودة ، وتنضج العشرة ، وترتفع الثقة كبرج عال قاعدته في باطن الأرض ورأسه تلامس السماء ..
لكن يا عزيزتي ألا تتفقين معي أن تكرار تجربة الزواج - خاصة عندما تتقدم بنا السن - تعتبر انتحارا . وعليه لا يجب أن نخشى أن يتزوج طرف بعد وفاة الآخر ؟
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: منال)
|
منال
أنت أيضا مثل مريم بنت الحسين .. لسة ما شفتي حاجة .. بعدين بتغيري رأيك ،، والبيعيش ياما يشوف ..
بس حقيقة بتمنى ليك المزيد من الثقة في حقيقة ارتباط شريكك بك ..
بس يامنال سمعتي بقصة الولد الأمّو بتقول ليهو ( يجعل يومي قبل يومك ) وذلك كلما قام تجاهها بعمل طيب .. ؟
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: مريم عبد الله)
|
دكتورة مريم
كيف أحوالك ، وربنا يديك العافية كمان وكمان ..
تعرفي فكرة الفساتين السوداء فكرة مهووسة ، فهي تماما مشابهة لأمنيات التي ترفع يديها للسماء ، وتطلب تمديد عمرها إلى ما بعد وفاة الزوج ..
لكن الغريب في الأمر أن هذه أوروبية وتلك سودانية .. لكن مصدر الخوف واحد ..
كنت أعرف أستاذة أجنبية تعمل في إحدى الجامعات السودانية ، وزوجها أيضا .. كانا مشهورين بالجامعة .. والزوجة كانت لا تهتم بأنوثتها ، على الأقل من وجهة نظرنا نحن كسودانيين ، والزوج تجده متعجلا في مشيته وفي كل حركاته ، وكأنه لا يهتم بشئ .. زارهما صديق في منزلهما ، فعاد بانطباع أنهما تماما كعازبين يعيشان في بيت واحد .. وبعد فترة أقام الزوج علاقة مع شابة من دولة إفريقية ، فانتحرت الزوجة وتركت فينا نحن ( طلابهما ) أثرا عميقا ...
وأنا الآن لا أعرف ما الذي تريده المرأة ، تحبها تتشعلق فيك دنيا وآخرة ، وعشان تضمن إنو مافي زول في محلها لازم تدفعك للآخرة قبلها ... وما الذي أرادته هذه الأستاذة التي انتحرت ..
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: ممدوح أبارو)
|
ممدوح
تحية وتقدير
والله يا ممدوح نحن لو عرفنا النسوان ديل دايرات شنو كنا قمنا بالواجب وارتحنا ...
كان الفنان محمود حسنين يغني أغنية تقول :
قالوا قاسية
قلت ليهم راضي بيها
ونغني بلسان العاشق المحب :
زيدني في هجراني
في هواك يا جميل
العذاب سراني
ورغما عن كل هذا فهن يستعمرننا دنيا وآخرة
يحلنا الحلّ بلة ..
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: ودقاسم)
|
هاهاي
بوست للرجال الذين يخافون نسائهم , برعاية منظمة الرجالة تطير
ياخي بصراحة انا ما بحترم اي مراة زوجها عنده فكرة في الزواج من اخري ( تمنعه بالقوة الجبرية ) والقوة الجبرية دي تبدا من العين الحمرا مرورا بالدلع وحتي التمارض
فكرة انه المراة تحتمل انه زوجها يكون لها وحدها وقلبه مشغول باخري ارحم لها من ان يكون متزوجا منها واخري وقلبه لهما معا ما قادر استوعبها
ــــــ
من زمان انا كان عندي منطق كدا في قصة الزواج المتعدد دي , لانه ربنا بيعرف انه الراجل ممكن يحب اكتر من مراة في نفس الوقت فاداهو امكانية التعدد دي من عنده , وفي نفس الوقت المراة ما بتعرف ولا عندها الامكانية انها تحب ليها اكثر من راجل في نفس الوقت فعشان كدا ما بتقدر تستوعب فكرة انه زول يحب نفرين في وقت واحد بنفس القدر
عشان كدا المراة ما بتستوعب ابدا في وقتها الحالي وبنفسيتها الحالية البتحب بيها زوجها انها ممكن تحب راجل غيره حتي بعد موته بالرغم من انه النسيان بيحصل والعرس زاتو بيحصل فيما بعد .
ــــــــــ
مسألة زواج احدهم بعد موت الاخر حديث بتاع حراق روح ساكت , لانه الموت هو حالة من حالات الطلاق , فحكم الارملة هو حكم المطلقة هو انها تتزوج من اي رجل بعد عدتها
ـــــــــــــ
شخصيا اقول بانه مسألة الزواج دي توفيق من رب العباد , والربنا راضي عنه بيديه نصف اخر يكمله , فاذا اعطي العبد من يكمله فلا اظنه بحاجة الي شخص اضافي يصبح حمولة اضافية علي علاقة مكتملة , لذا نحمد الله علي رضاه عنا
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: اساسي)
|
Quote: ياخي بصراحة انا ما بحترم اي مراة زوجها عنده فكرة في الزواج من اخري ( تمنعه بالقوة الجبرية ) والقوة الجبرية دي تبدا من العين الحمرا مرورا بالدلع وحتي التمارض
فكرة انه المراة تحتمل انه زوجها يكون لها وحدها وقلبه مشغول باخري ارحم لها من ان يكون متزوجا منها واخري وقلبه لهما معا ما قادر استوعبها
ــــــ |
تحيل يا اساسي انا برضو لا احترم اي راجل يتزوج باخري دون موافقه زوجته الاولي وتخييرها في الامر .
القال منو ارحم لينا ؟؟؟
لا ارحم ولا شئ لكين في حاله انه يتزوج باخري بتكون ميته وخراب ديار
قلبه قد تحول وواتقسمت حله الملاح
القسمه ياها في ملوه الدقيق وربع كيلو اللحم وربطه الملوخيه
لكين القلب ما بتقسم لان الله ما خلق ليكم في جوفكم قلبين
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: doma)
|
| Quote: قلبه قد تحول وواتقسمت حله الملاح |
ما قلت ليك ما بتقدروا تستوعبه انه الرجل بامكانه انه يحبكم الاتنين او التلاتة في نفس الوقت , هذا ما لم تعطوه وما لا تستطيعوا ادراكه عقليا او عاطفيا , عارفة زي اي جهاز يعمل بطاقة 110 فولت اذا اوصلته بكهرباء 220 بيحرق طوالي , لكن الجهاز ابو 220 لو شغلته بي 110 بشتغل وبي 220 بيكون في احسن حالات عطائه
بالنسبة لحلة الملاح اصلا الزول الما قادر علي حلتين ملاح فتحوا لبيت اخر نوع من الغباء الغير مبرر
قد ترضي المراة ان تعيش فقرا مدقعا مع زوجها وحدها دون ان تعيش في غنى فاحش ولها شريكة , فما تقولي لي حلة ملاح وربطة ملوخية
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: اساسي)
|
| Quote: يحبكم الاتنين او التلاتة في نفس الوقت , هذا ما لم تعطوه وما لا تستطيعوا ادراكه عقليا او عاطفيا , عارفة زي اي جهاز يعمل بطاقة 110 فولت اذا اوصلته بكهرباء 220 بيحرق طوالي , لكن الجهاز ابو 220 لو شغلته بي 110 بشتغل وبي 220 بيكون في احسن حالات عطائه |
كد ي يا اساسي وريني انتو فهمكم للحب البقسموه دا شنو ؟؟
لووووول قال ما ادوكم الاستعداد ليهو ولا الادارك لوووووووووووول
يا اساسي النقول ليك شئ اصلوا لو موضوع مقدره وادراك كان فتناكم في التعدد دا عدديل كدا
الموضوع وما فيه انها قوانيين ذكوريه وضعت لتحجيم المراه .
في المجتمعا ت البدائيه التي لم تسمع باديان سماويه تعدد المراه كقبائل الهنود في حوض الامازون يكون للمراه اكثر من زوج ويكونوا بسلامتهم قاعدين في نفس الكشاشه وفي بعض مناطق التبيت الصينيه المراه يشتركها تلاته اخوان او اكثر لو اراودا.
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: doma)
|
Polyandry is a form of polygamy in which one woman is married to several men. It's occurance is rare and assumes a specific concentration in the Himalayan areas of South Asia. However, it is sporadically distributed in Africa, Oceania, and Native America. Two forms have been recorded: fraternal polyandry in which a group of brothers share a wife, and non-fraternal polyandry in which a woman’s husbands are not related. The Nayar case discussed in another section represents a non-fraternal form in the sense that a woman engages in sexual relations and has children with several different men, any of whom may be called upon to acknowledge paternity. Fraternal forms are common in the mountainous areas of Nepal and Tibet. Among the Tibetian Nyinba, brothers live together throughout their life times in large patrilineally constructed households. They share a common estate and domestic responsibilities. They also share a common wife with whom each maintains a sexual relationship. Generally, each child of the marriage is acknowledged by and develops a special relationship with one of the possible fathers, even where biological paternity cannot be determined. This arrangement can partially be understood as a response to a shortage of women due to a lower survival rate in comparison to men. It also has important economic implications. Since brothers share a wife, their joint estate remains intact from generation to generations and is not subject to the fragmentary and inefficient divisions that might occur if each belonged to a separate conjugal unit (Stone 1997:190-192)
اها اقرا يا اساسي دا جبتو من الانترنت وبيؤكد انه النساء برضو ربنا اعطاهن الاستعداد الفطري ليعددن واعطي هؤلاء الرجال الادارك لقبول ان تعدد الزوجه . يبقي يا سيدي الامر وما فيه اختلاف ثقافات ما عندها دخل بالاستعداد الطبيعي او الادراك عقليا وعاطفيا
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: doma)
|
ود قاسم...
أنت الآن وصلت المرحلة التكريسية..
وهي مسألة خطيرة بالنسبة لك..
وهي مرحلة ظهور الدلائل بأن الواقع يفرض نفسه
إن كانت حياتك قد أستقرت ... فإن التكريس هو أستدعى أن ترفع حرمكم المصون يديها بالدعاء المستجاب وهو أن يمد الله في أيامكم معاً ولا يفرق بينكم...
وأما.. ويا ويح أما لم تيمم
وأما إن كان حالك قد وصفته الأغنية بـ ( أبى ينجبر ... )
فإن حرمكم المصون قد رق قلبها لحال أنت فيه دون مؤاساتها الرقيقة التي كانت بلسماً شافياً لك آهاتكم وزفراتكم.. فهي ترى أن النوازل بدون مساندتها سوف لن تتحملوها وبنفس المعنى تدعو لنفسها بطول العمر حتى تساندكم ..
شوفت كييييييييييييييييييف
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: المسافر)
|
| Quote: وصيتي ان ندفن متجاورين عشان اول ما نقوم اقبض فيهو تاني . |
لوووووووووووووووول يا دوما ....
نحن اليوم داكـ ( حور عين بس ) ووصيتنا دفن بعيد
غادي غادي 
نسوان الدنيا ديل ما مضمونات بعدين يقوموا يقولو لينا التياب والملايات ونرجع لى قديمنا تاني
.
.
.
.
__________________
اللهم إنَا نسألكـ حُسن الخاتمة
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: عمران حسن صالح)
|
Quote: لوووووووووووووووول يا دوما ....
نحن اليوم داكـ ( حور عين بس ) ووصيتنا دفن بعيد
غادي غادي
نسوان الدنيا ديل ما مضمونات بعدين يقوموا يقولو لينا التياب والملايات ونرجع لى قديمنا تاني
|
لوووووووووول يعني انت اسه يا عمران ولدي قافل علي بنات الحور لوووووووووول
غايتوا نسال شيخ الترابي ونجيكم بالاكيده .
لكين علي ما اذكر ان اخر زوجاتك بتكون من ضمن الحوريات ديل .
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: المسافر)
|
المسافر
تحية وتقدير
هذا فهم تخديري .. فلابد أن يكون الموقف موحدا تجاه مسألة من يموت أولا .. المسألة ليست أمنية ، وليست خاضعة لأي نوع من الحوار والتراضي .. أحد الزوجين سيذهب قبل الآخر ، ويمكن أن يذهبا سويا في نفس اللحظة .. وما يأتي بعد ذلك تحدده أشياء وأمور عديدة ، منها ما يمكن تقديره الآن ، ومنها ما هو غيبي ..
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: doma)
|
دوما
أنا شايف كتير من الناس في هذا البوست أحال الرجال إلى الاتهام ...
أنا عايز الناس ينظروا لانعدام ثقة النساء في أزواجهن ... ما رأيك بتعهد زوج ما أنه لن يتزوج أبدا لا في الحياة ولا بعد الممات ؟ لماذا يكون الرجل غير موثوق بتعهده ؟
وعشان افتح ليك ثغرة للحوار :
سألت زوجتي هذا السؤال فأجابت :
أنا أثق فيك ، نعم .. لكن ما الذي يجعلني أثق بأهلك ، أو أصحابك ، أو الناس من حولك ؟
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: البشير دفع الله)
|
سلام يا ناس البوست
ودقاسم وينك يا مان
مشتاقين لبوستاتك بس المرة دي مشيت بينا بعيد
نحن لحسي ما حسمنا ما يدور في حياتنا خليك من موضوع الفانية
لكن تعرف والكلام موجة ليك كمان يا ابوساندرا ؛ انو الرجال بجانب
الحسادة عندهم مراهقة بتاورن في الكبر حسي جارنا الله يعزك عمرو فوق الستين
قامت عليهو المسألة دي وقبال بناتو ما يعرسن بقي كل سنة يسافر البلد واعرس واطلق ( نظرية تنزيل ) واولادو بقوا
معقدين ؛ والنسوان بقن اتهامسن واتقاطعن والرجال يعلقوا وتحت تحت فرحانين حيث
فتح عندهم باب الامل عشان احسوا بانهم ابعد ما يكونوا عن القبر مادام الزوجة في
عمر اولادن ؛ اها من اليوم داك وظهروا عندنا كم فحل سفروا نسوانهم البلد وفي الاجازة عرسوا
بوراهن .. واتنين كدي لموا الضراري وابوالشهاق كتلن سماية بهنا وسماية بهناك واحد اسموا ...
اختلس وانسجن والتاني طلق الاولي واهمل البيت القديم فصارت القديمة تبيع في الكسري وتتسول
ابواب السلاطين وهو رافع عمتو فوووووق والجلابية رهيفة في حالة طوارئ ومحل الرهيفة التنقد
هل هؤلاء الرجال الذين يتزوجون في حياتهم ويحققون حلمهم الايروسي اشجع من يتمنون ان تغادر
زوجاتهم الي الدار الاخرة اولا ؟؟؟
هل هذه الازمة التي تنتاب الرجال في منتصف العمر الهدف منها الجنس ام الرفقة وحلة الملاح ؟
في مسألة غريبة اليومين دي الصحف والجرايد مليانة باعلانات عقاقير لمعالجة العجز الجنسي .. تفتكروا
ان هذه الازمة ناتجة بسبب اقصد ازمة العمر التي تنتاب الرجال لها علاقة بهذه الاعلانات حيث يشعر
الرجل بتدهور صحته الجسدية والجنسية فيسعي الي تلك العقاقير بجوار التعدد ؛ اوع اكون out foux
Quote:
لووووووول لما كنا شباب كنت بقول في سري اريتني ما اموت قبلو
لكين بعد ما وصلنا ارذل العمر ما فارقه كثير.
البمش اول الثاني بيكون باق علي العهد .
وصيتي ان ندفن متجاورين عشان اول ما نقوم اقبض فيهو تاني .
|
الله يجازي محنك يا دوومة قت لي وراك وراك دنيا واخرة ؛
المشكلة حتي في الاخرة بنات الحور مضاراتننا !!؟
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: عشة بت فاطنة)
|
كتبت عشة بت فاطنة
Quote: نحن لحسي ما حسمنا ما يدور في حياتنا خليك من موضوع الفانية
لكن تعرف والكلام موجة ليك كمان يا ابوساندرا ؛ انو الرجال بجانب
الحسادة عندهم مراهقة بتاورن في الكبر حسي جارنا الله يعزك عمرو فوق الستين
قامت عليهو المسألة دي وقبال بناتو ما يعرسن
بقي كل سنة يسافر البلد واعرس واطلق ( نظرية تنزيل ) |
الكلام موجه لي ليش يا بت فاطنة ؟
الفرضية بتاعت شقيقي ودقاسم قائمة على أساس أن الزوجة إتلحست
والراجل صار أرمل
يعرس واللا ما يعرس
أها ، الموضوع ده فتحته هي براها
يعني إفترضت إنها ماتت ، انا ح أعمل شنو ؟
أول حاجة ، وفقآ للإفتراض ، هي ماعندها حق في أن تسألني
فيما سيحدث بعد رحيلها الفاجع
لا حظي يا بت مبارك ان بتكلم في سياق الإفتراض بانها شتت
وبالجد انا ماعارف بعدها ( بعد خرف ) ح أعمل شنو
يعني ما عارف هل ح أقدر أحب تاني وأسمح لأحد أخر
حتى الحبيبة بمشاركتي ماتبقى من عمري
ام ح أعيش على ذكرى ( المرحومة ) وقد يكون في ذلك عزاء
وبالصرف النظر عن الحب والزواج انا ماعارف كيف ح تكون حياتي بعدها
قد تلهمني الوحدة وقد لايسمحن لي بناتي بالوحدة فيتبارن في رعايتي
وقد أذهب وأعيش في حتة بعيدة لو ضمنت أن البنات تزوجن ولديهن من يرعاهن
وغير محتاجات لي ، بالمناسبة نفسي تراودني أن أختم حياتي في الحبشة
أو في حلقات الذكر في المغرب أو في مركب في البندقية
أو أتفرغ للعمل السياسي لو عندي طاقة
أو أعمل لي كوخ في الهولايا او في الجمهورية الكردية الديمقراطية
وقد أجن بعدها أو يصيبني اكتئاب دائم
وقد أمشي أجاور في الحرم المكي وأزور المدينة الفينة بعد الأخرى
وأصيف في الهفوف أو بالجرشي
وقد اتلحس انا قبلها وهذا هو المرجح
وماعندي دخل في كيف ستقضي حياتها من بعدي
على ذكراي ام في أحضان صديقي الذي حن على ارملة المرحوم
ما شغلتي
كله منك يا ودقاسم
اما دومة فما عارفة شكل الحياة الأخرى كيف
لذلك ح تدقس وتنقل تجربتها الراهنة هناك
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: doma)
|
| Quote: الكلام موجه لي ليش يا بت فاطنة ؟ |
والله ما عارفة احتمال لانك مكثف الحوار مع ودقاسم وكمان اشتركت معاه في المحطة وانا بقرا في الموضوع حضرتني كمية النكات
التي تمجد فكرة عبور الزوجة فالرجال دايما يحتفون بمثل هذه الافكار ؛ ولذلك غاظتني الفكرة وتضامنا مع ناس رشيدة كانت المناوشة
؛ بعدين .. دقيقة اشوف الشافع دا غاشيني ولا قاعد اقرا .. راجعة
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: عشة بت فاطنة)
|
ود قاسم
مسكينه استاذتكم وعشان ما نبقى في جنس انتحار الله يسهلها عليهو ويتخارج بدري بدري
عاين الليله محمد زوجي جاء ودخلنا المنبر وبيقنا نتصفح سوا قمتا قلتا ليهو طيب انت رايك شنو منو الاموت في الاول
قال لي اسمعي انتو المريومابيات ديل الواحد لما كان اصحابو شايلنو ويبشروا فيهو يوم الحنه بتعات العريس
بدل ما بيقولوا ليهو بيت مال وعيال بيحذروه انكم بتقتلوا الرجال وبتعقدوا
ميته انا بالضحك حسا عليك الله شوف جنس المحن دي يعني المسكين عارف النهايه
لا والله يجعل يومي قبل يومه بس لو قام عرس على بعدها شكيتو على ربنا عاين ليهو يقرا كلامي ويضحك قال لي انتي اتخارجي بس
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: حاتم الياس)
|
حاتم الياس
انت فاهم صح ، وكلامك مختلف عن ما سبق ... فكرة المرأة القادرة على الاختيارات الوجودية فكرة مخيفة للرجال ، خاصة أولئك الذين يرون أن سيطرة الرجل ستبقى للأبد ..
لكن ألا يمكن أن نوجد عالما يعيش فيه الإنسان بدون أحقاد وبدون صراعات وبدون شكوك ؟ في اعتقادي أن ذلك ممكن ، وفي اعتقادي أننا لهذا خلقنا ... لكن الله يجازي اللي كان السبب ..
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: مريم عبد الله)
|
تعرفي يا دكتورة مريم نحن لا يجب أن نتبادل الاتهامات ، لكن هناك الرجال الذين تغيظهم اتهامات النساء ، والنساء اللائي تغيظهن اتهامات الرجال ، وبالتالي المسألة تتشعلل وتولع بين الفريقين كل ينتصر لفريقه ظالما أو مظلوما ..
أحسن حاجة تكوني مع زوجك فريق موحد ، وكل وزوجته يكونوا فريق موحد عشان المجهود الإنساني يتجه نحو إيجاد حياة أفضل ..
التحية لك ولمحمد ..
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: عشة بت فاطنة)
|
عشة بت فاطنة
لو ان الرجال أقاموا لجنسهم نقابة لتدافع عنهم أمام جنس النساء لكان أبوساندرا وودقاسم وآخرين خاذلين لهذه النقابة .. لكن النساء يملن للتعميم ، فإذا ظلم رجل واحد زوجته ، تتحول المسألة لهجوم موجه لكل الرجال ...
تعالوا نقول أن التعميم خاطئ ، وأن هناك نساء ورجالا يستحقون بجدارة أن يقال عنهم أنهم إنسانيين ..
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: doma)
|
بعدين ماتنسوا قصة أرواحهم متقاربة ديك..الراجل يموت تلحقوا زوجتو بعد شهر..او الزوجة تموت زوجها بعد شهرين يتوقف قلبوا قبل مايخفق من جديد لواحده تانية..القصة دى مافيها روحانيات ولاارتباط شديد زى ماالناس بتفسرو..(بكون فى واحد فيهم قتيت لابد للتانى فى البرزخ وساقو معاهو)
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: حاتم الياس)
|
دومة : شكل العيون لي ناس هناك بتكون أحسن وأجمل لأنها أصفى
حيث لامجال للخبث و الخيانة ومافي حرمان بتاع ده حرام
وذاك مكروه البتحد من إنطلاقتنا في الآفاق الرحبة
حتى لو كانت في الخيال
ثم ان فكرة الجديد والتجديد فيها مايكفي ويشبع من اغراء
حكاية أعد دي انا مابقدر أعليها
يومها التشتت ، نقطة سطر جديد
ويومي الأنتقل برضو ، . سطر جديد
عشوش : انا ابن المشاغبات الذكية وتحاملك علينا في حروب الجندرة
والتضامن النوعي ما عندي عله أدنى إعتراض
و أعترف بتضامني النوعي أيضآ مع المماثل شقيقي ودقاسم
فاتكن ، في ربقة الدحض والتصدي أن تدركوا أن لود قاسم أمل وعشم عظيمين
في الإنعتاق والتجديد ولأنه لايمكنه فعل ذلك خوفآ من التداعيات
ولكي لايوصف بالخيانة والتخلف وعدم مراعلة العشرة والمشاعر
فأخذ يحلم بالترمل وغواياته
دعوه يحلم
الداقس لايعرف ان الإحصائيات قد أكدت أن عشمه هذا عشم ابليس في الجنة
حيث أن الرجال أسبق في الرحيل حيث لا أمنيات هناك تخيب
ولا كائنات تمر
فرصته أن ينتقل بسرعة عسى ان يحظى ببنات الحور لو دخل الجنة
اما لو ذهب لظى فحظه محفوظ مع راكيل والش والليدي ديانا
ده لو ما كن مع بنات الحور
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: أبو ساندرا)
|
الاخ ود قاسم
السلام عليكم
قبل ان اكتب سألت زوجى اه كان مت انت بتزوج ؟
قال لى بسم الله يا مراة حاصل شنو ؟
قلت ليه تعال اقرأ بوست ود قاسم
كانت الاجابة لا
قايلنى نزلت من رقبته سألته تانى ليه السبب شنو ؟
كانت الاجابة ما عندى استعداد للدخول فى تجربة من جديد كفاية على اعيش على الذكريات الى ان الله ياخذ مقاديره .
كدى كويس ويا ود قاسم قعدت اتكبكب فى الراجل من جنس القالوا لى
الله يجازى شيطانك يا ود قاسم الوداك للموضوع دا شنو ؟؟؟
برضو شكرا عرفنا حاجة
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: انتصار محمد صالخ بشير)
|
داير اشارك في البوست ده ,,
لكن هارش ,,,,,,,,,,,
___ بس مسالة اتلحس أول دي صعبة خلاص وانا ما جاهز ليها ,,
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: عمار عبدالله عبدالرحمن)
|
اها سؤال يا دومة..
انحنا البايرات ديل لو متنا قبل ما نتزوج..بنلقي لينا (حور عين) نسخة رجالية..؟؟
ولا حنكون دقسنا؟؟
يعني حنكون لا دنيا لا آخرة؟؟
النقول ليك قول يا دومة..انا نظرية اساسي دي مقتنعة بيها..الراجل صحي عندو مقدرة خرافية يحب ليهو كم مرة..يعني واحدة بيحبها عشان شكلها وواحدة عشان عقلها وواحدة ساي كدة عدم موضوع (ديل ناس المراهقة المتأخرة)..غايتو انا كان عرستا وراجلي عرس فيني وانا حية بنجضوووووو نجاض بدخل بيه النار عدددديل..لكن لو متا وعرس بعدي بطريقتو..انا فقدتا روحي بعد دة شغلتي بيه شنو كان عرس ولا بقي حادي علي العمر كلو..طبعا بقول الكلام دة عشان اقدم السبت بمعني لو هو اتلحس قبلي القي لي مبرر اعرس بيه بعد الحبس 
ــــــــــــــــــــــــــ
ربنا يحفظكم لي ازواجكم وزوجاتكم..
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: سارة علي)
|
Quote: اها سؤال يا دومة..
انحنا البايرات ديل لو متنا قبل ما نتزوج..بنلقي لينا (حور عين) نسخة رجالية..؟؟
ولا حنكون دقسنا؟؟
يعني حنكون لا دنيا لا آخرة؟؟ |
ساره يا بتي كدي اضمني لي اولا انه الجماعه ما يجوا يهرشوني بديك فتوه بتكون اقرب للعقل والعدل .
انت عارفه يا ساره انا بفتكر ان كل الاشياء الموعوده should be understood allegorically
اما اذا سلمنا انها وعود ماديه لا اظن ان القانتات العابدات لن يجزين بالحور العين لو لم يكن لهن ازواج في الحياه الدنيا
لان الله هو العدل وقد وضع الميزان بالقسط .
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: doma)
|
كتبت دومة
Quote: ولكي يطمئن قلبك اكثر فهم ازواج مطهرون
اخير من ناس ابو ساندرا وحاتم الياس |
يا خالتنا العزيزة
انا من شدة وثوقيتي في نفسي
شايف نفسي انا المطهرون ذاتو
بس ماعارف حاتم الياس مطهرون برضو واللا لا
واللا هو واللا لا ....لا { دي غنية كانوا برقصو بيه العروس زمان أيامك يا خالة }
وبمناسبة ( ايامك ) دي لو مادخلتي سمعتيها بتموتي ناقصة عمر
خللي مقهية في عيون ابو سوزانا
انا ماعندي تصور لهناك
لكن هنا عارف كويس
ولايمكن لأحد ما أن يتمكن من المقارنة بين هنا وهناك
إلا يكون عاش الهنا بالهناء وبالمزاج
فعشان كده لو عندك خير مفروض تعمليهو
ابذلي مجهود لتلاقي كل فتاة فرصتها هنا أول حاجة
فالحقوق هناك متساوية لأصحاب الأجر المتساوي
أو زي ما كانن بيطالبن ناس فاطمة أحمد إبراهيم
بالأجر المتساوي للعمل المتساوي
لو عندك نصيحة لسارة علي فدوري ليها على عريس
والعرسان على قفا من تشيل
لو ركزن شوية وقدمت لهن مساعدات من أجل التعارف
ولم رأسين في الحلال
غايتو انا عندي 3 أصحاب بتبرع بيهم ككروت جاهزة للعرس
وماخد تفويض منهم ،
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: سارة علي)
|
سارة
تبري من البورة ..
شوفي أهلنا بيقولوا : جرادة في كف ولا ألف طائرة ..
وأنا أقول لا تبيعي حاضرك بغدك .. لا بد من السعي لإيجاد العريس المناسب . لا تنتظري حور ولا غير حور ، والسعي من جانب البنت حق وواجب وضرورة تماما كما هو من جانب الرجل ..
وإن شاء الله يجيك عريس هدي ورضي لا تحتاجي تنجضيهو ولا ينجضّك ...
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: أبو ساندرا)
|
Quote: لود قاسم أمل وعشم عظيمين
في الإنعتاق والتجديد ولأنه لايمكنه فعل ذلك خوفآ من التداعيات
ولكي لايوصف بالخيانة والتخلف وعدم مراعلة العشرة والمشاعر
فأخذ يحلم بالترمل وغواياته |
أبوساندرا
والله لا عشم ولا حاجة .. أنا بس اكتشفت بالصدفة أن فوزية لا تثق بي ، حين دخلت عليها فجأة ووجدتها تدعو وهي جامعة أولادها ليقولوا آمين ، وتدعو بالصوت العالي :
يا ربي ما أموت قبل محمد .. فضحكنا جميعنا ، وسألتها لماذا ، فأجابت : عشان ما تتجدّع وراي ..
قلت لها : يا ماما أنا ما فيني حيل للجدّيع .
فأجابت : مرات كده الرجال بيتجدّعوا بدون حيل ..
قلت : طيب لو أنا مت قبلك حا تتجدّعي إنتي بي وراي .
قالت أنا واثقة من نفسي ، بس إنت منّك خوف ..
طيب ياعبد الرحمن ، نحلّها كيف ..
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: عشة بت فاطنة)
|
عشة بت فاطنة
تحيات وأشواق ، والوليدات وأبوهم لعلهم بخير ..
لست متفقا معك في مسألة الحسادة والمراهقة المتأخرة للرجال ، لكني عموما أرجع المسألة لمستواها الشخصي .. وذلك بيساطة لأننا لم نتمكن من إنتاج ثقافة عصرية تجعل غالبية مواطنينا يرفضون فكرة - لا أقول متخلفة - ولكن أقول أننا لسنا في حاجة لها .. وهي فكرة التعدد .. وهي في الغالب ناتجة عن أحاسيس زائفة بالقوة الجنسية القاهرة ، وربما ينساق الناس إلى التفاخر بهذه القوة .. ونحن كما قلت لا نملك هذه القوة القاهرة - حقيقة - ولسنا في حاجة للإفراط في المتعة الجنسية للحد الذي يسوقنا إلى التعدد ... لكن للمرأة دور أيضا في استمرارية ثقافة التعدد ، فهناك من يعتبرنها قناعة دينية ، وبعض النساء - كما الرجال أيضا - غير مؤهلات لبناء الأسرة والتي - حسب قناعتي الشخصية - أنها الهدف الأساسي من الزواج ، حيث أنها الوحدة المصغرة للمجتمع الذي ننشده ونتحمل مسئولية بنائه والمساهمة في إسعاده وتنميته .. وبالتالي يتمرد الرجال بدلا عن محاولات الإصلاح ، ويبحثون عن من يقدم عرضا أفضل ، بما ذلك المتعة الجنسية .. ومن المثقفات من ينجرفن في اتجاه تربية الأولاد والاهتمام بشئون البيت ، وربما الاهتمامات العلمية وإشباع الهوايات فتهمل الجوانب المتعلقة بالمعاشرة الزوجية، فيذهب الزوج في اتجاه البحث عن البديل عبر الطرق المختلفة ، مؤسسية أو غير مؤسسية ..
ولكن يا عشة ألا تتفقين معي أن ما يحدث للرجال يمكن أن يحدث للنساء أيضا ؟
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: ودقاسم)
|
| Quote: ولكن يا عشة ألا تتفقين معي أن ما يحدث للرجال يمكن أن يحدث للنساء أيضا ؟ |
تماما يا صديقي
بس دايما نحن نعول على الغالبية وهم الرجال الذين يمتلكون الرخصة علي المستوي القانوني والمجتمعي !!وهناك تسجل انفلاتات للمرأة
ناتجة عن الغبن والتهميش ودونية المرأة حيث تلجأ المرأة الي الثأر بعدة طرق منها الخيانة الزوجية وانا في اعتقادي ان الخيانة هي انتقام
من عمة الزوج الذي يعامل زوجته بدونية او الذي يمارس نفس الفعل بالخيانة العلنية وهي الزواج او خيانة تتم في الخفاء وهذه متفشية
حيث يريد الرجل ان يحافظ علي كيان الاسرة وفي نفس الوقت يريد ان يمارسه حقه الرشيدي الايروسي في مغازلة الحلم الحريمي بالركض
وراء الحريم الحديث من نسوة يعدن انفسهن لاداء هذا الدور وهن اما بائعات متعة او منتقمات ..راجعة
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: اساسي)
|
أساسي
خلينا نبدأ من آخر مداخلتك :
حكاية رضا الله دي فيها خلاف عشان في ناس بيشوفوها سخط لأنهم يرون أن التعدد هو الأصل ..
لكن يا أساسي ليس موضوع التعدد هو أساس هذا الموضوع ، إنما أساسه هو عدم الثقة حتى عندما يقول الرجل أنه لا ولن يتزوج وليست له رغبة في تكرار التجربة ، فالنساء في الغالب لا يقبلن بهذا التعهد ويرين أنه تعهد ضعيف سيتم خرقه في حالة الوفاة ... والمشكلة إذا قلت لإحداهن أنني سأتزوج بعد وفاة زوجتي فستنظر إليك نظرة الخائن ...
بعدين من وين جبت الكلام بتاع الراجل يمكن أن يستوعب قلبه أكثر من واحدة في حين أن المرأة لا يستوعب قلبها أكثر من واحد ... يا أساسي القلوب كلها ( للنساء والرجال ) جنينة ، يجلس في ظلها كل الناس ، لكن من وطّد قلبه على محبة شخص واحد فإنه يمكن أن يستمر في ذلك ، وبعضهم ( نساء ورجالا ربما أنهم يتحسرون على التزامهم .. بعدين هناك مسألة تجدد الأجيال ، والمقولة القديمة ( أجمل الأطفال لم يولدوا بعد ) أليس بك شوق يا أساسي لخوض تجربة جديدة مع من ينتمي إلى جيل جديد ، حتى بعد عمر طويل ؟
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: عشة بت فاطنة)
|
- طارق آآآولدي قوماك دلني لا تحت جنب جدودك في شجرة ناس ود جبارة
- سمح قوماكي
- أدني عكازي
واندلينا لاااا تحت عند بير ود جبارة
- عوض السيد: اهلا بالمرة القاهري
- مافي زولا قاهر قدركم الله لا تكسبكم
- طارق امشي املالي حقتي دي صعوط من دكان العوضابي وجيبلي معاك سيجاري ألت برنجي
- ود جبارة: انت لليلي تسفي وتسجري دحين مو حجيتي
- أيي حجيت واسجر واسف التمباك عندك مانع
- ود جبار (يضحك): اصلك من يومك قاهري وماك نصيحي
.....
مشيت علي دكان العوضابي وخليتم
خمسة رجال وامرأة... شيوخ على حافة القبر
يقضون جل وقتهم في اجترار ذكريات صباهم
يحكون عن أيام مضت منذ زمن بعيد
لا يتحرجون في الكلام ولا ينتبه لحديثهم أحد
يلقون الكلام على عواهنه لا يعنيهم من محيطهم
غير طفل يرسلونه حيث يريدون او امرأة تأتيهم بالطعام
.....
جبت الغرد أليل نفيسي كان اسمعلك:
- عوض السيد (ميت من الضحك): الرسول آآنفيسي عرستي ود عمنا دة كيفن
- كدي خلني اللسف واسجر
- رابح: أصلك من يومك علي الرجال
- جيت يا عوض السيد مندلي لااا تحت شايلالي حرف أليل قراصي لي ابوي
وجنب البير أكان القالك ود الطيب طالع وفي ايدو برسيم
سلم علي وقلتلو: انت يا ود الطيب بقيت تحد زي النسوان كمان
مرتك ماتت ليها سنين وانت لليلي مابي العرس
- عوض السيد: الله يقلعك آآآبتتقدري
- ود ناس الطيب: عندك لي عروس آآآنفيسي
- انا مالي آآآبتعرس
- تعرسيني آنفيسي
- ان بقيت دايرني بكلم ابوي الكلام لا يبقى فسو ساكت
- خلاص ان بقيتي قابلابي عوجة تب مافي
- عوض السيد: الله لا تكسبك يا مقطوعة الطاري
- نفيسي: اندليت علي ابوي تحت يا عوض السيد ولقيتو يحفرلو تحت تمرة
وقلتلو: ابوي ود ناس الطيب دة قال دايرني دحين نجض معاهو الكلام في صلاة العشاء
- جدنا بغداد: انت نان بقيتي للعرس
- نفيسي: كدي يابا شوف فهموا شنو انا هيني
- رابح: آآآبتستحي من يومك
- نفيسي: وحاتك آآآرابح العشي بقالي طويل خلاص وبقيت اتاوق علي جية ابوي من الجامع... ووكتين جاء ما قالي شي اتعشى ورقد نام... وانا الوردي مسكتني
- وراسي بقى يودي ويجيب يا ربي ابوي اباهو ولا السجمان ما فتح الكلام معاهو
- صبحت الدني وانا اوجوج من هني لا هني علي الجدادي الدايري ترمي البيض
- اندليت لا عند ابوي ما شفتو... شويتين اشوفه شايل طوريتو وجايي من لااافووووق
- حدرتلو زين وطلعت لي اهلي...
- الواطة مغربت وانا اتاوق لي طلعة ود الطيب لامن شفتو طالع علي بيتم
- لفحتة طرحتي ومشيت عليه قبل لا يمسك كُشر الباب:
- انت آآآود الطيب تكذب علي وتخليني أكلم ابوي وما تكلموا
- ود الطيب: والله آآنفيسي غلبني اقوله خجل منو... يقول شنو انا بقابلك من وراهو عاد
- الخجل اليقطع مصارينك وحات النبي ما تمشي قدامي هسي ليهو علي اكورك ألم عليك خلق الله هني واقولهم ود الطيب يجرجر فيني من طرحتي
- عوض السيد (ضاحكا بشدة): نجيضي الله يقلعك... أهاااا
- نفيسي: وحاتك ود الطيب قلع عيونه وبقى يرجف وشبكني: آآآنفيسي بمشي معاكي بس لا تضيعيني... وقلتلو ان بقيت راجل ما تجي انا سابقاك للبيت
- ود جبارة: الخرابة آآآبتعرفي الخوف
- نفيسي: جملة الايمان يا ود جبارة جاء وراي ودقة الباب وطلعتلو وقالي ابوك في... وانا اكورك بي طول حسي: أييي يا ود الطيب ابوي لا جوة... فشان ابوي يسمعني
- دخلتو علي ابوي ومشيت علي الطاقة اتصنت في كلامو
- عوض السيد: أها شن قال؟؟؟؟
- نفيسي: اسمع فيهو يقول لي ابوي يا عم بغداد انا جاييك في غرد خير
- رابح: أها يا خرابي
- نفيسي: المهم يا رابح كلم ابوي وانا بقيت اوجوج من هني لاهني
- وازازي بين الطاقي والتكل تقول بطني ماشي (عندي اسهال) لامن مشى لي اهلو..
- وابوي ناداني وقالي رأيك شنو
- عوض السيد: أها شن قلتي يا خرابة
- وحاتك يا عوض السيد بقيت ازغرد لامن ابوي نهرني...وعرسته
- الجميع يضحكون: الله لا تكسبك ماك نصيحي
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: حاتم الياس)
|
Quote: ياعشة بت فاطمة..معقولة فهمتى كلامى كده بانو كلامك (ركيك)...ياستى أنت فى بلد والركاكة فى بلد تانى...القصة ومافيها نو كلامك بقى لى زى أكلشيهات الأفلام وعلى كده قلت أنو محتاج لانيس عبيد...
__ |
حاتم لك العتبى حتي ترضى
واعوذ بالله من الوسواس الخناس
دايما اخليك تفهم الناس خطأ
وهذا اول مرة نتداخل مع بعض
بس صدقني حتي لو قت لي ركيكة
برضو ما زعلانة وكلمة طلعت تحت
ضغط مخايلات الذات ربنا انصرنا
علي ذواتنا ...احتما ل لاني اكره
الكتب المترجم .. بس ما عزر واكرر
اسفى
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: Dr. Moiz Bakhiet)
|
د. معز
لك التحية وكريم المودة
أنت طبعا رجل عليم بالحب وخباياه ، كتبته شعرا ونثرا ، ومارسته عملا ..
وأنت طبيب عالم بأمر الموت والحياة والفرق بينهما ...
هذه المرأة تدافع عن وجهة نظرها بأنها تحب زوجها ولا يمكن أن تسمح لكائن من كان أن يقترب منه - لا داخل ولا خارج المؤسسة - لا هي حية ترزق ولا هي ميتة ترجو رحمة ربها ... تقول من يدري ربما أن الناس في قبورهم يرون ماذا يحدث في الحياة الدنيا لكنهم لا يستطيعون تغييره ، وبعدين أقوم يوم القيامة ألقاك سايق ليك واحدة تانية ..
تعرف يا دكتور ، أنا فقط احترمت وجهة نظرها بالرغم من أنها تريدني أن أموت قبلها ...
فقط قلت لها أن الخيارات هنا محدودة إن لم تكن منعدمة ، وأن آجالنا مكتوبة ، وشيلي شيلتك ، وأنا ما كنت عايز أعرّس بعد رحيلك ، بس هسّة قررت أعرّس وبي قروش الفراش كمان ...
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: طارق جبريل)
|
طارق جبريل
آزول إت ماك نصيح ؟
الرجل توفيت زوجته ، تحمّل فراقها ، وربما أنه لم يكن يرغب في الزواج بعد وفاتها ..
تلتقيه نفيسة وتحرّضه على خيانة المرحومة ... قدّمت له نفسها ...
يا ترى ما الذي جعلها تفعل ذلك ؟
هل لأنها لم تجد من يتزوجها ؟ لكن ورد في الحوار أنها ( ما بقت للعرس ) يعني أنها صغيرة ... فلماذا لم تنتظر نصيبها من شباب القرية ؟
أها يا جماعة الزي دا ننفك منّو كيفن ؟
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: ALZOLZATOO)
|
يا زاتو يا أخي عليك الله لا تفطر بيها ولا تتغدى بيك ...
الحياة حلوة ، وممتعة وتستحق أن يعيشها الناس في سلام .. تصور أنني أكون أكثر اطمئنانا عندما تكون زوجتي بالقرب مني ، وإا خرجت لبيت أهلها وغابت فإني أشعر بتناقص في درجة الإطمئنان ..
لازم نتفق مع أنصافنا عشان الحياة تكون أحلى .. وأنا اتخيل لي إنك بتهظر وأنا أخدتها جد ...
| |
|
|
|
|
|
|
|
|
|
Re: أرمـــــلتي ، فقط للمتزوجين ، نساء ورجالا ... (Re: ودقاسم)
|
[يا زاتو يا أخي عليك الله لا تفطر بيها ولا تتغدى بيك ...
الحياة حلوة ، وممتعة وتستحق أن يعيشها الناس في سلام .. تصور أنني أكون أكثر اطمئنانا عندما تكون زوجتي بالقرب مني ، وإا خرجت لبيت أهلها وغابت فإني أشعر بتناقص في درجة الإطمئنان ..
لازم نتفق مع أنصافنا عشان الحياة تكون أحلى .. وأنا اتخيل لي إنك بتهظر وأنا أخدتها جد ... ..
|
ياحبيبنا
صدقني انا جادي
ارقد عافية
زاتوووو
| |
|
|
|
|
|
|
|
ودقاسم
أبو ساندرا
abuguta
مريم بنت الحسين
ممدوح أبارو
مريم عبد الله
doma
اساسي
المسافر
عمران حسن صالح
البشير دفع الله
عشة بت فاطنة
حاتم الياس
عمار عبدالله عبدالرحمن
سارة علي
عبدالله ود البوش
ALZOLZATOO
طارق جبريل
Dr. Moiz Bakhiet
فيس بوك
تويتر
انستقرام
يوتيوب
بنتيريست