|
كتب الكاتب الفاتح جبرا المتوفرة بمعرض الدوحة
|
|
 Re: سحرنا الليل وصورنا مع ساحر الاوتار .. (Re: سمية الحسن طلحة)
|
Quote:
زينة البنات ياعشة
إزيك
""ست السوار أب نقشة
ست البقيرة الغبشة""
ست المراح النشة
أنا عقلي طار وين طشة ""
|
حافرة لي يا بت شيوخ
البطانة عدييييل
عارفاني مكتولة سعية
وعيني علي البقيرة
الفي الجزيرة النية
ونفسي في هباب
مجدوع في
قفا القطية
ونقاطا يهتف
يسقيني
من الدغش
وللعشية
..
تسلم بت الحسن
والصور عدلناها
افتقدناك بالامس
كانت الحفلة خطيرة
وما كحلتك الا سيد
بيتك منور.. انشالله خير
| |
 
|
|
|
|
|
|
|
|
Re: سحرنا الليل وصورنا مع ساحر الاوتار .. (Re: عشة بت فاطنة)
|
عشة كيف اصبحتوا
فعلا كانت ليلة من ذات الليالى
والله يا عشة وبدون مبالغه جملتيها انتى بغفشاتك
وروحك الطاهره النقية وضحكاتك البترسم الجمال فى اطار من شوق وريد
ياخى انتى عسسسسسسسل ربنا يحفظك ويخلى ليك اولادك وابوهم ويخليك ليهم يا رب
قلتى لى عثمان ما خاتين عليه كان سموه ساحر .. لووول
غايتو انا تانى فى كل حفلة وفى كل لمة بقعد جمبك ..
انتى براك مهرجان فرح ما شاء الله وعينا باردة عليك وعلى كاميرتك
| |
|
|
|
|
|
|
|
|
|
Re: أنامل خلف الكواليس .. (Re: Alsa7afa_30)
|
أشرفنا مرَ ..
أشرف يا دهب لقد ابدعت ؛ لقد ملكت السر والنغم ووقعت اناملك خلف الاوتار فكنت رائعا في مصاحبتك للساحر ولم تكن اقل سحر
يا جميل .. واشرف يا بكري شاب جميل ومهذب ويعزف الاورغ والجيتار ويمتلك الاذن الموسيقية والعزف حين قدم وردي الي السلطنة
لم يجد اجدر منه في مرافقته في العزف غير انه يعمل في صمت وهو انسان متفرد بجانب ثقافة الاذن حاز الادب والثقافة ؛ وايضا القيافة
فيا بكري يطمع بورداب مسقط بضم هذا الانسان الفلتة الي هذا المكان وشكرا يا اشرف لقد كنت راىعا بحق
شاب
رائع ما تشوفوا الشيب دا شايلاتنو الركبين ساي !!!
| |
|
|
|
|
|
|
|
|
|
Re: أنامل خلف الكواليس .. (Re: حيدر امين)
|
عشه ده شغل محترفين صاح
دى لوحات للقراءة والتامل
دومى كماا نتى شفيفة يُرى من خلالك
Quote: أشرف يا دهب لقد ابدعت ؛ لقد ملكت السر والنغم ووقعت اناملك خلف الاوتار فكنت رائعا في مصاحبتك للساحر ولم تكن اقل سحر
يا جميل .. |
كلام فى محلو
| |
|
|
|
|
|
|
|
|
|
Re: Re:الساحر في مسقط .. (Re: حيدر امين)
|
عشوشة وحاة الله ماك هينة لامة كللل الجمال
أنا كان بكتب زي شعرك دا ماكنت قعدت في الوطة كنت طرت فررر
كدي خليني أنسرق ليك من الدوبيت فوق سرقة حيدر دي
ياحيدر أسرق ساااكت إيدك والبركة
الحاجات السمحة سرقتا حلااال
الزهاد برضو بسرقو
والعهدة على الشاعر :
طلعتك بهرة القمر البضوي دجونك
لونك أنناس برق الضُلُمّة سنونك
فرعك خيزران مايح على عرجونك
لوكان أمّنوك زاهد الدنية بخونك
| |
|
|
|
|
|
|
|
|
|
Re: Re:الساحر في مسقط .. (Re: سمية الحسن طلحة)
|
عشة ،
إذا كنا قد استمتعنا ،
طوال ليلتين بسحر الكمنجة ،
فها أنت تمتعينا الآن ،
بسحر الكاميرا وبراعة التصوير،
إنه الإبداع.
كنت أتساءل، وأعتقد أن
الكثيرين كانوا يتساءلون مثلي :
لماذا لا تجلس عشة في ""الواطة""؟؟
ولماذا تصر على التصوير طوال الوقت ؟؟
لكنه الجنون ، الجنون أستاذتي،
جنون الفنان خلف أدق التفاصيل ،
وأجمل الجماليات.
فقد جعلتني الآن ،
والآن فقط ، جعلتني أحس
أنني عندما أعود في المساء ،
سأدرك أني أمتلك شيئاً جميلاً .
فإن أبدع الأستاذالفنان عثمان
في إبراز جماليات الموسيقى السودانية
وسحر الكمنجة من حيث الآداء،
فإنك تبرزين جماليات الكمنجة،
كمنتج بديع لا يصدر عنه
إلا ما هو رائع وجميل.
فقد أبدعت أيما إبداع في إبراز
جمال الكمنجة، بأدق تفاصيلها
كإبداع هندسي رائع
جدير بالإحتفاء.
وعليه أستأذنك في أن أقترح عليك
إقامة معرض خاص للكمنجة كمنتج جمالي.
تحياتي
| |
|
|
|
|
|
|
|
|
|
Re: Re:الساحر في مسقط .. (Re: حيدر امين)
|
شكرا ليكم اصدقائي ؛ اسفة لمواصلة تنزيل الصور وطبعا ما في سبب غير الكسل اصلي بقيت جبانة وبخاف من الكي بورد لكن انشالله اتجاوز
هذه الحالة واتواصل معاكم ..عارفة الساحر عزيز عليكم وهاكم واحدة . حيدر امين انشالله كل الصور وصورك منورات في الحفظ والصون
| |
|
|
|
|
|
|
|
|
|
Re: Re:الساحر في مسقط .. (Re: عشة بت فاطنة)
|
عشوشة الحبيبة سلامات
صورك عجيبه ما شاء الله.. والله ربنا يحفظك
تانى اوع اسمعك تقولى لى كاميرتى احلا من اوبرا
اوبرا شنو كمان يا عشة .. اهو شوفى شهادة ناس استاذ الدرديرى دى
اصلو لا بجامل لا بعرف الشكر بلا سبب.. حاجه ابداااع بجد .. تسلمى والله
طبعا مؤيد اتكيـــــــــــف منك كيف مبالغة
وضحك ليه ضحكه اكبر من ضحكتو الفى الصورة دى
ان شاء الله تفرحى ديمه بى ناس هيبى واخوانو
اصلو ايودى عندو ريده خاصة لى عثمان محى الدين..
وفرحتيه جبيتيه معاه فى الصورة وفى بوستك الرائع ده
تسلمى يا الملانه طيبة وسماحة
| |
|
|
|
|
|
|
|
|
|
Re: Re:الساحر في مسقط .. (Re: Mustafa Mahmoud)
|
اهداء :
شوق لاهلي والصحبة
ال الجنيد تسلموا الكلمات الطيبة ؛ استاذ الدرديري شكرا ليك ولعيونك التي تراني وتقيمني بهذا الميزان
زحل صورتك
مؤيد الاسم دا صاح كدا لعيونك وعيون عثمان
اشرق دهب دايما منور
بكري يا شفيف
الشاب العماني تسلم علي هذا الضو
| |
|
|
|
|
|
|
|
|
|
Re: Re:الساحر في مسقط .. (Re: الفاتح الجنيد)
|
الفاتح سارية بتي بتسالك دي عملتها كيف ..!!؟
طبعا بتفتكر ان انا طايرة على طول ومافي كاميرا تقبضني وانا قاعدة ..
اها يا سارية الفاتح فاجأني وعمل ..
شكرا الفاتح علي هذا الكابشر الذي سوف اتخذه سلام لمن يعتقد اني لا اهمد
ابدا ..
| |
|
|
|
|
|
|
|
|
 Re: Re:الساحر في مسقط .. (Re: عشة بت فاطنة)
|
عشة يا عسل..
مازال ذلك المشهد الذي فاجأتينا به في الكافيه وصدقته أنا حيا في ذاكرتي!!
تصوير رائع كعادتك وتغطية حلوة لحفل نشعر بكل حلاوته التي عشتموها..
عثمان ده مجنون كمنجة شديد..موهوب ومحترف..
وسينجح أكثر باذن الله..
تحياتي لكم جميعا وخاصة العزيزة سوما وولدها العسل..ماشاء الله..
| |
|
|
|
|
|
|
|
|
|
Re: سحرنا الليل وصورنا مع ساحر الاوتار .. (Re: Alsa7afa_30)
|
Quote: Ô
شكراً أ.عشة على الصور البديعة ..
في انتظار المزيد
و يا حبذا سمع و شوف ..
خالص التحايا .. |
تسلم
انشالله يا صحافة
كنت جميلا فرأيت
الجمال
صراحة ما صورت فيديو لكن اوعدك الحفلة الجاية
اكون معاي الفيديو واسمعكم
شفت الفيس بوك
تبعك وزحل
وكلو مرة حاديه
طلة
| |
|
|
|
|
|
|
|
|
|
Re: سحرنا الليل وصورنا مع ساحر الاوتار .. (Re: عشة بت فاطنة)
|
اتكاءة بالقرب من صوت الكمان
وجنب عشه كمان بالدنيا زمن لم نري صورة لك
سلام للعيال ولبيرق من زمن بيتك الجنب القبه بالفتيحاب
وزمن رفاعة الجميل وبديع
جيت اقول سلام وبظهر لييك تاني
هنا راحة شوية ورجعه تاني لخميره الفكر العجيب
لكي نجد الطريق الجميل لي ولك وللاخرين
سلام
| |
|
|
|
|
|
|
|
|
|
Re: سحرنا الليل وصورنا مع ساحر الاوتار .. (Re: Sabri Elshareef)
|
Quote: الفاتح سارية بتي بتسالك دي عملتها كيف ..!!؟
طبعا بتفتكر ان انا طايرة على طول ومافي كاميرا تقبضني وانا قاعدة .. |
تعرفى ياسارية ،،، أمك دى (عينى باااارده) عاملة زى الفراشة
دوختنى الدوخات السبعة عشان اصطادها
بس هى ما بتمتص الرحيق لكنها بتنثر الفرح الفواح بروحها المرحه
الله يخليها ليكم
| |
|
|
|
|
|
|
|
|
|
Re: سحرنا الليل وصورنا مع ساحر الاوتار .. (Re: الفاتح الجنيد)
|
شوشة يا حبيبة البى
عارفة بوستيك ده بقى لى زى النيمه الوريـــفة عز الخريف
تسلمى يا حنينة
| Quote: تحياتي لكم جميعا وخاصة العزيزة سوما وولدها العسل..ماشاء الله.. |
تسلمى يا منى من كل بلا وعينك ملانه يا السمحة
ومبروك من تانى لى ماما جارة الانجاز المشرف
تسلمى وشكرا مارقة من الجوف يا حبيبة سلامى لكل المعاك
| |
|
|
|
|
|
|
| |
عشة بت فاطنة
محمد سنى دفع الله
حيدر امين
محمد النيل
saif massad ali
محمد المرتضى حامد
Alsa7afa_30
الفاتح الجنيد
انعام حيمورة
Mustafa Mahmoud
Muna Khugali
فيس بوك
تويتر
انستقرام
يوتيوب
بنتيريست