|
مطاردة بشوارع الخرطوم
|
مطاردة بشوارع الخرطوم تؤدي للقبض على عصابة إجرامية الخرطوم: هادية صباح الخير
بعد مطاردة بشوارع الخرطوم مساء أمس الأول تمكنت شرطة محلية الخرطوم ومباحث الرياض من ضبط عصابة مُنظّمة تتكوّن من ثلاثة متهمين تخصصوا في خطف ونهب الحقائب النسائية من أمام المحلات التجارية بالرياض والطائف والعمارات ووسط الخرطوم، حيث استرد مباحث قسم الرياض مسروقات تفوق قيمتها (200) ألف جنيه. وكشف مصدر مطلع لـ «الرأي العام» أن ما يفوق (13) بلاغاً لشرطة محلية الخرطوم وقسم الرياض خاصة عن عمليات نهب وخطف وسرقات منظمة بواسطة أشخاص يقودون مواتر يفتعلون المشاكل بعد تحديد ضحاياهم وأثناء افتعال المشكلة يقومون بخطف الحقائب النسائية. وقال المصدر إنّ المطاردة كانت على امتداد شارع عبيد ختم مروراً بشارع أوماك وبعد أن تفرق رجال الشرطة وتضييق الخناق على المتهمين تم توقيفهم وضبطهم عند تقاطع مامون البرير حوالي الساعة الثامنة مساء أمس الأول، وتم فتح بلاغات لهم تحت المادة (157) نهب والمادة (67) تشكيل عصابات إجرامية مُنظّمة، وعثرت الشرطة بحوزتهم على مبالغ مالية بالاضافة لـ (6) «لاب توبات»، بجانب (1500) دولار وكمية من الموبايلات وعدد كبير من الحقائب وسجلوا اعترافات قضائية.
الرأي العام - الاربعاء - 21/10/2009م
|
|
|
|
|
|
|
|
Re: مطاردة بشوارع الخرطوم (Re: omer osman)
|
جنابو صباح الخير
تعرف الموضوع منتشر من مده طويلة لكن الحمد لله انه الشرطه بقت تاخد باله من الحاجه دي في مناطق الصحافات وجبرات والدرجه التالت بتحصل يوميا جرائم زي دي ... الاسبوع الفات الساعه 7:30 صباحا اتفاجئنا بطالبة جامعيه تصرخ وواقعت علي الارض ..تعرف اتضح انها طلعت من بيتهم في اتجاه الزلط عشان تركب المواصلات للجامعة جات رقشه ماره بجنبها فيها اتنين واحد سائق وواحد راكب ورا طبعا الراكب ورا قام خطف الشنطه وجرا البت لحدي ما اصابه اصابات شديدة لانها اتمسكت بشنطته في النهاية خلوها واقعه وهربو وكان احتمال تموت
| |
|
|
|
|
|
|
Re: مطاردة بشوارع الخرطوم (Re: Faisal Elrasheed)
|
Quote: طبعا الراكب ورا قام خطف الشنطه وجرا البت لحدي ما اصابه اصابات شديدة لانها اتمسكت بشنطته في النهاية خلوها واقعه وهربو وكان احتمال تموت |
الاخ فيصل الرشيد تحياتي
لو تذكر الحادثة في شارع الستين بنفس الطريقة بس الجناة كانوا بنات وظني ان المجني عليها لاتزال تتلقي العلاج منذ اكثر من سنة
الجرائم بدات تاخذ اشكال جديدة ومتنوعة لكن الحمد لله الشرطة السودانية لاتزال قادرة على اكتشافها وضبط الجناة.
| |
|
|
|
|
|
|
Re: مطاردة بشوارع الخرطوم (Re: omer osman)
|
جنابو عمر
انجاز شرطي ،،
نرجو أن يكون الجزاء بقدر ترويع الأمنين في درب الله !
القوانين الجزائية أخي عـمر تحتاج لتعديل حتى تُواكب الإرهاب المنظم الذي تعيشه بلادنا !
ننتظر قول القضاء فيهم بعون الله
البلد محتاجه للكثير من إنتصارات شرطية كهذه ،
هشام
| |
|
|
|
|
|
|
Re: مطاردة بشوارع الخرطوم (Re: Hisham Ibrahim)
|
أستاذ / عمر عثمان
ياخي في زول بهوى السرقة ؟ الناس جاعت و اتبهدلت ..
الحرامية الصغار ديل شايفين الكبار بنهبوا بالأرقام الفلكية ؛ و هم ما لاقين فكة الريق ..
حيعملوا شنو ؟
| |
|
|
|
|
|
|
Re: مطاردة بشوارع الخرطوم (Re: Faisal Elrasheed)
|
ياخي في زول بهوى السرقة ؟quote:
الناس جاعت و اتبهدلت ..
الحرامية الصغار ديل شايفين الكبار بنهبوا بالأرقام الفلكية ؛ و هم ما لاقين فكة الريق ..
حيعملوا شنو ؟ الأخ عبداللطيف.. وهل الجوع والبهدلة هى مبرر للسرقة وخطف حقائب النساء من الشوارع ؟ الا يجوز ان اولئك النسوة اكثر جوعا وبهدلة من اولئك السراق لكن بس مستحملين وصابرين ومتعففين ولا يمدون ايديهم بالتسول والسرقة . وطالما هم شايفين الكبار بينهبوا بالأرقام الفلكية ما يمشوا ليهم ويقلعوا منهم عديل كده بدلا من مهاجمة النسوان والحريم.
| |
|
|
|
|
|
|
Re: مطاردة بشوارع الخرطوم (Re: عبداللطيف خليل محمد على)
|
Quote: أستاذ / عمر عثمان
ياخي في زول بهوى السرقة ؟
الناس جاعت و اتبهدلت ..
الحرامية الصغار ديل شايفين الكبار بنهبوا بالأرقام الفلكية ؛ و هم ما لاقين فكة الريق ..
حيعملوا شنو ؟
|
الاخ عبداللطيف تحياتي
الجريمة قديمة قدم الانسان في الارض وتتطور اشكالها وتتعدد مع التطور الذي يحدث في شتي مناحي الحياة ......
ولاعلاقة مباشرة لها بالنظام السياسي وفي السودان السرقة والنهب موجود منذ زمن الانجليز منذ زمن بنك باركليز .....
| |
|
|
|
|
|
|
Re: مطاردة بشوارع الخرطوم (Re: omer osman)
|
عمر / الصادق / فيصل / قلقو /
شكرا للتعليق ..
ديل اسمهم (صغار اللصوص) ... و عفوا اذا مسسنا بالقانون ..
و صغار اللصوص ديل هم عبارة عن جوعى ليس الا ..
يعني ما عايز يسرق عشان يبني عمارة أو يتزوج المرة التانية أو يرصف طريق بيتو ..
ديل بخطفوا شنطة نعم .. لكن فيهم من يخطف (سندوتش) - و حصلت فعلا - و فيهم من يسرق (سفنجة) من باب المسجد .. و فيهم من يدخل مطعم و يطلب ( كمونية) و يكب الزوغة .
يعني ديل حرامية و الذين أعنيهم برضو حرامية ؟؟؟
يا جنابو عمر :
بالله ( خطف السندوتش )و (حرامي السفنجة و بتاع الكمونية ) دا مخالفتو تحت المادة كم ؟
الحرامي حرامي نعم ..
لكن ديل ما حرامية زي (الحرامية) ..
| |
|
|
|
|
|
|
Re: مطاردة بشوارع الخرطوم (Re: عبداللطيف خليل محمد على)
|
Quote: لو تذكر الحادثة في شارع الستين بنفس الطريقة بس الجناة كانوا بنات وظني ان المجني عليها لاتزال تتلقي العلاج منذ اكثر من سنة
|
سلامات المجني عليهاكانت تسير بالقرب من مسجد سنهوري بالمنشيه عندما اعتدي عليها الجناه بخطف حقيبتها وتسبيب الاذي الجسيم لها تنبه احد الشباب وقام بتدوين رقم السياره قام الاخ العزيز عوض المفتاح مدير المباحث الاتحاديه وفرقته بمجهود جبار كلل بالقبض علي المجرمين في ظرف 48 ساعة فقط
تكررت مثل هذه الحوادث بصوره مزعجه في مناطق المنشيه والرياض والطائف وما حولها آخرها كان خطف- شنطة - طالبه مكافحه تدرس باحد الجامعات وتعمل في مهنة بيع الشاي كانت الشنطه تحوي عرق جبينها وكدها وايضا هاتفها ومبلغ مليون جنيه عباره عن . صندوق كانت هي امينته .. كان الجناه يقودون سياره صالون وكانت هي داخل ركشه ..
نتمني مزيدا من الجهد من رجال الشرطه والضرب بيد من حديد حتي يقضوا علي هذه الظاهره المزعجه تحياتي
| |
|
|
|
|
|
|
|