|
|
 هل غطى زبد سودانييزاون لاين على بحرها القييم ؟؟
|
زمان كنا نحتفى بود عزه ايما احتفاء حتى كنا
نظن انه يكثر الدلال علينا لاننا نحب كتاباته الجميله
والقيمة فى نفس الوقت ...
حين ضم المنبر وقتها الجميل عماد براكه طارت عصافير قلوبنا
فرحا ..
الغريبة انو فى الزمن داك ... اساسى الظلامى ده كان يسمى
رومانسى ... وكان يتحفنا يوميا بمقتطفات من الشعر وأغنيات
مختاره وعبارات الوله تنساب من بين سطروه انسيابا ...
|
|
 
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: برير احمد إبراهيم)
|
كنا نتسابق لضم مبدع اى كان مجال ابداعه الى المنبر
فكان الاحتفاء بالاستاذ عزيز خطاب والذى بدأ بفتح بوست
لتعلم الموسيقى ..
الان .. لاموسيقى فى المنبر الا صوت الجنازير وصليل سيوف
العشر .. خلافات فى الفاضى ... ومجموعات من المراهقيين
العجزه ... واكثر البوستات تعليقا ونجاحا بوستات الونسه
والفارغه ..
منبر اصبح طاردا للابداع
أدهشنا الاستاذ ابكر ادم اسماعيل بردوده اللبقه عندما
حاورناه فى بوست الدكتوره نهى بعنوان
ابكر ادم .. الضفة الاخرى .. سلمى التى تنام فى حضن رجل بانفاس رجل اخر
(ونحن ليست الا هواه ... وقراء فقط ) ..
وكان تحليله لرواية علاء شاموق ايضا شيقا
لنفقده بفعل الغوغاء ورعاة الجهل .
كسبنا يحى فضل الله قلما كنا نبحث كثيرا عن شعره
وتداعياته حيث بدأ نشيطا ومما كتب هنا
- عفيف اسماعيل يحاور مريد البرغوثى
- تداعيات يرول والقطط السمان
- عمر الدوش منجنيق العشق الحارق
وغيرها ... كانت قمة المتعه ان تفتح المنبر صباحا لتطالع
مثل تلك المواضيع ..اين المنبر منها الان ؟؟
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: برير احمد إبراهيم)
|
شيئا فشيئا ... خرج الجميع من باب الدخول
ميرفت وسمندلها ...
نصار الحاج ...
عصام عيسى رجب ...
الصادق الرضى وصبيته التى خصها بالاهداء
روزمين
اسامه الخواض ..
والغريب فى الامر وكان العنف اللفظى الذى مورس مع اغلبهم
كان مقصودا به تعرية البورد ثقافيا ومن ثم
جعله مرتعا لبغاث الطير ..
لترحل القمارى ... وينعق فيه البوم ..
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: برير احمد إبراهيم)
|
كنا نمنى النفس بتلقى جديد الشعراء والمبدعين
المعروفين عبر المنتدى طازجا .. وساخنا
كما راهننا على ان نكون شهودا على ميلاد أخرين
ليكن المنتدى مدرسة اسفيرية لتوثيق الابداع ونشره
فتحول بقدرة قادر الى مستنقع اسن من الشتائم والالفاظ
القبيحة ... والقازورات ..
فبدلا من أن تبدأ يومك بموسيقى جميلة ..
او كلام منسق مموسق ....
او حتى تحية صباح ووجه صبوح
تبدأه بعوووووووووووع ..
[/green]
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: برير احمد إبراهيم)
|
شاعرنا الجميل عبد القادر الكتيابى ايضا مر من هنا
وترك بصمة رائعه فى التعامل والرقى قبل بصمته المعروفة
فى الشعر والادب ..
ثم اختفى ..
لاننا لم نوفر له مايمكنه ان يكون بيننا بتواضع ...
لان حوشنا اصبح وصمة عار لمرتاديه .. ففضل الهروب
بجلده ..والابتعاد حتى لا يجد نفسه فى الكوشه بسبب جداد
سودانيز اون لاين
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: برير احمد إبراهيم)
|
اه يا زمان اخى برير
اذكر اننى و الجميع احتفينا عندما دعيت الاخ محمد شمو شاعر مريم الاخرى للكتابه معنا
كما اذكر انضمام صديقى عبد العال السيد
بس داك الزمن كنا شباب ود حين بقت ما عندنا مروه
نعم اذكر الحردات و كلمات زى يا رائع و يا مبدع انها كانت تبعث للالفه و المحبه
ولكن ارى الان البورد تطور اااااااااااااااااا
مودتى للجميع
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: برير احمد إبراهيم)
|
[green]تدحرج المنبر وعصر انحطاطه لايمنع من ان هناك الكثير
من الاشراقات والعصافير النقية ماذالت تحلق فى سماء
سودانيز اون لاين وخوفى ندركها ذات صباح وقد غادرتنا ....
مايكتبه البعض من اشراقات يمكننا فعلا التمتع بها
او الاستفادة منها تبدو للجميع كالغريق الذى
يغطس ثم يهب مرة أخرى محاولة الثبات فوق الحطام
فهلا حافظنا عليها ؟؟ هلا وفرنا لها الجو النقى
للإزهار والإبداع كى لا نفقدها ؟؟
هلا ساعدناها حتى ولو بالصمت ؟؟
لا استثنى منكم احدا ... حتى انا .
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: برير احمد إبراهيم)
|
الحبيب / برير
مساء الخير ياصاحب
وطبعا من السرد تؤكد انك
من السناير قبل تغيير اسم الدخول
( ديك الجن سابقا بالانجليزي ....!!!!)
بس ياجميل الكلام ده ماكتير علي المنبر
والاعضاء الموجودين......؟
Quote: الان .. لاموسيقى فى المنبر الا صوت الجنازير وصليل سيوف
العشر .. |
Quote: ومجموعات من المراهقيين
العجزه ... |
Quote: واكثر البوستات تعليقا ونجاحا بوستات الونسه
والفارغه .. |
| Quote: منبر اصبح طاردا للابداع |
| Quote: لنفقده بفعل الغوغاء ورعاة الجهل . |
Quote: كان مقصودا به تعرية البورد ثقافيا ومن ثم
جعله مرتعا لبغاث الطير ..
لترحل القمارى ... وينعق فيه البوم .. |
Quote: فتحول بقدرة قادر الى مستنقع اسن من الشتائم والالفاظ
القبيحة ... والقازورات .. |
| Quote: تبدأه بعوووووووووووع .. |
Quote: لان حوشنا اصبح وصمة عار لمرتاديه .. ففضل الهروب
بجلده ..والابتعاد حتى لا يجد نفسه فى الكوشه بسبب جداد
سودانيز اون لاين |
| Quote: عليك الله حتى لايجد زباب اللاموضوع مرتعا . |
Quote: كانوا اكثر من رائعيين نثروا القهم فى نفس هذا المكان
التعيس ... |
| Quote: رحيل العصافير واستيلاء الغربان على المنبر |
| Quote: تدحرج المنبر وعصر انحطاطه |
انا علي الطلاق بالتلاتة اكان دي نظرتي للمنبر ده
والله العظيم اكان ابوي طلع من قبره وعمل باسوورد
ما اقعد فيهو ثانية .
ياخي انت طلعتنا قاعدين في ( ماخور عديل كده ...!!!!)
المهم.....
اتمني ان لاتكون هذه النظرة نظرة الكثيرين هنا
عارف ليه....؟
لاني افتخر بوجودي في هذا المكان ولا اري فيه اي
شي مما تراه انت .
نعم ....
هناك الكثير من المشاحنات والمشاكل واحيانا واكرر احيانا
بعض المصطلحات الخادشة التي تمر من هنا لكنها استثناء .
تورت لي نفسي ....
بجيك راجع
| |
|
|
|
|
|
|
|
|
|
Re: هل غطى ذبد سودانييزاون لاين على بحرها القييم ؟؟ (Re: برير احمد إبراهيم)
|
يابرير
جيتك تاني بعد نفسي ماراق
Quote: شاعرنا الجميل عبد القادر الكتيابى ايضا مر من هنا
وترك بصمة رائعه فى التعامل والرقى قبل بصمته المعروفة
فى الشعر والادب ..
ثم اختفى ..
لاننا لم نوفر له مايمكنه ان يكون بيننا بتواضع ...
لان حوشنا اصبح وصمة عار لمرتاديه .. ففضل الهروب
بجلده ..والابتعاد حتى لا يجد نفسه فى الكوشه بسبب جداد
سودانيز اون لاين |
وفي دي .....
معليش ....لاترمي الكلام هكذا
الاخ الصديق العزيز عبد القادر الكتيابي
هذا القامة الشعرية الكبيرة......
قالها وبالحرف الواحد انا اتشرف بالوجود
في هذا المكان وان سبب ابتعاده هو ضياع
الباسوورد وطلب من بكري اكتر من مرة ارسال
الباسوورد ليعود ويكتب في هذا المكان الذي
يحترمه ويقدره .....قالها مباشرة في الدوحة
ورردها لي بالهاتف من السودان .
وعبرك اتمني من الاخ بكري ارسال الباسوورد
للاستاذ الكتيابي حتي يعود ويجمل هذا المكان
بابداعاته ....
بالمناسبة ....
الشاهد علي كلامي الاساتذة / محمد عثمان ( ابو الريش )
والاستاذ / عادل التجاني .
| |
|
|
|
|
|
|
|
|
|
Re: هل غطى ذبد سودانييزاون لاين على بحرها القييم ؟؟ (Re: haroon diyab)
|
هارون يا حبيب .. سلامة نفسك ابوى
هى ليست اطلاق اتهامات جزافا ...
ولم اقصد حالة واحده من الاسماء التى
وردت بعينها .. بل قلت ربما ....
ولكنى اعرف تمام كما تعرف ويعرف الكثيرون
بأى مرارات خرج البعض من هنا .. ودون زكر أسماء
اتمنى من الكتيابى ان يعود وعلى كيفه ..
يرقع .. يلبس بالمقلوب .. اويطرز مايشاء على المنبر
المهم ان يكون بيننا لنتمتع اولا ولنستفيد
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: برير احمد إبراهيم)
|
الأخ الزميل برير ..
شلت عصاتي ( لغة ردي يعني ) وجيتكـ مارق لما لقيت : | Quote: عليك الله حتى لايجد زباب اللاموضوع مرتعا . |
وقمت لقيت : | Quote: لا استثنى منكم احدا ... حتى انا . |
فتراجعت .
صدقني لا أستثنيكـ ( ليس من الكلمة الواردة ذباب اللاموضوع ) ولكنكـ منذ : Quote: تاريخ التسجيل: 26-10-2008
مجموع المشاركات: 154 |
فكيف يستقيم الأمر .. ؟؟
يعني المزيد من المشاركة هي الحل ..
والمزيد من المواضيع الجادة أو الطريفة أو الرياضية ...
كتير اتكلموا الناس هنا انو الحوش ده زيو وزي أيِ حله ولواتعاملنا معاهو بغير هذا الفهم فلن يستقيم الأمر ..
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: عمران حسن صالح)
|
العزيز برير
لك التحية والتجلة
كان ياما كان يا سيدى
حقيقى عزفت على وتر حزين للاوائل
واتيت بسيرة الرائعين الذين اثروا المنتدى وجعلوه جاذبا
بل كان الكل يتسابق لكى يحظى بخاطرة رائعة او كلمات تبهج الخاطر
كان يا ماكان
ولعل الزمن اصبح غير الزمن
وتغير كل شىء
حتى الكلمات
ليتهم يعودوا
وليت الايام الجميلة تعود
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: برير احمد إبراهيم)
|
العزيز برير أحمد ابراهيم
تحيات شاهقة
وود وسلام
وانت تفتح بوابة، حدَّها البعيد انك
تحب سودانيز أولاين شهيةً بروح الاضافة والمعرفة والمحبة والحوارات الزاهية
لكنها يا صديقي مع كل الحزن الذي دفعك لتحزن هنا
ف سودانيز اون لاين بوابة لكل شئ وربما هذا واحد من اسرار هذا الموقع
ومعك يجب أن لا نغيب
بل ان نقاوم جميعا بالحضور الجميل
شكرا لك
ومحبة عالية
نصار الحاج
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: Mohamed E. Seliaman)
|
عزرا يا اخى محمد سليمان
- عندما ذكرت ذباب اللاموضوعيه عنيت بهم تمام
الناس البتخرمج اى بوست ومحاولة تحويره عن
المقصد الحقيقى له .
- من قبيل انت بتصحح لى فى الذاى والزين
ياخى انحنا اصلا افارقه وليست عرب اذن
فالننطق العربيه كيفما نشاء ( ام تتجزء المفاهيم هنا ؟؟ )
- لم اشتم احد شخصيا .. ولم اتحدث عن شخص بعينه
وهذه ليست من ماورثت يامحمد ... ولكن كان كلاما
عاما .. وقلت لن لثتثنى منكم احدا .. حتى انا
فكلنا شركاء فى جعل المنبر وجهه مشرق يعكس اخلاقنا
وسودانيتنا .. وتقاليدنا ..
كلنا شركاء لجعل المنبر جاذبا لكل ذو رأى وكلام جميل
عموما لك العتبى حتى تثتغيث .. ولك الانحناءة حتى ترضى
وما ذلكم الوجه الضاحك الذى رسمته الا مفتاح كل القلوب واللغات .
فقط ياصديق فكر معى ...
كم من شخص ترك هذا المنبر بمرارات ... ولماذا ؟
خروج اخير
ياخى خليتنى اكتب واطلع فى لسانى ... قوم لف بلا زين وذاى معاك .. لووول
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: برير احمد إبراهيم)
|
العزيز مجدى عبد الرحيم فضل ... تحايا واجلال
ابدا لم يكن تقييم من شخصى الضعيف او محاولة تفضيل
فترة على فترة ( ومن انا حتى اقيم ) .. ولم يكن تباكيا
على زمن مضى ولكنه مجرد سؤال ووقفه لمعرفة لما تسرب كل
هؤلاء من بين يدى سودانيز اونلاين رويدا رويدا .. وغادروا
كما اننى اشرت الى ان هناك اشراقات كثيرة واقلام كثر .. وما
الاشارة الى أن سودانيز اون لاين بحر فى العنوان الا دلالة على
عظمة المكان والذى اريد له كما تريد ان يكون دوما نظيفا
عفيفا .. واسع الصدر لايضيق بمرتاديه ... ,ان غطى عليه
الذبد فى هذه الفتره ...
أما نعت البعض القليل بالذباب فهم هؤلاء القوم الذين
ما ان تبزر بزرة موضوع شيق الا وحولوا مساره تمام
بسخافاتهم ( وذكرتها تحديدا عند قول .. يابكرى صحح الخطأ )
لك ولكل من زكرت كامل الود والاحترام
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: برير احمد إبراهيم)
|
الأخ العزيز برير أحمد إبراهيم
الرسالة وصلت ونعلمها جميعنا وبقدر المستطاع تواجدنا في بوستات لها مضمون يعضض بالبقاء ويذهب الزبد كما قلت جفاء وبالرغم أننا نلحظ هذا جيدا إلا أننا ندعو أن نكتب كتابة خاليا تماما من تجريح أو توبيخ بهكذا الفاظ وهزيمتهم بتواجدنا في البوستات ذات المضمون وبذا نرفع أكبر قدر من البوستات الجيّدة لتكون بوابة لدخول السودان عبر عقول تحمل فكر وإبداع عميق شكري للجميع.
،،،،أبوقصي،،،،
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: nassar elhaj)
|
الاديب الاريب نصار الحاج
تحيات نواضر
كل ما اطلبه هنا ياصديقى الحوار من اجل الحوار
وليست لاغتيال الشخصيات او تعليق المشانق لهم
حوار منه تعم الفائده او صمت يجعل الاخر يسترسل
فى مايجيد .
مايحدث هنا فقط اغتيال لشخصيات نحبها ..
خرجت بجراح او بصمت .
لك ولأاهل الرياض كل المنا .. والشوق .. والاحترام
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: وليد محمد المبارك)
|
حبيبنا برير ( ديك الجن سابقا )
اول حاجة ليك وحشة وكل سنة وانت طيب
المنبر العام تختلف فيه المزاجات والاراء
هنالك من يحب بوستات الشعر والشعراء والاغاني
وهنالك من يحب بوستات السياسة
وهنالك من يحب بوستات تنتقد الحكومة
وهنالك من يحب بوستات تمدح فيها الحكومة
وهنالك من يحب بوستات النكات والحاجات الخفيفة
وهنالك من يحب بوستات الرياضة
وهنالك من يحب ان ينتقد بعض الاراء
فيا حبيبنا برير ركز على الحاجات البتحبها في البورد وادخل فيها خلي الحاجات التانية
هنالك مجموعة غير قليلة تركت البورد لاسباب مختلفة وهذا ليس معناه ان البورد سئ السمعة او الذين تركوا البورد متعالين .
الشغلانة مزاجات واراء واقتراحات لا يمكن ان تقيد او تقوم ناس تعتبر ان البورد هو المتنفس
ارقد عافية
زاتوووو ( زاتو كما شرحناها سابقا من الزيت وليس من الذات )
| |
|
|
|
|
|
|
|
|
|
Re: هل غطى زبد سودانييزاون لاين على بحرها القييم ؟؟ (Re: برير احمد إبراهيم)
|
أخانا فى جُب الغياب
ديك الجن الحمصى
الإسم الجديد ما واقع لى تب
أو ربما هى محاولة للإمعان فى نوستالجيانراها مثل قميص بن يعقوب
المهم يا زول يا سمح
واحد صاحينا كان زميلناايام القراية، زول لطيف وطريف، بحكى لى مره
إنه كان هو وولد خالته مسافرين الخرطوم، وبص الحلة عادة بحوم بشوارع الحلة ويلقط الناس المسافرين
طلع هو انتظر البص فى الشارع وولد خالته اتاخر شويه ولما البص وصلهم يا دوب جا طالع من البيت والظاهر كان ماخد حمام ولسه ما نشف شعر رأسه وركب البص وهو شايل "الخلال" معاه فى يده، ولما ركب البص خجل واستحى ينفض ويسرح شعره جوه البص، وشعره لسه بى مويته، وكان متضايق جدا من الوضع ده
بعد شويه والبص شال ناس زيادة من الشارع، قامت شكلة جوه البص، وهاك يا جوطة وهاك يا كوراك وشبك وحجز
زولنا قال ليك ما صدق، طوالى طلع "خلالو" من جيبه، "زى مدة كراع شيخنا ابو حنيفة ديك " وبدا ينفض ويسرح فى شعره وقال لى صاحبى
جاطت جاطت
والبص وقف والناس نزلو والحكاية فعلا جاطت جوطة شديدة جدا
أما بعد
تحياتى وسلام أخضر ليك يا برير
وأبقى طيب وسعيد
| |
|
|
|
|
|
|
| |
برير احمد إبراهيم
عبدالرازق الطيب يس
haroon diyab
عمران حسن صالح
قرشـــو
مجدي عبدالرحيم فضل
nassar elhaj
Mohamed E. Seliaman
وليد محمد المبارك
ALZOLZATOO
ياسر بيناوي
أبوذر بابكر
فيس بوك
تويتر
انستقرام
يوتيوب
بنتيريست