|
كتب الكاتب الفاتح جبرا المتوفرة بمعرض الدوحة
|
|
 Re: صدى الملاعب MBC : هلال السودان هو الخبر الاول اليوم ,,,,, كبير يا هلال (Re: ديامي)
|
مقبرةالخصوم اليوم بقت منكوبة
مازيمبي الخطير سوالا دق اللوبة
وااسفا عليهاخلاص بقت مقلوبة
لا شفنا الغزال لا شفنا قلب الهوبة
***
مقبرةالخصوم الليلة صبحت رومة
احرجت الجميع بالحيل بقت مكلومة
فنيات نهيب الهندي جد معدومة
والاعلام هناك ينعق نعيق البومة
***
مقبرة الخصوم يا حليل زمان امجادا
في اليوم التعيس قلبت علي اسيادا
مازيمبي الخطيرحدد جميع ابعادا
موبوتو العجيب خلخل كيان اوتادا
***
مقبرة الخصوم اليوم بقت مفجوعة
بالخط العريض متصدرة الموسوعة
بالخمسة التمام الناس هناك مرصوعة
بي طولة اللسان الناس بتلحس كوعة
***
مقبرة الخصوم فيها الغرور انفشة
والناس الفصاح الليلة شافو الكشة
كامبوسنا القدير احساسو فارق طش
من غير احتراس غرقان مسك في قشة
***
مقبرة الخصوم بحرًا بيبلع حوتو
في الوحل الغريق ما شفنا تب حدوتو
الصير انضرب صادوهو ناس موبوتو
الزول كان فصيييح الليلة شفنا سكوتو
***
مقبرة الخصوم اليوم بقت اسطورة
في وش الجميع مرئية بل منظورة
اعلام السواد قام وسع المطمورة
والكورة ام قدود ورتنا كم ماسورة
***
مقبرة الخصوم فيهاانكشف مستورنا
والضرب التقيل شفناهو في ساجورنا
بي قدرة كريم الليلة شفنا غرورنا
والخبر الاكيد وضح حدود مقدورنا
***
مقبرة الخصوم الليلة دفنت ناسا
والحلم الكبير اتلاشي في اخماسا
لو ما الرب رحيم كنا بنشوف اسداسا
مازيمبي الخطير اداها في نص راسا
***
مقبرة الخصوم اليوم بقت ممكونة
والناس بي هناك من الوجع ممحونة
الاعلام ينق والقصةما موزونة
رغم البهرجات اتفجرت بالونة
| |
 
|
|
|
|
|
| |
جمال السنوسي
humida
صديق الموج
فيس بوك
تويتر
انستقرام
يوتيوب
بنتيريست