|
Re: صورة اغرب من الخيال (صورة)......... (Re: العوض المسلمي)
|
ياخي دا حنك منك ساكت يا واصل انا اسع قايل في حاجة حقيقية , بس وجودك في بلاد اليانكي غطي علي اهل العوض الجواك , وبقيت تتخلع بي سبب وبدون سبب اولن الصورة قديمة من زمان شفناها , ثانيا وببساطة ( شديدة جدن جدن ) الغنماية مربطة , كل يد مربوطة في رجل قدام كتف الود , يعني الود بقي زي اللابسها شنطة ضهر مافي اي الفة او تناغم بل استثمار للمساحة , بعدين الود ماشي بالغنماية السوق يبيعها , البيسمع الحنك بتاعكم دا يقول بينهم قصة نور ومهند شايفك لسع محتفي باوكامبو !! الزول دا وين واخباره مقطوعة (اقصد اوكامبو)؟ اوع يكون اغترب وسافر تشاد ؟
| |
|
|
|
|
|
|
Re: صورة اغرب من الخيال (صورة)......... (Re: اساسي)
|
Quote: ياخي دا حنك منك ساكت يا واصل انا اسع قايل في حاجة حقيقية , بس وجودك في بلاد اليانكي غطي علي اهل العوض الجواك , وبقيت تتخلع بي سبب وبدون سبب اولن الصورة قديمة من زمان شفناها , ثانيا وببساطة ( شديدة جدن جدن ) الغنماية مربطة , كل يد مربوطة في رجل قدام كتف الود , يعني الود بقي زي اللابسها شنطة ضهر مافي اي الفة او تناغم بل استثمار للمساحة , بعدين الود ماشي بالغنماية السوق يبيعها , البيسمع الحنك بتاعكم دا يقول بينهم قصة نور ومهند شايفك لسع محتفي باوكامبو !! الزول دا وين واخباره مقطوعة (اقصد اوكامبو)؟ اوع يكون اغترب وسافر تشاد ؟
|
اخ اساسي
هدئ من روعك. مافي داعي للإنفعال والتشنج ده كله. :)
تحياتي لك وللأسرة الكريمة
| |
|
|
|
|
|
|
Re: صورة اغرب من الخيال (صورة)......... (Re: اساسي)
|
فعلاً حاجة ظريفة، أنا ما حأقول ليك إنه ""الغنماية"" لكن حأقول ليك إنه ""الحكاية"" مفبركة!! لأنها فعلاً حكاية وما بتشبه الغنماية! الراس فعلاً راس غنماية ، لكن إضنين الغنماية بتكون مدلدلة و إضنين الحكاية دي واقفة لمبة!! بعدين ياخي شوف الصنب العجيب دا؛ ضنب الغنماية ، أولاً ، قصير، وتانياً ، دا صنب قايم من نص الضهر بعدين مفروض برضه يكون نازل ومدلدل موش ملصوق على الجسم في الوضع دا. غايته ، إلا غنماياتكم تكون حاجة براها!! إنت رأيك شنو؟؟ تحياتي
| |
|
|
|
|
|
|
Re: صورة اغرب من الخيال (صورة)......... (Re: سارة علي)
|
Quote: فعلا يا واصل الصورة غريبه جدا والالفه بين هذا الحيوان والانسان بصورة غير مالوفه ... |
إخواني/ حقيقة أن الغرابة نلحظها حتى في دهشة الصبي أبو قميص أحمر القادم من الإتجاه المعاكس، أما مسألة بيع الغنماية في السوق فهذه غير واردة بتاتاً لأنها حامل وأكاد أجزم ويجزم معي كل من ألف وعرف غنم الجبال بأن التقرة داخلة على وضوع وصاحبها سيخسر كثير ببيعها في مثل هذا التوقيت.
خلفية الصورة لوحة خريفية تصور لنا أحوال منطقة مدارية غرب أو وسط أفريقية وأميل في تقديري أن تكون كاميرونية (ملامح الصبيين العاجل والراجل) وما يهمنا فيها روعة الطقس التي تأخذ بالألباب وتدهش الناظرين.
تحياتي للأخ واصل وجميع المتداخلين
الطيب عبدالرحيم
| |
|
|
|
|
|
|
Re: صورة اغرب من الخيال (صورة)......... (Re: ابراهيم الرشيد عبدالرحمن وراق)
|
ههها والله الطريف في الموضوع هو تعليقات السادة الزملاء ..
العوض يقول ليك إلفة بين الإنسان والحيوان ، ويجي اساسي يقول ليك الراجل ماشي يبيعها ، بيع عديل، وفيصل الرشيد يطلعها لينا مكتفة ـ ويجيك الدرديري ساتي يقول ليك إضنينها واقفة لمبة وترد عليهو سارة علي تقول عشان ضاربها الهوا ..والطيب عبدالرحيم عاجبه الجو ، وفي الآخر يجيك ابراهيم الرشيد يقول ليك الغنماية دي حتكون ملت الولد بول وبعر .. هههه شكرآ يا شباب .. وبعيدآ عن اوكامبو شكرآ واصل ..
| |
|
|
|
|
|
|
|