|
|
 أبوكلابيش يمزّق شيكا بمبلغ (5)مليار جنيه ... والحاج عطا المنان واليا لشمال كردفان
|
أصل الرواية والحكاية التي يتداولها الممسكون بملف كردفان أن السيد رئيس الجمهورية المشير عمر البشير تبرع بميلغ 45مليار جنيه لصالح ولاية شمال كردفان ووجه الرئيس البشير وزير ماليته الدكتور عوض الجاز بصرف المبلغ للولاية ...إلا ان عوض الجاز قام ببرمجة وجدولة(القروش)بصرف مبلغ 5مليار جنيه كدفعة أولي من جملة المبلغ الكلي... ولكن من فرط (زعل) أبوكلابيش قام بتمزيق الشيك الامر الذي أغضب عوض الجاز والذي بدوره أبلغ الرئيش بتصرف أبوكلابيش ..... والآن الرئيس البشير يعيد النظر في بقاء ابوكلابيش وأقرب المرشحين لولاية شمال كردفان هو المهندس الحاج عطا المنان
|
|
 
|
|
|
|
|
|
|
|
Re: أبوكلابيش يمزّق شيكا بمبلغ (5)مليار جنيه ... والحاج عطا المنان واليا لشمال كردفان (Re: الهادي محمد الامين)
|
كتب الهادي الامين:
Quote: ضحية
خلاص المشكلة اتحلت جاييكم الحاج عطا المنان بكل شركاته لرصف الطرق وتشييد الجسور
وتنمية الولاية والاهتمام بالاطراف وترقية الخدمات والاستفادة من خطوط نقل الكهرباء
وحفر الآبار الجوفية ...ووووو
مبرووووووووووووووووك |
شايف شغل الفلهوة و لعب التلاتة ورقات. نفس القصة حدثت في جنوب دارفور
الوالي هو الحاج عطا المنان جاب شركة شريان الشمال تشتغل في نيالا و يصرف عليها
من خزينة الولاية. الولاية ما قادرة تدفع مرتيات المعلمين و الشركة تحول ارصدتها
لخارج الولاية.
المواطن الاغبش كان بيتساءل : ليه ما يعمل شركة باسم الولاية و تشتغل للولاية
و الزيت في البيت؟
عرفتو السودان مرشح للفرتقة ليه؟ ما في واحد يقول لي اطماع اسرائيل.
| |
|
|
|
|
|
|
|
|
|
Re: أبوكلابيش يمزّق شيكا بمبلغ (5)مليار جنيه ... والحاج عطا المنان واليا لشمال كردفان (Re: احمد حمدان فرح)
|
هل اصبحت شمال كردفان معدومة رجال وكفاءت وحواء شمال كردفات عقرت
عطا المنان مزق النسيج الاجتماعى فى دارفور وفى عهده شهدت جنوب دار فور حرب قبلية لم تشهدها فى تاريخها قط حصدت الاف القتلى والجرحى حرب بين الهبانية والرزيقات وبين الهبانية والفلاتا وبين الهبانية وتاسلامات وبين الرزيقات الابالة والترجم والقمر وبنى هلبة والحوطية والنوايبة والزغاوة والمعاليا والزغاوة والبرقد والزغاوة والزغاوة ام كملتى الرعاة والمزارعين ازدياد حالات النهب والقتل وازكا روح القبلية فى العمل السياسى داخل المؤتمر الوطنى نفسه تسيس الادارة الاهلية تجميد العمل بطريق الفاشر نيالا ارتفاع الاسعار الفجوة الغذائية
شمال كردفان تكون موعودة باكثر من هذا راجع عامود صدى الخبر للكاتب عبد الماجد عبدالحميد
دا طبعا ونسة وكلام ساكت بالواقع ما ممكن وتحليل وقد يكون امانى وقرالة اراء واستطلاعات والخ
| |
|
|
|
|
|
|
|
|
|
Re: أبوكلابيش يمزّق شيكا بمبلغ (5)مليار جنيه ... والحاج عطا المنان واليا لشمال كردفان (Re: الغالى شقيفات)
|
الكرام رواد الموضوع
تحياتي
بصراحة أبو كلابيش غلطان في تمزيق الشيك قدام عوض الجاز
يعني ما عارف أبو كلابيش من هو عوض الجاز !!!!!! حيث قال أهلنا الشقي بشوف في نفسه والبخيت بشوف في غيره .
كان علي أقل تقدير يرجع للتاريخ القريب خالص ويشوف تجربة مبارك الفاضل مع الدكتور عوض الجاز حين قال له بضع كلمات وفي رواية أخري تطور الأمر للكمات . ثم خرج مبارك الفاضل من القصر الجمهوري تلاحقه نظرات الجاز وجماعته .
بالمناسبة عوض الجاز صرح لخاصتة بأن أبو كلابيش لن ينال شيئاً من المركز حتى يشتكي لطوب الأرض . وقال بالحرف الواحد مستخدماً لفظ شاع في الشارع السوداني أخيراً ( قال لخاصته سوف أعطية ماسورة كبيره)
سماحة أبو كلابيش يشيل الشيك ويمشي عدل للبشير ويقول ليه يا ريس كلامكم دا ككيف ؟؟؟؟؟؟؟
حيث حضر وفد من دار فور ذات مرة في زيارة للبشير وعند اللقاء به قالوا له نريد مبالغ لأغراض محددة فقال لهم خلاص أمشوا لعوض الجاز يعطيكم !!!!!! وعندما قابلوه لم يعطيهم وزاد بكلمات من عندو !! فما كان من الوفد إلا العودة للبشير قائلين كلام ود الجاز دا شين ، أصلو ما بشبة كلام الجلابة السمح داك خاف ود الجاز دا من عندنا هناك نحن هناك كلامنا حاااار زي حرارة صحارينا في الخلاء . فما كان من البشير إلا تدبير المبلغ من عنده وخرج الجماعة مبسوطين.
بالعودة لخبر ذهاب أبو كلابيش وحضور الحاج عطا المنان . إن صح فإن ذلك لن يغير في خارطة الولاية شئيئاً حيث الأزمة تظل في المؤتمر الوطني قائمة ولن ينصلح الحال إلا إذا أنصفنا إنسان الولاية في سلطتة وثروتة .
بحيراوي
| |
|
|
|
|
|
|
|
|
|
Re: أبوكلابيش يمزّق شيكا بمبلغ (5)مليار جنيه ... والحاج عطا المنان واليا لشمال كردفان (Re: البحيراوي)
|
Quote: والولايه الشماليه لوحدها بها طريقين سريعين الاول سمى بالتحدى والتانى
شريان الشمال؟ |
والله يا ضحية أنا ما عارفك تقصد شنو بالكلام ده ..
حسب ما أنا عارف إنت مقيم خارج السودان يعني بتعرف ما هو الطريق السريع ..
لو بقى الطريق ماشي وجاي بدون جزيرة وسطية وبه كمية من الحفر ده طريق سريع إلا تكون إنت مغترب في واق الواق ..
وشريان الشمال الطلع لينا بالطريقة المزرية دي ذاتها دفعنا فيهو دم قلبنا وأنا شخصياً بدفع فيهو من سنة1983م وبعد ما اغتربنا 100 ريال سنوي يعني حق نص شوال سكر مش رطل ولا رطلين ..
الواحد عنده مظلمة ما قلنا حاجة أكتب شيل سلاح أعمل الدايرو بس ما تجي ناطي لينا الشمالية فيها وفيها تقول الشمالية دي نيويورك ..
| |
|
|
|
|
|
|
|
|
|
Re: أبوكلابيش يمزّق شيكا بمبلغ (5)مليار جنيه ... والحاج عطا المنان واليا لشمال كردفان (Re: البحيراوي)
|
والله يا بحيراوي
والي يتصرف تصرف ذي دا ما بقدر يقود الناس للامام ودا معناه ان الرجل ضيق الخلق واحمق والوالي يفترض فيه الحكمة وسعة الصدر والصبر والبال الطويل في تقديري ان ابوكلابيش ما حا يستمر في حكم ولاية شمال كردفان لاسباب كثيرة ولكن حسب ما اعلم ان التنظيم الخاص (الحركةالاسلامية) غير راضية عنه لانه تجاوز تكليف المؤتمر الوطني القاضي بتعيين امير الحركة الاسلامية بالولاية الدكتور صلاح الهادي وزيرا للشئون الاجتماعية ...
علي كل الارض تهتز تحت أقدام ابوكلابيش والكرسي غير ثابت وربك يهون
| |
|
|
|
|
|
|
|
|
|
Re: أبوكلابيش يمزّق شيكا بمبلغ (5)مليار جنيه ... والحاج عطا المنان واليا لشمال كردفان (Re: احمد حمدان فرح)
|
كتب الاخ الهادي:
Quote: ياzoal
مرحبا بالحاج عطا المنان واليا لشمال كردفان فالرجل والشهادة لله من أميز الولاة
علي مستوي السودان وجنوب دارفور خير مثال وفي عهده شهدت استقرار أمنيا وتنمية
ونهضة عمرانية وتفوق علي الذين سبقوه من الولاة صلاح علي الغالي وآدم حامد موسي
والحاج آدم يوسف وإذا قدر له استلام شمال كردفان كما هو متوقع فالولاية موعودة
بنهضة وتنمية بلا حدود |
وجاء رد الاخ الغالي شقيفات بردا و سلاما
Quote: هل اصبحت شمال كردفان معدومة رجال وكفاءت وحواء شمال كردفات عقرت
عطا المنان مزق النسيج الاجتماعى فى دارفور وفى عهده شهدت جنوب دار فور حرب قبلية
لم تشهدها فى تاريخها قط حصدت الاف القتلى والجرحى حرب بين الهبانية والرزيقات وبين
الهبانية والفلاتا وبين الهبانية وتاسلامات وبين الرزيقات الابالة والترجم والقمر
وبنى هلبة والحوطية والنوايبة والزغاوة والمعاليا والزغاوة والبرقد والزغاوة
والزغاوة ام كملتى الرعاة والمزارعين ازدياد حالات النهب والقتل وازكا روح القبلية
فى العمل السياسى داخل المؤتمر الوطنى نفسه تسيس الادارة الاهلية تجميد العمل بطريق
الفاشر نيالا ارتفاع الاسعار الفجوة الغذائية
شمال كردفان تكون موعودة باكثر من هذا راجع عامود صدى الخبر للكاتب عبد الماجد عبدالحميد
دا طبعا ونسة وكلام ساكت بالواقع ما ممكن وتحليل وقد يكون امانى وقرالة
اراء واستطلاعات والخ |
يا اخ الهادي انا من نيالا و واوفق الاخ الغالي في كل ما كتبه
اما بخصوص التنمية التي تقولها فشركة شريان الشمال نفذت طرق و مباني داخل المدينة
ولكن لو قرأت كلامي بتمعن ستجد ان الكلام لماذا منح العمل لشريان الشمال ولم تؤسس
شركة للولاية. او قل لماذا يرحل عطا المنان بشركته الى جنوب دارفور اليس في هذا ضرب
مما يسميه الناس (Confilct of intersts)ولماذا لا يترك شركته ناك ويأتي الينا واليا فقط؟
لعلمك وهذه المعلومة لم تعد سرا فان ابناء الاقليم حين يتولون امورنا تجحب عنهم الاموال
ولكنها تغدق على امثال عطا المنان ليحس الناس بفشل ابنائهم ولكن لكثرة تكرار الفيلم
لم يعد الناس بسطاء كما كانوا. اعطيك مثالا: عندما كان دكتور الحاج يعمل في الشمالية
لم تصادفه مشكلة سيولة ابدا بل كانت تصله احتياجات قبل ان يطلبها. صلاح علي الغالي اخذت ميزانية
الولاية لتحرير راجا بوعد ان تعاد اليه ثم تجاهلوه وهو صديق شخصي للبشير.
اليس في بلاد كردفان كلها رجل رشيد يحكمهم؟؟ غدا ستكسب
شركة شريان الشمال اموال شمال كردفان و يرحل بها بعيدا بينما شركات ابناء المنطقة احق بذلك.
| |
|
|
|
|
|
|
|
|
|
Re: أبوكلابيش يمزّق شيكا بمبلغ (5)مليار جنيه ... والحاج عطا المنان واليا لشمال كردفان (Re: Zoal Wahid)
|
ياzoal
سلام وتحايا ...
استغرب من حديثك المتناقض تقول ان ابناء دارفور عندما يحكمون تحجب عنهم الاموال ثم تأتي بعبارة أخري فتقول مبروك لشركات شريان الشمال باموال كردفان !!!
عموما ولانني لصيق بدارفور للغاية وأزور قراها ومدنهات باستمرار ولا أكاد أغيب عنها فان الاقليم الغربي كله لا يحتاج لاموال من الحكومة المركزية لان ما في هذه الولايات من مصادر دخل وموارد طبيعية وثروات تحتاج فقط لمن يوظفها ويستغلها الاستغلال الامثل وتوجيهها نحو التنمية والعمران ولا زلت مصرا ان فترتي الحاج عطا المنان بجنوب دارفور من أميز المراحل التي مرت علي الولاية والان نيالا لا تماثلها مدينة من حيث التنمية والتخطيط العمراني والنظام والنظافة واستقرار الاحوال أي مدينة في السودان ...فلماذا لا تعترفون بهذه الطفرات التي نراها ظاهرة للعيان ...
| |
|
|
|
|
|
|
|
|
|
Re: أبوكلابيش يمزّق شيكا بمبلغ (5)مليار جنيه ... والحاج عطا المنان واليا لشمال كردفان (Re: الهادي محمد الامين)
|
Quote: سلام وتحايا ...
استغرب من حديثك المتناقض تقول ان ابناء دارفور عندما يحكمون تحجب عنهم الاموال
ثم تأتي بعبارة أخري فتقول مبروك لشركات شريان الشمال باموال كردفان !!! |
اين التناقض في كلامي. اعد قراءة ما كتبته لك.
هل ابناء دارفور هم الذين يملكون شركة شريان الشمال؟
اقول لك تحجب الاموال عن ابناء دارفور عندما يحكمون ( ابناء دارفور وليس عطا المنان
وهو ليس من ابناء دارفور)
لقد مورست نفس السياسة زمن نميري ضد دريج حتى اضطر لترك السودان ولم يعد اليه حتى اليوم.
ارجوكى لا تقولني ما لم اقل و لا تفسر كلامي بما لا اقصده. انا لم ابارك لشركة شريان الشمال اموال شمال كردفان.
كما لم اقل ان عطاالمنان لم يعمل. قلت لك تتدفق اليه الاموال الامر الذي لم يحدث لغيره من
ابناء الاقليم كصلاح و الحاج و غيرهم. ما يقوم به من اعمال صيانة او طرق تذهب لشركته
شريان الشمال. ولذلك اقول ان الاموال التي يأتي بها للولاية بسبب قرابته لعلي عثمان
ستكون لشركة شريان الشمال. لماذا لا يعطي ابوكلابيش او غيره مثلما يمنح
عطاالمنان؟
عطا المنان عمل على تمزيق النسيج الاجتماعي بجنوب دارفور في الفترة الاخيرة عكس ما كان يعمله
في مرحلة سابقة عندما كان محافظا لنيالا وقد احببناه وقتها ولكنه فقد حب الناس له خلال فترة عمله الاخيرة.
| |
|
|
|
|
|
|
|
|
|
Re: أبوكلابيش يمزّق شيكا بمبلغ (5)مليار جنيه ... والحاج عطا المنان واليا لشمال كردفان (Re: osman righeem)
|
| Quote: حسب علمي ان طريق الانقاذ الغربي قطع شوطا كبيرا ووصل حتي الخوي والنهودوالان العمل جاري في قطاع النهود - أم كدادة وكوتات السكر لم تشيد طريقا |
العزيز أحمد تحياتي وصباح الخير
يا زول صحي طريق الإنقاذ الغربي وصل النهود لكنه كان يزحف زحفة ورل . يعني من سنة 88 وحتى 2007 حتى وصل النهود . بس الحمد لله أخيراً الطريق قرب لينا المسافات يعلم الله . وأنا بذكر زيارة الرئيس لشمال كردفان في 11/11/2008 لإفتتاح قطاع الخوي - النهود . يعلم الله من الخوي والبشير ركب طيارة للنهود لإفتتاح الطريق بالنهود . قلنا ليهم يا ناس الله الزول دا ما تركبوه ليلي علوي مالو؟؟؟؟؟؟؟؟؟ حتى يري الطريق . بالمناسبة المسافة لكها 100كيلو .
بحيراوي
| |
|
|
|
|
|
|
|
|
|
Re: أبوكلابيش يمزّق شيكا بمبلغ (5)مليار جنيه ... والحاج عطا المنان واليا لشمال كردفان (Re: Tabaldina)
|
عوض الجاز ده ظنيتو راجلاً مسكين وطيب، الوزراء والمسؤولين ديل دايماً غلطانين في
حقو وعاوزين ينهزروهو.. عليكم الله أبو كلابيش ده ما بخجل، عاوز يقالع الزول في حقو؟
يا اخي إنت الراجل وكت اتبرع ليكم يا ناس شمال كردفان بخمسة مليارات من حر مالو
إنتو عاوزين تكتروا كلامكم كمان... وأنا لو في مكان أبو كلابيش أشيل التبرع ده
واشكر عليهو عوض الجاز.. بقولوا المال تُسعو ولا كتلتو..
تانياً العالم ده كلو منتظركم تختلفوا عشان يقضي عليكم وعلي الإسلام.. لازم إنتو تفطنوا
لمخططات دول الاستكبار لزرع الفتنة والاختلاف بيناتكم..
وأنا بقترح إنو عمر البشير وأبو الجاز وأبو كلابيش يقعدوا مع بعض لحل المشكلة دي وما
يشمّتوا الأعداء فيهم وعشان الحل يكون برضاهم جميعاً لازم يتم وفق هذا السيناريو الدقيق:-
أولاً: يقوم البشير يعمل فيها قاعد يلوم في أبو كلابيش ويديهو كلمة كلمتين حارات ولما
أبو كلابيش يعاين ليهو يقوم البشير يعضّي ليهو (كده) بدون ما أبو الجاز يلاحظ للعضة..
تانياً: بعدها طوالي يقوم أبو كلابيش يعتذر لأبو الجاز ويقول ليهو يا اخي أعذرني اليومين
ديل أنا نفسياتي تعبانة.. خروج الهلال ده أثّر علي كتير..
تالتاً: يقوم البشير يبكّش لأبو الجاز بكلمة كلمتين حلوين ويحنّسو عشان يتم ليهم التبرع
تمانية أو عشرة مليارات.. وأنا واثق شيخ الجاز ما بقصر بعد داك..
يا ليت كلامي ده يلقى ليهو ود حلالاً يوصلوا للجماعة ديل قبل ما الجاز يقع في الراس..
غايتو أبو الجاز ده ربنا يكون في عونو ويكفيهو شر نجهة وحسادة خلق الله.. باقيين ليهو
في رقبتو دي ومكرهنو قروش بترولو وما خلوهوا يستمع بيها...
يا ود حسونة لي عوض الجاز...
ويا ناس يا شر كفاية أررر..
| |
|
|
|
|
|
|
|
|
|
Re: أبوكلابيش يمزّق شيكا بمبلغ (5)مليار جنيه ... والحاج عطا المنان واليا لشمال كردفان (Re: البحيراوي)
|
Quote: الأخ نصر الدين البشير
تحياتي وأثني كلامك دا عين العقل . يعني الموضوع جودية عدييييييل كدا .
القروش لليلة ود الجاز وأبو كلابيش موظف عنده والبشير أبا كبير وفي جلسة ود عصرية كدا المبلغ يبقي خمسين مليار بالذات لو عرفوا إنو نفسيات أبو كلابيش تعبانه من خروج الهلال ، يجي صلاح إدريس يتم لينا المبلغ لي 75 مليار وتعال شوف ليك جنس طرق وكباري يانصر الدين .
|
يطيب خاطرك يا البحيراوي يا أخوي
تصدق وتأمن إنو ما قاعد أدخل المنبر ده إلا مرة مرة وبالمزاج عشان بعتبر إنو كلامنا كمل
وبقى لا بقدّم ولا بأخّر فالبلد ماتت وشبعت موت ونحن شبعنا من الشجب و الإدانة والتضامن مع
قضايانا المهمة لأنو غلبنا نكتب في شنو ونخلي شنو؟ مصائبنا بقت أكبر من كلماتنا وحروفنا،
والبلد بقت هاملة ومطلوقة ومسيطرين عليها مجموعة من اللصوص والمرضى النفسيين وأصحاب
التاريخ المشوه بمساعدة من بعض المنافقين والمطبلين.. طالعت الموضوع المنشور فما لقيت
كلام أعبر بيهو غير السخرية لأننا بقينا عايشين في عصر عبثي والكلام الجاد ما بنفع... قبل
كم يوم الرئيس ينصر وزير متنفذ على مدير كبير رغم أن الأخير كان على حق وطالعتنا الأخبار
بأن الرئيس قام بالجودية بين الاتنين ولما ما نفعت الجودية انحاز للأقوى، والآن نطالع
وزير المالية والمعادن في السودان يبخل بمال الشعب لأبناء الشعب رغم أن التكليف جاء من
الرئيس الذي لا حول له ولا قوة.. يعني منتهى الفوضى والعبثية.. عوض الجاز هو المسيطر
على المال والقرار في السودان وكأن هذا المال هو ورثة ورثها من أبيه وجده والوزراء
مجموعة من الشحاتين والطالبين كرامة لله..
نشهد الآن في الجزيرة الغبشاء خروج روح مشروعها الذي كان عملاقاً.. المشروع الذي عاش عليه
السودان والسودانيون لمدة قرن من الزمان تتم تصفيته مع سبق الإصرار والترصد ويكافأ مهندس
الدمار بوظيفة وزير زراعة في الولاية الشمالية.. توقف الري في المشروع وجف الزرع وبيعت أصول المشروع .. بيعت الفلنكات والحديد التابعة للسكة حديد لشركة جياد ومنحت بيوت الحكومة لأصحاب
الحظوة من الحكومة بأسعار زهيدة جزاءاً لهم على تآمرهم ومساعدتهم للقضاء على المشروع (وأغلبهم
من خارج الولاية).. المشروع الذي لم يجلب إلا الخير للسودان ولم يبدر من أهله إلا المروءة والكرم
يشهد الآن حشرجة الروح والناس مشغولون عنه بمواضيع انصرافية.. تضامنوا مع فلان ناصروا علان ...
يا اخي والله الواحد ممغوص وما قادر يتكلم لأنو كلامنا ما بعجب البعض وحا يتهمونا بإثارة العنصرية وأشياء من هذا القبيل، فعشان كده الواحد بفضّل السكوت، لأن السكوت أخير من الكلام النيْ...
ربنا يحفظنا ويسترنا في ما تبقى لنا من عمر ويجنب أهل السودان الذلة والمهانة في عهد التتار الجدد... وكامل تضامني مع أهلنا الطيبين في ولاية شمال كردفان...
| |
|
|
|
|
|
|
| |
الهادي محمد الامين
ضحيه ابراهيم
د.محمد بابكر
الغالى شقيفات
البحيراوي
osman righeem
Nasruddin Al Basheer
فيس بوك
تويتر
انستقرام
يوتيوب
بنتيريست