|
|
|
 Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: بدر الدين الأمير)
|
في ذلك الوقت من نعمومة اظفارنا
كنا مفتونين بقراءة الالغاز بل
وكنا نطلق على بعضنا اسما شخوص
تلك الروايات ومفتونين بها بل
نتمثلهاانا كنت أمثل زعيم العصابة
وعشان الحلقة تكتمل كان ناقصنا كلب
عشان نبدأ تنفيذ الجرائم ولى شلاقتى
مشيت جبت جرو ووالدتى الحرم بت على
امدالله في عمرها كرهتها في الدنيا الكلاب
اليوم داك اخدت علقة مازالت عالقة فى زهنى
ونمت من غير عشا وفشلت كزعيم عصابة بل وتفرتقت
العصابة بعد ماشافوا الجلدة التى اخدتها
| |
 
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: بدر الدين الأمير)
|
النقلةالتانية او علاقتى برواية ماوجدلين
كان شقيقى الاكبر الدكوتر حافظ محمد الامير
شخصيا مدان له بالفضل في حب القرأة بدون
ماهو يدرى وهو شخص آفة كتب من نوع فريد حتى
هذه اللحظة حافظ لمن يكون ماسك كتاب بكون
منفصل عن العالم وقد اورثني ذلك المهم لقد
فتحت عيونى على الدنيا ووجدت في بيتنا مجلة
صباح الخير والمصور آخر ساعة والايام لطه حسين
وكنت اتلصص على تلك المجلات مفتونا بصور البنات
وبالتحديد لبسهن الى ان اتى مدير جديد الى احد
المدارس باربجي وبنته التى تلبس لبس قريب من
لبس البنات الفي المجلات رغم صغر سنها وكان والدها
صديق لوالدى بحكم ان والدى صاحب توكيل بريد اربجى
وايضا التلفون التجارى الوحيد حيث كان هناك تلفون
في منزل الوزير عبدالرحمن على طه وتلفون فى دكان
ودالامير
| |
|
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: بدر الدين الأمير)
|
بت الحسن
تعالى شوفي تلقى الحجج الماخمج
المهم كان لابد ان ألفت نظر بت المدير اليوميا لابسة هدوم (العيد)
انتظرت لمن اخى حافظ يطلع من البيت للنادى واسرق أي مجلة سمحة
وفيها صور بنات سمحات تنم على انى على قدر العزم طبعا تطفلى
على مكتبة (حافظ) جلب لى مالايحصر من علقات لانى اشتر بممسك الكتب
والمجلات و بتوكن يدى يافيها ملاح اوطين وهذا لايفعله صلاح شقيقى الاكبر منى
ولا فدوى الاصغر المشكلة بقت بعد داك أي حد يمسك او يهبش حاجة من حاجت
حافظ آخد انا العلقة بعتبارى حرامى البيت الذى يترك اثر لسرقته
ملحوظة لعناية الطيب شيقوق:
صديقك وزميلك القانونى ابن خالتى شاكر على يوسف جبرالله
هو نديد شقيقي الاكبر حافظ بل وإتولدوا في نفس الاسبوع
| |
|
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: بدر الدين الأمير)
|
وقبل ان امشى افتش المجلة في مكتبة حافظ مشيت وغسلت يدى
لانى هذه المرة جاي ليس للفضول بل للسرقة وداير سرق حاجة
تليق وتضعني قي القمة من الاول واثناء البحث وقعت عينى
على كتاب مكتوب على غلافه بخط ليد (ياحافظ هذا هو الحب
الذى نحلم به) وكانت فرحتى بان وجدت شيقي الاكبر متلبس
بجريمة الحب ولابد ان ابلغ عنه واكيد لن يضرب وهو الكبير
صاحب المقام ولكن كونى انا صاحب البلاغ سوف يخفف من جلده
لى بل ويتغاضى عن تطفلى على مكتبه وسرحت في القراءة مع
هذه الرواية وحين وصلت لرسائل إستيفن وانا قاصد تجريم
اخي وجدت نفسى في حالة هستريا من البكاء والمصيبة حين
اتت والدتى تتفقد وجود اخوانى وانا المعروف عني اخر من يدخل
البيت بل وبعد بحث وجدتني موجود وببكي (جن جنونها)
| |
|
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: haroon diyab)
|
Quote:
وفي رواية اخري........
امس السيك كيييييييف |
هارون دياب أمس بقرب سرير (المريض السودانى)
الجماعة كانوا مشغلين اغنية( منعوك أهلك )
بصوت الفنان نجم الدين الفاضل ....
إجهار همسة: منعوك أهلك بلغة القطرين تعنى
منعتك زوجتك وانت اخير في ناس مشو باتو مع
محمد سالم اكرر محمد سالم يعنى لاكمال ولاعادل
وبهدى له عبرك اغنية (ولو داير نفتو جرب ونت فتو)
| |
|
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: بدر الدين الأمير)
|
يامدير
صباحك سيكـ
Quote: إجهار همسة: منعوك أهلك بلغة القطرين تعنى
منعتك زوجتك وانت اخير في ناس مشو باتو مع
محمد سالم اكرر محمد سالم يعنى لاكمال ولاعادل |
وحاتك دي متوقعة خاصة من صاحب الشمارات
| Quote: لجماعة كانوا مشغلين اغنية( منعوك أهلك ) |
لا وانت الصادق
منعك الخميس
وياحليل الخميس ودق عيشو.......!!!!!
وبعدين.....
جيت قبلك وعملته فيها معلم كبييييييييييييير
وش ملاااااااااااااااااااااااااااااااااااااااوز
المهم.......
تعيش وتاخد غيره
| |
|
|
|
|
|
|
|
|
 Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: haroon diyab)
|
Quote: اها....يامدير
انت برفضو ليك طلب
بس طلعت سرك باتع |
ليييييييييييه كدا يا اخي هارون
داير تاكلوا حقي الادبي 
انا اللي نبهت بكري يوم الخميس في بوست نزلته بخصوص نفس الموضوع (يا حبوب شيل ايوقنة صندوق الوارد دي من فوق ريسيييييييييينا ياخ)....
واليوم جيت لقيت البوست اتحزف
والتعديل تم اجراءه كما انتو شايفين
*** حقوا يا بكري تعيني معاك مستشار للرئيس وكدا
دي السابقة التانية لي معاك مووش كدا
اول نبهتك بي المانشيتات ترجعها فوق .... وقد تم التعديل
*** سلامات يا اخي ود الامير
| |
|
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: بدر الدين الأمير)
|
أمرك يابدر الدين
لاتتويك ولا تواك
والبين ود الأمير وبت المدير عرفناها
( من بعد ما عز المزار
والليل سهى وملت نجوموا الانتظار
والشوق شرب
حزن المواويل وانجرح خاطر النهار
وبقيت اعاين في الوجوه
واسال عليك وسط الزحام
قبال اتوه يمكن الاقي البشبهك
ما الليل براح والشوق بيندهك
شايلاه وين النيل معاك
عصفورة جنحاتها النجوم وانا بي وراك
بسال عليك مدن وبعصر سلافة الليل حزن
بسأل عليك في المنفى في مرفى السفن
امكن طيوفك اخريات الليل تمر
تملأ البراحات للحزين طول العمر
ما نحن بينا الامنيات والتضحية
بينا المعزات والعذابات في الحياة
بينا الهوى اخلاص على قلب انكوى
وكلام كثير قلناه آخر الليل سوا
انو راح نتلاقى لو طال النوى
لكن كلامنا الكان وكان
خايف يكون شالو الهوى )
واصل لينا حكاية القصة البكتك
| |
|
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: سمية الحسن طلحة)
|
| Quote: واصل لينا حكاية القصة البكتك |
بت الحسن
خلينا مع بت المدير الطلعت (سماحة جمل الطين)
تصدقي بعد مجهود يوم كامل وانا(ااربج) في رسالة
استيفن الاولى لماجدولين كملت قلمين رصاص وخمسة محايات
ناهيك عن كراس العربى وكراس الحساب لدرجة امى الحرم
كانت مندهشة وقالت لاختى الكبيرة فوزية الود دا الليلة
مابراهو يوم الجمعة ومن الصباح للمطاح بذاكر المهم في
النهاية انجزت الترجمة ويوم السبت من الصباح استنيتها
متين تجى مراقة للمدرسة سلمتها ليك الرسالة وجريت على
مدرستى ووصلت بعد الطابور واخدت خمسة جلدات على التأخير
وكنت فرحان بتلك الجلدات لانهن في سبيل الحب وفي نهاية
اليوم كنت مستنى على احر من الجمر ان يأتينى الرد مع شقيقتى
فدوى زميلتها في الفصل وكان الرد مفجع كان الرد ان ارجعت
لى رسالتى مع اختى فدوى مصحوبة بتحذير لو انى كرر هذه الفعلة
مرة تانية حا تكلم ابوها ـ
لكن الحب الجد جد كان مع بنت البيطرى وكانت بت الخرطوم متمدنة
متمدنة وبس ديك كانت مصيبة المصايب هي او من كتب لى رسالة
حب بل وزيلتها بكملة احر قبلاتى هو اليوم داك انا عرفت النوم ...
والمصيبة في الصباح ونحن ماشين للمدرسة غمزت لي بعينها وبتلك
الفعلة لم اعد ادرى شىء وبدل ما أمشى المدرسة مشيت الغابة باحثا
عن جني يساعدنى في الزواج منها ويطير بينا من اربجى الى اي عالم
وهناك قابلنى خالى على ود حسب الرسول له الرحمة حين رانى جن جنونه
ود الحرم الجابك هنا شنو ياولدى حملنى على ظهر حمارة وارجعنى للبيت
وقال لوالدتى الولد دا ليقتو في الغابة شايلو حمار النوم ومن هنا بدت قصة اخرى ...
| |
|
|
|
|
|
|
|
|
 Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: بدر الدين الأمير)
|
يعني ياودالأمير
أنت ممكن نمرحل لينا تاريخ كتابة الرسائل
الذي بدأ بعد عهد إهداء المناديل
ممايدل على التمدن أو حدمه
وبصورة أدق يبدو لي
أن عهد المناديل كان في زمن الأمية
وقبل ظهور كتابة الرسائل والله أعلم
كنا في مدرسة رفاعة الثانوية التي بناها الإنجليز
بطراز مميز حتى أن أستاذتنا آسيا عبد الوهاب
الله يطراها بالخير كانت بتقول لينا
ياريت الأنجليز لو قعدوا كم سنة زيادة وبعد داك رحلوا
كان فيها مطبخ للتدبير المنزلي مجهز بكامل معداته
وغرفة للجياطة والتطريز البنات يتفنن في تطريز القلوب في المناديل
وأنا جني وجن الخباطة، طوالي بنضم لمجموعة الطبخ وبرضو بنص بال
وبالي كله في القراية وحل الواجبات أثناء حصص التدبير المنزلي
وحصلت معاي حاجة مابنساها لما البت قالت أتعلمت طبخة ومشيت أطبقها في البيت ...
( وجوه ضاحكة من هنا لي بكرة )
| |
|
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: احمد محمد بشير)
|
| Quote: وجوه ضاحكة من هنا لي بكرة ) |
بت الحسن مصدقنك من غير حلفان
بس هاك فعايل بت الخرطوم فينى (بت البيطرى)
1 هى اول من مسك يدى تعبيرا عن الحب والدفء
2 هى اول من اتكى على كتفي
3 هى اول من سمعنى شعرا اغنية ابراهيم عوض ( لوداير تسيبنا جرب وانت سيبا)
هل تصدقى لغاية هذه اللحظة من عمرى في اي وقت من الاوقات اسمع تلك الاغنية
اجد نفسى في حالة بكاء
4 هى اول من قدم لى هدية
5 هى اول من قال لى بحبك
6 هى اول من سرقت لاجلها ولهذه قصة لرغبتى في ان ارد لها الهدية وفي اربجي
لايوجد مكان ممكن تشترى منه هدية ناهيك عن من وين تجيب حقها وفي ذلك العر
كونك تمش الحصاحيصا ارحم منها تمشى الغابة وتفتش على جني يساعدك فدرج دكان
ابى كان الخيار الامثل ومشكلتى كانت طرقتى في السرقة متخلفة وتم القبض عليا
متلبس والتحقيق كان ارحم من الجلد واقتنعت امي اكثر بانى مسنى شىء من الجن
ولازم تصتحبنى في زيارة لقبة شيخها الشيخ القرشى ود الزين وكنت اول مرة ارى
الحصا حيصا والهداية المعلقة في البترينات ...وكان همى الاوحد كيف ممكن اشرد
من امى وامشى اسرق واحدة من تلك الهداية
| |
|
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: بدر الدين الأمير)
|
| Quote: بت الحسن مصدقنك من غير حلفان |
قالوا الواحد لوكذاب يصعد المنبر ويتحدث الصدق الصدق الصدق
طيب كانت مدرسة التدبير المنزلي تعد لعمل كبدة بالبيض
والحمد لله ما قالت أوملية ، أنا كنت بستمع من بعيد لبعيد
وحسب تعريفنا البدوي : الكبده تعني كبدة الجمال
وجيت اليوم داك في البيت قلت ليهم علمونا أكلة وطلبت المكونات
وجابو كبدة الجمال من سوق تمبول ، والكل حولي يتفرج
بصل طماطم بيض بهارات زيت صلصة والكل مستغرب ماعلاقة كبدة ألبل ؟
ولما شافوني هميت بوضع الكبدة المبهرة على النار ... أعترض الجميع
,انا مصرة على رأيي وأقنعتهم اننا عملناها في المدرسة وطلعت لذيذة
وما كنت أجهله ويعلمه الجميع ، أن كبدة ألبل النار يتبقيها حجر
وطبعًا بقيت كل شوية أجرب ألقاها قوية أزيدها موية... وأُسقط في يدي
أما الكبدة التي تعنيها المدرسة كبدة الخراف
نحن لانعرف لها إستخدام في ذلك الوقت سوى قي المرارة
وبعد داك كلما أجي لناس البيت بشيء جديد من مدرسة التدبير المنزلي
كريم الكرميلا والكفتة ووو...
أجد أمي هالة بت الشيخ الزبير الله يديها العافية عندي فتلزمني مكاني
| |
|
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: بدر الدين الأمير)
|
الأستاذ / أبوعبيدة محمد الأمين
تحية وإحترام
لقد قلت نفسك وقلتنا يوم قلتها : جمال ونقاء ...
فقريبك بدر الدين صاحب الحرف المارد والفكر المتمرد
حوى فلكه كل حقائب الحقب من أدب وفن وسياسة وتأريخ وفلسفة ...
ووعى طبيعة وجغرافية الطوفان
وإن شاء فهو كوكب سيار ينتظم في مداراته الأفلاك
لك وله تحية الجمال والنقاء .
| Quote: (الشم خوخت والبراق برق...) |
ود الأمير ياخي دي بتاعت ناس صعيد
والصعيد هو الجنوب والسافل هو الشمال
صبّح : أتجه شرقا / غرّب إتجه غربا
وكذا سفّل و صعّد
وذلك حسب أطلس الأحاسيس وقاموس المشاعر .
| |
|
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: سمية الحسن طلحة)
|
Quote: Quote: (الشم خوخت والبراق برق...)
ود الأمير ياخي دي بتاعت ناس صعيد
والصعيد هو الجنوب والسافل هو الشمال
صبّح : أتجه شرقا / غرّب إتجه غربا
وكذا سفّل و صعّد
وذلك حسب أطلس الأحاسيس وقاموس المشاعر . |
بت الحسن
سرنى التصويب والتقريع
بس هل من تزويد اخر
الحاردلوا حين قال (الشم خوخت )
نعلم انه عنى بالشم التصغير المحبب وكان يقصد الشمس
بس خوخت تعنى اتخذت حين بدء مغيبها لون الخوخ الحاردلو
وين شاف الخوخ .. وما اصدق واعمق الصورة والتشبيه
| |
|
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: بدر الدين الأمير)
|
ود الأمير
انت لو جيت عندنا في البادية ستتفوق على الكسائي
وتكمل كيبوردات النصارى ...
فالكسائي حينما سأل الفراهيدي قئلا : من أين جئت بعلمك هذا ؟
قال له الفراهيدي : من بوادي نجد والحجاز
فذهب الكسائي للبادية ولم يرجع حتى أفرغ سبع قناني من المداد
Quote: الحاردلوا حين قال (الشم خوخت )
نعلم انه عنى بالشم التصغير المحبب وكان يقصد الشمس
بس خوخت تعنى اتخذت حين بدء مغيبها لون الخوخ الحاردلو
وين شاف الخوخ .. وما اصدق واعمق الصورة والتشبيه |
الشم: من لغة أهل البادية حذف الحرف الأخير من الكلمة تخفيفًا
كقول الشاعر يذم بخيلًا :
إذا عُُلت أربعة فسالا فزوجك خامس وحموك ساد
يقصد ب ساد : سادس ولكنه حذف السين
أما خوخت يعني شابها الفتور والإنطفاء بسبب أن غشاها تخا أو ماشابه
والتخا : نوع من السحب ومفرده تخاية
وعندنا في البادية نستعمل كلمة مخوخة دليل على إعتلال المادة وعدم صحتها
مثلًا نقول الطماطم دي مخوخة أو الكِسرة مخوخة عندما يعلوها نسيج أبيض مثل الشيب
وكذلك نقول للطفل أخ أخ عندما يتناول شيء من الأرض ليأكلة يعني أنه شيء غير صالح
والمعنى العام: أن الشمس قد فقدت لهيبها وسطوعها وبريقها .
| |
|
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: سمية الحسن طلحة)
|
Quote: دكتور عماد اوعك تزور التاريخ
انت بحكم ان والدك مساعد طبيى قديم ومتنقلين بين المدن
كنتو لمن تجو اربجي في الاجازات ولابسين التى شيرتات
وتلفتو نظر البنات ونتراجع نحن للوراء كنا بنكره اليوم
الجابكم ومتين تنتهى اجازة والدكم بس ياعماد انت ليه كنت
حاقر بي ودايما داير تشاكلني حتى لمن اخرتك في البلى تجى
تقلعو مني |
الغالي ودالامير
تحياتي وحبي
طبعا يا بدر البنات الزمن داك شايفين الخرطوم دي زيها مافي
والزول الساكن الخرطوم وبيقرأ في الخرطوم هو دا الحلم والحب
الجميل ونحنا كنا عايشين على كده اولاد الخرطوم جوا اولاد الخرطوم
سافروا وعاملين فيها حبيبين درجة اولى
بالله يا بدر انت لسع متذكر شقاوة زمان والبلي والمشاكل وخرتني
وخرتك والله ايام لها ايقاع بحلوها ومرها
واصلوا سردكم انت والاخت المبدعة سمية فنحن نقرأ ونلتهم هذه
الوجبات الدسمة بشغف
تحياتي واحترامي
| |
|
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: بدر الدين الأمير)
|
Quote: دكتور عماد يادفعة
كتير خير بكرى ابوبكر الخلق لينا ضل ضحى نجتر فيه الذكرى والذكريات |
البدر ود الامير
والله يا بدر فعلا شكرا للاخ بكري ابوبكر ولو لاه ما كنا الان
ننهش في الايام الجميلة ايام البراءة وممكن اطبع على
خدك قبلة حرفيا كما كنا نقراها في الكتب نصيغها في
عباراتنا لمحبوباتناوالآن كل شئ غير لا الزمان هو
الزمان ولا المكان هو المكان ولا الاشخاص هم
الاشخاص اختلط الحابل بالنابل وضـاعت
البراءة وانطمسـت الهوية
تحياتي واحترامي
| |
|
|
|
|
|
|
|
|
|
Re: يابكرى ابوبكر ياخي مستخت علينا إشارة الماسنجر وافقدتها خصوصيتها (Re: عماد الدين عبدالله)
|
Quote:
الشم: من لغة أهل البادية حذف الحرف الأخير من الكلمة تخفيفًا
كقول الشاعر يذم بخيلًا :
إذا عُُلت أربعة فسالا فزوجك خامس وحموك ساد
يقصد ب ساد : سادس ولكنه حذف السين
أما خوخت يعني شابها الفتور والإنطفاء بسبب أن غشاها تخا أو ماشابه
والتخا : نوع من السحب ومفرده تخاية
وعندنا في البادية نستعمل كلمة مخوخة دليل على إعتلال المادة وعدم صحتها
مثلًا نقول الطماطم دي مخوخة أو الكِسرة مخوخة عندما يعلوها نسيج أبيض مثل الشيب
وكذلك نقول للطفل أخ أخ عندما يتناول شيء من الأرض ليأكلة يعني أنه شيء غير صالح
والمعنى العام: أن الشمس قد فقدت لهيبها وسطوعها وبريقها . |
بت الحسن
ماعدمناك ياعارفة
| |
|
|
|
|
|
|
| |
بدر الدين الأمير
عماد الدين عبدالله
khaleel
Siham Elmugammar
haroon diyab
mayada kamal
احمد محمد بشير
أبوعبيدة محمد الأمين
doma
فيس بوك
تويتر
انستقرام
يوتيوب
بنتيريست