كتب الكاتب الفاتح جبرا المتوفرة بمعرض الدوحة
|
ايمن الربع
|
احد الاصدقاء النراوجه يعمل في مجال تنسيق المهرجانات الموسيقيه تحدثت معه عن اقتراح بخصوص مشاركه بعض الموسيقيين السودانين في برنامج الصيف القادم ذكر لي عندكم واحد تمام شفتوا في اليوتوب اسمه ايمن الربع قلت ليهو والله ما سمعت بيهو وما بعرفه يلا العندو معلومات يدينا
|
|
|
|
|
|
|
|
Re: ايمن الربع (Re: محمد زكريا)
|
الاخ محمد زكريا (الربع) استطاع التاثير علي (تذوق) الناس هنا.. يكفيه ان اسمه يكتب بالبوند العريض ويكتب اسم الفنان او الفنانه المرافق بخط اصغر وهو لا يقبل باقل من هذا.. الربع هو صاحب (المقطوعات) المنتشره في اخر الحفلات منذ (القرد) وحتي اخر ساكني الغابه.. الربع (من وجهة نظري) فنان استطاع ان يضع ([صماته) علي (الحفلات) وعلي بدايتها ونهايتها.. بس ... ذي (الحوت)... مااااعنده وجيع..
| |
|
|
|
|
|
|
Re: ايمن الربع (Re: خالد خليل محمد بحر)
|
انا ما فاهمه الزول ده مختلف عن اي عازف في شنو؟؟ غير انه بيتنطط زي ككو حليمه, فهموني انا يمكن ما فاهمه ولا ما عندي نظره فنيه. زيه و زي اي عازف من الثلاثين مليون عازف اللي في السودان
| |
|
|
|
|
|
|
Re: ايمن الربع (Re: Dania Elmaki)
|
http://sudaneseonline.com/cgi-bin/sdb/2bb.cgi?seq=msg&b...d=368&msg=1199536207
رغم أن كل ما يقوم به أيمن الربع لا ينم عن إبداع حقيقي في العزف ولا يعدو كون انه تهريج ومحاولة الإندماج مع إيقاعات الأورغ المعلبة الجاهزة كما السلطانيات داخل العلب ليحظو بأكبر قدر من لفت الإنتباه وسرقة الاضواء عن المغني الواقف أمامه في حيلة ماكرة ومقصودة (بالضبط كما الإستعراض الذي كان يقوم به عازف الدنب المرحوم عبد الله هندي عندما كان عضوا في فرقة عقد الجلاد) ..
إلا أن ذلك لا يمنع أنه يجيد العزف على عدد من الآلات بمهارة أكبر من المتوسط ، ولكن كما أسلفت فأنه يسرق الأضواء عن الفنان الواقف أمامه ..
وهذا ليس عيبه فإن الساحة الغنائية في السودان هذه الأيام لم تعد تهتم بالسؤال عن إسم المغني الذي سيحيي الحفل مثل كان في السابق ولكن السؤال الرئيس هو : العازف منو ؟!!!
أتساءل إن كانت فرقة عقد الجلاد إستغنت عن خدمات عازف الدنب لديها المرحوم عبد الله هندي (رغم مهارته) بسبب ميله للإستعراض الكثير لدي عزفه مما يقوم بسرقة الخشبة من بقية المغنيين والعازفيين ..!!
للأمانة أذكر أن الكثيرين من أصدقائي عندما كنا مدمنين لحفلات عقد الجلاد في أوائل التسعينات في نادي الضباط كل خميس لم يكونوا يحبون الذهاب إلا لمشاهدة حركات وبهلوانيات المرحوم عبد الله هندي التي كان يقوم بها بألة الدنب وربما كنت واحدا منهم في تلك الايام .!!
لا حظو للربع عندما يعزف ....
لم يأت بالبدع أو الجديد .. فقط عدة ضغطات على الكيبورد وعندما يريد لفت الانظار يضغط إحدى أزرار الكي بورد فتعمل الموسيقى تلقائيا ثم يبدأ في الرقص الغريب الاطوار !! فقط للفت الانظار ..
المعروف عن عازفي الأورغ من الشباب في حفلات السودان أنهم يمتازون بالهدوء الشديد والرزينة والسكينة (لا أدري السبب ) ؟؟ وأيمن الربع يريد أن يختلق شيئا مخالفاللفت الانظار وخلق شعبية وأظنه نجح في ذلك !!
اما إذا أردنا مقارنة المستوى الحقيقي لعزفه على الاورغ مع أي مبتدئ أخر فلن تكون النتيجة لصالحه بالتأكيد !!
هذا إذا أستبعدنا الرقص من شاكلة القرد والنبق والركشة وما إلى ذلك مما لا يجيده عازفي الاورغ من الشباب ومراكزه الذين يصاحبون المغنيين والمغنيات في ليالي الحفلات والأعراس في الاحياء ..!!
| |
|
|
|
|
|
|
Re: ايمن الربع (Re: خالد خليل محمد بحر)
|
Quote: طبعا يقال أنو أيمن الربع هو إبن الموسيقار كمال كيلا...المهم أيمن الربع بقى ظاهرة موسيقية وسط الشباب... |
إنا لله ..!!!
أيمن الربع ود كمال كيلا ؟
أيمن الربع أبوهو حي يرزق وموسيقار برضو ..
أيمن أبوهو الأستاذ / صلاح براون _ بتاع موسيقى الجاز وكده .. وهو ود حلتنا وأخونا الصغيروني يعلم الله ..لكن الله قادر فاقت شهرته الآفاق .. وسميناهو الربع عشان قصيروني وضئيل الحجم منذ صغره .. عنوانو : أمدرمان _ العرضة جنوب_ جوار نادي المريخ ..
التلفونات تجيك في المسنجر .. وربنا يوفقك ويوفق ولدنا الربع .. وتحياتنا ليهو كان أتصلتا عليهو ..
محبتي ..
| |
|
|
|
|
|
|
Re: ايمن الربع (Re: كمال علي الزين)
|
Quote: أيمن الربع ود كمال كيلا ؟
أيمن الربع أبوهو حي يرزق وموسيقار برضو ..
أيمن أبوهو الأستاذ / صلاح براون _ بتاع موسيقى الجاز وكده .. وهو ود حلتنا وأخونا الصغيروني يعلم الله ..لكن الله قادر فاقت شهرته الآفاق .. وسميناهو الربع عشان قصيروني وضئيل الحجم منذ صغره .. عنوانو : أمدرمان _ العرضة جنوب_ جوار نادي المريخ ..
|
إضافة إلى هذا فهو الموسيقار الواسع الصيت فى "عامة الشعب" أو هو الأقرب ,,,فعادة ما يطبع اسمه على لوحات ...ولافتات الإعلانات,,, وهو عادة ما يشُد إنتباه الجمهور ,,,أكثر من الفنان حضرت له حفلة فوجدت أنه يعزف ويرقص فى آن واحد ويمتع روحو ,,,بالكامل
| |
|
|
|
|
|
|
Re: ايمن الربع (Re: الملك)
|
Quote: قلت ليهو والله ما سمعت بيهو وما بعرفه |
وكت ما سمعت بيهو و ما بتعرفو .. المضحكك شنو ؟!!
| |
|
|
|
|
|
|
Re: ايمن الربع (Re: Hussein Mallasi)
|
Quote: أتساءل إن كانت فرقة عقد الجلاد إستغنت عن خدمات عازف الدنب لديها المرحوم عبد الله هندي (رغم مهارته) بسبب ميله للإستعراض الكثير |
إن كان ذلك كذلك لكان أدعى أن تستغني عن الخير.
_____ بسبب إسراف الخير في الاستعراض أصبحت أفضل الاستماع لعقد الجلاد بدلاً عن مشاهدتها.
.
| |
|
|
|
|
|
|
Re: ايمن الربع (Re: عبدالله كع)
|
الاخ/كمال على تشكر على تصحيح المعلومة...وفعلا أن ايمن الربع هو إبن صلاح بروان...لقد كنت انوى تصحيح المعلومة التى اوردتها...ولكنك سبقتنى...شكرا لك وعفوا للمعلومة...مع اننى قلت فى صدر مشاركتى(يقال)..عموما مكسب ...
| |
|
|
|
|
|
|
Re: ايمن الربع (Re: خالد خليل محمد بحر)
|
المتداخلون الاعزاء شكرا علي المرور , ح ارجع ليكم واحد واحد طبعا شفت اليوتوب ولقيت كميه من الفيديوهات من الحفلات الخاصه مافي ولا فيديو واحد من حلقه تلفزيونيه او ما شابه طيب الشاب ده لو زي ما بتقولوا عنده شعبيه كبيره وبيمثل ظاهره في الحياه العامه الموسيقيه ليه ما استضافته لحدي الان قناه تلفزيونيه؟؟؟ لماذا لم تتناوله اجهزه الاعلام بعد؟؟؟لم يهتم به المهتمين كلامي صح ولا ما غلط ياربي يكون عشان شكله؟ اسمه؟ حاجات تانيه يعني لو كان شكله طهوي سليمناوي تفرق كتير ولا البحر للبلطي وخشم البنات ليكم الله يا القراقير ظاهره تحير لكن الصيف الجاي ح يتكلموا عنه اكتر و ح يستضيفوه ان شاءالله
| |
|
|
|
|
|
|
Re: ايمن الربع (Re: محمد زكريا)
|
Quote: كلامي صح ولا ما غلط
|
سلامات / أخي زكريا
كلامك هنا ماصح ..
أيمن الربع من أسرة أمدرمانية (واصلة) وليست أسرة مستضعفة ولا علاقة لتجاهل أجهزة الإعلام له بأي مما ذكرت من أسباب تكاد تكون معدومة في حالة الربع تحديداً
أيمن جار للعديد من أصحاب الشأن الإعلامي وأسرته تربطها علاقات مصاهرة كمان بأسر واصلة .. يجمعه الحي ب(د.صلاح الدين الفاضل) شخصياً .. وغيره من الإعلاميين ..
لكن الذي يمنع الربع عن الأجهزة هو (التوجه الحضاري والإسلامي) وكده الربع لو كان بمدح كان سكن الإذاعة عديل ..
الربع مشروعه الفني مع المهمشين ودعاة الحرية _ رغم إنو (ود عز بالمناسبة) أيوة شين لكن ود عز عديل ..
وكمان للمعلومية الربع من أسرة أمدرمانية تتعد أشكالهم وألوانهم وملامحهم
يعني لو سألت ناس العرضة أجمل بنات الحلة منو ؟ حا يقولوا ليك (نونا) حمار وحلاوة وشعر وتصلح عارضة أزياء عديل .. (سماحة البنات) ..
أها أختنا (نونا) دي ملكة جمال الحي هي (شقيقة الربع) ده .. أختو يعني ..!!
وزوجها (خالد الدالي) حسب معلوماتي في غربتي التي طالت إنو إتزوجها أخونا وحبيبنا خالد الدالي ودي أسرة معروفة في العرضة وهم من أعز الجعليين .. ويربطني أنا القدامك ده بيهم نسب ..
العاوز أقولوا ليك أمدرمان مافيها جنس العنصرية دي .. ولا (الربع) شايف نفسو أقل من زول بحكم تربيتو وبحكم مجتمعو الإتربا فيهو ..
وبيت ناس الربع ده قبلة لكل ناس الحلة مفتوح أربعة وعشرين ساعة مضيوفين بناس العرضة والعباسية و(الحلل المجاورة) ..
الربع كان ممكن يتجه لغنى أمدرمان المعروف ده وكان ممكن ينجح فيهو ويدخل الأجهزة من أوسع أبوابا بحكم إنو ود قلبا وكده وعلاقاتو بي أصحاب الشأن الإعلامي قوية وأصيلة وأسرية كمان لكن أصر على مشروع المهمشين ده _ وجمهور من الأطراف بإختيارو وده شئ يحسب له .. يعني ناس الأطراف والمهمشين بقولوا ليك :
الحفلة بالربع يافردة ولا ناكل باسطة ..؟
أنا شخصياً باكل باسطة أحسن لي .. البوديني لي الزول الشين ده شنو؟
لكن كان أختنا (نونا ) السمحة بقت تغني (وحاتك الأعمى يشيل المكسر) وأنا زاتي بنمشو معاهم _ الباسطة ملحوقة ..
):
يا أخي / الربع سيكون له شأن فقد ولى عهد التهميش _ أو كاد وبأيدي (الربع) وأمثالو رغم إنو خارج دائرة المعاناة من التهميش ..
محبتي ..
| |
|
|
|
|
|
|
Re: ايمن الربع (Re: بابكر التوم)
|
محمد زكريا يا فنان بعد كلام اخونا كمال الزين اوعك تعمل نايم وتقول الربع طلع زول ضارب الطراوة وجهوا ليهو الدعوة طوالي شكرا ليكم ده احتفاء يليق بالربع الذي اهمله اهله
| |
|
|
|
|
|
|
Re: ايمن الربع (Re: حيدر حسن ميرغني)
|
الحضور الكريم شكرا كتير واسف علي عدم الردود لكل منكم علي حده والربع ح نخته في البرنامج والبسويها الله بتكون لو تكرمتم فقط احتاج رقم تلفون يوصلنا اليه يمكنكم ارساله في المسنجر او الايميل ====
تخريمه في الاوت
يا كمال اخته كن عرسوها مافي داعي لذكرها تاني....همسا بيني وبينك اها في منو تاني من ملكات الحله وساكنين بي وين
تحيات ابوالزيك حديد
| |
|
|
|
|
|
|
Re: ايمن الربع (Re: كمال علي الزين)
|
Quote: وأنا من جانبي حا أتصل على أمو وأبوهو .. لأنو فعلاً بخافوا عليهو من الهوا الطاير |
شيء طبيعي مش بيقولوا في عين امو غزال يا كمال انا بي حلاتي دي كلها ناس امي وابوي ياشين لامن جيت متخارج من السودان ما كانوا سالين فيني الشغله وفرحانين لحدي ما احترت الناس مبسوطين انهم اتخارجوا مني ولا شنو يا ربي لكن والله ما يفوتك الشينين احنا ديل بهدلنا الخواجات جنس بهدله ====== المهم بطل الاستهتار بتاعك ده وما تحاول تطلع الراجل حنكوش بالحسنه ساي قال امو قال قصدك نسميه ايمن الخلا ولا شنو
Quote: وبالمناسبة أسعده الخبر جداً ورفع من روحو المعنوية لما يلاقيه من تجاهل الإعلام السوداني له ..
|
له الحق ان يسعد واي مبدع بالفطره يستحق رفع روحه المعنويه ليبدع بالمزيد طعا الاحساس ده احسسناه من قبل في مجموعه ساورا التجاهل والتهميش والاقصاء والمعاكاسات من كل الاجهزه ولكن زي ما قلت ليك صبر ======
ياخ انا قلت ليك رسل التلفون في المسنجر تقوم تخته هنا؟؟؟؟ اها اتصلت بيه وما بيرفع يكون اتصلوا بيهو مليون واحد وطيروا قلبو بعدين لمافيا ممكن تهدده وتخوف امه وابوه
اها شوف لينا رقم تاني ورسلو
حلتك زاتو
| |
|
|
|
|
|
|
Re: ايمن الربع (Re: محمد زكريا)
|
الخليفة نذيران ...
Quote: لم يأت بالبدع أو الجديد .. فقط عدة ضغطات على الكيبورد وعندما يريد لفت الانظار يضغط إحدى أزرار الكي بورد فتعمل الموسيقى تلقائيا ثم يبدأ في الرقص الغريب الاطوار !! فقط للفت الانظار .. |
نحنا الما بنعزف أىّ آلة ... بنعرف انو موسيقى الكيبورد الألكترونى البتشتغل تلقائياً دى .... سيدا بيقعد ليها بالساعات الطويلة وبيساهر ليها الليالى يبرمج ويخزّن ... عشان فى العرض لمّا يدوس "ضغطة" أو "ضغطتين" .... تطلع ظابطة ....
وعشان انت بتغنّى ... وآلة الكيبورد ما جديدة عليك ... فأنا بفتكر انو كلامك دا ... ينم عن تعامى للحقيقة مع سبق المعرفة ....
وانا سمعت مزازيك ربنا سبحانه وتعالى ... الكوردات البيضربها "أيمن الربع" دى ما كوردات أىّ زول تانى فى الدنيا ... وبيشتغلها بى "سيكيوانس" يستحق توقيعه الخاص كمبدع متميّز وبديع زمانو ... وإبداعو المفرط هو الأهّلو إنو يكون بالشعبية الزايدة دى ... وبقّاهو موسيقار الهامش الأول ... لأنو انت ما ممكن تختار خيار سياسى انت ما مؤهل ليهو ...
بالنسبة لى باقى التساؤلات افتكر إنو الأخ "كمال الزين" (معانا فى حزب البهجة وكدا) أوفى بالتوضيحات اللازمة ...
والسؤال بتاع الإعلام دا .... ما بيقول أىّ شى غير إنو بكشف فشل إعلامنا المزمن ... الما بدا بى "أيمن الربع" ولا حينتهى بى الإهتمام بى "أيمن الربع" ....
بالله ما كل شوية تهبشونا فى ركن من أركان وجداننا الشعبى ...
... المهم ....
| |
|
|
|
|
|
|
Re: ايمن الربع (Re: تبارك شيخ الدين جبريل)
|
ياتبارك منو (المهم) ؟ الفنان ولا العازف؟؟؟؟؟؟؟؟؟؟؟
المهم الربع مبدع يستحق التشجيع
Quote:
نحنا الما بنعزف أىّ آلة ... بنعرف انو موسيقى الكيبورد الألكترونى البتشتغل تلقائياً دى .... سيدا بيقعد ليها بالساعات الطويلة وبيساهر ليها الليالى يبرمج ويخزّن ... عشان فى العرض لمّا يدوس "ضغطة" أو "ضغطتين" .... تطلع ظابطة ....
وعشان انت بتغنّى ... وآلة الكيبورد ما جديدة عليك ... فأنا بفتكر انو كلامك دا ... ينم عن تعامى للحقيقة مع سبق المعرفة ....
وانا سمعت مزازيك ربنا سبحانه وتعالى ... الكوردات البيضربها "أيمن الربع" دى ما كوردات أىّ زول تانى فى الدنيا ... وبيشتغلها بى "سيكيوانس" يستحق توقيعه الخاص كمبدع متميّز وبديع زمانو ... وإبداعو المفرط هو الأهّلو إنو يكون بالشعبية الزايدة دى ... وبقّاهو موسيقار الهامش الأول ... لأنو انت ما ممكن تختار خيار سياسى انت ما مؤهل ليهو ...
بالنسبة لى باقى التساؤلات افتكر إنو الأخ "كمال الزين" (معانا فى حزب البهجة وكدا) أوفى بالتوضيحات اللازمة ...
والسؤال بتاع الإعلام دا .... ما بيقول أىّ شى غير إنو بكشف فشل إعلامنا المزمن ... الما بدا بى "أيمن الربع" ولا حينتهى بى الإهتمام بى "أيمن الربع" ....
بالله ما كل شوية تهبشونا فى ركن من أركان وجداننا الشعبى ...
|
| |
|
|
|
|
|
|
Re: ايمن الربع (Re: محمد زكريا)
|
Quote: وانا سمعت مزازيك ربنا سبحانه وتعالى ... الكوردات البيضربها "أيمن الربع" دى ما كوردات أىّ زول تانى فى الدنيا ... وبيشتغلها بى "سيكيوانس" يستحق توقيعه الخاص كمبدع متميّز وبديع زمانو ... وإبداعو المفرط هو الأهّلو إنو يكون بالشعبية الزايدة دى ... وبقّاهو موسيقار الهامش الأول ... |
شكرا تبارك
______________ امسح الصورة دي او عدلا يا محمد زكريا او. المهم...
| |
|
|
|
|
|
|
|