|
كتب الكاتب الفاتح جبرا المتوفرة بمعرض الدوحة
|
|
 Re: عقد قران الفنانة افراح عصام على الملحن احمد المك .!! (Re: محمد عمر الفكي)
|
| Quote: المشكلة هسع صديق الموج يكلموهو كيف ?! |
اها قمتو للشماته
هو ز احمد المك ده وكتين عامل فيها ملحن
تاور وعمر احساس ديل ما يلحن ليهم
مالم خلى يلومن لى؟؟
انا عارف كترت اللصيق للموت
والله الزمن العلينا ده
انا بقيت زى الزين بطل الطيب صالح
بس ما اكون مكتول فى حوش
ست الحوش تعرس
انا هين شوفو حبيب نورة..
وا شماتتنا ياحبيب.....
اورورووووووووووووووووووك
اسود علينا وكر ووووووووووووووووووووووووووب،،،
| |
 
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: حسين محي الدين)
|
ولا كان تدينا خبر مسبق نجهز إسعافات الرياض
الخال صديق الموج
الدوام لله
المشكلة هسع صديق الموج يكلموهو كيف ?!
المات منو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
احمد المك ده عمرو كم سنه؟
ود الموج الجاتك في أفراحك سامحتك
اركز ياموج.. وأغاني وأغاني جاب خبر البت..
والله يا ودالموج بِقيت مِتِل < الزين > البِتطراها الليلة ، باكِر تصبِح عروس ..
بالله يا اخوانا الكلام ده كلو لى افراح ولا لى صديق الموج؟؟؟
ناس ما عندها نظر
احمد المك رجل انيق وخاله حسن عطية كان كذلك... وكذلك صديق الموج رجل انيق جدآ وخاله حمزاوى، بس سنيناتو مكسرات ( صديق ما حمزاوى)
على العموم يا موج ولا يهمك انا بتى شبيهة افراح دى ما خالا ليها اى حاجة تعال بنديك ليها
| |
|
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: Hussein Mallasi)
|
Quote: العزيز أبو الأميرة جوان
قول كلام غير دا
ولا كان تدينا خبر مسبق نجهز إسعافات الرياض
تسلم منتظرين البقية |
| Quote: سيف ياخوى الخبر مؤكد جهزوا عربة الاسعاف ساااااكت .!! |
Quote: الخال صديق الموج
الدوام لله
مزمل الخبر ده مابقولوه كده كان تمهد ليه
عشان الصدمه
حان الزفاف وانا حالى كيفن بوصفو |
Quote: تهانينا الحارة
و بيت مال و عيال
.
المشكلة هسع صديق الموج يكلموهو كيف ?! |
| Quote: و هذا الإهداء لحبيب نوره و كل المكسرين. |
| Quote: ربنا يجبر الكسر يا حاج . |
Quote: مليار مبروك للعروسين وبيت مال وعيال
ود الموج الجاتك في أفراحك سامحتك
ياجماعة ورونا بيت العزاء بوين عشان نقوم نشيل الفاتحة مع ناس اسياد اللحم والراس نحن هنا فركة كعب من الرياض |
Quote: الحمد لله يادوب لقينا تفسير لوقوف المك مع أفراح في مسيرتها الفنية..
رغم أنو ما عندها أي امكانات فنية ولا صوت.. مافي حاجة غير الشكل..
وحتى الشكل محل خلاف بين كتير من الناس..
المجاملات وصلت حتى النقطة دي..؟
اركز ياموج.. وأغاني وأغاني جاب خبر البت.. |
Quote: والله يا ودالموج بِقيت مِتِل < الزين > البِتطراها الليلة ، باكِر تصبِح عروس .. أريتك تطرى زولتي .. مُش قالو < البُصبُُر بِعرس مره الراجِل > ..
الرسول أكان تطراها ...
يِمكِن روحي مره تراها ...
بجَنْ لو كُنت يا صاح بلاها ...
بتِطِش بِصيبني بلاها ...
لي أطراها أو عني أنهاها ...
قولها كبدي صابني بلاها ...
قولها ضُلي ماش بوراها |
Quote: وين الصور يا مزمز ؟
الشغلانة قولة خير
ولا عقدتو عديل |
هسع انتو كان هنيتو العريس ده ماكان اخير من كلامكم ده
يعزوا فى اعداءكم يا اوغاد
حبيب نورة الحقنى بى كوز موية بارد
ووووووووووووووووب،،،،،
| |
|
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: صديق الموج)
|
Quote: حبيب نورة الحقنى بى كوز موية بارد
ووووووووووووووووب،،،،، |
عروس وللا داندرمة ؟!!
عروس وللا داندرمة ؟!!
منى سلمان
الرأي العام
نزل حاج (منوفلي) من مقعد سيارته البوكس (دبل كبينة)،وتوجه نحو دكان (عبد الغني) لبيع الأواني المنزلية .. دخل وهو يرفع صوته الجهوري بالسلام، بينما نزل سائقه الخاص ليجلس في ضل الدكان ..
رحب (عبد الغني) بضيفه بشيء من الدهشة متحيرا من السبب (القشّة الدرب) لابن بلدته الثري ودعاه لزيارته في الدكان، خاصة بعد رحوله من الحِلة برفقة نسوانه (الفي لساعة عوزة)، وذلك عندما توسعت أعماله وزاد ثراؤه بصورة صارت مصدرا لتساؤلات وربما حسد أهالي المنطقة ..
جرّ كرسي بلاستيك ووضعه في منتصف الدكان (تحت المروحة)، وصاح على أحد الصبيان الذين يبيعون البارد بـ الدرداقة:
بسراعك يا ولد تعال جيب لينا بارد هنا لي عمك الحاج.
فقاطعه (حاج منوفلي):
موية صحة ساكت يا ولد .. تاني البارد وين مع السكّري الدخل الجسم ؟
حاج (منوفلي) رجل ستيني مربوع القامة متوسط (الصحة) لايشكو من سمنة أو نحافة ولا يعيب شكله (العام)، سوى النمو المطرد لـ (كريشة مستديرة) كانت تزداد بزيادة أكل المطايب والماء البارد بعد تعوده على عيشة النغنغة والراحات .. بدأ الحاج حياته مزارعا كحال أغلبية أهل المنطقة، ولكن عندما قنع من خيرا فيها تحول من الزراعة لبيع المحاصيل، ثم توسع ودخل عالم الإستثمار الواسع ..
كان حاج (منوفلي) مزواجا كثير الذرية، ولم يكن يستنكف من ممارسة عمليات الاحلال والاستبدال كلما رغب في زيادة عدد حريمه ووجد أن جميع الخانات مشغولة، فكان من يقع عليها الدور لمغادرة (حباله)، ترضى بقسمتها في صمت وتكتفى بتربية ابنائها منه تحت كنفه ورعايته المباشرة، فالشيء الوحيد الذي لا يختلف عليه اثنان هو محبته لجميع ابناءه ومعاملته لهم بدون فرز ..
عندما عاد (عبد الغني) للحِلّة كان أول ما فعله بعد أن خلع جلبابه ووضعه على الشماعة، مناداة ابنته الصبية (عواطف) الطالبة بالمرحلة الثانوية .. سألها بدون مقدمات:
انت يا بنية حصل قابلتي حاج (منوفلي) بتاع الشاحنات الكان جارنا هني في الحِلّة؟!
بقليل من التلعثم والاضطراب أجابته (عواطف):
أأأي يا أبوي .. يومو الجا لي فاتحة (العافية بت جبر الدار) .. لاقانا أنا والبنات في درب المدرسة قام وصلنا معاهو .. حتى سألني قال لي انتي بت منو يا بنية ؟ قمتا وريتو .. في شنو يابا ؟
صرفها (عبد الغني) باشارة من يده:
لالا .. مافي عوجة أمشي ونادي لي أمك
لم ينقطع النقاش الحامي بين (عبد الغني) وزوجته حتى ساعة متأخرة من الليل، بعد أن أخبرها بطلب حاج (منوفلي) ليد ابنتهم (عواطف) .. سهرا يقلبان الأمر، كان (عبد الغني) يميل للموافقة، ولكن زوجته كانت تصر على رفض الموضوع بدون مناقشة .. قالت لزوجها بغضب:
يا راجل انت الله ما بتخافو .. منوفلي ده ما أكبر منك وأولادو أكبر من بتك المسكينة الداير تبيعا ليهو ؟ وبعدين انت نسيت إنو (شريف) ود أختي روحو معلّقة فوقا وراجيها بتين يا الله تتم الثانوي عشان يجينا ؟
أجابها (عبد الغني):
الراجل كمان بعيبوهو بالصغر والكبر .. الراجل عيبو في جيبو .. وبعدين عاجباك الحالة النحنا فيها دي ؟ السوق حالو واقف .. والله أنا اليوم كلو مرات ما ابيع لي دستة كبابي وآخر الاسبوع أكوس لي حق الحافلة البتجيبني ليكم راجع .. أسكتي ساي وخليها مستورة
انتشر خبر طلب حاج (منوفلي) ليد (عواطف) بسرعة البرق، وتناقلته مجالس النميمة والشمارات في الحِلّة وسرعان ما وصل الخبر لأذني (شريف) فدخل في حالة من الحزن والدبرسة وصام عن الكلام ورفض التفاهم مع أحد .. وفي نهاية الأسبوع الثاني اجتمعت الأسرة لتفتي بصورة نهاية في طلب حاج(منوفلي) حسب اتفاقه مع (عبد الغني) للحضور واستلام الرد .. ارتفع الجدل مرة أخرى خاصة عندما حكى شقيق (عواطف) عن حالة (شريف) الصعبة وضرورة الالتزام بالوعد الذي قطعته له الوالدة من قبل، ولكن حبوبة (السارة) والدة (عبد الغني) قاطعت حفيدها في غضب:
نان قالولك (عواطف) داندرمة لامن ندّيها لي (شريف) نسكّتو بيها ؟ (منوفلي) وبس .. عشان نشبع لحم ونرتاح كلّنا لـ جنا الجنا !!
| |
|
|
|
|
|
|
|
|
 Re: عقد قران الفنانة افراح عصام على الملحن احمد المك .!! (Re: SHIBKA)
|
ياشباب بالله واحد شفت كده يفتح لينا بيت عزاء لود الموج وكده ... أنا الايقونات والتحميل ما شغالا معااااي .... أيدكم بالله ينالكم ثوااااااب .....
ود الموج وووووووووووووووووووووب عليك والرماد كالك وكال حبيب نورة ... وووووووووووووووووب اسود عليكم الاثنين والثلاثاء زاااااتو ياخ ....
| |
|
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: اسعد صلاح البدري)
|
يا اخوانا ... دقيقة بالله
اولا سعدت جدا لزواج اخى " الاصغر " احمد حامد المك .. لانه كان " عازفا" عن الزواج !
و بحكم الحى " الخرطوم تلاتة " عرفناه راجل " ميز " و " حبيب " و بموت فى " Chix " و كنا عارفين ما راح يقع بسهولة !
و بقدر سعادتى لاخى احمد .. حزنت " للشاكوش " اقصد " المرزبة " التى اصابت نافوخ اخى " ودالموج"
و لم اجد غير ترديد قول شاعرنا عثمان خالد - الغريبة انو عثمان خالد ذاتو- " مشوكش " من احدى " حسان " الخرطوم تلاتة:
يا قلبى يا مكتول كمد .. اعصر دموع .. هات غنوة لسيد البلد !
المهم يا ود الموج انت بس تابع برنامج " نجوم الغد " .. حواء وااااااااااااااااااالدة !
حسى الواحد ما عارف ياخد اجازته يمشى الخرطوم للعرس و الا الرياض للعزاء !
غايتو .. جنس محن
" قال رابطة معجبى افراح عصام .. قال "
| |
|
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: فادية اليمني)
|
اولاً
التعازى الحرى للعزيز ود الموج في مصابه الجلل 
ثانياً
ح نقول مبروك ، لكن افراح لو شاورتني قبل العقد كنت ح اقول افراح دي صغيرة وماكان تستعجل على الخطوة دي نهائي ، البت لسه يدوب ح تبقى نجمة ، مافي اي داعي للارتباط حتى لو كان ح يعملو دويتو.... يعني انا اتنبأ بان يحدث لافراح تحجيم رهيب ، وما تقولي هو موسيقار وهو الراعي بتاعها وما ادراك في النهاية هو حيكون زوجها..... بس كان تتريث شويـــــا..
رايي وقلتو بشفافية،،، لكن مبروك وبيت مال وعيال ، والاغنية الجاية للعروسين وصديق الموج
| |
|
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: شمائل النور)
|
انا عارف مزمل صاحبى هسه بقول ليكم
معاكم الكاميرا الخفيه
نذييييييييييييييع والا لالالالالالالالالالالالالا
وانت يا اوغاد يا شمتانين البورد ده مابشيلنا تانى
اولاد الهرمــــــــــــــــــــــــــــة
يلا قول يا مزمزة...
ندلغوا كان يكضب الشينة..
باقى الثقيل ساكن بحرى
قريب بيت البكاء...
ياجماعة بالله اطلبوا الافراح بسرعةاقصد الاسعاف،،،
| |
|
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: صديق الموج)
|
Quote: انا عارف مزمل صاحبى هسه بقول ليكم
معاكم الكاميرا الخفيه
نذييييييييييييييع والا لالالالالالالالالالالالالا
وانت يا اوغاد يا شمتانين البورد ده مابشيلنا تانى
اولاد الهرمــــــــــــــــــــــــــــة
يلا قول يا مزمزة...
ندلغوا كان يكضب الشينة..
باقى الثقيل ساكن بحرى
قريب بيت البكاء...
ياجماعة بالله اطلبوا الافراح بسرعةاقصد الاسعاف،،، |
الليلة ووووووووووووب ... ووووووووب
ألحقوا الخال
استغفر ابوي ...استغفر
| |
|
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: انور التكينة)
|
هوي يا ناس هوي
والله بطريقتكم العرس ده ممكن يطرشق
بدل ما تباركوا للعرسان شابكننا ود الموج ونوره
هسع لو ود المك ده مسكتوا الغيره وحرت العرس واليوم الفكر فيه
غايتوا انا البلوكو اسم عروستي بطلع دينهم ظاتو
ولا هي زاتها هسه كن غيرت رايها وقالت ود الموج يا حبيب
اتلعثمت يعني وقاصده ودالمك ياحبيب نوره...
المهم
| |
|
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: محمد سنى دفع الله)
|
Quote: كده دخلونا الفيلم ده
افراح دي منو
واحمد المك ده منو
وشنو علاقتهم بي صاحبي
صديق الموج ؟؟؟؟؟ |
السنى يا من كنت فيلى اقصد صديقى...
باقى انا سيد الفيلم وبتخيل شرحى بكون احسن من شرح الناس:
افراح ده محل تاجير كراسى وزينة وصيوانات.
زى مافى افراح كزام، وافراح الشماليه، دى اسمها افراح عصام..
احمد المك ده الغنت ليه بنونة وقالت:
ود المك عريس خيلا بجن عركوس.
اما علاقتهم بصاحبك صديق الموج فهى علاقة طردية
بمعنى طردوه او كرشوه او عفصوه عفصة فيلك القدرك ده للفار
(الله يشهد الفار انا قايلو سيجارة)
من شدة ما العفصة حرقتنى والا حرقتوا ايهم اقرب الى الشفقه
هسه انا ولا زعلان منك ياود المرحومة..
ووحيات خوتك المافى ليها داعى كان شماتك بقت قدر وزنك ده انا مابزعل
منك انت يابتاع دول العالم المتحضرة اى شى منك مقبول نعمنك
ما متحضر وياحليلك ياالسنى وحليل كرشك الكبيرة البتلقط فيها
اليوم كلو زى حمام الحرم انا مازعلان منك.
اقول قولى هذا واستغفر الله لى ولك واسأله ان يتوب عليك من التمثيل
ومحاكاة الناس عشان انا بحبك وما زعلان من شمتك على،،،،
| |
|
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: صديق الموج)
|
يااخوانا الشمار الجانى قالوا الزول ده مشى عشان يخطب بس
قامواعقدوا ليهو طوالى كان لسه عايز يدرسه اكتر لكن ما ادوه
فرصه كان متوتر من حكاية العقد السريع ده لكن بعد ماانفرد بيها
بعد العقد قال ليها عندى ليك سؤال واحد قالت ليه اسأل قال ليها
فى شى بينك وبين ود الموج قالت ليه ود الموج ده زى اخوى وماعندى
ناحيتو اى شعور... طوالى ضحك وقال ليها مبروك ورجع البيت مطمئن
ونحنا بنبارك ليهم وبيت مال وعيال يافروحه يابت جيرانه
| |
|
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: خالد حامد الجزولي)
|
يا جماعة عمنا صديق الموج عرفنا الحصل عليه شنو ... المشكلة فى حبيب نوره حصلوه و شوفو الحصل عليه شنو .... سمعت قالو فى واحد انتحر فى النيل امبارح...... شوفو الموضوع ده ...
عمنا الموج و لا يهمك و الدنيا مليانه افراح .....(وش ما فيه اى شماته)
على العموم خطوة المك ممتازة جدا عشان افراح تحسم مشوارها الغنائى و تتفرغ لشىء بتقدر عليه كان عرس كان اولاد ...
ما بنقدر نستحمل الاثنين يا المك يا افراح ...
| |
|
|
|
|
|
|
|
|
 Re: عقد قران الفنانة افراح عصام على الملحن احمد المك .!! (Re: مزمل خيرى)
|
وقطع خيري الخبر باليقين والدليل القاطع واكمله الحبيب عضو البورد المختفي من زمااااااااااان الاستاذ صلاح الباشا (بالمناسبة دى من اوائل بورداب الدوحة قبل العودة للسودان) بشبكة وصورة وعقد قرآن يعني الموضوع جاااااااااادي انا من امس شاكي في جريدة الدار لانو اخبارها ملفقة وما مضمونة وبتاعت ترويج للاشاعات ولكن بعد كدا ما في كلام بعد صور وكلام الباشا.
فالف مبروك للعروس والعريس
وبعد كدا ياجماعة الموضوع بقى ما يتحمل انو الناس تتكلم فيه سلبا او ايجابا لانها اصبحت في عصمة رجل وبالتأكيد مطلع على هذا المنبر او تصله ما كتب هنا فكفوا عفاكم الله عن الخوض في هذا الموضوع مرة أخرى
| |
|
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: بكري الخير)
|
Quote: يااخوانا الشمار الجانى قالوا الزول ده مشى عشان يخطب بس
قامواعقدوا ليهو طوالى كان لسه عايز يدرسه اكتر لكن ما ادوه
فرصه كان متوتر من حكاية العقد السريع ده لكن بعد ماانفرد بيها
بعد العقد قال ليها عندى ليك سؤال واحد قالت ليه اسأل قال ليها
فى شى بينك وبين ود الموج قالت ليه ود الموج ده زى اخوى وماعندى
ناحيتو اى شعور... طوالى ضحك وقال ليها مبروك ورجع البيت مطمئن
ونحنا بنبارك ليهم وبيت مال وعيال يافروحه يابت جيرانه |
لا .. لا يا مدثر .. قالت ليهو وإنت الصادق ( ود الموج دا زي جدي أبو أبوي )
| |
|
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: عادل جبارة)
|
الأخ الباشمهندس بكري أبو بكر
أرجو إضافة الأيقونات التاليةبعد تصغيرها إلى سقف الغرفة ( سقف غرفة عزاء ود الموج وآخرين ) ..**
وذلك بغرض التسهيل على الزوار " تلاحظ اهتمامكم بالأيقونات في الفترة السابقة "
خاصةً وانو البوست ده مرشح يلحق بوستات الشعبية ، بري ، الهندسة ، الزقازيق >>>> الخ
  
___________________________
** أنا ما معاهم " ما تجيبوا لينا الكفوة
| |
|
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: عادل جبارة)
|
QUOTE]يا جماعة عمنا صديق الموج عرفنا الحصل عليه شنو ... المشكلة فى حبيب نوره حصلوه و شوفو الحصل عليه شنو .... سمعت قالو فى واحد انتحر فى النيل امبارح...... شوفو الموضوع ده ...
عمنا الموج و لا يهمك و الدنيا مليانه افراح .....(وش ما فيه اى شماته)
على العموم خطوة المك ممتازة جدا عشان افراح تحسم مشوارها الغنائى و تتفرغ لشىء بتقدر عليه كان عرس كان اولاد ...
ما بنقدر نستحمل الاثنين يا المك يا افراح ...
|
منار محسوب .....كيف حالك
قلتى لى الدنيا مليانه افراح وما شمتانه؟؟
يا حليلك خلاص صدقتك تب
الله يشهد الشماته ظاهرة فى عيونك المنططات زى القعونجه العافصه الزير.
والله يا بت اخت مانى قايلاك بتشمتى على خالك زى الاوغاد ديل
بكرى الخير ومحمد عمر الفكى ومن لف لفهم..
لكن الشواكيش ما كملن ،والله يكضب الشينه والشاكوش،بس كان حصل
يانى الجاى المنبر يى دلوكتى
والبادى اظلم،،،،
| |
|
|
|
|
|
|
|
|
|
Re: عقد قران الفنانة افراح عصام على الملحن احمد المك .!! (Re: omar arbab)
|
Quote: يا جماعة عمنا صديق الموج عرفنا الحصل عليه شنو ... المشكلة فى حبيب نوره حصلوه و شوفو الحصل عليه شنو .... سمعت قالو فى واحد انتحر فى النيل امبارح...... شوفو الموضوع ده ...
عمنا الموج و لا يهمك و الدنيا مليانه افراح .....(وش ما فيه اى شماته)
على العموم خطوة المك ممتازة جدا عشان افراح تحسم مشوارها الغنائى و تتفرغ لشىء بتقدر عليه كان عرس كان اولاد ...
ما بنقدر نستحمل الاثنين يا المك يا افراح ... |
منار محسوب قولتى لى ولا شمتانه
ايووووووووووووه لاخلاص صدقتك تب
وحاتك الشماته ظاهرة فى عيونك المنططات زى القعونجه العافصه الزير..
والدنيا يا بت اختى سداية ورضايه
والله كان حصل الشاكوش يانى الجاى بى دلوكتى المنبر
اصبرى انت وبقية الاوغاد،،،
| |
|
|
|
|
|
|
|
مزمل خيرى
سيف بخيت موسي
مدثر قرجاج
المعز ادريس
Fathi Ali Mohammed
عادل التجانى
صديق الموج
محمد عمر الفكي
ebrahim_ali
عزام حسن فرح
nazar hussien
معاوية عوض الكريم
Hussein Mallasi
وليد محمد المبارك
حسين محي الدين
عبد الرحيم محمد عبد الرحيم
هيثم درار
علاء الدين صالح
SHIBKA
معتز القريش
Nasruddin Al Basheer
الامين موسى البشاري
عمار عوض
بشير حسـن بشـير
اسعد صلاح البدري
ابو عثمان
Mohd Mubarak
يوسف محمد يوسف
باسط المكي
فادية اليمني
شمائل النور
mayada kamal
فايزودالقاضي
ارصد محمد جلال
خالد حامد الجزولي
Mamoun Ahmed
khaleel
بكرى خليفة صديق
انور التكينة
abdalla osman
محمد زكريا
Dr.Elsadig Abdalla
محمد سنى دفع الله
عبدالله السفاح
بكري الخير
عمران حسن صالح
احمد محمد بشير
حبيب نورة
ادهم عبد الرحمن نصر
Mohammed Ahmed Saeed
omar arbab
Abd Alla Elhabib
وجن
فيس بوك
تويتر
انستقرام
يوتيوب
بنتيريست