|
Re: إنتو المنتخب الإتغلب امبارح دا..منتخب الجيران ولا شنو ؟؟؟ (Re: Abdlaziz Eisa)
|
الأخ محمود مصطفى
ماذا يعني أن يصل منتخبنا إلى نهائيات الأمم الأفريقية
بغانا بعد ثلاثين سنة ... اذا كان هناك تخطيط سليم فالمفروض
أن يكون متواجد على (أقل تقدير ) في البطولة التي تليها .
لكن أن لا يتأهل وفي نفس الوقت متذيل مجموعته بنقطة يتيمة
وانتزعناها من ارضنا ... لا أمل لنا إلا في بطون أمهاتنا أن ينجبوا لنا
جيل لم يرى حالنا هذا ..
وياريت لو كان منتخب الجيران ...
| |
|
|
|
|
|
|
Re: إنتو المنتخب الإتغلب امبارح دا..منتخب الجيران ولا شنو ؟؟؟ (Re: ممدوح عثمان)
|
Quote: ماذا يعني أن يصل منتخبنا إلى نهائيات الأمم الأفريقية
بغانا بعد ثلاثين سنة ... اذا كان هناك تخطيط سليم فالمفروض
أن يكون متواجد على (أقل تقدير ) في البطولة التي تليها . |
تساؤل وجيه...وكلام في محله...ومعك ننتظر الإجابة...فهل من مجيب؟؟؟
شكراً .. ما في طريقة تانية غير بطون الأمهات ديل؟؟
يعني داون لود..استنساخ..أي حاجة كدا.. إن شاء الله فوتوكوبي
حزين أنا
| |
|
|
|
|
|
|
Re: إنتو المنتخب الإتغلب امبارح دا..منتخب الجيران ولا شنو ؟؟؟ (Re: يوسف محمد يوسف)
|
Quote: قلت لى الفريق التغلب دا اسمو شنو ؟ |
منتخب السودان القومي..
عادي جداً...
تصدق يا ريس الواحد مرات كدا قاعد يخجل إنه عندنا منتخب..
يعني ممكن تقول لأي واحد إنك هلالابي أو مريخابي...
قاعدين نتأهل لدور التمانية ودور الأربعة ونلعب نهائيات زاتو.
لكن المنتخب بنفس الأسماء تقريباً جايب لينا الكفوة داااااايماً
الله يصلح الحال يا ريس..وشكراً على مرورك من هنا..وهو مرور العارفين
| |
|
|
|
|
|
|
Re: إنتو المنتخب الإتغلب امبارح دا..منتخب الجيران ولا شنو ؟؟؟ (Re: Abdlaziz Eisa)
|
Quote: اللاعب جزء من المواطن الغلبان.. رجليه في الملعب لا تثبت بالدولارات.. لكن بالدعم والحمية الوطنية.. لكن دي نجيبها من وين!!!!!!!!!!!!!!!!!!!!!!!!!!!!!!!!!!! |
كلام في السلك يا عبعزيز...
الأولاد ديل عشان ما نظلمهم...
ممكن عندهم وطنية وأي حاجة..
لكن ما بعرفوا يلعبوا كورة..
يعني عندك 40 مليون نفر...
معقول ما في من بين الأربعين مليون ديل كابتن غير علاء الدين شلاليت؟؟
ولا يعني عشان هو بالصدفة لقى نفسه في المريخ ومن ثم الهلال.. والموضوع بقى سالك معاهو..
كنا نطالب في السابق باستقالة أو إقالة ناس الاتحاد..لمغادرة مقاعدهم..
الآن نطالب الأخوة في الاتحاد باختيار وسيلة مناسبة للانتحار.. لمغادرة الدنيا دي..
شكراً عزيزنا
| |
|
|
|
|
|
|
Re: إنتو المنتخب الإتغلب امبارح دا..منتخب الجيران ولا شنو ؟؟؟ (Re: Mahmoud Mustafa Mahmoud)
|
كيفك يا محمود .. سلام وشوق شديد ..
والله هزيمة منتخبنا دي واجعاني شديد .. البلد الفقر دي ما فيها حاجة تفرح نهائي .. منتخب لا أب له الدولة والوزارة والإتحاد رافعين يدهم منه .. والغريبة كلهم عايشين عليهو .. مدرب فرضه الدكتور شداد على الشعب السوداني وما جنينا منه غير الخراب .. شداد ذات نفسه لا يعرف حاجة عن المنتخب لا يحضر له تمرين ولا مباراة .. تابعت التصفيات الأفريقية منها والعالمية المؤهلة لكاس العالم 2010 بجنوب أفريقيا وتابعت كذلك كأس العالم للشباب المقام بمصر لاعبين يلعبون بحماس وغيرة شديدة ولا تلين لهم عزيمة عند الهزيمة .. أما لاعبينا قدر العندهم ما قصروا ياها قدرتهم يجيبوها من وين .. الواحد قبل ما تصله يقع تقول عنده ملاريا وهي أصلاً ما مارقه من جلدهم .. قبل المباراة بيوم كتبت بوست عن حال المنتخب وكنت أتمنى أن يجد المنتخب حظه من الاعلام .. ولكن للأسف زول شغال بيهو مافي عشان كده سميناهو يتــــيم البلـــــد .. أضغط على الرابط .. لك التحية والتقدير ..
| |
|
|
|
|
|
|
Re: إنتو المنتخب الإتغلب امبارح دا..منتخب الجيران ولا شنو ؟؟؟ (Re: معتصم دفع الله)
|
الغالي معتصم..
منور والله...ياخي من ديك وعيييك؟؟
Quote: والله هزيمة منتخبنا دي واجعاني شديد .. البلد الفقر دي ما فيها حاجة تفرح نهائي .. منتخب لا أب له الدولة والوزارة والإتحاد رافعين يدهم منه .. والغريبة كلهم عايشين عليهو .. مدرب فرضه الدكتور شداد على الشعب السوداني وما جنينا منه غير الخراب ..شداد ذات نفسه لا يعرف حاجة عن المنتخب لا يحضر له تمرين ولا مباراة .. تابعت التصفيات الأفريقية منها والعالمية المؤهلة لكاس العالم 2010 بجنوب أفريقيا وتابعت كذلك كأس العالم للشباب المقام بمصر لاعبين يلعبون بحماس وغيرة شديدة ولا تلين لهم عزيمة عند الهزيمة .. أما لاعبينا قدر العندهم ما قصروا ياها قدرتهم يجيبوها من وين .. الواحد قبل ما تصله يقع تقول عنده ملاريا وهي أصلاً ما مارقه من جلدهم .. |
كلامك جميل وحاسي بالوجعة من بين كلماتك...
لكن قسطنطين السجمان دا.. حقو الناس ما يستعجلوا عليهو...
يعني يخلوهو ياخد فرصة...
الكابتن خالد الشنيف قال لمصطفى الآغا في صدى الملاعب..
منتخب السودان عندهم مشكلة في التدريب... ما في مدرب دربهم سنتين على بعض..
معاهو حق طبعاً.. حتى مازدا بي سجمو ورمادو دا.. سنة في والسنة البعدها ما في..
وبالبلدي بتاع أولاد المزارعية: قسطنطين ماسك واطاة كعبة..عايزة نضافة وتعب شديد..
لا أتوقع أن ينجح أعتى مدرب في تحقيق (محصول) حقيقي غير الضريسة والسوريب..
الأولاد عايزين شغل شديد..
شكراً لك وتفضل بقبول صادق الود والاحترام
| |
|
|
|
|
|
|
|